شنو يعني اذا صرت محققه بالمخفر؟؟؟

[alb7ranya17]

انا اقول توكلي على الله مافيها شي اذا اشتغلتي بمخفر خو مكان عمل مو رايحه الملاهي عشان محد يعجبه المخفر حاله حال اي وزاره

 

[cadbury]

الله يوفقج مافيها شي
دام داشه باحتشامج ولبسج مستوور مافيها شي بما ان الشغل اغلبه مع رياييل اهم شي لبسج مستوور
يبا توكلي على الله وان شاءالله تنقبلين

اي اكيييد اهم شي اللبس
حبيبتي مشكوووره

 

[cadbury]

انا اقول توكلي على الله مافيها شي اذا اشتغلتي بمخفر خو مكان عمل مو رايحه الملاهي عشان محد يعجبه المخفر حاله حال اي وزاره

ماتقصرين حياتي الله يسهل

 

[~*~الملكة~*~]

تدررين عاد هذا اول سبب خلاني اهد الحقووق واقبل البدنيه معنها حلم حياتي بس خفت على نفسي لو بتزوج باجر ريلي يتضايق وما اتهنى من المشاكل اكل قلت من اولها اصلي استخاره والحمدلله صليت وارتحت عالبدنيه وهديت الحقووق قلت ماتسوى علي اتطلق وتصير مشاكل مع ريلي لا تزوجت اكييد الرياال بيغاار ويحقله يغاار لان انتي بتكونين زوجته يعني حلاله وشرفه وعرضه والصرااحه هذا اللي ببالي من زجهه نظري معني اصلح بمجال الحقووق كل مافي شخصيتي غير حبي للرياضه حقووق احب ادافع واحاجج بس يالله ما علييه الله عوضني ومرتاحه بمجالي ومستانسه كافي الرشاقه طوول العمر والصحه انشالله

:dddds: شدعوووه تتطلقيييين علشانج محاميه اغلب المجالات فيها اختلاط ماوقفت على المحاماة

قولي معدلي ماسمح لي ادخل حقوق ورحت بدنيه مووهديت الحقووق

الله يوفقج بمجالج

والله يوفقنا بمجالنا وماشاءالله الكويت مترووووووووووسه محاميييييييات ويالله يارب تزيدهم :eh_s(6):

حبيبتي كادبوووري مثل ماقتلج بالبدايه ارضاء الناس غايه لاتدرك حتى يمكن لو تشتغلين مدرسه في ناس مايعجبهم

اهم شي انتي وعايلتج موافقين ومرتاحين من قراركم

والله يووووفقج ان شاءالله

 

[~*~الملكة~*~]

كادبووري شوووفي زميلتنا شرووق مقدمه طلب انها تصير وكيلة نيااابه :eh_s(6):

وان شاءالله يقبلووونها وراح تكون اول وكيلة نيابة بالكووويت

فلاتخافيييين من شغل المخفر اذا انتي مقتنعه وخلي هالشي حافز لج

كل شي بالبدايه صعب تقبل امره لكن مع الوقت يصيررر عاااادي

وايد مواقع وجرايد متكلمييين عن هالموضوع


http://www.nationalkuwait.com/vb/showthread.php?t=79042


http://www.awan.com/pages/local/223177

http://www.aldaronline.com/AlDar/AlDarPortal/UI/Article.aspx?ArticleID=70362

 

[cadbury]

هلا يا الملكه صج اثبتي انج ملكه بكلامج
تسلميييين حياتي و مشكوووره عالمواقع
شوفي يا قلبي انا عن نفسي ليلحين ما قررت بس امي و ابوي مشجعيني و ابوي ما عنده مانع بالعكس
بس عمامي و خوالي محد مشجعني يمكن بس خالتي
والله مادري الصراحه تعبت وانا افكر
الله يكتب الي فيه الخير

نورتي الموضوع حبيبتي:eh_s(6):

 

[! بــدويه وآآيــد !]

:~


حبيبتي مآ أبــي اسوي روحــي فلتــه وأقــول عـآدي مآلج شغـل بغــيرج ..~


احنآ بالكويت واالأغلــب عندنآ حتى لو تندعم سيآرة اخته او زوجته تدق على قولتهم أختـي مآتدش مخآآفر صح او لأ !! مع ان مو مسويه شي غلط لكـن نظرة النآآس ..~


انتي شوفي اهلــج ورضآهم عليج ومجتمعــج فيه عوآيل يتقبلون فيه لأ انتي ادرى بالبئيه الي انتي فيهآآآ وعسى الله يوفقــج حبيبتي ومبرووك التخرج ولو انهآ متأخره لوول


:~

 

[cadbury]

thanx

 

[ميمونيه]

مو حلووه تشتغلين مع رياجيل حييييل صعب

صيري باحثه قانونيه اريح للبنت دامج خريجه حقوق

مع ان كادر المحققين اعلى بس شتسوين

 

[غلاي غير]

الله يوفقج ياقلبي بالشغل الي يريحج وتستانسين فيه

 

[cadbury]

مو حلووه تشتغلين مع رياجيل حييييل صعب

صيري باحثه قانونيه اريح للبنت دامج خريجه حقوق

مع ان كادر المحققين اعلى بس شتسوين

بس كل مكان في رييايل !!
انزين ليش الوضع عادي عند الدكتوره تشتغل مع دكاتره رياييل لا وعندها خفارات و تاخر عن البيت
ليش التحقيقات عيب وفشله !!!

 

[cadbury]

الله يوفقج ياقلبي بالشغل الي يريحج وتستانسين فيه

ما تقصريييين يا الغاليه

 

[ms_5ajoola]

اي عاادي شنو المشكلة الحين البنات صاروا شرطة وظابط يعني يت على المحققة مافيها شي وداام فيها خدمة الكويت وشغلى موو حراام ليش لأ

 

[cadbury]

مشكورة

 

[ولهااااانه]

عادي ياحبيبتي
حنا الحين بالقرن 21<<<<<<لول لول لول والله مادري اي قرن
المهم انه مافي فرق بين الحرمه والرجل
ومبرررررررروك عالتخرج

 

[cadbury]

الله يبارك فيج يا قلبي ما تقصرين

 

[توته وااااااااو]

عااااااادي ما فيها شي

 

[cadbury]

عااااااادي ما فيها شي

ثانكس عالمشاركه

 

[nazek_q8]

واااي ياحظج ودي اكون محققه

توكلي على الله ولا تلتفتين حق كلام الناس

يمكن اليوم الوضع غريب شوي بس بعدين بصير شائع ومثل ماتشوفين البنات دشوو وايد مجالات وانتي مجالج حلو

 

[cadbury]

والله مادري حدي محتاره كل يوم عن يوم قاعده اكره التحقيقات مادري ليش
الله يسهل انشاءالله والله يكتبلي الي فيه الخير