شنو يعني الصباحيه ؟

[ام خدود ورديه]

السلام عليكم

بنات بليز شنو يعني الصباحيه شنو يصير يعني انا عيميه ريلي حبيبي بدووي

منو راح ايي اهله ولا اهلي ؟ عشا ولا غدا ولا ريوق؟ في هدايا ؟ ومن منو؟ شالسالفه يعني
في ناس اتقولي دي جي ورقص وناس اتقول قعده عاديه
مادري شلوون احس روحي ظايعه واستحي اسأل خالتي

 

[دلوعة روحي]

انا عيمية حالي حالج

و مادري شالسالفة

ان شاء الله خواتنا البدويات يساعدونج

ادري ما يقصرون

 

[ناتشوو]

الناس غير عن بعض
في البعض يسوون حفلة
والبعض
بس أهل المعرس يمرون يسلمون عالمعاريس
وفي ممكن يتعشون
عادي اسألي
حتى البدو بين بعضهم البعض يسألون
لأن كل بيت غير عن الثاني

 

[دبدوبه شيك]

حبيبتي آنا بدويه وحنا في الغالب نسوي صباحيه اللي هي الليله الثانبه من الزواج تكون حفلة دى جى وعشاواهل المعرس هم اللي يسوونها وتنزل العروس لهم بآخر كشخه ,والعروس يسوولها اهلها عشا رد اسبوعها,اما اذا قصدج عن الصباحيه فهذه تكون من المعرس ويعطيج اللي ربي يقدره عليه بعضهم فلوس وبعضهم ذهب كل واحد حسب مقدرته صج نسيت اقولج بالحفله الاولي الغالب منهم يجيب هديته وياه حق العروس ومبروووووووووووووووووووووووووووووووك مقدمممممممممممما .

 

[al-musk]

شوفي قلبي..

هو عشا..حق اهل العروس والمعرس المقربين .. كشخي ولبسي بدلة حفلة خاصة واذا في حفلة وديجي روحي صالون..سألي زوجج يسال امه بيكون حفلة وطقطقة وتحتاجين تروحين تسوين شعرج ومكياجج بالصالون ولا لا

 

[ام خدود ورديه]

اها عيل لازم اساله يسأل امه
مشكورين بعد عمري ماقصرتو والله يبارك فيكم :*

 

[الدلوعة أمون]

حبيبتـــــــــــــــــــــــــــي الصباحيه تكون هديه يقدمها الزوج لزوجته ..............

ولازم يجونج اهل المعرس واهلج بالهدايا يعني يزورونج

بالتوفيق

 

[جوريا20]

هلا حبيبتي اول شي مبروك الله يهينج ويبارك فيه

الصباحيه تكون ريوق وقعدة عاديه الحريم يقعدون والعروس تروح الصالون تكشخ وتقعد عنهم

 

[ملكة الهدوؤوؤوء]

موفقه

 

[جميله وجذابه]

انا مو عيميه ولا بدويه انا حضريه و هم ما اعرف شنو يعني صباحيه و سمعت انها اتكون حفله الصبح تلبسين نفنوف حفله و تختبين تروحين الصالون و اتسوين شعرج و اتييبين مصوره لأن انا دايما اشوف البومات اعروس البدويات يكون عندهم البومين واحد العرس و الثاني الصباحيه و اتكون لابسه نفنوف حفله خبه يعني نافش و مكياج و تسريحه والله يوفقج

 

[مجنونة بس عاقلة]

شوفي لازم يكون عندك ثوب للصباحيه وتجهزين نفسك عند صالون وتلبسين ذهبك
واذا قصدك صباحتك يعني طقم ذهب او هديه فلوس من زوجك ومن اهله لك
يعني البدوووو يدللون العروس انا زوجي شرالي طقم ذهب وابوه عطاني فلوس

 

[blue diamond]

انا مو عيميه ولا بدويه انا حضريه و هم ما اعرف شنو يعني صباحيه و سمعت انها اتكون حفله الصبح تلبسين نفنوف حفله و تختبين تروحين الصالون و اتسوين شعرج و اتييبين مصوره لأن انا دايما اشوف البومات اعروس البدويات يكون عندهم البومين واحد العرس و الثاني الصباحيه و اتكون لابسه نفنوف حفله خبه يعني نافش و مكياج و تسريحه والله يوفقج

نفس كلامي بس انا سمعت ان الحفله تكون بليل ؟​

 

[مجنونة بس عاقلة]

اللي بالليل اسمها مسائيه والصباحيه هديه من الزوج
انتي اسألي اذا فيه مسائيه لازم بدله حلوة وتلبسين ذهبك وتكونين متزينه عند الصالون

 

[ام ساره 4]

الله يوفقج إن شاء الله

 

[غنية عن التعريف]

الصباحية يعني الاستقبال
يكون ثاني يوم مثل ماقالوا الاخوات
يكون يا عشا او غدا مستحيل ريووق لانة مايمدي
اممممم لازم تلبسين وتكشخين وهذا وتنزلين نص ساعة ساعة الاربع وبس ....

 

[Mrs.Q]

حبيبتي ماعرف شرد بس قلت أدعيلج عالأقل ^^
الله يوفقج ويسهل عليج أمورج ياااااااااارب ^^

 

[بعيون مغليك]

الله يوفقج ان شاء الله

 

[تبطي عظم!]

ماشاء الله البنات ماقصرو
موفقه يارب

 

[الغدق]

حبيبتي انا بدويه وبقولج شنو يعني صباحية
اهو أول شي لازم تسألين الأم
اهي تكون مثل استقبال للعروس
وعلى حسب في ناس يسونها غدا وناس عشا
واذا كانت غدا الغالب مايكون فيها دي جي ولا طقطقه يمكن استريو
عادي يعني جنها حفله عادية ومنو الغالب يكون موجود
اهل المعرس القراب اللي اهم خالاته وعماته والجيران بس
واهل العروس هم القراب بس الخالات والعمات
والعروس طبعا لازم اتروح الصالون واتحط مكياج وتبلس نفنوف عرس
وبس واتمنى انج اتكونين فهمتي
وخلي امج اتدق على امه تسألها إذا كانت الصبح والا بليل واذا في طقطقة أو لاء
ومنو بيكون موجود لأن كل عايله غير عن الثانية وفي ناس اصلا مايسون صباحيه
يعني عندج أنا مثلا اهل زوجي بيسونها غدا وماراح يكون في طقطقه ولا شي
مجرد غدا عادي
وعرس اخوي ماراح انسويله غدا لان راح انرد تعبانين ومالنا خلق صالون
فبنخلي استقبال للعروس بليل ويكون بوفيه وراح نعزم بس جيرانا وعماتي وخالاتي
وام العروس وخالاتها وعماتها
وبس يعني لازم نسألون أم المعرس عرفتي حبيبتي
ومبروووووك وبالتـــــوووفيــــق

 

[غنج بدويـه]

اهوا استقبال للعروس
تنزلين عندهم وتقعدين وفي بعضهم يسوون رقص
بس ماتطولين ..
وبالتوفيييييييق