شنو يكون رايكم في زوجكم اذا كان مثل هذا النظام؟

[laplacekwt]

اذا تزوجتوا و بعد فترة استوعبتوا انه زوجكم ما يطلع من البيت وايد. . . يعني بالاسبوع مرتين او ثلاث. ما يكون فيه شي يعني بس انه ما يطلع وايد و مو عشان يقعد يدرس والا ما يحب يطلع بس انه عادي عنده قعدة البيت .

شنو بيكون ب بالكم ؟

 

[M!ss CoLoRz]

يعني خوش ريال

موازن بين طلعاته وبين قعدته ومجابل زوجته

مرتين ثلاث في الاسبوع نسبة وايد حلوة وطبيعية

اقول الحمدالله واحاول افكر في اشية ممكن نسويها في هالوقت اللي اهوه في البيت ، فيلم ، نلعب شي ، نسوي شي في البيت مع بعض نطبخ مع بعض الخ

 

[amorah1]

بالعكس حلو احسن من اللي 24 ساعة بره ومايدري عن بيته ومرته وعياله

انتي استغلي قعدته بشي حلو ومسلي لكم اشوف معاه فيلم (اكون مسويه قعده بوب كورن وبيبسي)

فعلا تدشين المطبخ معاه وتسوون شي تحبونه

بالعكس لا تتضايقين وين هالأيام تحصلين ريال قاعد شوي بالبيت الا اغلبهم مايدرون عن حريمهم وتلاقينه بين ربعه وبين ديوانية ​

 

[صاعقة بيوتي]

رأيي انه انسان طبيعي ومتوازن الفال لنا ان شا الله هع

 

[سور المدينه]

جلسه الرجال في البيت مابطلع موشيء
بس احسن من اللي ليل نهار هايت

 

[_n0sh]

, صج حريم ما يعجبهم شي., ههههـِ
يبـِآآآ نص حريم هالمنتدي ودها ان ريال يقعد بالبيت.,
لووول

 

[نبض السعاده]

احسن شي الله يتمم عليج

 

[noo7a]

يعني ريلج بيتوتي


انا كنت نفسج بدايه زواجي و كنت اتضايق
لان ماقدر اروح عند اهلي او اطلع السوق مع اختي لان ماحب اخليه بروحه بالبيت مع العلم ان ما يمنع طلعتي بس انا ماحب فكره ان الريال قاعد بالبيت و المره قاعده تحوس بره


و هم كنت اتضايق لان.ماقدر اعتني بنفسي ماسكات ووهالسوالف


بس الحين خلاص تعودت و تاقلمت مع الوضع
و صار اذا يت له طلعه و لا عزومه اتضايق خخخخ

 

[جذابه بنت ذيابه]

احلا شي لما يكون بيتوتي ،، نفس زوجي بس مع الووقت بيطططلع و بيروح ويرد الحين بدا يطلع معنه قبل الزواج مايقعد بالبيت سبحان الله :/

 

[ذكريات ا305]

الحمدالله احسن من انه هادج وممخليج بروحج ومتعلق بربعه والديوانيات خليه يتعلق فبج وبيته ابرك

 

[اذوب بكلامه]

شكلي بحسدك ههههه امزح
انا زوجي من الصبح لبعد العشا برا البيت حمدي ربك
وشغلك الخاص خلصيه وهو في الدوام وباقي اليوم خططي معاه شلون تقضونه مع بعض

 

[اذوب بكلامه]

شكلي بحسدك ههههه امزح
انا زوجي من الصبح لبعد العشا برا البيت حمدي ربك
وشغلك الخاص خلصيه وهو في الدوام وباقي اليوم خططي معاه شلون تقضونه مع بعض

 

[لوولوو_88]

توه وحده منزله موضوع العكس .. شللي يمنع و ترى دوام الحال من المحال .. ما تدرين باجر شللي يتغير بحياته و يضطر يخليج اغلب وقته و انتي بالبيت بروحج .. خللي يشاركج يساعدج اذا قاعد او سوو شي يسليكم .. احنا حتى مونوبولي لعبنا ههههه حتى اونو .. استغلي قعدته بشي اونس

 

[laplacekwt]

بس كنت استفسر لانه قاعد اتكلم عن نفسي . مرات احس حتى اهلي يفكرون ليش ما يطلع لانه اغلب الوقت انا على الابتوب فا كنت بعرف بس شنو اول فكرة تطري على بالكم.

 

[بنوته كيكه]

عادي. احلا شي ترا مو شي غريب هذا اخوي قليل يطلع ومايحب يطلع قاعد واذا يطلع يطلع ساعه ويرد شي عادي في العكس احلا شي يكون في آلّبيت
احسن من يكون. يطلع ليل ونهار بس تبين نصيحه انتي اذا شفتيه قاعد لا طفشينه او تلمحين شي علشان لا ينحاش وكله يفتر برا

 

[ترف بابا]

اها كنت بسألج شنو يسوي وهو قاعد ... بس دام قلتي ع اللابتوب شوفي شنو قاعد عليه ؟شنو مبطل؟

 

[عروسة فوشيآ]

انزين شيسوي وهو فالبيت


لاهي بتلفون

لاهي بانترنت




والا لاهي فيج


بالضبط شيسوي

 

[86روعـه]

عادي جدا
في ازواج مايطلعون الا للجمعيه حق ماجله البيت او موعد طبيب او يوم كل اسبوعين للديوانيه
مايفكر بطلعات مطاعم سوق تمشي لامع ربعه ولا مرته ولاعياله
كل واحد وطبعه وممكن ياانج اتطبعينه ع مشاويرج وطلعاتج او اهو يطبعج ويعودج انه بيتوتي

 

[Combat]

اخيس شعور عندي الزوج الي كله بالبيت
عاد يصير حدة متفرغ

 

[French Vanilla]

ma7b chethe :'(