شهادة إعاقة

[ورود خضرا]

السلام عليكم
خواتي انا ام طفلين من ذوي الإحتياجات الخاصة ولله الحمد وعندهم شهادة إعاقة من المجلس
بغيت استفسر عن شغلة إذا كانت صحيحة او لا
سمعت ان اللي عنده دسك او غدة درقية يطلعون له شهادة إعاقة
كوني ام لطفلين ذوي احتياجات وعندي دسك بالظهر ودسك ثاني بالرقبة وعندي غدة درقية ولله الحمد
هل يطلعون لي شهادة إعاقة انا محتاجتها علشان التقاعد من الدوام تعبانة حيل من الوقفة والقعدة ولي خدمة 12 سنة وماني قادرة أكمل باجي الخدمة .
ياليت اللي عندها فكرة عن الموضوع تفيدني وجزاكم الله خير .​

 

[@شمس الضحى@]

وعليكم السلام
اسمحي لي يااختي انتي غلطانه شنو شهادة إعاقه عشان عندج دسك وغده؟؟؟!!!!!!!!
احمدي ربج على نعمة الصحه والعافيه والله يشفي لج عيالج ويخليهم
انا عندي خمول بالغده والحمدلله اخذ علاج والامور تمام
والدسك والغده ماتعتبر إعاقه ولا كان كل الناس عندهم شهادات إعاقه الله يهديج بس
وبالنسبه للدوام جيبي لهم كتاب من المجلس الاعلى ويعطونج إعفاء ساعتين

 

[ورود خضرا]

مشكورة أختي شمس الضحى على ردج
بس ترا انا ماقلت اني قدمت على الشهادة انا سمعت ان القانون يسمح للي مثل حالتي
فحبيت استفسر عن الموضوع إذا كان صحيح اقدم علشان التقاعد واتفرغ لعيالي
مو علشان شي ثاني والله شاهد على كلامي

 

[أهداب]

رد : شهادة إعاقة

غده وديسك
لامايعطون عليها
اصلا هم من طلع القانون اليديد واهم يحاولون يغربلون الاعاقات ويخففون من بعضها علشان يقللون عدد المستفيدين مو بعد يحطون غده وديسك والا جان كل الكويت عندهم شهاده اعاقه

 

[ورود خضرا]

ايه هذا اللي اعرفه وزين يسوون واتمنى انهم فعلا يلتزمون في الإعاقات الحقيقية فقط
ويبعدون عنهم المتطفلين على المعاقين
بس قالولي ان الي مثل حالتي يسمح لهم القانون فحبيت استفسر

 

[الصابرة المحتسبة]

رد : شهادة إعاقة

وعليكم السلام

أختي اذا سويتي لجنة طبية وعطوج الموافقة على ان عندج اعاقة راح يعطونج شهادة اثبات إعاقة.

 

[فوشيه عجيبه]

البنات ما قصرو

 

[ورود خضرا]

جزاكم الله خير ماقصرتوا الله يعطيكم العافية

 

[ام عزيزان3]

رد : شهادة إعاقة

ليش ماتسوين لجنه ويشوفون اذا تحتاجين تقاعد طبي اعرف وحده معانا بالدوام علشان ديسك طلعت تقاعد,,,,بس ماعتقد يعطونج شهادة اعاقه بس علشان عندج ديسك

انا زوجي مسوي 5عمليات بالظهر واخر عمليه زراعة عظم من الحوض مع فتح البطن وكلهم فاشله ولي الحين يعاني بالقومه والمشيه
طلع تقاعد طبي وطلع شهادة الاعاقه قبل اخر عمليتين يعني لما طلع الشهاده قبل سنتين كان مسوي 3عمليات بالظهر

 

[ورود خضرا]

جزاج الله خير ام عزيزان ماقصرتي
وعسى الله يشافي ابو عيالج ويقومه بالسلامة