Koko1
شلي حادج التدريس ,, شهادتنا ولله الحمد زينه ونعمه لنا
يكفي تعاملنا مع الكبار مو الي اصغر منا
يكفي دوامنا مافيه مراقبه بالفرصه وتوقفين على ريولج ولا الوكيل والناظر على راسج ويكلفونج شغلات انتي في غنى عنها
يكفي ماتردين لبيتج وتبطلين تحضير دروس ولا طالبين وسايل ولا باجر عندج توقفين عند باب المدرسه رقابه
يكفي دوامج مايكون جدام يهال فوق ال30طالبه وراسج يدوخ وامراض اللهم يا كافي من صوت يروح ولا من اعصاب تتلف منهم
يكفي ماتخلين من التدريس اتييلج تصحيح الامتحانات واولياء الامور ودوام للساعه4ولا5العصر
دوام المدرسه من ال7ونص لل1ونص ودوام الوزاره من ال8الى ال1ونص بالنسبه لنا البنات
واذا عالعطل عطلتج السنويه شهر ونص وهمه شهرين فرق اسبوعين فقط السنه الي طافت عطلوا4/7/2011وداوموا دوام مدرسات4/9/2011 فرق اسبوعين فقط
لا وعطلتهم مع الزحمه محدده ولا انتي تاخذين عطلتج اي وقت
دوام شهاده الحقوق على مكتبج وقسم تحقيق مريح لا فيه عوار راس وكله اربع ولا خمس اسئله وتسكرين المحضر وتعاملج راقي مع الكبار
ولا قسم قضايا تاخذين راحتج واعصابج وتشتغلين عليهم وبالعكس تتطورين بمجالج القانوني بعد مرور سنتين بدوامج تفتحين مكتب محاماه
وبعدين انشالله الله يغنينا عن التدريس ,, واذا عالمعاش ولا زيادتهم باجر الاثنين نبي نوري الكويت شكثر اهميه تخصص القانون بالكويت وبناخذ زيادتنا مثلهم ومعاهم المسميات انشالله
دوله تتبع الدستور والديمقراطيه والحياه القانونيه نعايشها يوميا لازم ماتميز بيننا(( لا للتمييز بين القانونيين))
راح نسجل بالتاريخ اكبر اعتصام واضراب بالكويت منذ تاسيسها ,, بنات كله يوم واحد بس في سبيل العمر كله لا تبخلون على شهادتنا الحقوق بهاليوم ,, خل نعزها ونرزها ونرفع راسنا فوق لاننا بنات الحقوق ,, لاننا قانونيات
ولان شهادتنا مثل الطب ,, الطب مايصيرون مدرسات ولا الحقوق يصيرون لان اجرنا يسمونه اتعاب وشهادتنا تعتبر ليسانس بالفرنسي يعني رخصه
رخصه مو بكاليريوس ,, شهادتنا رخصه نفتح مكتب محاماه مثل الطب يفتحون عيادات طبيه
يوم الاثنين ,, لا للتمييز بين القانونيين يا كويــــــــــت
![[ نور عيني ]](/data/avatars/m/330/330475.jpg?1621062804){kind=avatar}
