شهادتي حقوق اقدر اكون مدرسه

[ام عيالي]

اختي صاحبة الموضوع اشسويتي سالتي اشقالولج نورينا

 

[[ نور عيني ]]

بشرينا حبيبتي شصار معاج
ان شاء الله قبلوج

 

[أميره بلا قصور]

وااااااي في احد يجي للضيم برجووووووله


حرام عليج

لايطري عليج كلش االتربيه والتدريس لابو المعاش ولابو العطله اهم شي الراحه النفسيه

والله مايحس فيها الا الي فاقدها

نصيييييييحه والله ثم والله بتتحسفين شوفي مشاكل المعلمات للي ماتخلص بالقسم وحمدي ربج انتي بنعمه


موعاجبج روحي الشؤوون الصحه الي يصير بس التربيه سجن سجن سجن وراح تصيربن الضحيه الجديده *

 

[احلى ميمو]

ماااعندي فكره للاسف (

الله يووفقج ويكتب لج اللي فيه الخير ان شاءالله )

 

[ام عيالي]

ها اختي صاحبة الموضوع اشسويتي بشري

 

[KOKO1]

ان شاءالله هاليومين راح اقولكم شنو صار معاي بس الواضح انه مايصير لان يقولون مانزل قرار انكم تدرسون اللي هم احنا خريجين حقوق حتي مادة الدستور

 

[ON_LY]

يارباه

خريجه الشريعه (( اصول فقه)) تزاحمنا بكادر القانونين تصير باحثه قانونيه وبنفس الوقت تقدر تصير مدرسه تربيه اسلاميه بالتربيه
خريجه المحاسبه تزاحمنا بكادر2005 الي هوه160 دينار وبنفس الوقت كانت ومازالت تقدر تصير مدرسه حاسوب بالتربيه((حتى مايندرى في صحيفه تخرجهم مواد حاسب الي ولا يخلونهم مدرسات بهالماده عميـــــــــاني ))
خريجه الهندسه يصيرون مدرسين رياضيات وحاسوب

يعني الحين بتفهموني وحده خريجه علوم اداريه تخصص محاسبه وممكن هيه اساسا كانت ادبي بالثانويه تدرس الحاسوب حالها حال خريج الهندسه تخصص هندسه كمبيوتر الي اكيد خريج علمي بالثانويه (( وهل يستوي الذين يعملون والذين لايعملون))

شهالتخبط الدايخ بالقرارات الي حاطينها!!!!؟؟@@

خريجين العلوم الاجتماعيه يا باحثه اجتماعيه ولا نفسيه ولا يصيرون مدرسات علم نفس ولا علم اجتماع

وحتى لما حطوا مواد قانونيه بحته (( دستور + حقوق انسان )) اساس الي وضعها دكتورنا " عادل الطبطبائي"لما كان وزير التربيه وبالحرف الواحد لما درس الي قبلنا وقبل مايمسك الحقيبه الوزاريه قالهم بدخل هالمواد وبخلي يدرسونها فقط خريجات كليه الحقوق والصدمه خلوا مدرسات الاجتماعيات يدرسونها@@

قلنا والنعمه بالله يدرسونها خل نشوف فاهمين بهالمواد ولا لا وصدمه عمركم(( بطلوا صحيفه التخرج الحين لمخرجات مدرسات الاجتماعيات وانصدموا )) (( ولا ماده قانونيه يدرسوننها لهم @@ الله الله هذيلا وين يوصلون المعلومه انشالله))

وبنات لاتقولون لي درسنا تاريخ الكويت ومادري شنو؟؟؟؟ التاريخ ماااده وتخصص لحاله يختلف عن القاااااااانون

يعني لو طالبه سألت مدرسه اجتماعيات عن شغله قانونيه شبيكون ردها بالله@@!!!! اي ثقافه قانونيه بتخرجهم؟؟؟؟؟؟


بس شتقولين الحمدلله والشكر على تخبط وزاره التربيه

الله كريم

 

[KOKO1]

السلام عليكم
راجعت الوزاره وسألت بس للاسف قالولي مايصير يمكن قبل خمس سنوات ايه بس الحين لا
والحمدلله يمكن بالامر خيره
ومشكورين يابنات علي ردودكم

 

[ريانا]

عساها خيره حبوبه 

 

[ام عيالي]

اي والله صاجه خيره ان شالله

 

[[ نور عيني ]]

.



خيييَرة لج ،
آلله يعوضج بَ أللي آحسسَن ،،











..

 

[♥MaSteRiyA♥]

انا عقب الكادر ما افكر بغير التربيه

اهم شي المعاااااااااااااااااااااااااش

لحد يقص عليج​

لووووووولز صاجة

كل وحدة ورزقتها

بس هم في بعد أسباب ثانية حلوة والله​

الحمدلله رب العالمين :yaaaaaarb:​

 

[بنت شرق]

من صجج بتصرين مدرسه ليش بس عشان الراتب قولي الحمد لله اذا انتي ما تحللين معاشج وين ما تشتغلين يعني ماكو فايده التدريس تعب وعوار راس والجيل هذا يخرع تعالي شوفينا اربع وعشرين ساعه تكرمين احنا بالحمامات ورا البنات وقاعدين نشوف بلاوي لاعت جبودنا بس ادبسنا بالتربيه وانا ثانوي