شهالموضه الي طايحين فيها ؟؟؟؟

[عـصـلـه فـصـلـه]

انا اقول كلمي الاداره احسن ،،، وهم وصلي الخبر للاوقاف علشان يسوون الندوات بهـ المدرسه ،،

والله يجعله بميزان حسناتج ،،

 

[أحلام ورديه]

يدا بيد ضد الإيموا وعبدة الشيطان

حبيبتي لا تسكتين بلغي

خل ننقذ بناتنا وابناءنا من هالعبث يالدين والأخلاق

الله ماخلقنا لعبادة شيطان او ان نكون حزينين ومالنا فايده بالحياة

روحي حبيبتي والله معاج

موفقه

 

[نور الضي]

استغفر الله
البنات شفيهم
تقليد اعمي
انتوا مو ملاحظين اخر 5 سنين شلون انقلبت الكويت وتغيرت
بس كثروا الاستغفار تري هذا غضب
والله يهدي بناتنا

 

[النويره]

بصراحه انصحج تقولين لهم لو كل انسان سكت وقالي ما لي شغل بتزيد هالظواهر بالعكس لازم المدرسه يكون لها وموقف تجاه هالشي حتي لو وصل الامر يوصل لوزاره التربيه اهي مسئوله تنظم دورات بالتنسيق مع وزراه الاوقاف
واستشيري العوضي وغيرهم من مشايخنا تري لهم كلمه هالمواضيع هذي

 

[AL 3la]

انا اقول كلمي الاداره احسن ،،، وهم وصلي الخبر للاوقاف علشان يسوون الندوات بهـ المدرسه ،،

والله يجعله بميزان حسناتج ،،

تسلمين يا قلبي وان شاء الله راح يوصل الخبر للمدرسه

 

[AL 3la]

بصراحه انصحج تقولين لهم لو كل انسان سكت وقالي ما لي شغل بتزيد هالظواهر بالعكس لازم المدرسه يكون لها وموقف تجاه هالشي حتي لو وصل الامر يوصل لوزاره التربيه اهي مسئوله تنظم دورات بالتنسيق مع وزراه الاوقاف
واستشيري العوضي وغيرهم من مشايخنا تري لهم كلمه هالمواضيع هذي

هذا الي ابي اوصله ما يصير نسكت ونقول ظاهره وتعدي

 

[mimi_el3so0ola]

قواج الله حبيبتي ماتقصرين .. ربي يكثر من أمثالج ان شاءالله ^^
والله يستر على عيالنا ويهديهم ويعقلهم من هالتقليد الاعمى .. والله مادري متى بيفكرون بعقولهم بدل لا يخلون غيرهم يفكر عنهم واهمه مجرد يقلدون =\ الله يهديهم بس ،

 

[ورد الطايف]

لاحول ولاقوة الابالله

احنا ناقصين بلاوي اكثر من اللي احنا فيه

 

[q8 nono]

امبيييييييييييييييي معقوله وصلنا لهالدرجه ؟؟؟؟؟؟؟؟؟؟؟؟؟

 

[AL 3la]

امبيييييييييييييييي معقوله وصلنا لهالدرجه ؟؟؟؟؟؟؟؟؟؟؟؟؟

شفتي شلون

 

[AL 3la]

شاكره مروركم حبايبي

 

[sabacha]

انا معااج كلمي المدرسة و الأوقاف و انشالله ياخذون الموضوع على محمل الجد لأن جد هذي آفه أخطر من انفلونزا الخنازير ! هالشي قاعد ينتشر و قاعدة اشوف وايد ناس بسن المراهقة متبعين هالشي للأسف و الأشكال تميزينها لأن طريقة اللبس و الشعر وحدة استغفر الله هذا صج غضب من الله الحمد لله الذي عافانا من ما ابتلاهم به و فضلنا على كثير من خلفه تفضيلا الله اانشالله بدينا و عقلنا

انا لله و انا اليه راجعون

 

[حرم الحوت]

لاحول ولا قوه الا بالله يارب ارحمنا ولا تغضب علينا

 

[دااانوه]

اي والله

هذا اللي غدا علينا وعلى عيالنا من تربية الخدم و الأفلام والتلفزيونات اللي اربع وعشرين ساعه

<< اللي يسمعج يقول مو من جيل التسعينات لوووولز

والله احنا كل يوم نبتلش ببلوى يديده

بويات .. ايمو و غيره و غيره

الله يستر من الياي

 

[DALAL.21]

والعيذ بالله الله يهديهم
والله العظيم استخفوا

وين قاعدين حبيبتي كلمي الإدارة
والله يجزاج خير يارب صارووا يخرعون هالبنات والله

 

[pure feminine]

الله يحفظنا

جييل تااافه ذبحه التقليد مو فاهمين ولا شي بس يقلدوووون

انا والله لو عندي احد جذي لأكسر الخيزراانه على ظهره عشاان يعرف الايموو عدل << عنييفه خخ

بس صج لاعت جبدوونا من هالاشكال الي بالمدارس كل يوم طالعين لنا بسالفه جديده

مدارسنا الحين نصها بوياات مع ليدياتهم والباقي ايموو وعبدة شيطان وجم وحده نظاام قديم مغازلجيات وسوالفهم باايخه ماللت على هيك مدارس

 

[• قلبه نصيبي •]

وييييه هالموضه من زمان مو من تو !
حلج حلو تروحين تكلمييين المدرسه بس ماراح يسمعونج صدقيني
خل يحلون مشكله بويات هناك عشان يحلون هالشي !
الله يهدي الكل

 

[بطاط مهروس]

والله كلامج عدل بناتنا يانين ..... يمشون على الموضة ...... كل موضة خايسة وين الاهل عنهم كل وحدة عمرها 10 سنوات عندها لاب توب وموبايل ........ واذا اختربوا قالوا اعيالنا ......... انا الوم الاهل والام
والله لو انا منج ابلغ المدرسة عشان يعرفون شنو يصير ..... مشكورة على الموضوع

 

[bent_alno`7tha]

هالموضوع للاسف ما ينسكت عنه ..
فعلا ظاهر خطيره داخله على مجتمعنا...
وناقشها العديد من الشيوخ ..
هذا دليل على قلة الوازع الديني بالاضافه الى قلة الرقابه الناتجه عن اليتم او الطلاق والانفصال ..
او اعطاء الاهل ابناءهم الحرية الزائده عن الحد لممارسهما يشاءون ..
هذه ظاهره يجب مناقشتها مع الاهل من رأيي ..
من خلال عمل ندوات ومحاضرات لاولياء الامور ..

 

[~..MiMiNi..~]

عبدة الشيطان مو نفس الايمو الاختلاف بينهم واضح ..

بالنسبة لي كلها ظواهر غريبه و ماحبها و مو زينه للإنسان ..

و انتي تقولين المدارس والمدارس صدقيني ماراح يسوون شي .. خواتي بمدرسة اليرموك تقول اختي والله عبالي مجمع داشه بالغلط !! البويه ماسكه البنيه اللي تحبها و يغازلون بالكفتيريا يعني قمة المصخره :/

الله يهديهم ان شآء الله ..~