شوروا علي.. اتطلق والا؟؟

[ام شووووق]

الطلاق مو هين صبري لين تولدين يمكن يتغير ويحس بالمسؤليه

 

[Habibat Abooha]

امبيييه كل شي بجفه بس انه مايصلي

لاحول ولاقوة الا بالله

الله يعينج حبيبتي

 

[تبطي عظم!]

الطلاق مو حل وبعد الطلاق شنو بيصير بالجاهل!!!

حلي مشكلتج بالتفاهم

وبالاسلوب السنع الصلاه كلميه عنها والخيانه وماجلة البيت ~

ابعدي اهلج واهله عن الموضوع واذا مافاد دخلي احد عاقل وفاهم ~

 

[brettey]

شيلي فكره الطلاق من بالج نهائيا طالما انج حامل
وادعي ان الله يهديه ويسخره

 

[coralia]

اختى الكريمة صاحبة الموضوع الله يهدى زوجك ونصيحة لاتطلبين الطلاق عليج بالدعاء.. واللى تقول الصلاة مو كل شى الله يهديك الصلاة كل شى واهى عماد الدين واول مايحاسب عليه العبد يوم القيامة واخر وصية وصاها النبى صلى الله عليه وسلم .

 

[florense]

الله يهدي يارب

 

[حبك ذبحني]

الله يعينج ويصبرج عليج بالصلاه حبيبتي والدعاء والاستغفار

 

[قلبي ابيض]

الله يهدي يااارب يمه اشلون عايش بدون صلاة

 

[لولوه الحربي]

غلطتي ياقلبي ابمواجهته على خياناته ياقلبي ما في رجال ما يخون كان لازم تضربين خيانته بالطوفه ولا تهتمين

طنشيه ولا تعبرين لخياناته اهتمام وعلى الصلاة في الثلث الاخير من الليل ادعيله من قلب ان الله يصلحه ويهديه لا تنسين بيسير ابو عيالج والطلاق من اخر الحلول وانا اشوف انج تمرين بضغوطات بحياتج وانتي حامل مسببلج اكتئاب

انسي كل شي وروحي شاليه مثلا او اي مكان محبب لج تريحين نفسيتج اشوي او طلعي مع صديقه مقربه لج ترتاحيلها منها تغيرين جو هذا اول الشي

انتي تقدرين اتغيرين زوجج بأذن الله اذا غيرتي نفسج اضبطي اعصابج واعرفي ان باالهدوء والاسلوب الحلو والهادي باالدلع والجذب عادي جامليه لو انج ودج تذبحينه تقدرين اتفرين راسه فر ولا تعودينه انج تصرفين عليه عشان عادة الاتكال عليج يخليها​

 

[لولوه الحربي]

http://arb3.maktoob.com/vb/arb344427/

دشي هاالرابط ياقلبي حاولي تستفيدين ابقدر الامكان من هاالقصه الواقعيه وتراني احس انها مشابهه لقصتج اشوي ان شاء الله تستفيدين

 

[المنبثقة]

التفاهم اولا ...........
ثانيا عدم ادخال اي طرف اخر في مشاكلكم وخاصه من امك او ابوك....
ثالثا استعيني بالله وادعي دائما بان يختار الله لك مافيه الخير دوما ........

 

[pusy cat]

استخيري عالطلاق بس لا تطلبينه اسكتي خلاص

وترا كل العيوب اللي قلتيها موجوده باغلب الرجاجيل خصوصا فبداية الزواج تصير هالامور

انا بصراحه ضد الزوجه اللي تنبش ورا زوجها واذا لقت شي اتواجهه

انا اشوف اذا المره شكت بزوجها تحتويه زياده وتقرب منه وتعطيه هدايا تخليه اهو من نفسه يستحي علا وجهه ويكنسل كل علاقاته السريه

اما اذا كشفته المره خلاص ماعنده شي يخاف منه وراح يكابر

لا اتطلقين انشالله الله راح يهديه ويغيره لج بس انتي خفي عليه شوي

والله يصبر قلبج

 

[UNICORNA]

غلطتك انك حملتى بالاول

الحرمه تحمل بعد الزواج بسنتين او ثلاثه او حتى اربع عشان الشخصيات تبين

شخصيا انا لو زوجى يرمينى بالهطريقه وكل يوم سهر والله اتطلق واشوفلى احسن منه

بس الحريم دوم يكبرو ويعرضو ويطولو سالفه الطلاق

ويفضلو العيشه من زوج خاين ولا انهم يتطلقو !!!

عموما الحل بيدك وانتم الحين بالبدايه طيب بعدين ويش بيسوى ؟؟؟!!!

عقلك براسك تعرفى خلاصك وربك معطيكى الحل بس بالاول هدديه تهديد مباشر

وخوفيه بشكل جدى ان لو ما لم نفسه راح تاهذليه وترمينه وتشوفى اللى احسن منه

ولو ما احترم نفسه واحترمك وقتها اخذى قرارك

 

[_ظل الياسمين _]

ربى يهديه ويريح بالج ترى توكم معاريس لاتحكمين عالامور بالهسرعه...........
وريلج يبيله مجابل وتعلوم وصبر.......وانتى شكلج مافيج صبر
لازم تتعلمين يكون نفسج طويل وتحاولين بالكلمه الحلوة والنقاش السنع
اذا مو علشانج على شان هاللى فى بطنج يعيش بين ابوه وامه .......
صبرى وتعلمى شلون تاخذين حقوقج بالمحايل والمسايس بعد مافيها شى
هذى حياتج وحياه ولدج باجر ربى يصلحه على ايدج وتذكرين انه هالبيت
نتيجه تعبج انتى............او لا سمح الله اقله تقولين حاولت عشان لا تتحسفين تالى
وربى يهديكم اثنينكم لبعض ويجعل بينكم الموده والالفه قادر ياكريم.

 

[كلي هلآك]

انا أأيد كلام البنات كلهم لانه كل حده حكمت بعقلها
وياحبيبتي ثل ماقالو الكلمه الحلوه اهيا سيدت الموقف
طولي بالج توكم أبدايه حياتكم الزوجيه وصدقيني لاتطلعين سوالفكم برا <<< الناس مماعندها غير الشماته
ديري بيتج وحياتج مبدئيا نبهي علي موضوع الصلاه وشغلي قرءان بشقتكم لانه يريح النفوس
كل شي بالتدرج وترا ماكو احلا من النفس الحلوه ادري حبيبتي انج متضايه ومو قادره تسويين اللي نقوله لج بحكم انج مضغووطه منه من 6 شهوور بس شدي حيلج وسويي رفرش حق عمرج وابدي معا بالصفر وك شي بطريقه غير مباشره يعنني تأخر لاقعدتو الصبح قوليله انج فاقدته وودج سهرون معه بعض وموضوع الاكل احسن حل كتبي لسته بالماجله وحطيها بورقه قبل لا تروحين لهلج عساس يجيبهم لج وانتي راده
وياحياتي كلمتج اصرف على عميان مالها داعي << مافيها شي لي شريتي حق زوجج هديه (تهادو تحابو )
وهذا كل اللي عندي الله يوقفكم ويهدي مابينكم ويصلحه لج يارب وادعي ربج

 

[al-musk]

والله مو هينه سالفه الصلاة..شلون ساكته عنها اهي اهم مشكله ومبين المؤمن والكفر هو ترك الصلاة..

 

[♥ĘМǾ♫ĢǾŦĦ♥]

أول شي ماكو ريال ما يخون .. يعني اللي تبي تتزوج تتحمل اللي تشوفه من زوجها من خيانة و بنات و خرابيط

ولا ما تتزوج احسن <مثلي..

و انا اقول يا تتحملين مصخرته أو اذا ما تبين تتحملين الوصاخة اللي يسويها تطلقي ليش؟؟ لان ماكو ريال ما يخون

و بس هذا اللي عندي

اي تعقيب او استفسار على الخاص لاني ما ارجع المواضيع اللي اشتركت فيها
​

 

[Miss McDonald]

• الخوات ما قصروا
• tmtmt اضم صوتي لصوتج

 

[دلع العتبان]

الطلاق مو حل وبعدين ريلج موشارب خمر ولا مخدرات ولايطق واخلاقه معاج زينه مولهدرجه وكل الرياجيل جذي شتسوين يعني لو تطلقتي يمكن يجيج واحد اردى منه ؟

ارضى بمجنونك لايجي اجن منه

انا اقول كلميه بهدوء ولا كلمي امه او احد يمون عليه وربي يسصلح مابينكم

 

[zaina alotibi]

حاولي وحاولي وحاولي وادعي الله يصلحه واصبري واحتسبي الأجر الي انتي فيه مر بس ترا الطلاق امر