شوروا علي.. اتطلق والا؟؟

[انا لحبيبي .]

طيب انا بدي احكيلك شي وانتي فكري فيه ،، على قولتك انه بدك تتطلقي

طيب واطلقي ،، وابنك كبر مو من حقه يشوف ابوه؟؟ يعني ما رح تخلصي من الاب نهائي ، في ابن بينكم والاب رح يصير بدو يشوف وابوه ومافيكي ترفضي هالشي

فالطلاق مو حل ابدا ،، بعدين انتي احسن من غيرك بكتير ، كلمي زوجك واقعدي وتناقشي واحكيلو بدنا نغير حياتنا للاحسن واحكيلو بدنا نصرف ع البيت انا وياك ،

قسمو المعاش ، شخص يدفع اكل البيت ، وشخص يدفع مستلزمات مثلا الحمام الله يعزك ، يعني تعاونو بتوصلو لحل

بس انك تقعدي تردي على زوجك بهالاسلوب ، حتى لو كان غلط بحياتك ما رح تصلحي الغلط ، عمرك ماتصلحي غلط بغلط حبيبتي .

بعدين ما صرلك 6 شهور ، يعني لسه ما صار تفاهم بينكم حاولي بقدر المستطاع تقعدي وتفهميه وتحكي معه بهدوء وما تراددي زوجك بااسلوب صغار ، تكلمي وخدي حقك باسلوب قوي وبأدب حبيبتي

الله يولدك بالسلامه يارب العالمين

 

[بولندية]

ما عليه حياتي الحياة الزوجية ترى بدايتها صعبة حييييييييييييل وخصوصا اذا الريال كان مثل ريلج

انا توني اقول حق وحدة من الخوات رديت على موضوعها انا ريلها مرتبط بوحدة قلتلها فاجأي بسوالف جذي حركات بمناسبة خاصة فيكم مثلا اعياد ميلادكم مثلا ولا مو شرط عيد ميلاد حتى لو بس جذي

قدري حالته المادية انتي عوووديه على المسؤولية ان ييب لج اللي تبين حتى لو تحنين عليه بالبداية لين يتعود حسسي بالمسؤولية
الطلاق بعيد الشر موو حل انتي توج عروس وحامل الله يسهل عليج الله لا يقوله منو بياخذج بعدين مطلقة و عندها ياهل


وسالفة البنات لو تجذبتي لج ماراح يشوف غيرج وادعي ربج

 

[جوري 2007]

من اول ماقلتي لحد يغلط على ريلي يعني تحبينه وماراح تقدرين على بعاده

 

[حظ من عنده انا]

اذا تحبينه وشاريته


واهم شي. هو يحبببج وشاررررررييييج

حاولي تغيرينه للاحسن يترك الحرام ويعبد ربه ويصلي

واذا ماينفع معاه شي وتدورين عليه الزله

تطلقي

الوحده تعيش مره بالعمر خل تعيشها براحة بال ولا تعيش بنكد وهم يقصر العمر

ولا حمداً ولا شكوورا

 

[فوق الثريا محلي]

مشاكلج وايد

اول شي قعدي ع ريلج وتفاهمي انسي مووضوع الطلاق نهائيااا
1- الصلاة
2- خطة لاموركم الحياتية من ماجلة البيت الى الفلوس ..
3- الي ببطنج لازم يكون له حق عليج وعليه
4- لا تدخلين احد لا من اهلج ولا من اهله

قعدي صارحيه بكل هدوووووء والكلام الحلو سيد الموقف

مع الاخت

 

["GloRia"]

الله يهدي لج زوجج ويسخره لج ويبعد عنه بنات الحرام يااارب
حبيبتي الطلاق هذا اخر حل توصلين له .. تفاهمي معاه واكسبيه بالكلمه الطيبه ترا الريااال على ماتعودينه والياهل علي ماتربيه وعلميه يصرف على البيت واذا مايحب خليه يعطيج فلوس وانتي روحي اشتري الاغرااض

وترا كل الريايل ع السهر بره البيت طلعيلي رياال مايسهر بره بيته

حياتي الحين انتي الحيااة جدامج بيلج بيبي الله يتمم عليج ويخليه لج وبتغير حيااتج ويشغلج عن امور كثيره

بس ماينسيج عن موضوع الصلاه وانتي عليج تدعيله بالهدايه

 

[أنت روحى]

يأختي الله يعينج..

بس الزام أول شئ تدعين ربج إلان هو خير منا كلنا ..
الشئ الثاني ...
الزام تتفهمين معها بس بعيد عن العصبيه او الشد بالكلام او لا دخلين اى شخص بينكم صدقيني دام أنج تدعين ربج بكل صلاه او تفهمتي معها را يتغير..
بس الزام الصبــــــــــــــــــــــــــــــــر تر مو كل شئ يجي من أول مره..
او عسى الله يسخره الج...

 

[unapproachable]

الطلاق صعب واذا الريال فيه امل حرام تطلقين ..

 

[دمثة]

الله يكون بعونج

 

[Vaniela]

اذا ما يصلي حراااااااااااااااااااااااااااااااااااااااام تقعدين معاه ..
لانه الي ما يصلي 3 ايام يعتبر كافر .. والمسلمه ما تتزوج كافر ...
وهاي الفتوى ..
http://www.tawhed.ws/FAQ/display_question?qid=79
والله يهديه ويوفقج...

 

[استغفر الله%]

الله يعينج

 

[((بومبو))]

الله يكون بعونج ويفرج همج ويسخره لج..
الاخت اللي قالت الصلاة مو كلشي؟؟
حبيبتي شلون الصلاة مو كلشي والرسول صلى الله عليه وسام قال بين الرجل و ((الكفر )) ترك الصلااااااه!!!
بالعكس الصلاة اهم شي وكلشي تنهى عن الفحشاء والمنكر

 

[7bebt 3bod]

الله يهديه حاولي تغيرينه للأفضل
ولا تفكرين بالطلاق كلش
الله يصلح حالكم يارب

 

[وجدان الحلا]

اولا توكم متزوجين ماتعود على المسئولية صبري شوي
وهذا الغلط تحملون قبل لاتتأكدون من استقرار حياتكم
واذا تطلقتي شتبين تستفيدين ؟؟؟؟؟ كل الرياييل جذيه ترى زوجج زين
غيره شذوذ ويبيج تنامين مع صديقه ومخدرات
قولي الحمد الله
والصلاة مو كل شي ياما يصلون وهم اخس الناس
انتي اسلوبج غلط معاه
مو كل كلمة والثانية تعايرينه لااا
ترى المرة هي اللي تسنع الريال
بالكلمة الحلوة تقدرين تكسبينه
واذا تطلقتي انتي الخسرانة هو بيتزوج غيرج لكن انتي من يبي مطلقة وعندها ولد ؟؟؟؟

ياللهوول لاتطيح السما علينا بس

اذا ماصلى يعني ماراح يبتعد عن الفاحشه <ان الصلاة تنهى عن الفحشاء والمنكر>

استغفؤي ربج يابنت الحلال

 

[غرام القمة]

والصلاة مو كل شي ياما يصلون وهم اخس الناس

يعني شنووو؟ استغفر الله والله يهديج تري غلط كلمتج هذي

 

[بقــآيآ جـروح]

مآآآآآآآيصلي
رآآآآآآآعي بنآآآ ويلف ويدور خط رفيجي شكو بالله
مآآيصــــــــرف ع البيت مآآيعتمد عليه
سهر للصبــــــــح طيب هو مآآيشتغل يرجع 6و8
هذآآ يستآآهل يكون آب هل تعتقدين آنه بيكون قدوه لولدج آوبنتج
آذآ يآآئسه منه وعآآرفه آنه يبيله سنين يتغير لاتضيعن عمــرج معه الحيآآه مآآتوقف ع آحد
ييآآربي صلاه الله وآآكبر وحي ع الصلاه وحي ع الفلأح ومآآيحس ع دمه ولا يصلي
مستخسر خمس دقآآيق يصلي فيهم لربه هذآآ مآآمنه رجى
الحين وتوكم متزوجين يجي ست وسبع شلون لاجبتي ع خير ويسمع آزعآآج الجآهل وطلبآآته
استخيري والخيره فيمآآ آختآآره الله كلميه بهدوء شفتي مآآمنه رجى بيت آهلج آولى فيج
وحق الولد بيوصله كلن يكتب له الله رزقه ​

 

[فوفو..]

شوفي اختي انه يكلم وحده وانه يسهررر وانه مهملك كله يهووووون عند ترك الصلاة لان الرسول صلى الله عليه وسلم يقول العهد الذي بيننا وبينهم ترك الصلاة بمعنى الحديث وماراح يصلح شي من حياة زوجك الا الصلاة لان الصلاة نور في الوجه وسعه في الرزق فاذا كنتي تقولين وتشهدين انه مايصلي لازم يدخل احد من اهله بعد طبعا ماتحولين تحلين الموضوع انتي بالحوار ان سمع لك زين والا دخل احد من اهله.....كل شي ياختي الا الصلاة لان الصلاة امرها عظيم الله بس يتوب علينا ويرحمنا ويهدي لك زوجك ويقومك بالسلامه......

 

[ام بوحنة]

اول شي انتي الحين حامل
والحامل اعذريني بس ماتنوخذ بكلامها لانه نفسيتها تكون غير
وقراراتها بغير محلها

نطري لين الولادة

بعدين عندج هذي الشهور حاولي تتفاعمين معاه بالمعروف

 

[حشمه]

ليش كل كلمه والثانيه ماكو ريا مايخون!

لا في لاتعطون عذر للخيانه هالدنيا فيها

الزين والشين ولو كل ريال يخون كل مره تخون

بعد ترا هذا مو منطق نحل فيه مشكله نعطي

عذر للخيانه


اول شي حبيبتي انتي حامل والنفسيه تاثر

اهم نقطه الحين لازم لازم تقعدون مع بعض

وتعرفون شنو تبون من بعض

انتي تبينه يقعد معاج ويخفف سهر ويصرف عليج

اشياء معقوله ومطلوبه من الزوج بس من ناحيتج

حاولي تعدلين نفسيتج والجو بالبيت والتفتيش وراه

ماييب الا المشاكل والله سبحانه لوبيكشفه صدقيني

بدون تفتيش بيصير الشي جدامج فالحين ادعي له

وحاولي تحثينه على الصلاة وكلما ياذن حطي على

الاذان قعديه مثلا شوي شوي خلي كل حزه صلاة

بروحه يقوم ويصلي حتى لو تحطين بسيارته اشرطه دينيه

والسهر جربي اتفقي معاه على ساعه يرد فيها لانج

حامل وراح تحتاجينه والصرف ابدي بنبلغ يعطيج

اياه قولي له للبيبي للبيت او لج خل يحس وراخ مصاريف

والله يعينج ويهديكم ان شالله *

 

[Tom ♥ Jerry]

.




لآ حول و لآ قوة آلآ بآلله آلعلي آلعظيمـ ..

خلي كل هاذا بصوب .، و آنه مآ يصلي بصوب .، آنتي شلون راضيه تعيشين مع وآحد مآ يصلي
يعني الي مآ يخاف ربه كل شي رآح يسوي
شي طبيعي اذا جذب .، شي طبيعي آذآ خآنج شي طبيعي اذا يكلم بنات !
يبه الي مآ يصلي و مآ عنده وآزع ديني .، عآدي يسهر و يكلم و و و و و آلخ ..


آصلآ تدرين مآ يجوز تقعدين مع ريال مآ يصلي .،
و هاذي الفتوى " محمد بن صالح العثيمين "


السؤآل : حكم بقاء المرأة مع رجل لا يصلي ؟
الجواب :

إذا تزوجت امرأة بزوج لا يصلي مع الجماعة ولا مع غير الجماعة فإنه لا نكاح بينهما، ولا تكون زوجة له لتركه للصلاة، ولا يجوز لها أن تمكنه من نفسها، وليس له الحق في أن يستبيح منها ما يستبيحه الرجل من زوجته؛ لأنها امرأة أجنبية منه، ويجب عليها في هذه الحال أن تتركه وتذهب إلى أهلها، وأن تحاول قدر ما تستطيع التخلص من هذا الرجل؛ لأنه كافر بتركه الصلاة.

فعليه نقول ونرجو أن يعلم كافة المسلمين أن أي امرأة زوجها لا يصلي لا يجوز لها أن تبقى معه، حتى لو كان لها أولاد منه؛ فإن الأولاد في هذه الحال سيتبعونها ولا حق لأبيهم بحضانتهم؛ لأنه لا حضانة لكافر على مسلم، وعلى المسلم الذي يخاف الله أن يعلم أن من عقد زواجاً لابنته على رجل لا يصلي فإن العقد باطل وغير صحيح، حتى ولو كان على يد مأذون شرعي، فإن من الناس من يخفي الواقع على المأذون، فاتقوا الله في نسائكم ولا تعرضوهن للتجارب كما يفعل بعض الناس الآن، يزوج ابنته على من لا يصلي ويقول لعل الله يهديه، فقد قال الله تعالى: {فَإِنْ عَلِمْتُمُوهُنَّ مُؤْمِنَاتٍ فَلا تَرْجِعُوهُنَّ إِلَى الْكُفَّارِ لا هُنَّ حِلٌّ لَهُمْ وَلا هُمْ يَحِلُّونَ لَهُنّ} [سورة الممتحنة، الآية: 10]، أما من تاب وأقام الصلاة فإنه يعقد له عقد جديد، والله الهادي إلى سواء السبيل.
​

.


و هاذا المصدر : http://www.islamway.com/?iw_s=Fatawa&iw_a=view&fatwa_id=25001


:eh_s(22):