شورو علي بنات ؟

[حكآية قلب]

السلام عليكم


شلونكم كويتيات حبايبي


انا قطيت حبوب المانع من شهر 12 اللي فات وماصار حمل اخذت كلوميد شهر 7 و 8 و وقفت مالي خلق قلت
يمكن احمل طبيعي افضل و هالشهر اول مرة تاخر علي حيل دايما منتظمة صارلها 12 يوم
حللت هرموني ماكو حمل امس حللت


شرايكممم بنات انزل الدورة ولا انطر ؟
وهل فيه بنات طلع التحليل الهرموني سالب و حملت ؟


وووووسلامتكم ؟

 

[^ lamooosh ^]

اذا في حمل المفروض بين بالهرموني

بس ما انصحج تنزلين الدوره
خليها منها ومن نفسها
لاتلعبين بعمرج


وادعي ماتدرين
الله رحيم ويستجيب


والله يرزقج يارب
ويفرح قلبج

 

["*آآآنؤؤؤقهـ*"]

حكايه انطري شوي وعقب نزليهااا ..

الله يرزقج ماتتمنين

 

[امـ خــزامـى]

الله يرزقك ماتمنين

 

[Mrs.H]

الهرموني مضبوط بس لاتلعبين بنفس بادوية ترى هالسوالف مضرة للجهاز الهضمي

 

[انوار المحبه]

الله يكتب لج الي فيه الخير

 

[فيلجاويه كيوت]

خليها تنزل بروحها والتخربط من الكلوميد

ليش خذيتيه ؟ عندج ضعف؟

 

[أأأميرة الورد]

خليها تنزل بروحها احسن

اانا شريت بردقوش مرتين وثاني يوم نزلت

وكانت متاخره الدوره

 

[حكآية قلب]

بشرب بردقووووووش


يسلموووووو

 

[حكآية قلب]

بشرب بردقووووووش


يسلموووووو



مشكوررين على الدعوات

 

[baa6aa]

عادي في ناس الهرموني ما يبين عندهم

جربي التحليل المنزلي

بنت خالتي جذي تحليل الدم ما بين و التحليل المنزلي بين معاها حامل ..

فان شاء الله الله يرزقج باللي تبينه و تبشرينا

 

[^لغموضي معاني^]

اختي مابين وياها الهرمووني وبنت خالي

انطري دام مافي شي يضر وان شاءالله خير


عسى ربي يكتب لج الخير زيرزق كل محروومه

 

[Roozlin]

الله يرزقج يارب وانصحج بدفاستون اكليه مرتين باليوم لمده خمس ايام واتركيهاذا فيه حمل راح يثبت واذا مافيه بتنزل بعدها بكم يوم ....

 

[كرز.]

الله يرزقج

 

[فطمطم]

سبحان الله وبحمده سبحان الله العظيم

 

[ملووكه_2010]

هلا حكوكه لاتلعبين بنفسج خليها اهي تنزل بعدين شنو حبوبج المانع شسمهم؟

 

[اخت خالتهم]

امي كانت تقولي اذا الدورة تأخرت شهر يعني الشهر اللي وراه بتحملين ان شاءالله
لان الرحم قاعد يعود نفسـه

ونصيحه لا تاخذين حبوب منع مرة ثانية ,, تضعف المبايض

 

[حكآية قلب]

اي بعد تووووووبه اخذ مااااانع بس كنت مضطرررررة لاني قيصري



المانع اللي اخذته جنيرا ياعل ماكو جنيرا




للعلم بس استخدمت 5 اشرطة الحمدالله قطعتهم من نفسيتي الخايسه لعبوووووو فيني





الله كريمممممم


للحبن مانزلت هههههههههههههه


بشوف متى بتشرف الاخت

 

[انسام الكويت]

يمكن حمل متأخر حتى لو حللتي هرموني مايبين الحمل المتأخر انطري بعد اسبوع وكم يوم واذا ماجت حللي هرموني وراح يبين معاج اذا كان مرتفع

عمومااا انتي لا تاكلين حبوب ولا تشربين شي ينزلها الدوره من نفسها راح تنزل الا اذا في حمل او امراض نسائيه بتأخرها لج ... وان شاء الله حامل

بس ممكن سؤال حملج الاول كان طبيعي من الله والا تأخرتي بالحمل وورحتي عالجتي واكلتي ادويه مثل كلوميد وهالسوالف ؟

 

[ملووكه_2010]

حكوكه هذول الحبوب محد يمدحهم انا استعمل مارفيلون حلوين ع الاقل اذا قطيتيهم تحملين بعد شهر او شهرين من تجربه بنات الدوام كل اللي جربوهم وقطعو قالو ع طول حملنا يعني مايسون مناعه طويله وانشاءالله الله يرزقج