شوفوا الاعراض و قولوا رايكم ،،، و متى احسن وقت احلل فيه عشان تطلع النتايج اكيده ؟

[Limited_edition]

السلام عليكم خواتي ،،​

انا اليوم ليلحين متأخره علي الدورة 4 ايام بس​

و هالشهر انا حاسه بتغيير جذري بكل مافيني
وانشالله يا رب الله يكتبلي الحمل هالشهر​

من ناحيه التغييرات اللي حايشتني
بلشت معاي بالضبط بالضبط قبل موعد الدورة ب 10 - 11 يوم
و طبعا هالتغييرات و الاعراض مستمره معاي من ذاك الوقت ليييي اليوم وانا اعاني منها​

اولها صداع مستمرررررر طوووول اليوم
و نوم طول اليوم و نعاس مو طبيعي ، طول اليوم انا نايمة و كله دايخه و كله تعبانه بنام و مصدعه
و عوار بآخر بطني و نغزات طول اليوم
و عوار على الجنب اليسار فضييييع
و صار فخذي اليسار يعورني
واصلا حاسه بثقل بفخوذي
و دخلتي للحمام عشان اتبول كثرت لاني انا قبل بس 3 مرات ادش الحمام باليوم
الحين صرت تقريبا 8 مرات اتبول و ترى سويت تحليل بول خفت يكون فيني التهاب طلع مافيني شي
و جسمي فجأة يصير حار واحس بحراره
و جسمي كله احسه منهلك و تعبان و مهدود حيلي و كله ابي الراحه
و غير جذي صرت اكره الاكل اللي احبه و تلوع جبدي منه و كله اشم منه ريحه زفر
و حاسه الشم صارت عندي قوية حيييل صايره بس امشي واشم و القط الريحه عن بعد كيلو لوول
و صايره اتشهى الاكل بطريقه غريبة و بس اكل
و صدري متورم مرة احسه يابس و مرة يلين بس انه متورم
و صدري الحين هاليومين يعورني ماقدر اجيسه و ينغزني حيل
و افز من النوم على الم فضييع بحلمات صدري جنه احد قارصني
و صايره مزاجيه و عصبيه و اتنرفز بسرعه
وغير جذي حساااااااااااااسه حيييييييييييل و اي كلمة تبجيني
ريلي لو يقولي ليش ما داومتي اليوم ؟ اطقها بجيه ما اسكت مادري شفيني​

اعراضي كلها اعراض حمل بس مادري​

انا رحت المستشفى قبل موعد الدورة ب 10 ايام وقت الالم
و الدكتورة قالتلي فحصي تحليل حمل هرموني بس طلع سالب
بس امي قالتلي ماراح يبين الحين توه الناس لازم تنطرين عقب الدورة لما تتأخر
و هم بعد زاد علي الالم قبل موعد الدورة ب 3 ايام و رحت المستشفى بس مستشفى ثاني
و قالتلي الدكتورة سوي تحليل حمل هرموني و هم طلع سالب
و سوتلي سونار
قالتلي جدار الرحم عندج سميك
و المبايض و البويضات وايد ممتازة
وماعندج اي مشكله الحمدلله
و ممكن تكون دورة بتنزل و ممكن يكون حمل بس طبعا ماراح يبين بالسونار الحين
بس طبعا هالحجي قبل موعد الدورة ب 10 ايام و ب 3 ايام
لان حجي الدكتورتين و السونارين و التحليلين نفس الشي بالضبط​

.​

ف شرايكم ؟
الحين مر على هالايام وقت
والحين انا متأخره علي الدورة 4 ايام
تتوقعون ممكن اكون حامل ؟
و متى اقدر اسوي التحليل عشان يبين صح اذا في حمل او لا ؟​

انا قالولي احسن شي انطر عقب تأخر الدورة 10 ايام
شرايكم من تجاركم متى اسوي التحليل
وهل ممكن اكون حامل ؟​

و اسفة عورت راسكم
ومشكورين​

 

[ام غازي 2012]

مادري والله متي يبين الحمل


بس ان شاءلله يارررب حامل

 

[نبنوبه.!]

حبيبتي اذا سويتي هرموني الحين يبين
و ان شاء الله ، الله يكتب لج الحمل هالشهر

 

[سنفورة زرقة]

اعراضج هذي اعراض حمل واعراض دوورة
انا لمن حملت نفس الاعراض ولمن بتيلي الدورة نفس الاعراض
فشي محيييير بس انتي نطرري مالج غير تصبيرين والتحليل. يبين
يااارب تكوونين حامل اا نزلت الدورة لاتزعلين حبيبتي حاولي الشهر الياي ولا تفكريييييييين والله ان التفكير ياثر
الشهر الي حملت فيهكلشمافكرررت

 

[طعم الشهد]

انشالله تكونيين حامل لاتفكرين وايد سعات من كثر التفكير والمحتات الوحده توسوس بعراض حمل احس كل الي ذكرتيه تو الناس عليه

 

[بحرينيه كوول21]

يارب حامل وتبشرينا

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[أحلى عروس 2012]

شوفي أنا ريلي عرف اني حامل
من شميت ريحة قوووية
قال لي لا الريحة عادية
بس انت حااامل
انا هني الحمد لله طرت من الفرح
وصج طلع كلامه
ان الحامل تقوى عندها حاسة الشم

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[Model Look]

اعراضج حبيبتي ممكن حمل وممكن دوره

انا الشهر اللي فات افتر راسي حيل وصداع وكله نايمه توقعت اني حامل 1000% لانه نفس اعراض بحمل ولدي بالضبط

ونزلت الدوره

مابي احبطج يمكن مو حامل والله يكتب لج اللي فيه الخير

 

[رووح ابووها]

يبين بالهرموني رووحي حللي وبشرينا

 

[مناوووي]

الله يرزقج

 

[love love]

الحين حللي وهرموني اضبط شي

وهم الدم بيبين

 

[اخت خالتهم]

انا مرة حللت قبل الدورة باسبوع
و كان صفر و بعد الدورة سويته وطلعت حامل

حللي منزلي اول شي

 

[ام الحلوااات]

حــــلــلــــــي دم وراااح يـــبـــيـــن مــــعــــاج
ويـــااارب تـــطـــلــعـــيــــن حــــااامــــل
وتــجــيــن تــبــشــريــنـــا ​

 

[gmar al-kuwait]

يارب حامل

 

[قلب ريلها]

ان شاء الله خير وتبشرينا

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ