شوفوا شنو شفت بالافنيوز

[اطياب طيبه.أم عبدالله]

كلامكم عدل 100%
الله لايخسف فينا والسبه هالبلاوي

طيب انتوا نسيتو البويات ؟؟؟؟
عاد هذيل حدث ولا حرج

 

[bint ilq8]

أم عبدالله: حبيبتي سالفة البويات هذي مشكله اجتماعية سالفتها سالفة الله يحفظ بناتنا ان شاء الله ويهديهم ان شاء الله :0bee2e8d89:

 

[شهدQ]

حلاة التسوق ببساطتج مو عرض ازياء

انا عبايتي ولانقطه ميك اب وجوتي رياضه واتعجب من البنات وبهرجتهم شدعوه وين رايحه !!!

 

[شيخه***البنات]

اشووه اني ماحب ارووح هالاماكن ..

 

[MISS DaL3]

لأسف هـ الاشكال منتشرهـ حيل بكل مكان,,,,
الله يهديهم .ويستر عليهم

 

[xtraCooL]

لوووووووووووول شفيج عادي ولله و خير ياطير عروس وريلها يشتريلها لا ومن guess لووووول علبالي فندي ولا ال في
كيفهم يتهنون

 

[مستشاره قانونيه]

اشعلييي انا من الناس وشعلى النااااااااس مني

 

[Om_RayooMa]

ليش ماتطلعون وتستانسون ؟؟

ليش حاطين دوبكم دوب خلق الله ؟؟

يابنات ترى من راقب الناس مات هما

خلونا ننشغل باصلاح نفسنا عن مراقبه الناس ومرات توصل الى الدعاوي عليهم او التحسب عليهم

اللي تطلع لبسها بالمعقول وتتصرف حسب الاصول محد ايي صوبها وخلاص هذا المطلوب .. ليش ندور الغثا والهم ؟

اى والله

 

[baroue]

هذي المناظر صارت عاديه جدا تشوفين حتى بالمستشفيات
انا وحده ما الوم خواني لو غازلوا ولا تحرشوا بوحده تستاهل محد قالها تلبس هاللبس ولا تلطخ بهالميك اب احنا ما
قلنا لا تلبسون ولا تحطون بس بالمعقول
انا وحده احط والبس واكشخ بس مو لهدرجه هذي
عيل شسوي بالعروس لو كل يوم طالعه جذي :s
تحياتي لصاحبه الموضوع

 

[*$ فطوم حيص بيص $*]

وييي وي ويييييييييي ...


يااما و يااما شفت و شفت ...

مرة من المراات شفت وحدة .. ذاااك البياااض .. و ذيييج النعوومة .. و الصووت نااااعم .. يوم قربت منها يم الكااشير.. طلعن رياااااااال

اللهم ارحمنا برحمته .. يا ربي كثرت هالاشكاال...

و مرة شفت وحدة والله العظيييييم يا بنااات ... من المكيااج اللي حااطتها .. لما تشووفينها من بعييد عيوونها ما تبييييين ..

حبيبتي فقراانة ؟؟ ولا مرة شاايفة مكيااج ؟؟ مو شايفة السووق ولا مرة بحاايتج ؟؟ الحمد لله والشكر ..

الله لا يبلييناا ...

والله عاادي .. و ياما بنشووووووف ..

 

[SILVER ROSE]

هذا عيبكم تروحون المجمعات وطايحين له خز بالعالم.. الله يهدي الجميع

 

[ana_q8eya]

موبس الافنيوز المجمعات بشكل عام

ماحب اروح له الا الصبح

اتمشين على راحتج واتروحين الكافيهات وتستانسين

مايكون فيه هاليهاهيل والخمه

ناس كبار وسنعه
معني مرات اطلع من دوامي او ازرق

بس احسن والله
واريح

والا اذا طلعات باليل ماكو سينما وبس

 

[*Star*]

الهلاقة مشكلة ..

 

[sadan]

المحترمة محترمة فى كل مكان

حتى لو المجمع فيه مفاصيخ انا مايهمنى الناس على بنفسى واهلى واللى معاى

هذا طبعى سواء بالكويت والا برة

اروح واستانس واشوف جماعتى

ولا يهمنى الناس البسوا والا فصخوا

هذا كله راجع لهم

بس ادعى للجميع بالهداية

 

[كريستال ليدي]

اذا على موضوع الللبس نقول ما عليه مكان عام و من الواجب احترام الذوق العام

بس على سالفة المرة و ريلها ... لا عييييييب اختي يعني الواحد ما يصير له خصوصية حتى بسوالفه مع مرته قاعدة تسمعين السالفة كلها من اول ما دخلو المحل ليما ادفعوا و مشوا ... يعني ماكو خصوصية ولا اكو متعة بالطلعة كلش ... اشكره تطفل على كل شي حتى مشترواتها و سوالفها مع ريلها !!!!!!!!!!!

الله يهداج بس ...:0bee2e8d89:

 

[منورة الكويتية]

من راقب الناس مات هما

 

[دناديش]

الله يعينك على نفسك يا اختي من راقب الناس مات هما

 

[Miss Golden]

كلهم كوم والموقف الاخير كوم..

شنسوي بعد الظواهر الغريبة بكل مكان..


بس انا احاول ما ادقق وايد لان "من راقب الناس مات هما "




شكرا حبيبتي عالموضوع..

 

[الكادي 1981]

مهرجااان مو مجمــع حــشى

 

[Eng.shosha]

حتى آنا امس رحت الافنيوز وشفت بويتين وحده قاعده تنادي الثانيه تقول لها : عادل تعال لوووووووول مصدقه عمرهاا


الله يهديهم