شوفوا هالرد اللي قريته باحد المنتديات

[Chevy]

اووه عاد فيوليت معروفين نصابين
تقولي الملابس كلهااا من فرنسا و يوم شريت بدلتي قلتلها ابي اتسكرينه صوب الصدر يوم عدلتها ولا معدله نفس الخامه اشكرا ميد ان كويت لوووووول ولا جان يايبين طاقة الخام من فرنسا هذا شي ثاني :dddds:
والله حرمت اشتري منهم

 

[موت وميلاد]

حسبي الله ونعم الوكيل

 

[منيرة خالد]

الماركات لا تشترونها من الكويت وخاصة الجناط والساعات ( انعدمت الذمه والضمير من يوم افتحوا فيلا مودا )



اما

الملابس صراحه بهالوقت كل شي تقليد ولا بعد يمكن احسن من الأصلي بالخامه وما يسوي تقطين على ملابس تلبسينها مره او مرتين والسوق والمشاغل مفتوحه وتقدرين تأخذين اغلى بدله ماركة وتخيطين مثلها واحسن .

وحتى بعض المحلات وخاصة العبي تلقينهم قبال بعض محل يبيع العباية 70 دينار واللي قباله نفس الخامة والموديل بـ 25 دينار شالسالفه ما ادري - وباسهم قوي اذا قلتي جارك يبيعها بهالسعر يقول اخذي منه كيفج ........... الناس اشفيهم ما يشوفون ولا يقارنون وإلا شنو القصة ؟؟

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

مــعروف حبيبتي الله يخلي سوق الجمعــه ,,,

حتى البلوكــآت نصـــآبين أشتري خــآمــآت ابـ 4 و 5 دنانير المتر ,,,

و ألــقــآهــآ هــنــآك اب ربع دينــآر فرق و الله ,,

كل شيء من جوتي لشنطه في شنط على عشرين ألقـــآهـــآ اهنــآك ابـ دينــآرين أو ثــلآث ,,,

و كليرز مال بو امية فلس ,,,

كل شيء سيء مــآ أشتري من هــنــآك ,,,

حتى نكست يــشترون صيني ويغيرون العلامــآت ,,,

شــآيفينـكـمـ مقصه ,,,

و غــآب Gap سعرهـ غــآلي و جــآيبين الصيني ,,,

هــآلمــآركــه بإمريكــآ أرخص حيييييييييييل من الي هني و أحلى ابمليون مرهـ ,,,

و جودهــ عندي مــلآبس منه صــآر له 6 سنين عندي ولآ تقطــعوآ الي هني لبسه و يتقطــع ,,,

نصب ابـ نصب ,,,

الي يبي يشتري يشتري من برهـ أو دول الخليج الثـــآنيــه ,,,

و المشكــلــه الأســعــآآآآر نـآآآآآآآآآآآآآآر ,,,

شوفوا برهـ لبس اشحلاته رخيص ,,,

و مـــــع السلامــــه ,,,
|~|

 

[el3aNoOoNa]

الاصلي معروف والتقليد معروف ليش الناس ماعندهم عيون

اي بس حبيبتي في شيء اسمه التقليد الطبقع الاصلللل الي ماتفرقين بينه وبين الاصلي


عموما صاحبه المووضوع يعطيج العافيه

 

[ريـــووف ksa]

استغفر الله لدرجه ذي وصل الاستحقار بعقول البنات


الحمدلله البس الي يعجبني ولابحياتي فكرة ماركه او لا

 

[أإلع ـشق دلع ـهـأإ]

؛


؛


معرٍووووف إن الكويــت مجمعـأتهـأ مافيهـــم اصلــــي ...


؛

؛

 

[$نسيم الصباح$]

والله ما يندري عن وزارة التجاره ماتدري عن شي . والتجار الله أعلم بذمتهم.
بس الماركة العالميه ما أعتقد يكون فيه غش,

 

[رفاعية19]

والله قمنا انخااااف!!!!!!

 

[G!RLooNa]

اي معروفه حتى سوالف المعارض اللي ينباع على 100 و لا حتى 50 و اهوا مو مكلفهم دينارين لكن تعالي فهمي ناس عقولها صغيره ما تفكر مع الخيل يا شقرا

رفيجتي شاريه خاتم من معرض ب 60 دينار والله وانا طالعه معاها مادري شحاش ايدها جان يتفجج الخاتم كل قطعه طارت بصوب تقولين ملزق بتفال قتلها كفوج هذا بو 60 دينار

 

[Reem_q8]

صح كلامه احناا عندنا حراميه مو تجار يجيبون من شرق اسياا ارخص لهم ويبعون غالي حسبي الله عليهم

 

[وهج الخير]

ياااااااااارب ما يمر على هالموقف يا خواتى بس
ياويله من الله يشترى ويقص عالاوادم بتييله زقوم باكر بالقيامه لان هذا الغش

 

[Be colorful]

الله يعافي المجمع اللي يم حوش الجواتي
كله سوالف تقليد ماركه على 10 دنانيييييييييير لوووووووووووووووول
على الاقل كل ساعه اغير جنطه مو اشتري وحده ب 500 ومادري جم والبسه 3 سنين جدام
ما تطيح من ايدي جني مو مصدقه
وانا انصدم من اللي تدش جمعيه عشان تاخذ ماركه لوووووووووووووووووووووووول


المهم بنات تتوقعون المحلات اللي ب 360 تقليد بعد ؟

 

[الباسمه]

انا عني اوفر لصيف ولما اسافر اشتري الشغلات اللي في بالي
يعني اي شي ابيه ماركه اشتريه من برى واساسا لما البس هنيه خواتي ورفيجاتي يقولون رحنا المحل ما حصلنا نفس الشغله بالضبط لقينا شي مقارب لها
هذا دليل ان مو كل شي ينزل الكويت
فنصيحه مني اللي تقط على عمرها بالماركات تروح تشتري من برى لو 3 ايام وترد

 

[المـــــها]

حسبي الله و نعم الوكيل

 

[روحها لكويت]

الحمد لله لاني يم الماركات ولا شيء كل مشترياتي ولله الحمد على قدي ولا يحترق قلبي وحلوين كل ما لبست قالو من وين مو شرط الماركه يعني انج ذويقه وكشخه ولا اللبس البسط يقبح البني آدم .

هذاك اليوم شفت قميص اختي ماخذته من المارينا مادري أي محل وقايسته وعطتني اياه قلت بقلبي خل أشوف وين مصنع أدور أدور ماكو شيء
الرقم فوق ومكتوب مادري أي ماركه نسيتها وتوني بعطيها اياه ولا أشوف من داخل بطرف القميص صوب الخصر مكتوب بظهر الشريط مصنوع بنغلاديش نعيب على البنجاليه ونلبس من مصانعهم ههههههههه

 

[روحها لكويت]

بكمل ردي هههه مادري بنات اللي تدعون على التجار مالهم ذنب يعني الذنب ذنب المشتري اللي مو مصدق عمره بالماركه والقانون لا يحمي المغفلين

هم ينزلون بضاعه والناس تدش وتشتري يعني مادري أحس مالهم ذنب الكل يبي يربح عن نفسي من ناحية الفلوس مو قاصرني شيء وأقدر أشتري بس مادري بنات ليش يصير معاي جذي لما أدش المحل وبشتري شيء حتى لو عاجبني كلا اتردد وبعدين يطلع تقليد أحصله بالمباركيه ولا أولادنا ولا المحاميد شوفو شنو صار معاي رحت أشتري دراعه من مادري شسمه مول اللي يم لولو هايبر وقالت البياعه هناك 30 دينار مادري ظليت أطالعها وسكت وفلوسي بيدي ماسكتهم جنه أحد قالي طلعي وبالصدفه ثاني يوم رحت أخذ مواعين من المحاميد شرق أول مادشيت طاحت عيوني على الدراعات ولقيتها جدامي بدينار ونص قلت شسالفه مو مصدقه عيوني حتى زوجي قالي من 30 لدينار ونص قلت بشتريها
وبشوفها مثل اللي هناك وصج طلعت مثلها بالضبط عيل لو شاريتها مو حاشتني جلطه

 

[كريستال ليدي]

بالكويت كل شي جايز

 

[manarah]

عادي اصدق بس جان زين يدليني عالمحل اللي بالمباركيه

 

[أدووويا]

احسن شي نسافر و نشتري من الماركة