شوفولي حل واللي يسلمكم

[tt2tt]

رد : شوفولي حل واللي يسلمكم

مدري شقوول لج بس لو تقوليين شنو سبب المشاكل بينكم هل لها حل او لا

 

[هديل 77]

رد : شوفولي حل واللي يسلمكم

لا حول ولا قوة إلا بالله


الله يصلح شانكم ويهديكم يارب

 

[A7la KatkoOota]

رد : شوفولي حل واللي يسلمكم

حبيبتي ماعليج منه خليها عنده مثل مايقول واهوا بدق عليج بيقولج تعالي اخذيها لانها صغيره ومايقدر يتصرف معاها اخذي بالمسايس وبلعكس بيشوفج مومهتمه ذاك الزود اهوا بيحتر البنيه صغيره اسمله عليها ويبيلها مجابل واهوا مايقدر عليها حتى لوبيوديها عند اهله ماراح يتحملونها الحين محد يتحمل اعيال احد بس انه اقولج قرار لانفصال صعب استخيري والله يكتبلج اللي فيه الخير

 

[أم حووور81]

يقولي ما راح ادق عليج واقولج تعالي اخذيها .. واثق من نفسه وايد ..وانا ماعندي خدامه وساكنه بيت حمولتي يعني خالتي ام ريلي معانا بس اهي مره عوده ومستحيل تمسك بنتي ولا ابيها تمسكها اصلا ..
وريلي دم اضروسه اييبله طاري الخدم .. الحمدلله والشكر متعقدين منهم ..

 

[أم حووور81]

رد: رد : شوفولي حل واللي يسلمكم

حبيبتي ماعليج منه خليها عنده مثل مايقول واهوا بدق عليج بيقولج تعالي اخذيها لانها صغيره ومايقدر يتصرف معاها اخذي بالمسايس وبلعكس بيشوفج مومهتمه ذاك الزود اهوا بيحتر البنيه صغيره اسمله عليها ويبيلها مجابل واهوا مايقدر عليها حتى لوبيوديها عند اهله ماراح يتحملونها الحين محد يتحمل اعيال احد بس انه اقولج قرار لانفصال صعب استخيري والله يكتبلج اللي فيه الخير

ودي اسوي مثل ما تقولين بس والله ما اقدر اخليها عنده واروح قلبي ما يطاوعني اخليها عنده لو حتى جم ساعه فما بالج جم يوم اذا مو شهر بعد البنت صغيره وهي الحين بحاجتي ..

 

[ناتشوو]

رد : رد: شوفولي حل واللي يسلمكم

مشكورين خواتي ما قصرتوا

انا اقدر ادق على اهلي وييون ياخذوني مع بنتي بس انا مابي بالغصب ابي الشغله بالطيب ..

الحمدلله دام قلت جذي
انت مو مقتنعة بالطلاق
وكلامج مو من قلبج
اظن كلام اشتياق صح
قصده لا تروحين
تعوذي من ابليس
وان شاء الله تنحل مشاكلكم كلها
وكل شي ينحل
باذن الله

 

[القوارير]

رد : شوفولي حل واللي يسلمكم

ما عليه حبيبتي صدقيني أول سنين الزواج تكون لا تطاق
ودامه قال البنت تبقى هذا طلب غير مباشر لج انتي ان تبقين ورافض بعدج بس الريال بطبعه يكابر
وانتي مبين انج مضغوطه منه وصدقيني ضغوطج تبين بنفسيتج والريال ماراح توصله مشاعرج واحساسج بالعربي ماراح يحس فيج والسبه نفسيتج المضغوطه وبالتالي وماراح اتشوفين غير الجمود منه والمطلوب صفي نفسج واتركي كل احساس حلو حتى لو كان قديم اتجاهه يطلع يعني هدي الموجه من ناحيتج على الأخير والحل هذا يبيله شوية وقت واتذكري ما بعد الضيق الا الفرج وحطي بنتج بين عيونج وانها تستاهل محاوله منج عشانها انا أعرف وحده كبيره وعيالها متزوجين بعد وتلوم امها ليش ما اصبرت على ابوها مو عشان ابوها عشانها اهي
واستعيني بربج وقوي علاقتج فيه وبتشوفين العجب من تفريج الهموم
ولا تقولين عندي مواقف هالمواقف اتفجرها الضغوط يعني مثل السلسله ورى بعض وما راح اتوقف الا بوقفه حقيقيه منج ولا تقولين الكلام سهل صدقيني اعزمي النيه وابدي ومتى ما حس ان تصرفاتج نابعه من مشاعر صافيه وحقيقيه ما فيها اي ضغط بتشوفين باذن الله ردة فعله مثل ما اتحبين بس عليج بالصبر الصبر
والله يوفقج ويسخره لج يارب

 

[غريقة الشوق]

لاحول ولا قوة الا بالله الله يهديه يارب ويصلحه لك
حاولي تغيرين اسلوب الهواش جذريا حوال يكون بتفاهم بموده
بجلسه يتناقش فيها كل واحد عن اللي يضايقه في الثانيه وكل واحد ياخذ وعد على نفسه انه يغير
اسلوبه عشان بنتك ماتضيع بينكم بعدين اذا هو يحب بنته يعني يحب الام اللي جابت هالبنت له
لو مايحبك ماهتم فيه ولا في بنتك..ولاحاول انه يحملك بالاساس فانتي رحت لاهلك وردك وبعدين رحتلي ورديتي
معناها انه اشتاق لك ويبيك بس حاولو هالجدار اللي بينكم تهدمونه حاولي تفهمينه اكثر تسكتين مو كل شي تردين عليه
يعني اذا هو شد الحبل حاولي ترخي انتي .. لاتعصبين ولاتدخلين اهلج لانهم ادخلو مرات كثيره وكان الانفصال وبعدين تردين لزوج
خلاص غيري هالاسلوب شوفي اسلوب ثاني حنى مانعرف وش لب المشكله وانتو زوجين يجمعكم بيت واحد حاولي تصبرين
وبحثي في اساس المشكله وقتلعيها من جذورها ..حاولي تبدلينه عبارات حلوه تدلعينه وحتى هو معصب قولي له ادري انك تملك قلب طيب
بس عصبيتك هي المخربه عليك حتى لو كنتي مش مقتنعه بكلامك بتشوفينه بنحرج من نفسه ويخنفي مود العصبيه حاولي لاتياسين حطي بعلاقتكم امل والله يوفقج..

 

[ELFAD3Ah]

رد : شوفولي حل واللي يسلمكم

اكيد عندج رياييل يوقفون بويهه وبجذي مالراح يقدر يمنعج تاخ

 

[ELFAD3Ah]

رد : شوفولي حل واللي يسلمكم

تاخذين بنتج

 

[اكسبلانكا]

انا مع اشتياق لو ريلج بايعج مايبيج جان قالج روحي بيت اهلج وماهميتيه خذيتي بنتج اولا بس اهو حطلج العذر في بنتج لانه يدري انج ماراح تستغنين عنها وبجذي راحيظمن انج تقعدين وما تتركينه .. ترى ريلج ذكي حطي هالشي في بالج
والله يهديكم حق بعض

 

[اكسبلانكا]

انا مع اشتياق لو ريلج بايعج مايبيج جان قالج روحي بيت اهلج وماهميتيه خذيتي بنتج اولا بس اهو حطلج العذر في بنتج لانه يدري انج ماراح تستغنين عنها وبجذي راح يظمن انج تقعدين وما تتركينه .. ترى ريلج ذكي حطي هالشي في بالج
والله يهديكم حق بعض

 

[رحيل المرافيء]

رد : شوفولي حل واللي يسلمكم

شنو سبب المشاكل ؟؟؟؟؟؟؟؟؟ يمكن واحد يعاند الثاني على مشاكل تاقهه
توكم سنة ونص معاريس يعني بسم الله الرحمن الرحيم متى تزوجتوا عشان تتطلقون

والبنت مايقدر عليها قوليله باخذها وخلي يزورها وقت مايبي كل يووم ايي يشوفها ببيت اهلج هذا الحل
بس فكري زين الطلاق مو حل
روحوا لاصلاح ذات البيت بوزارة العدل ويقعدون معاج ومعاه ويحلون المشاكل
او مركز الانماء الاجتماعي

 

[tt2tt]

رد : شوفولي حل واللي يسلمكم

ابببب

 

[A7la KatkoOota]

رد : رد: شوفولي حل واللي يسلمكم

يقولي ما راح ادق عليج واقولج تعالي اخذيها .. واثق من نفسه وايد ..وانا ماعندي خدامه وساكنه بيت حمولتي يعني خالتي ام ريلي معانا بس اهي مره عوده ومستحيل تمسك بنتي ولا ابيها تمسكها اصلا ..
وريلي دم اضروسه اييبله طاري الخدم .. الحمدلله والشكر متعقدين منهم ..

حبيبتي اتقولين مايحب الخدم وخالتج مره عوده يعني منو بجابل البنيه صدقيني مايقدر حجي بس ماعنده دوام مايروح مايرد منوبيشوف بنتج محد وماتدرين يمكن مثل ماقالو البنات مايبي يطلق بس بيقثج قالج جذيه اعرف وحده جذيه نفس سالفتج كل ماتهاوشت مع ريلها راحت بيت اهلها واعيالها معاها واعيالها حلوين موصغار شايلين نفسهم المهم قالتلها رفيجتها مره ثانيه اذاتهواشتي معاه ورحتي بيت اهلج موتاخذين اليهال خليهم عنده وشوفي شنو بيصير وصج راحت وخلت اليهال عنده تدرين شنو سوى راحلها بيت اهلها ومعاه اليهال قالها خليتهم ورحتي شسوي فيهم قالتله مو انت ابوهم خلهم عندك وانه بشوف حياتي طبعا حجي بس شسوى راظاها وردو من احسن مايكون وهذي واعيالها حليوين لاوعندها بدال الخدامه 2 وماقدر بروحه وريلج نفس الشي ماراح يدق لابيها لج صدقيني وقولي ماقالت كتكوته لاوبيشوفج مومهتمه ذاك الزود بيحتر زياده وبيها وخاصه بنتج صغيره ومسؤوليه يبيلها مجابل وانه اقولج يمكن مثل ماقالو البنات مايبي يطلق فكري واستخيري وهذا اهم شي وكلش كلش مانحلت السالفه سوي مثل ماقتلج تحملي اشوي يوم يومين وبيبها لج اتقولين شهر مستحيل الحين سكتي عنه لاتفتحين معاه هالسالفه شوفي شيسوي ماتدرين يمكن بعد مايهدا يتحسف على اللي قاله والله يسهل امورج وتنحل مشاكلج

 

[Queen of Sadnes]

الله يكون بعونج ويفرج ضيقنج اصبري وخليج بالبيت وحاولي كثر ما تقدرين انج تتجاهلينه وتسكتين عنه كانه موموجود لين تهدا النفوس وبعدين كلميه بهدوء من غير عناد و عصبيه والله يفرجها

 

[أم حووور81]

مشكورين خواتي الحمدلله احنا الحين تراضينا ... وان شالله ماترد المشاكل بينا مره ثانية..

ماقصرتوا بنات كفيتو ووفيتوا ..والله ودي ارد عليكم وحده وحدة بس ما اقدر بيدي بنتي محد يمسكها عني والحين قاعده اكتب وهي بحضني

احبكم واااااااااااااااايد:33_1185028183::33_1185028183::33_1185028183:

 

[A7la KatkoOota]

رد : شوفولي حل واللي يسلمكم

زين الحمدالله حبيبتي استانستلج والله
والله يبعد عنكم المشاكل ويخليكم حق بعض

 

[{ ليت ظني كآن صآيب }]

الحمد لله انكم تراضيتوآ


بس حبيبتي بقولج كلمه وحطيهـآ ببآلج ودآيمآ تذكري كلامي ... !

اول شي اذا انتي عصبيه قد ماتقدرين حاولي تمسكين نفسج جدآمه اذا تهاوشوآ يعني خلج هاديه مو اهو يصآرخ وانتي تصآرخين غلط

و مو كل مشكله تقولين خلاص انا تعبت طلقني واهو يقول روحي لاهلج .... !

الحياه الزوجيه يبي لها صبر وكفــآح و تنازلات

انا اول ماتزوجت قعدت سنه واكثر مشاكل بمشآكل .... كنت اعاند واهو يعاند .... / نفسيتي تعبت وماحس بالسعاده الزوجيه

كان الشيطان يدش بينا ومايمر اسبوع الا متزاعلين !

انا كانت حبوب المانع لاعبه بنفسيتي بعد ... بعدين صرت قد مااقدر اهدي الاموووور

والحين الحمد لله الوضع احسن بوااايد من قبل مرتاحه ولله الحمد

انتي حاولي تعطينه فرصه ... افهميه ... اذا زوجج طيب و يحبج عطيه مليون فرصه اذا مو عشانه عشان بنتج !


\


نصيحه اخيره : اذا تزاعلتوا لاتكبرين السالفه اذا ماتستاهل و تدخلين اهلج وتغثينهم وتخلينهم يشيلون هم

و يفكرون فيج وانتي ثاني يوم تتراضين وياه وتضحكون وتستانسون مع بعض واهلج للحين يحاتونج وشايلين هم !


و اتمنى لج حياه هاديه كلها سعاده ورضاااا يارب .. !

والله يرزقج و تجيبين اخو حق بنتج وينتف شعرهااااا لووووول

 

[You FOR Me Only]

الله يوفقج يارب ويبعد عنكم بليس وشره

الله ييسر امورج ويهنيج مع زوجج وبنوتج والله فرحت لج من كل قلبي

بس هالمره هدي ولا تعطين الامور فوق حجمها ومو كل كلمه والثانيه طلااق

الطلاق خليه اخر الحلووول