مرحبا حبوبه توني اليوم افتح المندى يا قلبو واشوف الخاص بس ما اقدر ارد عليك بالخاص حبوبه..
شوفي ايطاليا يكفي فيها 3 ايام روما و2ايام فلورنسا و يوم فنيسيا..
روما كلها معالم تاريخيه روحي قصر الشعب هوه عباره عن متحف كبيـــــــــــــــــــــــــــــر بنص روما وقريب من الكونسول يبغاله يوم كامل اذا بتفري فيه كله..
روحي الكونسول (ساحه المحاربين) تندمنا انا وزوجي اننا مادخلناها لانو الوقت ما كفانا ابد.. فيه الفاتيكان اذا تبغين تدخلين له يبغاله يوم كامل برضو وداخل كله منحوتات ورسومات لمايكل انجلو.. نصيحه لا تتصورون مع اي شحاذ هناك خصوصا الهنود والبنغالين (متعقده منهم تخيلي تصورت انا وزوجي مع واحد منهم وماكان عند زوجي الا 5 يورو وعطاه على اساس يرجع الباقي راح لهطها
)
روحي نافورة تريفي قريبه كثير من المدرج الاسباني >>> لا تنسين تروحين له وتاخذين معاكي كم الف لانو تحت قدام النافوره اللي عند المدرج فيه محلات ماركات بربري وديور ومن هالطقه..
وطبعا لاتنسين الاوت لت اذا تبغين تتسوقين.. و روما طول ما انتي ماشيه بتشوفين الاثار بكل مكان..
في فلورنسا انصحك بيومين بس روحي لجسر الذهب و من هناك بتشوفين الرسامين ايش كثرهم خلي واحد منهم يسوي لك رسمه كاريكاتور او يرسمك عادي (خساره زوجي ظيع الرسمه) و انصحك بمطعم هناك اسمه بوكا ماريو روووووووووووووعه قليل عليه هوه مطعم يهودي بس مافيه لالحم خنزير ولا يقدمون لك خمر الا بالطلب و حلوياتهم ما عليها خمر برضو ومن كثر ما اكلهم لذيذ دايما زحمه...
روحي لساحه مايكل انجلو تشوفين فلورنسا كالها من فوق والطريق لها مره حلو..
فنيسيا انا جلست فيها 3 ايام بس ما انصحك ابدا خصوصا اذا كان يجيك دوار البحر مافيها معالم كثيره ابدا اللهم الجندولا وساحه ماركو بس.. شفت كم تقرير عن جزيره قريبه منها يبعيو فيها اسكتشات الزجاج (انا مارحت لها) طبها لاتنسين تشترين من هناك الاقنعه اللي مشهوره فيها ايطاليا تلاقينها بكثره في ساحة ماركو وبتلاقينها في فلورنسا..
الجو يا قلبو في هالفتره برد و مطر متقطع..
بالنسبه حق هولندا انا مارحت لها الى الان ان شاء الله السفره الجايه تكون لها يارب..
واسفه مره ثانيه على التاخير يا قلبو ولو ذكرت اي شي راح ارجع اضيفه..
