شيء غريب لاحظته في الناس ادخلوا يابنات

[Unusual]

رضى الناس غاااية لاتدرك، اللي تشوفينها كذا جربي تطنشيها ولما تفقدك بترجعلك مثل القطو..

 

[Hand]

والله انا الي عطيني طناش اطنشه بعد
اعامل الناس زي مااحب انا هم يعاملوني
لكن الي يزعل بدون سبب او يعطيني طناش اسوي معاه نفس الشي
وياكثر ماطنشت في حياتي ..

 

[هناء - Hana]

وايد وناس اعرفهم بعد ماتوقعت منهم كل هذا جذي ابدااا تكلمين عنها بالناس بالطيب وتحبينها وغالية على قلبج..لاسف تمدحينها قدام الناس فلانة طيبةاهي اتسوي العكس..بس لاتخافين الله بيردها لها..

 

[روانتي 12]

فعلآ . . ناس عجايب

 

[كريستال]

موجوده هالنوعيه

ولا احبها ولو اشوف هالشي من اي انسان ابتعد عنه واسطح علاقتي به ومايهمني يرد او مايرد بي

 

[00دوخة00]

ملاحظين وبشكل كبير بعد ,,هالزمن اهو زمن ( المصااالح) وحتى الاخوان صارت المصالح تحكمهم
ما بالج صديقه او زميله !! على العموم احنا نسال لوجه الله .. وسو خير وقطه بححححر

 

[ضــمــاد]

من الآخر لا تقربين حيل ولا تطنشين


خلج معتدل وكوني وسط .. لاتقربين حيل ولا تبعدين

 

[عتاب الاحبه]

اي والله يا كثرهم

 

[نونه المنكوشه]

اتعامل مع الناس ع طبيعتي بس ماشد حيلي الطيب اسير اطيب منه والردي اطلعه من حياتي واللي بيطنش مايشوف شر والله يعطي كل واحد ع نيته واللي اتسوي هالحركات الله بيسلط عليها اللي يسويلها نفس حركاتها وشفنا وجربنا الناس لي لاعت جبدي وقمت اطنش ياعمي مشي والحياه حلوه

 

[ورده حمرآ]

ايـه لاحظت وايد وايد !

 

[عذبة السجآيآ]

والله الناس كلها قلبت على بعض خصوصا القرايب والاهل

يعني تكون الغريبه والل يماتصير لج ابرك من الاهل والقرايب بألف مره

عشان جذي صرت اسطح علاقااتي مع القرابه وصارت علاقتي مع الاجناب اكثر على الاقل ان صدوا مايكونون اهل وقرايب وتتضايقني وتنجرحين بس المصيبه لاصاروا الاهل <<< مقهووووووووووووورة

وكلمتي دايم ارددها ( سطح علاقاتك مع الناس تسلم

 

[Florence]

دنيا تخرع والله

 

[فديت عيالي 3]

صح كلامج والله صدقتي والحين علي الموضه ماشين اللي ترفع نفسها عليهم وتهتم مضهرها حييل تشوفينهم يصيرون تحتها بس يحبون يطالعونها واللي ماتهتم بلبسها وتكون تحت امرهم مثل الخبله يصيرون ضدها ولايعطونها وجه

 

[the-angel]

لان الناس كلهم وراه هالمصالح ماشيه

حبيبتي كل واحد يعامل الناس بتربيته *

 

[تبيني آرضى عليك]

حبيبتي كلامج صح
بس الواحد يتعامل بأصله عشان يرضي ربه ثم يرضي نفسه

 

[غلا-زوجي]

الله يهدي ويصلح​

 

[وايليه 1]

إرضاء الناس غايه لا تدرك

لاتجعلينها من أولويات غياتج


من عنده مصلحه معك يكون مثل السمن عالعسل

وبعد انتهاء المصلحه !!!!!!!!!!!!!!!


الصديق تعرفونه وقت الضيق فقط عزيزاتي هنا يظهر المعدن الحقيقي


كل الشكر ​

 

[عادت ذكرياتي]

الناس أجناس

أكو فئات من هالقبيل وبالمقابل في اللي يودونج ويوصلونج على حسب ^_^