شيء ماشفتوه في استراليا

[q8 nono]

رد : شيء ماشفتوه في استراليا

الله وناااسه و تصوريج وايد حلو ...>>> متعقدة من تصويري لوووول

تصدقين كنت ماخذه فكره غلط عن استراليا بس طلعت ونيسه عليج بالعافيه

 

[جوديے... كيوت]

شوقتيني

واااايد حلوه عليج بالعافيه وطريقتج احلى بوضع التقرير واسلوبج

عن جد مشكوره وتسلمين لانه بخاطري اعرف معلومات ولو بسيطه

فيها صعوبه اذا كانت من غير قروب وحلو حق اليهال

والمعيشه قصدج غاليه من ناحية سوق ولا الاكل ولا الرحلات

وشلون جوها انا غيرت راي لانه يقولون حاره وانا بخاطري ثلج:wqedqw:

فيديناااااا ماعليج امر:e3:

 

[computer_teacher]

نونو وجودي حياكم الله وبالنسبه للاسعار اهي الديره تعتبر غاليه اقولكم مثلا اهني بالكويت الربع دينار تقدرين تشترين فيه لو حلاو هناك الدولار الي اهو ٣٠٠ فلس تقريبا ماتقدرين تشترين ولاشي ولا حتى علج والرحلات ماشالله للي عندهم عيال تعتبر مكلفه حسبي لكل واحد تقريبا الرحله تتراوح بين ١٨،٢٠،٢٥ دينار حتى المواد الغذائية مو رخيصه بس تستاهلوبالنسبه للجو اهم عكسنا لما رحنا شهر يوليو كان عندهم شتا والثلج تلقينه في ملبورن

 

[computer_teacher]

نونو وجودي حياكم الله وبالنسبه للاسعار اهي الديره تعتبر غاليه اقولكم مثلا اهني بالكويت الربع دينار تقدرين تشترين فيه لو حلاو هناك الدولار الي اهو 300 فلس تقريبا ماتقدرين تشترين ولاشي ولا حتى علج والرحلات ماشالله للي عندهم عيال تعتبر مكلفه حسبي لكل واحد تقريبا الرحله تتراوح بين 18،20،25 دينار حتى المواد الغذائية مو رخيصه بس تستاهلوبالنسبه للجو اهم عكسنا لما رحنا شهر يوليو كان عندهم شتا والثلج تلقينه في ملبورن

 

[اعلاهن]

رد : شيء ماشفتوه في استراليا

وناااااااااااااااااااااااااااااااااااااسة ...................... يا حلو السفر اذا الصحبة اللي معاج حواتج

 

[computer_teacher]

صح اعلاهن اصلا السفره قروب وقايد اذا زينين تصير وناسه

 

[computer_teacher]

الحين بنوتات بحطلكم صور سوق المتقاعدين هذا السوق يومين بالاسبوع على ما اذكر الاربعاء واليمعه ويكون المغرب يعني بعد ال 7 ونص الحكومة تاج كوشكات للمتقاعدين على طول الواجهة مالت المحيط حاطينلهم محلات عشان يعرضون فيها منتجاتهم لان طبعا ماعندهم الكلام الفاضي الي عندنا انت راحت عليك والا انت مامنك فايده الحين حياتهم انتاج تشوفون الي يسوق الباص في شي وستين ماشالله فا يعرضون منتجاتهم والي اهي طبعا انصدمت لما شفتها بقمة الاتقان والروعه مثل صناعه الصابون بالعطور , شموع , ملابس اطفال حياكة , ملابس ااطفال وراسمين عليها بالرسم الزيتي , طين , العاب يهال
يعني اشياء وايد حلوه .... الاغلبيه ماخلوني اصور بس راح احطلكم بعض اللقطات الي قدرت احصل عليها انصحكم بزيارة المكان

 

[computer_teacher]

 

[computer_teacher]

 

[computer_teacher]

 

[computer_teacher]

طبعا لقيت رسام كاريكاتير جان ارز ويهي واقعد وتيمعوا الناس اشوف تعبيرات ويهم اقول امبيه الرسمه شكلها موشي بس والله طلع فنان

 

[computer_teacher]

وهذي ماشالله عليها تسوي طين فيه لزوجه تقدرين تشكلين منه اشكال استانسوا عليه اليهال

 

[computer_teacher]

 

[computer_teacher]

وهذا ريال يسوي صابون معطر بس وايد حلو

 

[computer_teacher]

جذي خلصت معاكم لليوم اشوفكم باجر وناطرة ردودكم الحلوه

 

[شنوووفه]

رد : شيء ماشفتوه في استراليا

واااي وناااسه يالله نبي معلومات اكثر انا انشالله شهر 3 برووح وخاطري اكثر شي بجولد كوست عجبتني واايد :>
مشكوووره حبيبتي عالصور الحلوه واسلوبج الاروع

 

[بنت الأصايل]

تقرير حلو

الحمد الله على سلامتكم

ياحلو استراليا صج بلد السحر والجمال

 

[computer_teacher]

شنوفه وبنت الاصايل حياكم الله بالتقرير وشنوفه امري اي تفاصيل مايردج الا الكي بورد

 

[شانييل]

وااااااااااااااااااااااي شحلاتها استراليا
ذكرتيني فيما مضى

انا رايحة لاستراليا قبل سبع سنين

نفس الرحلة مالة الجزيرة بجولد كوست ما تغيرت ياحلا الكيك والحليب الي يوزعوة بالسفية الكبيرة ورحلة القوارب السريعة تينن ركبته

وماجفتي جوانا نفس التمساح يتمشى بالجزيرة
وهمن ودونا بالجيبات للطرف الثاني من الجزيرة شفت شاطي ماعمري شفت نفسه لان التراب جنة الماس يبرق

بس ليش ما رحتي المزرعة الي فيها عرض للخرفان الاسترالية وشلو قاصين علينا ما يطرشون الا اردى نوع عندهم

ناطرة سدني لان صراحة 3 ايام ما تكفي لهالمدينة الساحرة

ما رحتي لمطعم دراكولا بجولد جوست
الي الاكل يكون راس ودم شكلة يخرع
والجرسوات كلهم مصاصي دماء!!!!!!!!11
وفيه عرض مسرحي وقطار!!!!!!!!11

روعة متابعتج

 

[computer_teacher]

شانيل حياج الله بالتقرير امبلى رحت رحلة الخرفان وناسه يحليلهم يدلون مكانهم بس المطعم هذا مارحته حسافة شكله حلو بس على شنو بتلقين 13 يوم وماكفوا