((شيخة ...والي رفع سابع سما اني احبج اكثر من امي)))<<<قصة واقعية * مميز*

[((انين الروح))]

رد: ((شيخة ...والي رفع سابع سما اني احبج اكثر من امي)))<<<قصة واقعية

يسلمووو كارميلا يلا لا تطولين علينا
نبي البارت يكووون طويــــــــل

 

[bent ahlha95]

رد: ((شيخة ...والي رفع سابع سما اني احبج اكثر من امي)))<<<قصة واقعية

ambay weeenech malech la 7es walla 5abar

 

[bent ahlha95]

رد: ((شيخة ...والي رفع سابع سما اني احبج اكثر من امي)))<<<قصة واقعية

:0bee2e8d89:carmila wenech enshallah ma ykoun feech shay

 

[نونيتا]

رد: ((شيخة ...والي رفع سابع سما اني احبج اكثر من امي)))<<<قصة واقعية

كراميلا وينج اليوووم

 

[sweet girl]

رد: ((شيخة ...والي رفع سابع سما اني احبج اكثر من امي)))<<<قصة واقعية

يالله ويييينج تأخرتي علينا احنا بالانتظاااااااااار

 

[Sara.M]

رد: ((شيخة ...والي رفع سابع سما اني احبج اكثر من امي)))<<<قصة واقعية

ويييييييينج احنا ناطرينج تأخرتي اليوم

 

[dr.tooota]

رد: ((شيخة ...والي رفع سابع سما اني احبج اكثر من امي)))<<<قصة واقعية

؟؟؟؟؟؟؟؟؟؟؟؟؟؟؟؟؟؟؟؟

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية

هااااااااي بناااااااااااااااااااااااااااااااات


سووري
سوووووري
سووووووووري
سوووووووووووري
سووووووووووووووري
سوووووووووووووووووري
سووووووووووووووووووووووري
سوووووووووووووووووووووووووري



الدي اس ال كان معلق...وموراضي يشبك.....
يالله الحين بنزل النيو بااارت

 

[dr.tooota]

رد: ((شيخة ...والي رفع سابع سما اني احبج اكثر من امي)))<<<قصة واقعية

وااااااااااااااااااااااو
يالله ناطرتج حبوبة

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية


جرااح: شيخووو متى بتداومين ؟؟؟
شيخة قاعدة تقرا الجريدة...تجاوبه...
شيخة: انا ولدت شهر 9 ...و ماخذه امومة...اممممممممم ...اداوم على شهر 3.. ..ليش؟
جراااح: اتصدقين ...يبيله سفره....
شيخة مانطرته يكمل: ايه ايه ...يبيله....بس وين؟
جراح: شوفي ...مو مال اروبا ...لان الحين الجو عندهم برد موووت....تبين شرق اسيا؟
شيخة تفكر:أممممممم..وغيره...
جرااح: اقترحي.....
شيخة: ايه لقيتها ...استرايا!!!!..الحين عندهم دفا...اهم عكسنا....
جراااح: لا يبا....نبي ديرة اقريبة...انا قلت سفرة عالسريع.....بوعشر ايام...تدرين ماقدر آخذ اجازة طويله بهالوقت....
شيخة: خلاص ....اشرايك بهونك كونج...يمدحونها...يقولون جنها لندن....لا وفيها دزني لاند....
جراااح: ايه صح وايد ناس يمدحونها.....اشرايج...نقعد اسبوع بهونك كونج وانروح بانكوك 3 ايام....اذا تبين السوق يعني؟؟؟؟
شيخة: ييت عالوتر الحساس....ايه ابيه سووووق حدي.....
جراح: خوووش....باجر انا ومشاري انروح السفريات ...واضبطها عدل....
شيخة: تعال وين بسافرون مشاري...نسيت اسأل جنوي....؟
جراح: جنه يقول المالديف...واستراليا!!!!
شيخة: الله ونااااااااسة.....
جراح:مابقا على عرسهم شي...اهم شهر 3 صح؟؟؟
شيخة: ايه شهر وشي ...احنا الحين نص 1 ...واهم اول 3.....
تسكت شيخة...تبتسم واتكمل....
شيخة: ياحليلها جنوي....بتصير عروس.......تعال.... اشلون مشاري ...مستانس....!!!!
جرااح: ايه والله ...مشتط ابو الشباب....
شيخة: ياحليلهم...الله يوفقهم....
شيخة لاحظت من فترة ان جرااح كله حاط ايدة على خاصرته...
شيخة: جراح لاحظتك...كله ضاغط على خاصرتك...اشفيك؟
جراح :لا موبخاصرتي ...فوق اشوي... مادري اشفيني...صارلي مده...احس بالم ..من فترة لي ثانية....
شيخة مخترعة: يعني ليش تسكت عن عمرك...تبي يصير فيك شي..روح افحص...بعد سبحان الله....
جرااح: لاتقعدين اتفاولين على....ان شاء الله مفيني ايلا العافية...
شيخة: بسم الله عليك الف مرة...انا مو قاعدة افاول عليك حبيبي... ابيك اتشيك بس....
جرااح: ان شاء الله ...يصير خير....
يضيع الصقلة....
جرااح: انزين شنو طابخة ماليني اليوم عالغدا؟؟
شيخة: مجبوس دياي....
جراح: بس ...بالاسبوع 3 مرات مجبوس دياي...غيروا..
شيخة: شنسوي ...ديمة ماتحب غير مجبوس الدياي....خلاص مرة ثانية اسويلك طبق بروحك....
جرااح: ايه ..موزين كل يوم اعيوش....حق الكرش.....
شيخة: ايه والله....بعد شنسوي....
يرن موبايل جرااح....
جراح مستغرب:هذا مشعل اخوي داق!!!!!
شيخة:انزين رد عليه...
جراح: الووو.....
مشعل: هلا جراح...اشلونك...طيب؟؟
جراح: هلا والله ...بخير....
حس مشعل ان جراح مستغرب....كمل
مشعل:مستغرب اني داق...صح...
جراح: تبي الصج...ايه
مشعل:بغيت ابلغك ان امي تعبانة....سادحينها بالمستشفى....
جرااح يوقف ومخترع: اشفيهاااااااا؟؟؟
شيخة اخترعت وحطت ايدها على قلبها.....
مشعل: لا لاتخاف الحين احسن...بس امس بليل طاحت....فيها جلطة خفيفة...بس الحمد الله الحين ما فيها شي....
جرااح: اهي وين الحين...باي مستشفى....؟؟؟
مشعل : الاميري....
جرااح: الحييين برووح....
مشعل: خووش عيل....
اول ماسكر الموبايل ويلا شيخة تسأله على طول : منــــــــــــــــو بالمستشفى؟
جرااح: امي ....
شيخة : اشــــــــفـــــــيـــــــــهاااااااااااااااااااا؟
جرااح: جلطة خفيفة...بس الحين احسن......
قام راح الغرفة...جان تلحقه شيخة.....شنو بتروح الحين....
جرااح قاعد يلبس دشداشته : اكيد يعني...
شيخة: انا بعد بيي.....
جرااح: بسرعة بدلي ...انطرج بالسيارة.....
بدلت شيخة عالسريع.....وانزلت....ادخلت السيارة.......ومشووا.....
طول الطريج...جرااح متوتر.....ويدخن...زقارة ورة الثانية....
شيخة معصبة: جراااح بس...خلاص...خنقتني....
جان تفتح دريشتها....وتخمط الزقارة من ايد جراااح وتحذفها.....
جراااح معصب: انتي اشفيج ينيتي؟!!!!
شيخة: بس خااااف الله بنفسك....شنو هذا....في احد يدخن جذي....ارحم حاللك...موزين....
جراااح: مالج شغل...انزين....بروحا مالي خلق
شيخة: لا لي شغل....بتذبحك هالزقاير.....
جراااح: مابيج اتعيدين هالحركة مرة ثانية....فاهمة...
شيخة بانفعال: لا مو فاهمة....تراك مورخيص عندي..اذا انت مو خايف على عمرك....ترا انا خايفة عليك...ومومستعدة اخسرك....
جراااح: ترا ادري انج اتقطين علب الزقاير من وراي...ترا احس اذا ناقصين ...بس اطوف ابمزاجي...بس والله ...كاني حلفت ...اذا تدخلتي بهالموضوع ياويلج....
شيخة ساكته ماردت عليه.....فجأة جان تنفجر من البجي.....
شيخة واهي تبجي وبصوت عالي: انا خاايفة عليك منها...لاني متعقدة من التدخين....ابوي الله يرحمه مااات بسبت الزقاير.....ماابي يصير فيك نفس الشي...مااابي ...والله اني خاايفة عليك...ومو قصدي اتحكم فيك.....
اكسرت خااطر جراااح: انزين خلاص لاتبجين....اوعدج اني اخفف تدخين....
شيخة ليلحين تبجي: لا ...انا ما بيك اتخفف التدخين....ابيك تقطعه نهائيا....
جراح بهدوء: اوعدج اني اخفف لين اقطع ان شاء الله...بس مابي اشوفج تبجين...هالدموع غالية علي....
شيخة: احلف انك بتحاول....
جراااح: والله راح احاول.....
يسكت اشوي ...ويعطيها كلينكس ويقول: يالله عااد مسحي ادموعج...وصلنا المستشفى....الحين اقولون انا امبجيج....
ادخلوا المستشفى...واصعدوا الدور السابع...وحدة القلب.....وادخلو الغرفة....
شيخة وجراح: السلام عليكم....
الموجودين بالغرفة نورة....ومحمد....سلمت شيخة على نورة وباستها....وسلمت على محمد بالكلام....جراح سلم على نورة بالكلام...ومحمد ولا كأن موجود...لا اهو سلم عليه ولا محمد سلم على جراااح...
شيخة رايحة صوب خالتها واتحب راسها: هلا خالتي حبيبتي...خطاج السوو...
ام محمد: هلا شيوخة...خطاج اللاش بعد قلبي....
جرااح يحب راس امه: الحمد الله على سلامتج يما....
الام : الله يسلمك....
جراح:شلون صار فيج جلطة...فجأة؟؟
الام: امر الله بعد.....
جراح: اذا طلعتي اوديج المستشفى العسكري....سوي فحوصات شاملة....وخل اتشيكون على كلشي...هناك اطبتهم احسن من اهني....
محمد يطالع نورة و يحرك ايده باستهزاء...جنه يقول اشيبي هذا ...
الام: لا ويه ...مانبي علاجهم....محمد بعد قلبي ...الله لايحرمني منه بوديني بره...لا مستشفى عسكري ولاغيرة....<<<حرام جراح اندقر.....
سكت جرااح..ولاكلمة....
محمد وقف وراح باس راس امه: يالله يما ...انا رايح...تبين شي....
ام محمد: لا يما ...حافظك الله....
محمد: يالله عيل .... مع السلامة.....
ام محمد يوم طلع محمد: جراح يوم دخلت ليش ماسلمت على اخوك العود..؟؟؟
جراح بنرفزة: يما خلاص ...انتي الحين تعبانة...مو لازم اتبطلين هالمواضيع...
الام: مايصير يمة ايصير قلبك اسود.....
جراح اهني ين...بس مسك نفسه: انتو ليش كله ظالميني...!!! الحين انا الي قلبي اسود...عيل ولدج هذاك شنو...شايف نفسه عالطل...وقلبه اسود ولاحد ايواطنه.....
الام : لا بسم على محمد ولدي...يعني انتا الحين الي محبووب.....!!!!
جرااح يطالع شيخة...وشيخة منزله ويها بالارض....
نورة: جرااح!! ...يما!!...خلاص مو زين عليج......
جرااح: ايه محمد ولدج...بس انا ولد السيلانية....
نورة: جراح ....بس....
جراح قام وحب راس امه وحدة معصب: عالعموم يسلم راسج...بس بذكرج...ترا عندج ولد اسمه جرااح...
لف ويهه علة شيخة: مشيناااا.....
اصعدوااا السيارة.....وجراح حده مقمووت وضايق خلقه.....
شيخة: اشفيك.....لاتضيق خلقك....
جراح: مافيني شي....
يسكت جرااح ويكمل:مادري ليش يعاملوني جذي....؟؟
شيخة : جرااح..ميخالف ...هذي امك...جنتك ونارك....تحمل...وحاول...والله اهي اتحبك...لان مافي ام ماتحب ضناها....بس يمكن شايلة عليك....لانك امقصر...لا تروح لهم ولا تسأل...صارلك فوق الشهر وشي ماطبيت بيت اهللك....اشلون تبيها اتكلمك يعني...؟؟
جرااح:شيخة لاتفهميني غلط...انا احب امي ...احبها وايد...بس خلاص طاااب خاطري منهم...خلاص.....





* * * * * * * * * *

مابقا شي على عرس مشاري وجنى....راح جراح مع مشاري المحل الي يسوي بطاقات العرس....عشان يختارون شكل البطاقة....
مشاري: جرااحو شوف هذي البطاقة .....شكلها حلوووو...
جرااح: يلعن ذوقك مشيري....اتييب المرض ....شنو بنفسجية...وين قاعدين!!!
مشاري يطالعها: مادري حسيتها حلوة....انزين يالله نقلي شي سنع ...بدال لاتطنز...حنشوف ذوقك ...يابو الذوق<<<يتطنز....
جراح يطلع مجموعة من البطاقات....
جراح: شوف هذي حلوة....لونها كحلي ومكتوبة بالسلفر...والبطاقة اتطلعها من على جنب.....
مشاري : ايه حلوة....
مشاري يكلم صاحب المحل: خلاص لو سمحت ابي هذي...
جراح يقاطعة: انزين انطر ...خنشوف يمكن نلقا احلى....
مشاري : لا يبا ...خلاص زينه....شنو احنا حريم نقعد انتنقا !!!!....هذه ماشي حالها.....
مشاري قاعد يتفق عالسعر والعدد وقت التسليم...ويلا يرن موبايل جراح....رقم غريب.....
جراح: الووو
.....: الو...جراح اشلونك؟؟؟
جراح سكت ثواني : شــــــــــــيخـــــــــــــــــة!!!!!!!!!!!!!!!!!!
قام جراح وطلع بره المحل على مايخلص مشاري......
شيخة (ام ديمه) : ايه شيخة....شلونك....
جرااح: هلا...هلا والله....
شيخة: سمعت ياك ولد...مبروك.....
جرراح:مشكووورة.....خير؟؟
شيخة: خير بويهك.....
جرااح: لا بس....مستغرب....
شيخة: داقة اسأل عنك...وعن ديما....
جراااح: الــــــــــــــــلـــــــــــــه...توج تتذكرين ان عندج بنت...والله فيج الخير<<<<<يطنز....
يكمل: احنا الحمد الله بخير....خلصتي؟؟؟
شيخة: اشفيك....مالك خلقي؟؟
جرااح: هوووب هووب...ماسمعت....شنو مالك خلقي؟؟ انتي منو عشان يكون لي خلقج....؟؟!!!
شيخة: ليش تتكلم بهالطريقة؟؟؟
جرااح: شوفي يابنت الناس ...انا ريال متزوج....واحب زوجتي...
اتقاطعه :ابيك..وهم انت تبيني... انت اتحبني...اخر مرة شفتك بنينو ...شفت نظراتك...اتقول انك ليلحين اتحبني.....
جرااح متنرفز: هالحجي من سنه....يمكن كنت احبج....بس الحين خلاص....انتي ولا شي عندي..
شيخة: بس جرااح انا ليلحين احبك.....
جراح: الله ...الله....وينج يوم كنت اترجاج لا نتطلق...ورحتي سويتي خلع ....وينج يوم اترجاج 3 اسنين عشان نرجع حق بعض...وينج قبل لا اتزوج بأيام ..يوم ييتلج وقتلج ...شيخة ترا بتزوج....فكري...بس قلتيلي انج ماتبيني....ولا اتحبيني...مع اني كنت شاريج....وكنت ابيج...وحاولت وحاولت واااايد...رغم اعيوبج الي مالها اول ولا تالي...ياياتلي الحين...عقب ماستقريت وحبيت مرتي ...اتقوليلي احبك....هذي وين اصرفها.....
شيخة متنرفزة: انت اصلا اتموووت علي ...تعبدني عبادة....حتى خذيت وحدة نفس اسمي من كثر ماتحبني.....
جرااح: كنت...ركزي على كلمة ((كنت)) احبج....واحبج حييل حييل بعد...بس الحين الحمد الله ...الله نزع حبج من قلبي وعطاه حق مرتي وحبيبتي .....
سكت اشوي:
جراح: ولو سمحتي ...مابي اشوف رقمج بتلفوني....مابي مشاكل
اتقاطعه: ليش خاايف منها....
جراح: لا ...خايف على مشاعرها...ماتسوين تضيق خلقها عليج....يالله ذلفي..
صكه ابويها ويلا مشاري طالع من المحل ....
جرااح:ها خلصت؟؟
مشاري ايه...
اركبوا السيارة .......
مشاري: وينك...منو اتكلم مساع....؟؟
جرااح متنرفز : تخيل ...منو؟؟؟
مشاري: منو ؟؟؟؟؟<<<مخترع
جرااح: شيوووخ ...مرتي الاولية....
مشاري: اتحلف!!!!.... أي شي صح...اشتبي هالزباله...!!!!<<<مشاري مايواطنها من يومه
جرااح: تلقاها لفت لفت ...مالقت احد...وردتلي...
مشااري: وخر عنها يامعود...هذي مشكلجية...تذكر يوم اتروووح بيت اهلك وتلعلع واتصرخ على امك وخواتك...لاتروووح عند ام برااك واتطلع لها سالفة....
جراح: اتخسي الا هي...والله انحرها....مو ناقص الا هالاشكال.....
مشاري يطالع جراح مستغرب.....
جراح: اشفيك اتخز!!!!
مشاري: ماني مصدق انك اتقول عنها جذي...جراح الي ماكان يرضى عليها بكلمة...وكنا انتطاقق ونتهاوش على هالموضوع ليل نهار......
جراح: الحمد الله....الله عوضني باحسن منها....حياتي مع ام براك غير...مستقرة..مافي مشاكل...سنعة...فرق فرق عن شيخووو النسرة....
مشاري على ضحك: والله مالك امان ...بسرعة تقلب.....
جرااح يضحك:طييييير زين.......
مشاري: عيزت وانا اقول واتحجى...من اول...بس عمك اصمخ....ماكنت اترد على....
جراااح: ايه والله....كان الله عاميني....
ويرن موبايل جرااح.....
جراااح: ابييييييييييييييييييييييييه اشتبي هذي!!!!!!!!!!!!!
مشاري: عطني ...عطني خل امسح فيها القاع.....
جرااح: لا يبا ختولي زين.....ماني راد عليها....

***************************

شيخة (ام ديمة) مع صديقتها......
صديقتها: شنو مايرد؟؟؟؟
شيخة: لأ ....بس ماكون بنت امي و ابوي اذا ماعفست حياته......

 

[dr.tooota]

رد: ((شيخة ...والي رفع سابع سما اني احبج اكثر من امي)))<<<قصة واقعية

واااااااااااااااااااااااااااااو
ينن روعه تسلم ايدج
والله يستر من هالنسرة<<وايد متأثرة
انشالله ماتسويلهم شي حرام يالله الوضع هدا شوي
ناطرتج بالبارت الياي

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية

خلاص بناااات ...انا بنام الحين......وان شاء الله باجر...عالعصاري انزل بااارت يديد.....


لا تحرموني من تعليقاتكم الحلوة......جاو جاو

 

[dr.tooota]

رد: ((شيخة ...والي رفع سابع سما اني احبج اكثر من امي)))<<<قصة واقعية

نوم العوافي بارب
وتسلم ايدج ع البارت

 

[Um Saud]

رد: ((شيخة ...والي رفع سابع سما اني احبج اكثر من امي)))<<<قصة واقعية

خوووش بارت بس قصير شوي ..... يالله حاولي تخلصينها اليوم ماتبي نفكر فيها برمضان و تلهينا عن قراءة القران
حظا سعيدا كراميل

 

[حره الحرآئر]

رد: ((شيخة ...والي رفع سابع سما اني احبج اكثر من امي)))<<<قصة واقعية

واااااااااي تعور القلب لايكون شيخوه القديمه الحيه اللي بالحلم..عاااد موناقصين...
ابدااااااااااع ياروووحي والله ونستينا..

 

[~ MhMh ~]

رد: ((شيخة ...والي رفع سابع سما اني احبج اكثر من امي)))<<<قصة واقعية

كراميلا تسلم ايدج

ابدااااااااااع



<<< أمس كنت احاتيج و فقدتج


نوم العوافي و ناطرين البارت العصر
و مبارك عليكم الشهر

 

[MeeMeeYoo_2]

رد: ((شيخة ...والي رفع سابع سما اني احبج اكثر من امي)))<<<قصة واقعية

هذي شتبييييييييييييييييييييييييي

محد لقاها ويه ردت حقه

وااااي للحين في ناس جذي ؟؟

مشكوره حبيبتي ويعطيج العافيه
ناطرين البارت الياي

 

[miss 3yara]

رد: ((شيخة ...والي رفع سابع سما اني احبج اكثر من امي)))<<<قصة واقعية

لايوقف لايوقف

 

[ام _خلودي]

رد: ((شيخة ...والي رفع سابع سما اني احبج اكثر من امي)))<<<قصة واقعية

اشتبي هالنسرره

عم بعينهاا من امس وانا احلم فيهااا

الله ياخذهاااا قطيعه اكرههااااااا

 

[nooor77]

رد: ((شيخة ...والي رفع سابع سما اني احبج اكثر من امي)))<<<قصة واقعية

واااااااااااي كملي يا حبج لحرقة الأعصاااااااااااب......كراميلااااا كملي و أعطيج حلاو....اشرايج