>>>>>شيوخ القبائل بلقاء تلفزيوني (( الحكمة و كلام العقل ))<<<<<

[NeloFaR]

رد: >>>>>شيوخ القبائل بلقاء تلفزيوني (( الحكمة و كلام العقل ))<<<<<

انا لا مطيريه ولا عازميه

لكن المفروض ما يطلعون شيوخ القبايل ويبررون موقف ممثلينهم لان لكل شخص قناعاته

اذا النواب ما ادوا السمع والطاعه لولي الامر يتحملونها اهم النواب ,القبيله مالها ذنب فيهم ( ولا تزر وازرة وزر اخرى )

اعتقد انه طلعتهم زادت الامر تازيم وتعقيد من وجهة نظري بين ابناء القبائل نفسها لانه لكل شخص وجهة نظره وقناعته باللي قاعد يصير

والنعم بكل قبايل الكويت ومحد يشكك بولائها لانه كل نائب يمثل فئات وشرائح مو قبيلته وبس

والله يحفظ الكويت من كل شر

حبيبتي بنت جابر .. اهم هذا الكلام اللي قالوه بالظبط و قالوا ان النواب اهم يتحملون أخطاءهم و لازم ما يعمون على القبيلة كلها و بالعكس ارفضوا التأزيم .. و مو راضين على اللي يسوونه النواب خصوصا الدعوة لطرد النواب من الدواوين و لا عاجبهم ان الناس تضغط على النواب اللي ضد الاستجواب و يروحون لهم يصارخون عند بيوتهم ..

 

[SILVER ROSE]

رد: >>>>>شيوخ القبائل بلقاء تلفزيوني (( الحكمة و كلام العقل ))<<<<<

ماشاء الله عقل وحكمة الله يحفظهم
وياريت الكل يسمع ويطبق

 

[قمورهـ]

رد : >>>>>شيوخ القبائل بلقاء تلفزيوني (( الحكمة و كلام العقل ))<<<<<

ووينهم عن الجويهل لما قال اللي صوتوا للبراك والمسلم والطاحوس والخ

مخانيث!!!

ماشفنا هالفزعه وماشفنا حتى بيان؟ ماشفنا اي استنكار من اي طرف بالديرة للكلام البذيء والنابي اللي يقوله الجويهل كل اسبوع ويستضاف في قنوات هابطة كناشط سياسي !!

ووين الوحده الوطنيه

وين الشعارات الرنانه

للاسف الكل وقف موقف المتفرج لما تلفظ الجويهل بابشع الالفاظ على النواب وناخبينهم

لما ملوا ابناء القبائل من الوضع وتم التعدي عليهم بالضرب وخذوا ردة فعل الكل قام يقول وحده وطنيه!

نعم ولاءنا للصباح وللكويت باقي وسيبقى هذا مافيها شكه ولا نبي احد يعطينا فيها دروس

لان الولاء يخلق في القلب لايدرس ولايمكن احد يحكم الكويت افضل من اسرة الصباح

والقضيه الحين بعيده جدا عن ولاء الناس للحاكم وللدوله

القضيه ان للاسف في مسؤولين مو قد المسؤوليه هذيل قضية الناس فقط

القضيه الرجل المناسب في المكان المناسب ديرتنا قاعده تتاخر والدول اللي حوالينا تتطور

نبي الكويت ترد نفس قبل نبي التعمير نبي التطوير الحين كل شي واقف

لا تعليم لا صحه لا بلدية

محطة مشرف لي الحين ماسووها والريحه خانقه الناس

مااقول الا الله يستر على ديرتنا حرام اللي قاعد يصير فيها!

 

[NeloFaR]

رد: رد : >>>>>شيوخ القبائل بلقاء تلفزيوني (( الحكمة و كلام العقل ))<<<<<

ووينهم عن الجويهل لما قال اللي صوتوا للبراك والمسلم والطاحوس والخ

مخانيث!!!

ماشفنا هالفزعه وماشفنا حتى بيان؟ ماشفنا اي استنكار من اي طرف بالديرة للكلام البذيء والنابي اللي يقوله الجويهل كل اسبوع ويستضاف في قنوات هابطة كناشط سياسي !!

ووين الوحده الوطنيه

وين الشعارات الرنانه

للاسف الكل وقف موقف المتفرج لما تلفظ الجويهل بابشع الالفاظ على النواب وناخبينهم

لما ملوا ابناء القبائل من الوضع وتم التعدي عليهم بالضرب وخذوا ردة فعل الكل قام يقول وحده وطنيه!

نعم ولاءنا للصباح وللكويت باقي وسيبقى هذا مافيها شكه ولا نبي احد يعطينا فيها دروس

لان الولاء يخلق في القلب لايدرس ولايمكن احد يحكم الكويت افضل من اسرة الصباح

والقضيه الحين بعيده جدا عن ولاء الناس للحاكم وللدوله

القضيه ان للاسف في مسؤولين مو قد المسؤوليه هذيل قضية الناس فقط

القضيه الرجل المناسب في المكان المناسب ديرتنا قاعده تتاخر والدول اللي حوالينا تتطور

نبي الكويت ترد نفس قبل نبي التعمير نبي التطوير الحين كل شي واقف

لا تعليم لا صحه لا بلدية

محطة مشرف لي الحين ماسووها والريحه خانقه الناس

مااقول الا الله يستر على ديرتنا حرام اللي قاعد يصير فيها!

كوكي ,اشدخل الجويهل بالموضوع .. بعدين منو عطى الجويهل قيمة و خلاه اكبر من حجمة مو اهم النواب ؟

ثاني شي الشيوخ قالوا ان الحكومة ماكان لازم تستنكر الهجوم على الجويهل من خلال مجلس الوزراء لأنه ما يستاهل .. يعني هم مو عاجبهم الوضع .. و الا علشان قالوا كلمة الحق عن النواب صاروا مو زينين ..

 

[الجفووول]

رد: >>>>>شيوخ القبائل بلقاء تلفزيوني (( الحكمة و كلام العقل ))<<<<<



بيض الله وجيهم بصرآآآحه ,,

حكمـــه وعقل ..

وكلامهم هدا نفوس ناس واجد صدقوني طلعتهم بالمقابله ماكنت لاسباب تآفهه

طلعوا للناس لما صار الوضع لا يحتمل

وعجبني كلام شيخنا فيصل الدويش لما تكلم عن المحافظات واهميه تفعيل دورها


الله يحفظ كويتنا واميرنا وشيوخنا

 

[MoonDiamond]

رد: >>>>>شيوخ القبائل بلقاء تلفزيوني (( الحكمة و كلام العقل ))<<<<<

ونعم بكل القبائل
وتجمعنا الكويت
ومع هذا نواب التازيم منا وفينا وان كانوا بغفله
لانتبرا منهم بالعكس نزيد عليهم بالنصح
والله يهديهم
ونحمل الحكومه جزء من المسؤوليه لموالاتها للجويهل وقنوات الفتنه
وطريقة تطبيقها للقانون
بالضرب والاعتقال



والحافظ الله ياكويت

 

[ام اسحاق]

رد: >>>>>شيوخ القبائل بلقاء تلفزيوني (( الحكمة و كلام العقل ))<<<<<

الله يارب يحفظ كويتنا واميرنا من كل مكروه قولوا امين
بس صج مجلس الوزراء يوم سوا اجتماع عشان اجويهل صج صج عنصرين ومتخبطين واثبتوا بالفعله هذي انهم ما يعرفون بسياسه شي
واشلون عقلي مو مستوعب يديرون بلد انا مدري منو دعا لاجتماعهم بس الله يهديه ويكبر عقله لان الكويت ما تستاهل اذا الحكومه ياليت تستقيل
لانه غلط حتى العمي يشوفه او انه لعب اعيال اعناد بنواب التازيم صج صج لازم بعد يلعبون مع النواب التأزيم حي الميت اقول استقيلوا كلكم من حكومه ونواب تأزيم الكويت مو ناقصه لعب جهال بس خوش فلم

 

[ام عزيزان3]

رد : >>>>>شيوخ القبائل بلقاء تلفزيوني (( الحكمة و كلام العقل ))<<<<<

انا لما شفت المقابله قلت يت بوقتها لان العالم كلها شايشه وخاصة الشباب الي يمشون ورا نواب قبيلتهم وعادينهم ملائكه ومايغلطون وخصوصا الاوضاع حيل متوتره من عقب هالندوات والي يسمع كلام بعض النواب يقول احنا بالعراق قاعدين مو بالكويت وجنا تحت حكم ديكتاتوري

بس ظهورهم امس هدي النفوس وعجبني اكثر شي كلام شيخ مطير تحسين كله حكمه ومنطق

 

[راحيل العبدلي]

رد: >>>>>شيوخ القبائل بلقاء تلفزيوني (( الحكمة و كلام العقل ))<<<<<

واااي طافني اللقاء : (

 

[M!sS MOnatOO]

رد : >>>>>شيوخ القبائل بلقاء تلفزيوني (( الحكمة و كلام العقل ))<<<<<

؛




شيوخ القبائل مكانتهم شريفيه يالقبيلة مواكثر

انا اختلف معاهم بطرح وتناولهم للموضوع بس افهم موقفهم اهم

حاولوا يمسكون العصي من النص علشان ماتنقطع شعرة معاوية

لصالحهم ولصالح قبايلهم ولصالح الكويت

















.

 

[lovely jojo]

رد: >>>>>شيوخ القبائل بلقاء تلفزيوني (( الحكمة و كلام العقل ))<<<<<

والنعم بشيوخ القبايل وبالاخص الدويش عز الله رجال..
اتمنى الناس تنتبه لكلام العقلاء وتترك الكلام الفاضي والصراخ اللي لا يودي ولا يجيب ..
والله يحفظ الديره..

 

[مطيريه ماركه]

رد : >>>>>شيوخ القبائل بلقاء تلفزيوني (( الحكمة و كلام العقل ))<<<<<


عن نفسي مآيمثلوني عبروآ عن نفسهم

آلولآء مو هم يثبتونه

وخلآص زمن شيخ آلقبيلة رآآح آلحين في زمن آلدولة غدى كلن شيخ نفسه وشيخنآ بن صبآح فقط

آتكلم من بآب معرفة تآمة لآن آلدويش نزل آلآنتخآبآت ولو هـ آلنظآم سآري عندنآ آن جآن فآز بس مآفآز

مع آحترآمي لِـ آلدويش ومحبتي لهم جميعآ ً

لو آبوي يقرآ ردي خخخخخخ آمس عآجبه كلآمهم بس آشوف شي غير آللي يشوفه وقلت رآيي هم وجهآء بس مآلهم شغل في آلسيآسة

حآولوآ يوآزنون موقف آلقبآيل من آلآستجوآب بِ كل سيآسة لِـ يثبتوآ آمر آلبعض يشكك فيه

آلشعب آختآر له نوآب وآنتم آحفطوآ آحترآمكم وعلى قولة سلوى آلجسآر لآ تسيسوآ آلعمل آلسيآسي

رآي شخصي دمتم بِ ود

 

[قطيووه^_^]

رد : >>>>>شيوخ القبائل بلقاء تلفزيوني (( الحكمة و كلام العقل ))<<<<<

فعلا ماقصروا والله يحفظهم للكويت ولقبائلهم كلامهم كان موزون وصحيح

 

[Dm3t_shoG]

رد : >>>>>شيوخ القبائل بلقاء تلفزيوني (( الحكمة و كلام العقل ))<<<<<

حسآفة مآشفته

الله يعزهم ويرفع قدرهم ويعز ديرتنآ ويمنعنا من الفتنة والفسآد .. ~

تسلمين يالغلآ

 

[ســتارز]

رد: >>>>>شيوخ القبائل بلقاء تلفزيوني (( الحكمة و كلام العقل ))<<<<<

الله يستر لهالدرجة الوضع يخوف منادين شيوخ القبايل من متى يهمهم رايهم

 

[ام سعود ديكسون]

رد: >>>>>شيوخ القبائل بلقاء تلفزيوني (( الحكمة و كلام العقل ))<<<<<

الله يحفظ ديرتنا من الفتنة واللي ما يخافون الله بالكويت ترا ماكو ديرة مثل هالديرة ديرة عز وخير وشيوخها الله يعزهم خيرهم مغطينا من المهد الي اللحد ولوما الحكمة و الحلم والحرية محد تجرأ وكتب بالمنتدي والا صرح بقناة او جريدة

الله يعز الصباح و يحفظ شيوخ القبائل احس فيهم طيبة اهل اول وحكمة كبار السن

 

[هجووورة]

رد: >>>>>شيوخ القبائل بلقاء تلفزيوني (( الحكمة و كلام العقل ))<<<<<

ونعم بالاجواد

 

[اجمل نساء 2011]

رد : >>>>>شيوخ القبائل بلقاء تلفزيوني (( الحكمة و كلام العقل ))<<<<<

ونعم الله فيهم شيوخ القبائل بالعكس طلعوا يبروون موقفهم وان القبيلة مو مسؤولة عن اللي قاعد يسوونه هالنواب المهم
والله والله ثم والله مافي مثل للكويت احد

بس طلعوا لنا بعض الاشخاص من الطرفين وحطوا تحتها خط من الطرفين خلطوا الحابل مع النابل خلاااااااااااااص كفاية الحكومة اهيا تقوم بدورها مو يجي احد ويقوله في كذا وكذا




ولازم كل وحدة تشوف هالفيديو ضروري
http://www.youtube.com/watch?v=jzenvuZxhrI&feature=related

 

[اجمل نساء 2011]

رد : >>>>>شيوخ القبائل بلقاء تلفزيوني (( الحكمة و كلام العقل ))<<<<<

http://www.youtube.com/watch?v=jzenvuZxhrI&feature=related

 

[نور كوليكشن]

رد: >>>>>شيوخ القبائل بلقاء تلفزيوني (( الحكمة و كلام العقل ))<<<<<

والنعم فيهم
ورايهم انا أأيده 1000 بالمائة
ما قالوا الا اللي كل كويتي وده يقوله
بصراحه كلامهم ما كان فيه ولا غلطه
الله يحمي الكويت واهلها من الفتن