شي حارمني من العرس

[كلي هم]

صباح الخير ياصبايا .. عساكم بخير ... انا سجلت بالمنتدى مخصوص لان اشوفكم ماشاء الله تفيدون بعض وتساعدون بعض حيل .. انا من السعوديه وكلنا ديره وحده والله يشهد ... مارح اطول بالحكي انا عندي مشكله يابنات والله تعبت منها وعقدتني بحياتي وحرمتني من العرس صرت رافضه العرس بسببها .. هي الاصوات الي من بطني اااااااااااااااه يابنات لو من الحين لبكرا ومية صفحة بكتب مارح اخلص .. تعبت تفشلت من الناس واهلي والله العظيم صرت ماطلع ولا اخالط اهلي وبس بغرفتي .. الاصوات تجيني بكل وقت اول ماصحى من النوم وماكلت شي عقب الاكل على طول وانا نايمه مرات اصحى من الاصوات تخيلو يابنات .. رحت ل3 دكاتره بالسعوديه واشهر دكاتره والله العظيم مافادوني بشي الادويه زادتني اصوات وهيجت المعده بس كلهم طموني مافيني قولون والكل يقول تجينا حالات مثلك شي عادي طبعا تركت ادويتهم والحين على شاي اخضر وكمون ولا في تحسن والمشكله يابنات قامت تطلع اصوات من حلقي مثل التكريع بس هواء يوصل لنص الحلق كني برجع بس مايطلع شي والي جنبي يفكرها من بطني والله يابنات تعبت اهلي يقولو وديناكي اشهر اشهر الدكاتره ومافاد خلاص تتعودين جامعتي قمت اغيب بكثره بسبب هالشي ورمضان الي فات والله مافطر مع اهلي كم مره اجلس معهم وبس اكل تمره وقهوه والا بطني يطلع اصوات تفشلت اااااااااااه للحين مو ناسيه وقدام صديقاتي وناس كثير والله ومابي اتزوج وانا كذا الرجال مايرحمون .. تكفون يابنات ادري بتقولون انتي مبالغه او مكبرتها والله ماجربتو الي انا فيه والي مريت فيه يابنات شي محرج ولا يطاق .. ودايم ادور بالنت واسوي بحث القى بنات بالهبل مثل حالتي ويبون حل للحين ولا احد فادهم ..غير كذا انا فيني غازات تعبتني يعني مرات اصحى من عز نومي اروح الحمام واخذ مرات حبوب الفحم بس احس ماتفيد ... تكفون يابنات والله لكم دعوه الي تفيدني او تريحني وتكون مثلي وطابت تقولي وش سوت والله تعبت مرات احس مستحيل اطيب من الي انا فيه بيصير العمر كله وياي ... يارب اشفيني وريحني يارب ... تكفون ساعدوني يابنات وتذكرو{ من فرج عن مسلم كربة من كرب الدنيا فرج الله عنه كربة من كرب يوم القيامه} ...

 

[زَهر تِشرينْ]

.◈|❀|◈.
ياااليت بيدي اساعدك بس للاسف ماعندي خبرة عن هالموضوع
وعسى الله يشافيك ويعافيك من كل مرض ومكروه ويفرج كربتك
وهمك ويرزقك الصحة والعافية
​

 

[دنيا جديدة]

انا نفسج بلعومي ! وحيل محتارة

قوي قلبج
اسأل الله المعافي الشافي الباري ان يشفيج شفاء لا يغادر سقما

رفع لعيونج

 

[هوازن العتيبي]

الله يشفيج ياااارب

 

[أشبـاهـ المطـر]

الله يشافيج
انا اقول عرضي نفسج على طبابه
الناس الي تفهم بطب البديل ..
احياناً السره لما تكون نازله او متحركه
من مكانها تسبب اصوات ..
المهم حاولي تشبعين عمرج
يعني تاكلين وتشبعين ...


وجربي تشربين الكمون ويونسون وكراويه ​

 

[شادن33]

صح روحي عند وحده تمرخج عندكم بالسعوديه وايد
ولايمكن فيج ارتجاع بالمري
ويمكن. اكلج مو اوكيه كله غازات
الله يشفيج انشالله

 

[koky alnassar]

اول شي هدي الحليب و هدي البيبسي

بس مو بشكل كلي طبعا الحليب لانه مفيد بس ما تكثرين منه و اتركي الفول و الفلافل و البصل

و الي فهمته من الي كاتبته انتي

انتي ما تشبعين عمرج عشان تبتعدين عن الاحراج

كلنا درسنا بعلم الفيزيا ان الهوا شي يشغل حيز و عشان الهوا ينطرد من بطنج املي معدتج اكلي بس هم مو وايد طبعا

وثاني شي استمري اسبوع كامل تداومين على حبوب فحم

و ترا الاكل لا كان جاف يطلع اصوات بعد يعني تحتاجين سوائل

و لو سويتي الي قلته لج وما فادج سوي فحص شامل + سونار مع ان ما اتوقع يعني بيطلع شي ثاني غير الي قلته لج و ان شاء الله ما فيج الا العافيه

 

[زينه البنات2012]

الله يشافيج

 

[عسل سل]

شكو يأثر على الزوااج عادي عيشي حياتج

 

[** رش رش **]

الله يشافيج يا رب

 

[الداعية لله]

حبيبتي اشربي ماي زمزم خليه مايج على طول لين الله يشفيج لا تشربين ماي عادي لان سبحان الله فيه شفاء وابتعدي عن الاشياء الي تجيب غازات مثل القهوه والبيبسي والله يشافيج

 

[فديت هالديره]

حبيبتي كنت نفس حالتج واكثر مع أعراض ثانيه وصارت فيني نفسيه ورحت قريت عند اكثر من شيخ وقالولي فيج سحر قديم ويمكن شاربته وواحد منهم استمريت معاه وعطاني دوا بودر وقالي استخدموه مدة ٣ايام بس تراه يتعب ويهد الحيل ويطلع كل اللي ببطنج وسبحان الله من ثاني يوم قام ينزل معاي وانتي بكرامه شي نفس القطن الابيض وارجع سايل لونه اصفر والله بغيت أموت من هالدوا بس الحمدلله من عقب هالبلاوي اللي طلعت من جسمي معاد شفت هالاصوات والغازات......عاد انتي تقولين كل شي جربتيه ومانفع جربي القرايه والحجامه والله يشفيج ان شاءالله والله حاسه فيج

 

[maya2009]

ابتعدي عن الحليب وكل مشتقاته ابتعدي عن السكريات او خففي منها كثري على الريق قلاصين ماء مع مرقدوش وطوال اليوم على نهاية اليوم لازم تكملين لترين ماء خلي عندك كورس لمدة ثلاثة اسابيع كل ليله تشربين العشرج روحي حق الحواج يشرح لك شلون تستخدمينها ثلاث مرات في الاسبوع لمدة ثلاثة اسابيع وبس وتوقفين العشرج ما تاخذين العشرج اكثر من كذي ترى يضرك اذا كان في سحر او فيروس او بكتيريا العشرج راح يقتله بس المهم يكون اصلي

بس ضلك على الماء والمرقدوش على الريق وقبل ما تنامين

اسئلك الدعاء ان يعطيني الله اللي في بالي او احسن من اللي في بالي

 

[مجنونة ضحكاته]

الله يشافيج يااارب

 

[قمر بيت أبوها]

طيب جربي تقطعين مكونات الحليب ممكن عندك تحسس منه ترا حاله نادره بس موجوده
وممكن عندك مشكله روحيه ويطلع الاصوات عشان تنعزلين عن الناس روحي لشيخ
واشربي ماء مقري فيه
ولا تصعبين الامور ياروحي ترا غيرك معاق وعايش ومريض بامراض الدنيا
مشكلتك بسيطه لا تكبرينها وتكبر
وعندك مداوية شعبيات ممكن عندك مشكله من الطفوله اللي يسون له تردد واهلك ماانتبهوا والان طلعت
وممكن توسع بالمري نتيجة الشطه ولا الاكل عقبها النومه علي طول والاكل بسرعه
يعني فيه اسباب كثيره
بس سوال دكتورك المشهور لا يصير طبيب باطنيه بس ؟؟؟؟
لان مو كل امراض المعده يعرف له روحي دكتور جراحه ومنظار وبشريني عنك