شي يخرع يمه

[هنـــد]

شي موطبيعي يمه ... الجو يخرررررع حيل

السلام عليكم

بنات القسم العام ماينكتب في المواضيع مادري ليش


ديربالكم يابنات شي يخرع لا احد يطلع اليوم قالو في عاصفه رمليه بالجهرا وصار الجو عندهم غبار وظلام اشوي وتنادينا اختي شفنا السما شي خياااااااااااااااال ماينوصف والله اختي قالت اليوم يوم الجمعه يمكن يوم القيامه وفجأه قلبت السما سوده واحنا بالفروانيه

عاصفه قاعده تمشي على مناطق الكويت كلها الله يستر يارب

دعاء الريح

اللهم أني أسألك من خير هذه الريح وخير
مآ فيهآ وخير مآ أرسلت به وأعوذو بك
من شرهآ وشر مآ فيها وشر مآ أرسلت به "​

 

[ماركة انثى]

الله يستر

 

[حبك بلاني!]

الله يستر ..

 

[هنـــد]

الحين الغبار مغطي كل البيت واحس اختنقنااا

الله يستر

ادعو دعاء الريح

 

[بنت الاحلام]

بنات ديرو بالكم انا تو داخله بيتي ورب الكعبه بغينا ندعم استغفر الله شفنا الموت

اول مره بحياتي اشوف جذي مو عاصفه الا كانه غبار حريقه والسيارات دخلو ببعض وربي قعده اصرخ بالسياررررره


ديرو بالكم لحد يطلع

 

[هنـــد]

اي انا قعدت اطالع السما من بدايتها شلون الجو يمه ماينوصف كلش

وبعدين ضلمت الدنيا علينا

اخترعنا حيل وصكرنا الابواب

 

[غزييل]

انا بالجهرا ورررررررررررربي ماشوف شي انقلب الجو برمشة عين صار كل شي ظلام بظلام

ياحرام جدام بيتنا في ممشى وكله حريم وجهال مدري شصار عليهم الله يسترررررررررر

يابنات سكروا الفتحات الصغيره اللي يم البيبان والدرايش ،،، انا بسرعه سكرت كل شي

وقاعده اكثر من الاستغفار قال تعالى (( وما كان الله معذبهم وهم يستغفرون ))

 

[هنـــد]

تخيلي انا مو سمعت بالجهرا قلنا حرام الله يستر عليهم واختي كانت بتطلع وقامت تصارخ تعالو شوفو الجو واحنا قاعدين نطلع انذهلنا من المنظر يخررررررع وبعدها جان تظلم بسرعه رعب

 

[الينبوعة]

الله يحميكم ان شاء الله ​

 

[هنـــد]

امين يارب

 

[احساس ملكه]

ااستغفر الله العظيم

ااستغفر الله العظيم

يااااربى رحمتك يااربى عفوك لاغضبك

(( اللهم إني اسألك خيرها، وخير ما فيها ، وخير ما أرسلت به وأعوذ بك من شرها وشر ما فيها وشر ما أرسلت به ))

بنات انا بعبدالله المبارك وكنت بالفروانيه وانا راده البيت شفت شى عمرى كله والله العظيم ماشفته غيييمه سوداء جنها دخان نار وغطت المنطقه

والله ثوانى ياارب والدنياا ليييييل تخيلى بالسياره ووابجى وموقادره اشوف شى وادعم الرصيف واشوف الى حولى يدعمون الارصفه وصااعدين الدوارات

حواادث وين مالفيت وجهى

بنات الاعلام والجرائد وووينهم ليش ماحذروا الاهااالى ؟؟؟


اادعواا الله يرحمنا يابنات شى مو طبيعى والله يااارب ارحمنا واغفرنا يااااألــهــى

 

[ماركة انثى]

يمة بنات اختنقنا من الهوا مع ان مصكرين كل شي

 

[هنـــد]

يارب استر علينا واحفظنا

 

[لـيـدي]

كثروا استغفار يا بنات
وسيد الاستغفار:::
اللهم انت ربي لا اله الا انت خلقتني وانا عبدك وانا على عهدك ووعدك مااستطعت اعوذ بك من شر ماصنعت ابوء لك بنعمتك علي وابوء لك بذنوبي فاغفر لي انه لا يغفر الذنوووب الا انت

 

[Beauty is Me]

بنات صج بيطفون الكهربا ساعه دازين واتس اب حق اختي ؟

 

[انا لحبيبي .]

الله يستر .. الله يستر يارب ويحمينا ويرحمنا برحمته
​

 

[صمــت_ALsHfaaH]

يارب سترك وعفوك

هذا احنا بناخذ احتياط اذا طفى الكهربا جزاكم الله خير علمتونا

 

[ماني من الناس]

{ ياأيها الذين آمنو اذكروا نعمة الله عليكم إذا جاءتكم جنود فأرسلنا عليهم ريحا وجنودا لم تروها وكان الله بما تعملون بصيرا }

 

[fooshy]

الله يحفظنا انشالله

بنات قعدوا ببيوتكم لا تطلعون و ادعوا .....

 

[هنـــد]

بنات عرس اخو رفيجتي اليوم شراح يصير عليهم

والله كاسره خاطري رفيجتي حيل

قاعده اقرأ سورة الكهب وبدعي واصلي المغرب وبتزهب للعرس ولا يصير الغبار بغمضة عين