صادفج موقف مع الغيره...دخلي وحطييه >>~<<

[*شوقي معنيني*]

احم احم كح كح :$*
اخبااركم ياكويتيات ؟!*
ولهااااننه على هالقسسم واااااايد*:eh_s(11)::eh_s(11):


اليوم يبتلكم موضوع يهبل مثلي <ثقه زايده*
فييي مره صادفتج كواقف مع الغيره*
طبعا مو انتي تغارين عليه*
لا اهو يغار عليج*
يلاااا نبي مواااقف*
كل مافي جعبتكم طلعوووه حلوه جعبتكم هذي لوول*
يلا المايك لكككم وسدحو المواقف*
:krkrkr:

 

[احبج ياديرتى]

أنا غيرت النساء بالدنيا كلها فينى .....بس اتحكم بنفسي الحمدالله

 

[ALMooOooN]

أأأأأأأأأأأأأأأأأأأأب

 

[غـَلآهـ]

والله انا اغار وايد .. بس اهو حتى لو يغار ما يبين :

انا اموت حرة من الممثلات والبنات اللي لبسهم مادري شلون صاير ..

موضوعج حلو ولي باك .. ههههههههههههه

 

[انثى عاشقة]

هو يغار علي دبل غيرتي عليه
بس انا ما ابين وهو يبين
يغار حتى من الهندي عند محطة البانزين
يبيني اغطي عيوني صج ماعندهم سالفة |:

موقف اول ماتزوجنا كنا نمشي بالسوق
خزني وهاوشني قال متكحلة ولابسة نقاب
وربي لو تمر وحدة يمي نفسج
ما بشيل عيوني من عليها
غطي ماغطي واشترى لي غطوة
مدري شلون صايرة
زعلت في البداية بعدين قلت خلاص البسها
​

 

[Patcholli]

واي الموضوع ياي بوقته اصلا مو قادره انام من الحره .. صاحبة المووضوع بقلب موضوعج لان انا الي محتره وفيني فضفضه :<

هالمره انا الي غيرانه مو اهو ..

بحكم انه كان منفصل بالملجه قبل لا ياخذني .. اليوم قالي انه صادف اخو الي كان مالج عليها وهذاك مسكه وقاعد يسأله تزوجت ولا لا ومن هالاسئله

زوجي يقول مره وحده قام يتكلم عن اخته اللي اهي طليقة زوجي ويقوله انها تزوجت وعندها 2

و انا مستعمله عنها بحكم ان لي معارف يقدرون يطلعونلي كل البيانات واهي بالصج مو متزوجه ليلحين ..!!

بعرف هال............ ليش يجذب على زوجي يعني يبيه يغار عليها مثلا انها تزوجت وعيلت ويسوي افلام ؟؟ ولا شنو ؟؟

حدي مخنوقه مو قادره انام والله توني باجيه وميته قهر :<

============

 

[ملك الكويت]

والله خوش موضوع اختي ذكرتيني بموقف
انا كنت حيل استانس على حمود ناصر
ف كنا انا وياه طالعين وحطيت شريطه
و زوجي كان قاعد يكلم امي بالتليفون ف لما طلعت الاغنيه
انا قلت الله يا حمووود وقمت اغني معاه .. جان يخزني ويقول حق امي
خالتي انا اكلمج بعدين .. جان يطلع الشريط يحاول يعفسه بيده وقطه
من الدريشه !
انا حسيت ان بالغ بردة فعله ..
بس عقب حسيت فيها لما بأول زواجنا شفت صورة حليمه بولند عالشاشه
صج صج مت قهر ياربي ...
ألحين لما أذكرة ب حليمه يقول وعع .. عيارته يمه منه تلقينه ميت عليها !!

اسفه طولت عليج ؛***

 

[الجوهرا]

عنده قانون اللي مايغار هذا مورجال يقولي ماتصبغين اظافرج اذا طلعنا مع بعض اوحتى بروحج بس بالبيت

 

[ماتغير شي]

ريلي استغفر الله مادري شلون غيرته مره رحنا لسوق جان اقول لراعي المحل نزلي الجنطه نزلها ويمدها لي ييت اباخذها جان يمد يده وياخذها اهو لوووول يقولي بالسياااره انتي ما تفهمين هذا يبي يمسك يدج لوووول وياويل اللي يطالعني لووووول شدعوه يعني نغمض عيون الناااس

مرهـ دشيت محل وراعي المحل يسولف ويضحگ مع الزباين جان يعطيه النفسيه ويطلعني من المحل وهاوشني يقولي ياويلج اتروحين للمحل هذا انزين انا شذنبي لوووول و واااااااايد أشياء لو اقولها ماخلص


ويسلموووو حبيبتــي على الموضوع

 

[جيكره(و)تتغلى25]

شكلي بخلص كل الصفحات


١/مالقط نقابي عند دكتور اسنان ارفعه(تصدقون بس اطلع أسناني)متخلف

٢/مكياج وصبغ اضافر اتكلم مع البائع مستحيل

٣/والله دكتوري أمراض النسا هو يدخل معاي ويكلمه عني اضطر يؤيدني له عقب الاجهاضات وتخلف الدكتورات

٤/القنوات مثلmbc2و٤مشفرين وطبعا حتي الاغاني ممنوع

٥/عيال خوالي اذا قالو سلام مستحيللللل ارد حتي الي عمره١٤
بالطياره ماااكل عشان ايدي ماتبين وألما ارفع النقاب طبعا٧ساعات عيوني بس جدام واذا بكلمه اكتب مسج عشان اليً وراي مايشوف عيوني


مايخليني أقط الحجاب جدام ابووه


كافي اليوم ههههههههه


متحمله يصرف بالهيل وسفرات وهدايا ههههههه

 

[سكوتي بذوقي]

لما أحد يشوفني يسوي لي سالفه

اقول له ابط عيون الناس يعني ولا اقول لهم ليش تخزون

شاف ماشاف مادري عن شي انا مو منتبهه لهم ماشيه بحالي

 

[منال $]

موضوعك الحلو
الصراحة من كتر مشاكل الغيرررررة صرت انسى شو اخر وحدة صارت معي
اتذكر وارجعلكم

 

[صمتها ونه]

يــــــــــــــــــــمه على الغيره ياحلاتها والله حلو الواحد يغير بس موغيره ماصخه

لاتصبغين اظافرس وين قاعدين بمدرسه حنا ولاطولين اظافرس محسسني بتفتيش بطابور الصبااح


يوومه ولاتتكحلين عاد انا بدون كحل ماعيشش

اي وشنو بعد مره كنت متزاعله معاه وجا يبي يراضيني يطلعني الافنيوو

عاد انا ابي ارفع ضغطه شوي صبغت اظافري احمر واي احمر اللي يجننن على الايد

ولبست خاتم واضح واسواره وخطيت الكحله وعدسات ونقابي عاد والله ولاعمري سويتها بس سويتها عشان ارفع

ضغطه مثل مارفع ضغطي

المهم بالسياره وطبعا انا ماطالعته ماجيك على العدسات بس شاف الكحل يوم نزلنا توني جاي بنزل تو صكيت الباب

جان يقولي يلايلا دشي رايحه عرس حدي انقهر مالت عليك وعلى رضاوتك كششش

 

[شوبارد قطر]

باااااااااااااااااااال بنات جبتوا مواضيع بصراحه بوقتها هههههههه
دام اني اعاني من هالمواقف انا صارت معاي مواقف واااااااااااااااااااااااااااااايد او بالاصح انا اعيش كل يوم غيره لمده 6 سنوات
بقولكم اقوى غيرتين
الاولي : كنت رايحه زياره ولابسه كعب وقبل لا اطلع امه قالت بمر على وحده مربي روحي معاي سلمي وانتي طالعه قلت اوكي وانا نسيت اني لابسه كعب ومن الممنوعات في بالي بس الزياره مارجعت البيت ورجع هو وراي وشاف الشوز الكعب وياخذ ويقطعه بالسكين
الثاني كنا مسافرين طريق بر بشهر 2 والفجر كانت الحراره 4 بررررررررد وابي انزل للمطبقه وكان علي شال اسود
يقول لي فصخيه اقوله برد حرام عليك الا يقول شلون تنزلين بالشال وافصخه ...
وغير الغيره اليوميه على اللبس و العبايه و و و و
الله ياجرنا ان شاءالله

 

[حجيه هيونه]

قبل قبل كنت اغار

الحين لا عادي بصراحه لوول

 

[الـفـجـر الـبـعـيـد]

مواقفكم حلوووه

بس كله كوووم و جيكره(و)تتغلى25 صج صج الله يعينج

متحمله هالخنقه لو انا مكانج كل يوم صاكتها هووووشه ما اقعد ولا دقيقه

الله يهديه

 

[ديانا سبنسر]

سوالفي مع الغيرة ماتخلص بس لاني متهاوشةمالي خلق اجيييييييييييييييييييييييييييييييييب سيرته

 

[رنيم الروح]

ههههههههه انا لا يغار احيانا ويبين عليه خاصة اذا اتكلم مع دكتور ولا مع صاحب محل بس اغلب شي يغار ويحاول ما يبين شي الي لكن اعرف من نظراته واسلوبه خخخخخخخ بس انا غيوووره حيل بس امسك نفسي احيانا

 

[هيفاء 966]

انا مره كنت حاطه صورة يحيى ولميس خلفية للاب توب وزعل لأني كنت قايله قبل فتره ان يحيى كله رجوله ومدري شسوى نسيت. فقدت الذاكره. ومره انفتحت عبايتي وانا كنت لابسه ضيج. وكنت نازله من السياره وشافني جارنا وقام يصارخ علي. ريلي. بعدين عرفت ليه زعل لهالدرجه لان جارنا راعي سوالف عن الحريم

 

[popa]

غيرتي خفيفه وطبيعيه اغار من الي احسن مني بس مافي احسن مني الى الان هههههههههه