صادفج موقف مع الغيره...دخلي وحطييه >>~<<

[om-3azo-83z]

بعفس موضوعكم هههه انا مطلقه بس ريلي مالت عليه غيرته كلام و حجج بس
ولا بالصج ولا شي جدام عينه يتحرشون و اهوا يمي شوفو قله الاحترام وين وصلت ! و لما مليت اقوله شوف يقولي يمكن ما يقصد
بالمسيره واحد بطل باب السياره و يسولف وقف يطالعه ساكت لازم انا اتصرف الله وكيلكم خذيت مرش الماي مال اخوي و سويت نيشان على عين الصبي و كملت طريجي جنه مو صاير شي غير مواقف اللي يبيعون و يتعمدون يمسكون الايد يشوف كل شي جدام عيونه بس يقولي يمكن ا يقصدون و على خواته لو هندي يطالعهم زين ما يرتكب فيه جريمه قتل مالت عليه ماكل حم خنزييير

 

[*شوقي معنيني*]

لوووووووووول
مواقفكم كل وحده احلى من الثااانيه

جيكره واتغلى:انتي بسجن ؟!
الله يحفظظكم كلكم

كلش ماتوقعت احد يعطيني ويه بالموضوع

 

[غـَلآهـ]

بنااااااااااااااااااااات

موظفات البنك يبطون الجبد يتدلعون غصب وانا مجبورة اروح معاه عشان اسوي معاملة وهذي تتدلع وانا ميتة قهر

 

[غـَلآهـ]

مع انها مو حلوة والله بس كشخة ولبسها من اللي فوق الركبة

وانا مو ناقصة جمال بس احترررررر

 

[حبيبي مشعل]

هههههههه
مووواقف حلو ه
انا الحمدالله حلوه
تخيلي زوجي تعجبه الجيكره وانا تشتغل عندي الغيره اقوله من صجك مو حلوه مافيها جمال امبيه
اقوله انت كله تصدمني شلون اختني يقولي حظي اهيء اهيء اهيء بس قالوها حظ الجياكر

 

[om Firas]

موافقكم مو صجججججججج

 

[مموريز]

فيه احد يغار من اخوانه .........هذا زوجي,,,,,بمرة كنا جايين للبيت من سهرة ملكة لواحد من الاهل,,,,فكنت لابسة فستان اسود طويل والاكمام طوال بس شيفون و حزام عريض,,,المهم دخلنا الغرفة ونسولف ونضحك ,,شوي الاخ يغص ويشرق
ويكح حسيت كان روحه بتطلع ,,ابركض اجيب له كاس ماي ,,لالالا ماتطلعين وانت بهالمنظر ,,طيب علي غطاي ومتسترة يابن الحلال ,,,ولاتجيبين لي شي خلي البنات اووحدة من خواتي تجيب الماي بس انت لا...راحت الشرقة وطارت الكحة وتبققت عيونها علي ,,,ماتطلعين قدام خواني بهالكشخة والعطر والمناكير,,,,,
طيب ااحنا لنا عشر سنين ساكنين وياهم,,وش اللي تغير...

 

[Queenleo]

واي الموضوع ياي بوقته اصلا مو قادره انام من الحره .. صاحبة المووضوع بقلب موضوعج لان انا الي محتره وفيني فضفضه :<

هالمره انا الي غيرانه مو اهو ..

بحكم انه كان منفصل بالملجه قبل لا ياخذني .. اليوم قالي انه صادف اخو الي كان مالج عليها وهذاك مسكه وقاعد يسأله تزوجت ولا لا ومن هالاسئله

زوجي يقول مره وحده قام يتكلم عن اخته اللي اهي طليقة زوجي ويقوله انها تزوجت وعندها 2

و انا مستعمله عنها بحكم ان لي معارف يقدرون يطلعونلي كل البيانات واهي بالصج مو متزوجه ليلحين ..!!

بعرف هال............ ليش يجذب على زوجي يعني يبيه يغار عليها مثلا انها تزوجت وعيلت ويسوي افلام ؟؟ ولا شنو ؟؟

حدي مخنوقه مو قادره انام والله توني باجيه وميته قهر :<

============

الله يهداج يمكن قصده يبي يبين لريلج ان اخته نصيبها مااشي
ومايبي يبين له انها انكسرت من بعده
يعني يبي يحفظ كرامة اخته
وغير جذي الرياييل مايفكرون نفس تفكيرنا
شنو مصلحته انه يخلي ريلج يغار عليها!!
هذه اخته والاولى اهوا يغار على طاريها وعلى اي مووضوع ينقال عنها

 

[ماني من الناس]

يغار من احمد حلمي لاني قلت ان افلامه تضحك خخخ

ويغار من مهند لان مره قلت بدون قصد انه بطل مسلسل بائعه الورد مو شي مايعرف يمثل


الا اهو يقول مهند بعد مايعرف يمثل

الا انا انطً اقول عالاقل يعرف يكشخ خخخ >> طلعت منيً عفويه


ومن يومها ماقمت اتكلم بطاري ممثلين ولا شي

 

[بدويه ستايــل..]

ههههههه موافقگم تحفه لايوقف

 

[..rum rum..]

يعطيكم العافيه بناات
مواقفكم اتضحك و في منكم يكسرون الخاطر
الله يعينكم والله .. انا غيرتي دبلاااات غيرة ريلي
بس اهوا على قولته open mined فــ غيرته معتدله

 

[عسل سل]

الي جنهم بسجن شلون متحملين :$

 

[GofiSho]

هههههههههههه

فله بنآت ..

الغيرة فطرة جميلة في الانسان .

الله يوفقكم ويستر عليكم و يسخر لم ازواجكم يارب ياكريم

و مشكورة صاحبة الموضوع

 

[Um Tuki]

انا العكس

انا اغييييير عليه حتى من ظلاله و هالشي مب زين بس ماعرف اتحكم بغيرتي

اهوه عكسي مايغار علي كلش كلش كلش مادري ليش

بس يغار على خواته

 

[أم حورية]

اوووووه عدي وخربطي

بس بقولج موقفين مااا انساهم لان صج كل نا اتذكرهم اموت ضحك
ريلي اذا اهو موجود مااا يحب اكلم الريااايل بالسوق والجمعية وجذي

مرة كنا رايحين السوق وقبلها بمدة طويييلة ما رحت معاه السوق ففقدت غيرته علي وقتله انت روح مع البنات خل يشترون العاب وانا اروح اشوفلي هدوم لان محل الالعاب كان زحمة والعربانة ما تدخل

عاد دخلت شريتلي هدوم وبنتي كانت بالعربانة وخلصت ورحت بحااسب بسكات طبعا والمحاسب لبناني وتدرون اللبناتيين شلون لسانهم حلو و يتحيلقوون وهو قاعد يحاسب يقولي مابدك شي للصغيرة ؟؟؟؟

وانا اقوله لأ .... ويكمل في عنا بضاعة حلوة للصغار وانا لأ عااااااد بدخلة ريلي المحل ههههههه واهو معروف بخزته وانا بصراحة اخاف منه لي خزني

جااان يعطيني ذييييج الخزة انا سكت وطلعت جان يقول ليييش تحاجينه جان اقوله والله ما كلمته اهو شاف بنتك قالي ما تبين شي حقها قتله لأ

مشا جدامي وسبقني وانا وراه ميييتة من الضحك مستانسة من زمان ماغار علي واهو جدامي معصب خخخخخ حدي فاضية

والموقف الثاني ابدااااع

كنا رايحين سوق السالمية بنشتري حق العيد وكان زححححمة وولدي حاطينه بالعربانة وما نقدر ندخلها المحلات

شرينا خلصنا بس قتله ابي جنطة ما شريت قالي انزين انا اوقف برا انتي دشي وشوفي

وكل ماادش المحل اقول حق الريال اشوف هالجنطة وينزلها وما تعجبني وودي اشوف جنطة ثانية بس الف عليه القااه قاعد يخزني واهون واطلع ماااعرفت اشتري واهو قاعد يخز

واستمريت جذي ادش كذا محل والقاه يخزني واهون

لما اخر شي شريت وطلعت سوالي فلم رعب فدييته

ولما طلعنا قتله ليييش تخزني ما عرفت اشتري ع راحتي جان يقولي انا ؟؟؟؟ ما خزيتج مادري ماحسيت بنفسي

واااي كل هذا وما حس بنفسه

بس والله ريال بدون غيييرة مو شي


*

 

[أم حورية]

ههههه وايد قرقت بس ماااعرفت اخش هالسالفتين

يقرقعون بقلبي

 

[ام الحوراء زينب]

ههههههههههه ام حورية
لا الحمدلله الغيره معتدله فينه جان انتحرنا اثنينه

بس ينغث اذا رحت السوق وبدفع والريال يحوش ايدي اهني احاول اقرا الفاتحه بقلبي
بس الحمدلله غيرته حييل طبيعيه ماتنرفزني يعني ولدت عند دكتور
والدكتور شاف كل شي بس لمن كان يزورني لووووووول لازم يخليني البس حجاب واتغطى مو يا ريلي العزيز الدكتور شاف وخلص لووووول

 

[PuPa^^SWeeT]

اكيييد واايد



بس اشووف موقف حلوو للذكر طرحته لج .

 

[~*~الملكة~*~]

يغار بس مايبين لكن احس فيه

يغار من مهند اذا شافه بالتلفزيون يغيره ومستحيل اشوفله اي مسلسل بوجوده

مع اني مايعجبني وايد مهند بس مسلسل العشق الممنوع كانت وايد تشد القصه

 

[*شوقي معنيني*]

ام حوريه لووول اكتسحتي الموضوع بمواقفج الحلوه
والله ماقرقتي واايد
عسل على قلوبنا


اب اب
هل من مزيد ؟!