صارلي اربع سنين ميته ومحد درا

[AL-BaNDry]

امبيه الله يعينج
ويهديه ويصبرج على بلواج

 

[Om eL-3a9aGeeL]

حياتي والله عورتي قلبي

الله يعينج على ما ابتلاج !

صارحيييييه قوليله كل اللي بقلبج وابجي جدامه لا تمسكين دموعج خليه يعرف انج بشررر وتحسييين !!!

لي متى انتي تخشين بقلبج وتتعذبين واهوا ولا هامه !

الله يفرج همومج ويسخر لج ريلج
ولا تنسين الاستغفااار ..

 

[روح مجروحة]

حبيبتى ذلتهم عيونى عسى ربى يزيل هالهم عن صدرج يا رب. تبين نصيحة وحدة مجربة نفس تجربتج بالضبط لا تطوفين لاتسكتين لا تقولين أحافظ على صورته.أنت أهم منه مصلحتج أهم منه صحتج أهم منه أنت الأساس .أكبر غلطة سويتيها انج سكتى و ما واجهتيه هالنذل.صدقينى العيب فيه و فى أخلاقه الواطية و معدنه الردى.فضحيه لا تتقبلين اتهاماته النذل يبى يطلعج انتى الغلطانه اوقفى بوجه هالنكره راح يقول انج تتخيلين و تتبلين عليه و انه ما عنده هالخرابيط .تماسكى و لا تعطينه فرصة يقط اللوم و الغلط عليج.تذكرى انت الأهم و عسى ربى يبرد على قلبج و يطفى النار اللى بداخلج .قلبى معاج:0bee2e8d89:

 

[Om eL-3a9aGeeL]

حياتي والله عورتي قلبي

الله يعينج على ما ابتلاج !

صارحيييييه قوليله كل اللي بقلبج وابجي جدامه لا تمسكين دموعج خليه يعرف انج بشررر وتحسييين !!!

لي متى انتي تخشين بقلبج وتتعذبين واهوا ولا هامه !

الله يفرج همومج ويسخر لج ريلج
ولا تنسين الاستغفااار ..

 

[الجلنار]

انا من رايي تسألين استشاريه تربويه وعليج بالدعاء له بأن الله يهديه
الله يكون في عونج ويسخره لج ويؤلف بين قلوبكم اللهم آمين

 

[عيني عليه]

ازززززززززززززمه .. اقوى شي يقوولج قولي اسم فلانه ؟؟؟؟؟؟؟؟؟؟؟؟؟؟؟؟

احس الى هنا وستووووووووووووووووووووب

 

[عصير توووت]

قوليلة لو آنا مو بنت اوادم و ناس سنعه و لو ماكنت متربية عدل جان ما سكت عليك كل هالفتره

قوليله انت خذيتني لانك بباطن عقلك مقتنع انك تبي بنت ناااااااااااااس مو وحده من الشااارع

انا موجوده اب بيتك اصونك و اربي بنتك و اعطيك من قلبي لاكن انت للحين ما عرفت شللي تبيه من حياتك!!!

تبي بنت مو متربيه الشوارع مترسه و راح تلف الدنيا و تدور ومثلي آنا اللي صبرت عليك و على شينك ماراح تلقى

تبي تصير ريال يغار على حرمته و بيته اهلا و سهلا ماتبي انا ماراح اقعدلك بالبيت هذا لاني نظيفه و مو سااااااااااره


ادري الكلام قوي بس قوليله جذي يمكن يحس ترا مرات الرياييل ما يحسون الا بالحجي القوي

 

[yassoo]

هذا ماعنده احساس حسبي الله عليه من ريال
بس اسمحيلي الغلط عليج انتي لأنج سكتي من البداية
تمادى اكثر معاج لين طلب منج تقولين له انا سارة
مادري بصراحة شقولج الله يهديه ويسخره لج

 

[الكويت تاج راسي]

لاحول و لا قوة إلا بالله
اسمحيلي أقول لج إنتي غلطانه من البدايه
سكتي ليما تمادى
آنا من رايي لازم تقعدين معاه قعدة مصارحة
وعليج بالدعاء بأ ن الله يهديه ويسخره لج ويؤلف بين قلوبكم
الله يكون في عونج
اللهم آمين

 

[Anwaar]

الله يعينج

 

[رسَــيــل]

غلطاانه صابره على واحد مو محترم نفسه عشان يحترمج ..
المفروووض من اول الغلطااات هذي اهلج يكونون بالصوورة ..
يعني .. ما بدر منج شي غلط ..

بس الحين عقب البيبي .. الله يعينج ويسخره لج .. بس لاا تتحملين اشيااء فوق طاقتج ..

 

[فراولة الشرق]

لاحول ولاقوة الا بالله ...ياقلبى عليج والله انتى خساره فيه اللى سكتى وما فضحته كل هالسنين لاكن يا بنت الناس العمر واحد وانتى لى متى بتسكتين لين ايجيب لج مرض لاقدر الله اخذى موقف ولا تسكتين واجهيه وحطى لج حد لهالمعاناه وكثرى من الدعاء والاستغفار والله يفرج همج يا قلبى

 

[كارلوفي فاري]

الله يعينج اختي والله مشكله كبيرة لا السكوت ينفع ولا حتى الصراخ انا اقول مدامج سكتي كل هالسنين بدون لا تسوين شي ينجي زواجكم انا اقول عطني نفسج وقت بعد عل وعسى انج تنقذين زواجك -حل مشكلتج لا بالكلام ولا التفاهم زوجك هذا لعوب وشكلها هالغبرا رفيجته شارطه عليه انه يطلقج فسوي اللي سوا ولا ليش يقولج قولي انا ساره هو قصده ينرفزج ويبيج تطلبين الطلاق فيقول انا ماسويت شي هي اللي طلبت خليج وانا اختج قويه وتحلي بالصبر وهذا يبيله درس ماينساه الي مثل هذا يبي المرا تتغلى عليع انا اقول استغلي اللي صار بصالحج بانج تحقرينه وتعذبينه بانه مايقدر يطول منج شي تزيني وتعدلي ولا تخلين يطول منج شي والسالفة يبيلها صبر حيل قومي بواجباته المنزليه ةكل شي شبيك لبيك لكن لي غرفة النوم وبس يبدا الحقران وحاولي بعد تقللين الكلام معاه وخليه بعد بحدود خليه ينجن ومره مرتين وثلاث راح تلقينه يركض وراج لانه هو من النوع اللي مثل الطفل يمل من اللعبة اللي بيده ومايبي اللي اللعبه اللي مو عنده دايم فانتي خليج اللعبة اللي يتشفق عليها وموطايلها وانتي حاولي ماتدرين يمكن تفيد النتيجه مو انتي تقولين خلاص منتي قادرة تعيشين معها حاولي اخر مرة ليش تخلينه يروح لها بارده مبرده واذا ربيتيه بعدين تقدرين تحكمين فيه وترا الشغله وانا اختج تبي شهور وانتي تقولين صبرتي ابع سنين ومالج الا الدعاء والله يفك كربج هالله هالله باللوكات الجديدة والتسنع واخر الصيحات علشان تفتفتين قلبه ويعرف انه عنده وحده احلى وحده بس هو اللي حارم روحه

 

[om-s3ood]

الله يعييييييييينج حبيبتي ولااا تسكتين عنه راااح يتماااادى كلمي اخد من اهلج شخصيته قويه يهزه شوي ويفهمه منو مااااخذ ..
والله يعيينج على مااا بلااااج ؟؟

 

[ريان 123]

لا حول ولا قوة الا بالله
كثر من الاستغفار اختي

 

[ريان 123]

لا حول ولا قوة الا بالله
كثري من الاستغفار اختي

 

[** رش رش **]

الله يكون بعونج ...بس هذي غلطتنا يا الحريم نسكت و نتحمل لحد ما يدووسون علينا ... و بعدين نقول خلاص مو قادرين نتحمل بعد ...اي وينج من الاول ..ليش سكتي لحد ما وصلتيه لهالحد .... أنا غلطت نفس غلطتج و الي صار لج صارلي ...من اول اسبوع اكتشفت الخيانه و سكت .... سنه كامله و انا اسمع و اشوف ..و اسوي روحي مو فاهمه و غشيمه .... لحد ما انفجرت .... صدقيني هذي حرب .. و دام لج منه عيال ...لازم تحطين في بالج انج تنتصرين بهالحرب .... و لازم تحطين في بالج ان الحرب مو سهله ..بس النتيجه تستاهل ... و انشالله الله يكون بعونج و يقويج على هالحرب ..و يردلج زوجج .

 

[كحيلانه]

حبيبتي لاتقهرين عمررج ترا انج تغمتين بقلبج وتسكتيين ترا اقل شي يحووشج السكري ولااا يرتفع عندج الضغططط وااااااجهي حبيتي واجهيه من يكون اهوو علشان تتحملين كل هذااا
اقعدي معااه وقوليله من اول مره شفتيه وواااجهيه ولو تهاوشتم ورحتي بيت اهلج لاتردين الا بشرووط اولها يحترمج ويغير رقمه ويعطييج رضووه ترا زوجج يجيب المرض الله يعينج عليه ويهديه لج

 

[om msh3al]

واللله مادري شقولج الواحد لم يشوف مشاكل غيره تهون عليه مشكلته

الله يصبرج والله مادري شقولج
هذا اللي الله كاتبه لنا ليش سكتي من اول مره ليش ماكلمتيه


والمشكله يلومونا اذا غلطنا او سوينا شي من غير قصد
الله كريم

 

[kingq8q8]

ياحياتي الله يعينج

بس انتي غلطانه جان لعنتي خيره من اول مره هذولي

رجاجيل ماينسكت عنهم واذا سكتي يتمادون ويقول عنج غبيه