صارلي اربع سنين ميته ومحد درا

[حكاية شهرزاد]

لاحول الله ولا قوة الآ بالله ..

ليش تزوجج .. اذا اهو جذيه ... متعلق في هذي وفي هذي ..؟؟

ليش يظلمج معاه ؟؟

مالج الآ الدعاء ..

وبالنسبة لنفسيتج .. خلج هادئة وصابره .. لانه غلط ويبي يدور فيج الاسباب الحين .. لاتخلين عليج شي ..

لين ماتفره الدنيا ومارده بيجي .. اللي يظلم دوم جذيه ..

والله يصبرج ..

وتوكلي على الله ..

 

[قلب صافي]

الله يصبر قلبج ويعينج

 

[bader-albdor]

عسى الله يفرج همج يارب

 

[لاتامن قريب]

صارلي اربع سنين ميته ومحد درا

الله يعينك وربي

فكري مع نفسسك وصارحيه

وبعدين ششسالفتهم اذا مايبون حريهم ليششش يتزوجون ؟

لعب إهوو وإلا شششنو ؟

اسسستغفر الله اسسسسسسستغفر الله اسسسسستغفر الله

إدعي ربك مالك غيره .....]

 

[قمر^خالد]

الله يعينج حبيبتي بس المفروض أنج ماتسكتين من الأول وتكلمينه وأذا مانفع معاه كلمي أهلج او اخوانج اهما يتفاهمون معاه

 

[دمعه حزينه]

تحركي يابنت الناس لو بيت اهلج جحيم بس ماعليه جحيم اهلج ولا جنة زوجج الخسيس المنحط ..

تحركي صيري قويه عشان تكملين باجي حياتج براحه وامان ..

لو تطولين لسانج مو مشكله بس صدقيني اهو اللي راح يندم وريه ويهج الثاني صارخي عليه حطيلج حد لهالموضوع ..


ولا شنو يخلي واحد يدق واذا اهو مو مخلي اكيد واحد من هالحثاله ربعه ماخذين الرقم وداقين هذيله مو محترمين مع الاسف ولا فيهم ذرة رجوله اخ بس لو انا منج جان مسحت فيهم الارض ..

مقهوره ودي اكتب بس بكتفي بهالرد

 

[*تســـــــواهم*]

انتي الغلطاااااااااانه:eh_s(14):


من اول يوم صارت هالسوالف وساكته !! ليش يما ليش تسكتين وتروحين غرفتج وتبجين ؟؟؟


شلي حادج بس اهم شي اسمج متزوجه ولا شنو نوعج بالضبط (( سوري على هالاسلوب بس من الحره اللي فيني ))


انا اكره الرجال اللي جذي ....للعلم انا كنت مطلقه ...وصارتلي هالسوالف مو من اول يوم لأ بعدها باسبوع حسيت ان الوضع مو طبيعي ...بس في فرق ان انا رحتله وكلمته وقلتله مثل ما خذيتني من بيت اهلي عزيزه و مكرمه ارد بيت اهلي وانا بكرامتي ولا تصيرلي هالسوالف .. وما خفت ان اتطلق بالعكس عادي وتطلقت وربي رزقني بواحد لو الف الدنيا ماراح الاقي نفسه ..

بس 4 سنين متحمله ليش؟؟؟ وغير هذا عندج بنت ...والمصيبه يقولج ساره الله واكبر والمصيبه الاكبر لحد الحين قاعده عنده ...وين كرامتج .... الله يعوضج خير على صبرج اللي انا اشوفه انه ماله داعي من الاساس ...


حسبي الله ونعم الوكيل​

رايي من راي " قلب زوجي "
أنتي معززة مكرمة ليش متحملته 4 سنين ؟:0bee2e8d89:
ما أقول الا حسبي الله عليه وعلى هالسارة ؟م

 

[wawiya]

الله يهديه ان شاء الله

 

[قطوة حبيبي]

صراحه آنا انثولت ما أدري شقولج بس مصدووووووووووووووووووومه ماأدري شقولج الله يعينج حبيبتي

 

[برنسس جوجو]

حبيبتى دام عرف انج تدرين بسوالفه وما شاف منج رده فعل تمنعه او تهديد منج اكيد راح يتمادى بخرابيطه وبيقول هذى ما عندها مشكله انى اكمل سوالفى بصراحه كان لازم تاخذين موقف من اول يوم دريتى فيه عشان يعرف انج مو طوفه هبيطه مثل ما يقولون اقل شى ممكن يسويه انه يقدر مشاعرج هذا اذا كان عنده احساس بس عفيه عليج شلون تحملتى ما تقولين لاحد بس اختى اخذى منه موقف من الحين وقولى له خلاص زمن الصمت ولى اهم شى كرامتج ومشاعرج والله يفرجها عليج انشالله

 

[تراميسو]

صدقيني جربي الاستغفار والدعاء واقري وادعي في ماء زمزم وشوفي النتيجة ولا تتعاجزين خلي دعائج بحماس وكل وقت يستجيب الله فيه الدعاء توظي وادعي في خشوع واذا طولت النتيجة لا تيئسين ترى هذا ابتلاء الله يعين

 

[ندى العبير]

فعلا كان لازم اكلمه كلمته بس شنو النتيجه ايه غلطان بس لازم اسامح غصب وحبيت اخدع نفسي انها نزوه يمر فيها كل رجل بس هلمره في الرسائل المرسله ومن جهازه انا ساره يعني كانت معاااااااااااه لالالالا اكيد انا بكابوس مستحيل كل هذا يصير فيني ابي اتصل على هالرقم واتاكد صديقتها صديقة ساره وهم الاثنين هزأوني انا معقوله انا افقد احترامي وعند ناس مالهم اي احترام يتصل علبيت واحد يتقمص دور واحد يعرفني يعدها يتصل زوجي يقولي بكل سهوله منو الرجال اللي تعرفينه طلبته بس دقيقه اشرحله قاطعني وصررررررررررخ انتي طالق لا طلاق للمره الثانيه حررررررام والله ماسويت شي حرااااام

مليون بالمية اللي كلمج هو من طرف سااارة وجماعتهاا حسبي الله عليهااا وعلى كل وحدة شااكلتهاااا

الله يعجل بعذابه عليهم بالدنيااا قبل الاخرة

اهماا اصلا شنو ماخدين من الدنياااااااا

بس ارد واقولج ياختي لمتى صبرج؟؟؟؟؟؟؟

 

[جنون اندرو]

حدي احتريييييييييييييييت :eh_s(14):
شنو هالبشر ؟؟!!!!! هذا واحد مايستحي على فعايله ولايخاف على مشاعرج .... ليش موقفج جذي سلبي ؟؟؟ لازم تتصرفين بدال ماتتحلطمين ... واجهيه بكل شئ تعرفينه عنه وشوفي بعد المواجهه معاه شبتكون النتيجه اذا كان بيشريك ويترك خرابيطه والا بظل على خماله وخياسه ..... تأكدي ياقلبي من اللي انتي بالأول تبينه وبعدها حددي كل خطوه بذكاء ...واهم من كل هذا ان تكون نظرتج لنفسج نظرة ثقه واحترام ... خليج قويه في قراراتج الصحيحه ... وحاولي ماتدفنين نفسج بقبر الخوف والتردد ... صدقيني ماله معنى صبرج دامج ماتنويين فعلا تصلحين من وضعج بقرار يحفظ كرامتج ....ولاتظلين على الأمل بدون عمل .. قرري بالأول اذا تبين تستمرين معاه والا لأ .. وبعدها كل شئ بيكون واضح جدامج ...
عسى ربي يصلح أمورج ويهونها عليج

 

[ذلتهم عيوني]

أمنية حياتي ارجع الايام قبل اربع سنين واوقف الزمن يصيييييييييير مابي حلول مو مشكلتي انه موزين
مشكلتي جروح داخل في نفسي في قلبي في احاسيسي
صدماتي همومي سنيني اللي ضاعت مهزوزه دمي اللي احترق تعبي
مصايب ورا بعضها ما ارحمتني ليش انا موبشر ؟

 

[شــــــوق~]

حسبي الله ونعم الوكيل يااختي ابتعدي عنه مامنه رجى وفيها امراض السالفه لايصير فيج شي منه ويوصل للإيدز الله يحفظج ويحفظنا
ماوقفت الدنيا على هالزاني اللي مايخاف من الله
شلون طاوعه قلبه ويزني بالمراحيض القاذورات الشره موعلى البنات القذرات الواطيات الشرهه عليه يوم نزل نفسه لهم
هذا مايستاهلج والله يعوضج باللي احسن منه

 

[البلوره]

هلا حبيبتي

والله مدري شقول بس اسمحلي

يمكن انتي شخصيتك تحبين تصيرين مظلومه ؟ في اشخاص كذا مايحبون يواجهون الدنيا ومصايبها

على طول يحبون يكونون مظلومين وبس ..

اتوقع لو تروحين طبيب نفسي يعالج هالعقده الي فيك

لان بصراحه وضعك مو طبيعي .. شكلك تحبينه موت لدرجة مو مقتنعه تعلمين احد عنه او تفكرين تنفصلين عنه

ترى الزوج والرجال مو كل شي بالدنيا كرامتك فوق كل شي

او يمكن هو شايفك ساكته وعلى باله مغروره او ماتحبينه

حب يحرك مشارك بطرق جهنميه

يمكن اتفاق مع ربعه انه يثير غيرتك بأي شكل

بس انتي تقولين من اول يوم زواج كذا ...

بصراحه حرام عليك تهونين بنفسك لهدرجه

قوليله اذا مو خايف علي وعلى علاقتنا

خاف على بنتك ترى الدنيا دواره

بكرا تتزوج ويجيها زوج نفسك يظلمها << بس كذا خوفيه يارب بنتك تعيش حياه سعيده بس خوفيه

اعذريني على صراحتي بس من خوفي عليك

ترى هو ماراح يصير في شي

جالس يطلق ورا بعض

لين يوصل لثالثه علشان يفتك منك شكل اهله غاصبينه

وانتي بنت ناس قبل لايرجعك لاهلك مطلقه حاولي

تحلين مشكلتك لو تقولين لاخوك او اي احد كبير..

 

[@البتووول@]

آآآآآآآآآآآآآآخ والله ماسكه نفسي غصب شوفي اذا موعارفه تكلمين كتبي كل اللي صارلج بالأربع سنين بأوراق وعطيها أبوج وخليه أهو يتصرف وبعدين انتي اللي قاعده تسوينه مو صبر هذا اسمه تواكل <<<موتوكل على الله لازم تبذلين الأسباب عشان ربي يساعدج شتبين يحوشك بعد مو ناقص ألا الأيدز يكافينا الشر اذا تميتي جذي أبشرك بيحوشك لا ماحاله أنا أقول من الحين شيلي أغراضج وروحي بيت أهلج ومن غير مايدري بعد لأن مو كفو أنج تصبرين عليه أكثر فكري شوي بس أن حاشك سرطان الرحم أو الايدز بذمتج عيالج وين بيروحون أصلا انتي بهالتصرف اعيالج بيطلعون نفسج ماكو شخصيه بالمره يعني أبو قذر وزاني وماتدرين بعد يمكن يمارس اللواط وأم مهزوزه ومكسوره على شنو انتي ماغلطتي بشي عشان تخافين والله انج صبوره واسمحيلي بغباء كبـــيـــر ترى الصبر له حدود وبعدين يوم طلقج مرتين عرفنا سبب الطلاق الثاني بس الأول شنو بعد ؟؟؟:eh_s(1):

 

[شــــــــــــــوقــــه]

لا حول ولا قوة الا بالله

البنات ما قصرو معاج قالولج شتسوين معاه

بس انا راح اقولج شتسوين مع روحج مو معاه

بعد صلاة الفجر اقري سورة ياسين ..لان سمعت انها تخلي الناس تحترمج غصبن عليها

 

[ذلتهم عيوني]

لما كاشفته بالمره اللي معاه بالسياره دق على اخوي قاله تراقبني وقتها بس علمت اخوي بعض سوالفه وطلقني الطلاق الاول لان اخوي اهان كرامته دفاعا عني

 

[البلوره]

اللهم وفق بيني وبين زوجي واجمع بيننا على خير ..اللهم اجعلني قرة عين لزوجي واجعله قرة عين لي واسعدنا مع بعضنا واجمع بيننا على خير . ...

كرري هالدعاء والله يفرج همك

وكرري دعاء الهم واحزن

(( اللهم إني عبدك ، ابن عبدك ، ابن أمتك ، ناصيتي بيدك ، ماض فيَّ حكمك، عدل فيَّ قضاؤك ، أسألك بكل اسم هو لك ،

سميت به نفسك، او انزلته في كتابك ، او علمته احدا من خلقك ، او استأثرت به في علم الغيب عندك ، ان تجعل القران

ربيع قلبي ، ونور صدري، وجلاء حزني، وذهاب غمي)) احمد وصححه الالباني


2- (( اللهم اني اعوذ بك من الهم والحزن، والعجز والكسل ، والبخل والجبن، وضلع الدين وغلبة الرجال )) البخاري

كان الرسول صلى الله عليه وسلم يكثر من هذا الدعاء

فكري يوم تروحين انتي معاه مكه وتاخذون عمره والله بيتغير بأذن الله

اذا شاف بيت الله واشربي من زمزم انتي وياه وادعي من قلبك ان ربي يسخرلك زوجك

ويبعد عنه كل مكروه ويكفيه فتن الدنيا والاخره..