صارلي اربع سنين ميته ومحد درا

[ساره الخميس]

الله يهديه ويسخره لج يارب
حاولى اتعوضينه بطريقتج لا تخلين ينقصه شي ,,
لبسيله كشخيله غيري اسلوبج معاه ,, خليه يستانس لي قعد بالبيت شوي شوي تلاقينه مجابلج 24 ساعه شوفي اهو شنو اهتماماته حاولي معاه باسلوب الحوار انه اتعرفينن اهو ليش يسوي جذي كسبيه لا تحطين ايدج على خدج وتنطرينه يردلج ريال سنع
تدرين الريال حسسيه بالاهتمام يلزق فيج مثل اليهال والله يحبون الدلع

 

[راقية بأخلاقي]

انا عكس البنات انا رايي تجيبينه عندي مشتهية اكفخخه بوكسات على طراقات هاللي ما يستحي

 

[tmtmt]

اخييييييييييييييييييييه عورتي قلبي

بس انا اقولج حل .. قوليله تحس عمرك ريال .. وفجيله الموضوع وقوليله شوووف لو وحده غيري جان اسوت ....

قوليله شووف راي الناس فيييك .. عرفت انت الحين شنو ؟؟

الله يرفقك مع ساره وضحكي ضكة استهزاء ..
وطلعي من البيت بلا رجججججججججعه ...

اول مره اقول حق وحده طلعي من البيت بس قهرني .. وهم بدعي ان الله يهديه

 

[لمى...]

اختي ذلتهم عيوني................................^^
صراحة اختي قصتج اثرت فيني لأنو تقريبا عشت بعض من مأساتج بس فوق هذا بعد كنت في الغربه
والمشكلة اني مثلج اكتشفته من البداية بس النساء ضعيفاااااااااااااااااات جدا
وطبيعة مجتمعنا الخليجي يفرض علينا الضعف والخوف والسلبية في اتخاذ القرارات
الى ان ننجب ضحايا نعتقد انهم من الأصح ان يعيشوا في كنف أباهم الظالم وهم( أطفالنا) لو كان لهم رأي
لاأقترحوا علينا الأمر الصح وهو تربيتهم في مكان صحي سليم بعيد عن المشاحنات والمشاكل.....
لكن ولسذاجتنا ولاعتقادنا انه ظل رجل خربان منتهي ظالم ولا ظل حيطة <<<---- رأي سلبي
وايضا لسذاجتنا نخاف كلمة مطلقة <<< رأي أكثر سلبية
ياحبيبتي في حكايتج أرى الطلاق هو الأفضل لكي ولأطفالك وهذا من واقع تجربتي وهي قريبة من تجربتك:
فأنا مثلكي كنت اخاف الطلاق وظننت هذا القرار هو ماسيدمر عالمي ومستقبلي وخفت من نظرة
الناس ومن شماتة الأقارب خفت على أمي من الصدمة وقلت من سيتزوجني وأنا مطلقة وحتى لو تزوجت سيأخذني
من هو أردى من زوجي الحالي......................
لقد طاردتني هذه الأفكار مدة سنتين (( كانت أسوأ سنيين حياتي ))..........
وجاء هذاك اليوم اللي هو من(( أريح )) <<بكل ماتحمله هذه الكلمة من معنى >> (( من أريح )) أيام حياتي
لن أنسى ذاك اليوم ماحييت قررت وانا جالسة بين اخوتي واخواتي قررت الطلاااااااق
فجأة من دون سابق انذار ثم احسست براحة عجيبة راحة لم أحسها من قبل وكأن حمولا كبيرة أزيحت من ظهري
ولما تم ماأردت احسست بفرحة وحرية وانطلاق اشرق وجهي ورجعت ابتسامتي

وعدت الى نفسي وعادت الي لمى التي أعرفها واااااااااااااو شعور لايوصف............
نسيت الماضي واخذت اصلي وادعي ان يعوضني الله ويجل صبري تلك السنتين في
ميزان حسناتي ...............
والحمدلله الآن عوضني الله بزوج صالح يعرف قدري ويحترمني يعرف ربه ودينه والله يتمم علي على خيييير بااذن الله

ادعي لي ...............

نصيحيتي لكي ريحي نفسك وتوجهي الى الله ولا تخافي على أولادك لن يضيعو بااذن اللع أودعيهم الله دائما وسيحفظهم
الله لكي (( يستحقون منكي أولادك بيئة نظيفة ))
فمالذي يستفيدونه من أبٍ لن يتعلموا منه غير الخراب لاهٍ في ملاه ٍتغضب الله ولن تستفيدي انتي شيئا
ولن ينولكي من الاستمرارية معه غير الأمراض والذنوب والضغط والسكر والعذااااااااااااااااااااب
لاشئ يستحق كل ذلك .......................
اللهم يهدي سرك ويعوضك خيرا ........

 

[الشيرازية]

الله يسامحج ليش سكتي عقب ما عرفتي وانتي عرفتي من اول يوم ليش خليتي يصير بينكم عيال بس حبيبتي الله يعوضج خير وافتكي منه ترا هالاشكال لايمكن تتوب واحمدي ربج انه بينكم بنت وحدة مو اكثر ولا جان تدبستي بالهم وما اقول الا الله يخسف ببنات الحرام يا ما خربو بيوت حسبي الله ونعم الوكيل

 

[كنت انا]

وقال عز وجل (قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لاَ تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ )

إذن .. عليك بالاستغفار

قال الله تعالى في كتابه الكريم : اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً

قال الرسول صلى الله عليه وسلم
من لزم الاستغفار جعل الله له من كل هم فرجا، ومن
كل ضيق مخرجا، ورزقه من حيث لا يحتسب

---
فوائد الذكر

والإستغفار: سيد الأذكار

1 - يطرد الشيطان.
2 - يرضي الرحمن.
3 - يزيل الهم والغم.
4 - يجلب البسط والسرور.
5 - ينور الوجه.
6 - يجلب الرزق.
7 - يورث محبة الله للعبد.
8 - يورث محبة العبد لله، ومراقبته، ومعرفته، والرجوع إليه، والقرب منه.
9 - يورث ذكر الله للذاكر.
10- يحيي القلب.
11 - يزيل الوحشة بين العبد وربه.
12 - يحط السيئات.
13 - ينفع صاحبه عند الشدائد.
14 - سبب لتنزّل السكينة، وغشيان الرحمة، وحفوف الملائكة.
15 - أن فيه شغلاً عن الغيبة، والنميمة، والفحش من القول.
16 - أنه يؤمَّن من الحسرة يوم القيامة.
17 - أنه مع البكاء في الخلوة سبب لإظلال الله للعبد يوم القيامة تحت ظل عرشه.
18 - الذكر أمان من نسيان الله.
19 - أنه أمان من النفاق.
20 - أنه أيسر العبادات وأقلها مشقة، ومع ذلك فهو يعدل عتق الرقاب، ويرتب عليه من الجزاء مالا يرتب على غيره.
21 - أنه غراس الجنة.
22 - يغني القلب ويسد حاجته.
23 - يجمع على القلب ما تفرق من إرادته وعزومه.
24 - ويفرق عليه ما اجتمع من الهموم، والغموم، والأحزان، والحسرات.
25 - ويفرق عليه ما اجتمع على حربه من جند الشيطان.
26 - يقرب من الآخرة، ويباعد من الدنيا.
27 - الذكر رأس الشكر، فما شكر الله من لم يذكره
28 - أكرم الخلق على الله من لا يزال لسانه رطباً من ذكر الله.
29 - الذكر يذيب قسوة القلب.
30 - يوجب صلاة الله وملائكته.
31 - جميع الأعمال ما شرعت إلا لإقامة ذكر الله.
32 - يباهي الله عز وجل بالذاكرين ملائكته.
33 - يسهل الصعاب ويخفف المشاق وييسر الأمور.
34 - يجلب بركة الوقت.
35 - للذكر تأثير عجيب في حصول الأمن، فليس للخائف الذي اشتد خوفه أنفع من الذكر.
36 - سبب للنصر على الأعداء.
37 - سبب لقوة القلب.
38 - الجبال والقفار تباهي وتبشر بمن يذكر الله عليها.
39 - دوام الذكر في الطريق، والبيت والحضر والسفر، والبقاع تكثير لشهود العبد يوم القيامة.
40 - للذكر من بين الأعمال لذة لا يعدلها لذة.

--------
نصيحه يابنات الزمو الاستغفار والدعاء
--عزيزتي صاحبة الموضوع :: مثل مادخلت قلبه هذه الانسانه ستخرج من قلبه باذن الله لكن ادعيله ان ربي يهديه ويصلحه ويسخره لك ، الزمي الاستغفار ..وعسى ربي يفرج ضيقك وهمك .. وصدقيني مايضيع تعبك لان المسلم مبتلى ..ولك اجر ان شاءالله احتسبي الاجر ..وصدقيني حتى هالانسانه تلقين وضعها اسوء من وضعك لان احرقت نفسها بنفسها ...والله يهدي الجميع،، مع زوجك لاتواجهينه لان ماراح تشوفين منه الا العناد لكن يوم يشوفك مو مقصره بحقه وتدعيله ومحتويته ان شاءالله بيتغير ..بس لاتخلين احد ياخذ مكانك ..هذي مملكتك انتي داخلها بس هي بالخارج ..حافظي على بيتك وارجعي ..،، ومامن ضيق الا بعده فرج..

 

[كنت انا]

خواتي ...،، لاتحرضون الاخت على زوجها...يعني اللي تقول خليه واتركيه وش تلمحون له؟؟يعني بتفيدونها !! والله كل مره تدري ان زوجها عنده علاقات اشوف ماخلته ؟؟؟؟؟؟؟ اذا موعشانه عشان عيالها ..والله خوش اترك بيتي لوحده ماتخاف ربها يقبض روحها وهي تغازل!! على جذ مابقى احد ابيته .. بنات عفيه تكونين متعاطفه مع قصة اختنا بس مو تعطين رايج وانتي منفعله ووممكن ياثر !! يعني عطوها حل ايجابي

 

[@ام ضاري@]

لا قووووووويه يطلب ها الطلب شنو يقول لزوجته قولي اسم سارا

شها الوقااحه اللي عليه صج صج الله يعينج هذا مريض حريم

انتي سكتي من البدايه لو متكلمه وموقفته عند حده يعني من شفتي ها السوالف ناطه بوجه شنوها اللي تسويه

يعني بيقطع ارقبتج مايقطعها الا اللي ركبهاا اما بالفرااش يطلب هاالطلب اسمحيلي والله مالت ع ها الرجال

الله يعينج حبوبه باجر ماتدرين يمكن يجيبهاا لفراشج

لازم يقوف عند حده انتي بنت نااس وتحملتي الا ها الامور قولي ترضااا اقولك قول فلان بالفراش واتخيله هو مو انت

الله يعينج والله ويصبر قلبج

 

[fdeetni]

الله يعينج يابعد قلبي

 

[غزلان]

شاافح ساكته
تمادى

 

[ذلتهم عيوني]

شكرا للكل اول مره افتح قلبي وماانكر ان هالمنتدى ياما شغلني عن همومي والتفكير
ماعاد باقيلي معاه غير فرصه وحده متأمله ان ربي في شهر رمضان اللي ماعاد هو بعيد
يهديه او اني بتركه للابد وبدون لا اواجهه لان ماعرف اتكلم معاه ماعرف

 

[الراحله]

لاحول ولا قوة الا بالله العلي العظيم اختي عليج بالدعاء والقران والله يهديه ان شاء الله

 

[دلعووووه]

حبيبتي والله مالومج ياقلبي
حاسه فيج والله
لأن مريت نفسج تقريبا بهالشي ريلي يحط حق تلفونه قفل ومايخليني امسك تلفونه يقولي تبين تشوفين ويوم اشوف ولا ارقام وايد
اقوله معقوله هذيل كلهم ربعك يقولي ايه ارقام ربعي وحاط قفل اعرف هالسوالف مو على شعري دهن عشان ما افهم
ومرات يردلي عالساعه 3 او 2 الفير وانا مسكينه ما نام الليل بس قاعده انطره :0bee2e8d89:
ومرات سوالي افلام هنديه يه من الدوام ويسوي روحه تعبانه ويبجي حتى مايبيني اشوفه قالي سالفه موراضيه تدخل بالعقل حسيت يجذب والحين خل اهله وامه النسره واخته واللي يخربط معاهم يفيدونه

بس ماعليج حبوبتي الا بالدعاء وقيام الليل وربي يفرج همج ويسعدج بحياتج انتي وبنتج
نفس حالتي انا وبنتي والحين انا عند اهلي امري لله

 

[ذلتهم عيوني]

ليش كل البنات اللي عاشو نفس قصتي تطلقو افهم من جذيه ماكو حل الا الطلاق
مع انه اليوم صار شي غريب دزلي قبل ساعه مسج حلو وهذي اول مره يسويها
سؤال مهم يراودني كثير احد مر عليه نفس اللي مر علي ولا انا اللي شفته مصايب مامرت على احد
تكفون جاوبوني ابي احس اللي صار وياي مشاكل طبيعيه ولا لاسمح الله سحر ماقمت اعرف تعبت وانا افكرر

 

[البلوره]

والله حبيبتي

الكل مشارك معك مشكلتك بس انتي الله يهديك

ماتعلقين ولا تقولين هالفكره عجبتني بسويها

مدري يعني احس تدخلين بدون تفاعل ؟؟؟؟؟؟

يعني الف طريقه وطريق قلناها ولا وحده عجبتك منهم؟؟

قلنا روحي مكه خذي عمره معاه ادعي ربك..ماشفنا تعليق

قلنا تكشخي وتدلعي وبادليه كلام حب وانسي الي فات ولا تجيبن طاري ابد

اهتمي بنفسك وبغنجك وبلبسك وسوي نيو لوك والحين رمضان جاي جيبله هديه وباركيله الشهر


ولا سمعنا تعليق..

بليز عليقي على ارائنا علشان نتفاعل معك..؟؟

انا ماحب اكتب وماشوف احد يتجاوب معي احس اكلم نفسي

معليش بس هذي الصراحه ..

قولينا وش سويتي من افكارنا وش الي بتسوينه وتحتاجين مساعده فيه من الافكار

انتي بس تدخلين فضفضه وتطلعين وحنا على جمر لو تقولين الفكره الي عجبتك من الي قلناها ومحتاجه تنفذينها علة اصولها بنكون معك وبنعلمك عليها خطوه خطوه حنا خوات ونبغالك الخير ماتدرين يمكن من هالحلول وحده منها تصيب معك بس انتي تفاعلي شوي وكلنا معك بعد الله اوكي حبوبه ..

 

[مو عايشة بالدنيا]

امبييييييييييييي هذا مو طبيعي الله ىساعدج انتي صج خوش وحدة اللي صابرة عليه وعلى بلاوييه
الله يكتبلج الجنة يارب ويراوييييج يوم فيه
حبيبتي مابي اششيشج بس والله لازم تتطلقين منتي مجبورة تعيشين مع واحد يصر عمرج وحتى بنتج مو لازم تعيش مع ابو مايدري عن امها وعنده كل هالخرابيط
امبي مو قادرة اتصور اخر شي قالج ياه امبي الله يحاسبه ويجازيه

 

[أم عبد العزيز]

سبحان الله صج اللي قالوا أكو ناس يحبون ينذلون
سامحيني حبيبتي بس والله من حرتي يعني يطلب منج تقولين اسم ساره .. يطلع فيج مرض خطييييييييييير وبسبته .. رفيجاتيج يشوفونه مع حريم غيرج ... يهينج ويذلج بسسب مشاكل اهو سبب فيها ..ولا وتلقين في السياره وتشوفين بعينج الكرتونه ...وتقولين ما تبين تطلقين عشان عيالج؟! .. ما فكرتي بنفسج اعيالج يبونج بصحتج مو يصير فيج مرض خطيير وانتي ساكته انتي لو تفكرين بعيالج جان ما سمحتي لهم انهم يعيشون في حضن اب فاسد .. اتذكر معاي وحده بالمدرسه اشكثر تبجي المدرسات يسألونها اشفيج تقول ما كو شي كل يوم تتي المدرسه تبجي آخر شي صارحتني ان كل يوم تشوف امها مع واحد بالفراش وابوها ساكت خايف على بناته لا يتبهدلون بدون الاام .. آخر شي البنت لما وصلت بالثانويه قامت تطلع مع صبيان .. خافي على عيالج حبيبتي فرّي بنفسج وعيالج من هلبيئه الفاسده والأبو الفاسد وترى الله ما جعل الطلاق حلال الا لحكمه صلي استخاره بالطلاق واللي الله كاتبه بيصير بس اخذي موقف جاد حتى تشوفين قرارج شنو ابتعدي عنه مع عيالج فتره خليج عند أهلج واستخيري بالطلاق وشوفي .. الله يوفقج

 

[حصة]

واااااااااااااااااااااااااااااااااااي قلبي عورني عليييييييييييج شنو هذا ؟؟ انتي عايشة مع انسان والا حجر؟؟؟ ما شاء الله عليج صج لا قالوا صبورة انتي بس الصبر بسنع وللي يستاهل سمحيلي بس انسان حتى واهوا غلطان هم رافع خشمة ويتحلطم عليج ؟؟ الله يعييييييييييينج بكل معنى الكلمة

 

[أم الغاااالية]

الله يصبرج


انتي منزوجه عن طريق اهل والا حب ؟؟؟؟؟؟؟؟؟؟؟؟؟؟؟؟؟؟؟

 

[ذلتهم عيوني]

كلمتكم عن بعض مواقفه اللي حطمتني وبهدلتني
بس انا احس ان شخصيته موجذيه ابد ساعات القى فيه احن شخص بالدنيا لما ازعل
يحب عيالي وهم يحبونه لان كل شي يجيبه لهم وحتى لوكان بالدوام يشتاقلهم بسرعه ويكلمهم
رحنا لمكه البلوره يستقيم جم يوم ويرجع وانا مهتمه بنفسي كل ماروح لاهلي الا اطلع السوق اشتري واغير بشكلي له
هو بنفسه يقولي انت اللي بغيتها من زمان بس مايمر على كلمته يوم واكتشف شي يخليني انهار
سفرني بشهر العسل تايلند بس للاسف لازم يجرحني طلع بيوم من الايام من الفندق ومارد الا متأخر ولما كنت اتصل فيه من خوفي القاه مغلق لاتفكريني مازعلت لما رجع كتمت بس ماعطاني فرصه تعذر بهديه جايبها لي
وانا شفت عيونه تجذب وخايف
سمعته بنفسي وهو بالحمام يبجي وللحين موعارفه افسر اللي سواه
ودي انساله كل هذااااااا ودي بس شلون