صارلي اربع سنين ميته ومحد درا

[وردة-الكويت]

الله يلهمج الصبر يارب

 

[مو عايشة بالدنيا]

حبيبتي انتي تقولين صارلج ميتة اربع سنين يعني كل اللي سواه من حسنات ماله فايدة

 

[البلوره]

والله ماادري بصراحه

هو كم عمره؟؟؟

ليكون متزوجين ضغار ولسى ماشبع مراهقه ؟

بعضهم اذا تزوج بدري يضل فيه مراهقه ؟

الله يصلح حالكم لاتتغربين والله شوفي مصايب غيرك تهون مصيبتك ..

بعضهم زوجها يجي سكران ويضربها ويحرقها ويشوهاا وتضل معه

بعضهم من الصبح الى الليل وهو يسب فيها ويشتمها ويلعنها وتتحمل

بعضهم يغازل قدامها بالمجمعات ويرقم وهي تتغيشم وصابره

مافي الى اللجوء الى الله هو احلى حل دايم كل صبح شغلي سورة البقره

وقبل لاتنامون بالليل شغليها وان شاء تتحسنين وتتحسن علاقتك

جيبي مويه واقري فيه اية الكرسي واقري سورة البقره بعد كل صلاة فجر والمعوذات "الفلق .والناس .الاخلاص قل هو الله احد"

وانفثي بالمويه خليها بغرشه قزاز كبيره وخليها بالثلاجه وكل صبح صبليه منها واشربي انتي معاه وقبل لاتنامين

ورشي منها على بيتكم وبغرفتك.. دايم خلي ذكر الله بيتكم دايم سبحان الله الا بذكر الله تطمئن القلوب

والله بترتاحين ...

 

[بنت الانصاري 77]

بصراحه زوجج انسان حقير
انت لازم توقفينه عند حده اول شي صارحيه وقعدي معاه تفاهموا و اذا ما نفع التفاهم بلغي احد حكيم من اهله و اهلج عشان يتصرفون و اذا ما فاد فطلاقج منه راحه حقج

 

[ذلتهم عيوني]

ماتزوجنا عن طريق حب القصه غريبه شوي ابوه وابوي كانو زملا بالعمل بس فرقتهم الدنيا ولما اجتمعو صدفه بمكان رجعو اصدقاء ومن شوقه لابوي خطب منه

 

[روانه-9]

اصلا بمجرد ان الزوج مايصلي بالدين مايصير تعيشين وياه ؟؟ نصيحه أخيرة والله ليركض وراج تواصلي مع الاستشارية ناعمه الهاشمي والله انسانه فضيعه راح تتحول حياتج بعد الله نعيم وراح أهو اللي يدور رضاج بس انتي للأسف شكلج ماتبين حلول بس تعرضين المشكله وتطلعين ولا تعلقين على أي حل من حلول الاخوات وبعد ماقصروا "وبعدين ليش متتوصلين اذا انتي شاطرة بس شكلج بنت حلال لاتهش ولاتنش اعذريني ؟؟؟ليش ماتتوصلين لسويرة حيزبونه وتشوفينها شلون شكلها حلوه والا لا وليش أهو متعلق فيها ماتركها وشنو مميزاتها اللي أهي مو فيج ياليت اختي تردين على ضروري وبقولج شغلات مهمه راح تفيدج

 

[ذلتهم عيوني]

اختي دانه والكل ماعرفتوني عدل بالعكس هذي ساره لاتنسين انها دزتلي واحد هدم بيتي علبالج اخوي تركها جابلي كل المعلومات واللي عرفته ان مافيها ميزه وحده غير انها بنت مقدر اقول ووقحه كثيييييييير لان اخوي هددها باخوانها ودق على رقم ابوها وهي تسمع ولاهمها كانت تصارخ عليه وتزف المشكله ان بيتها مليان ارجال بس للاسف ماربوها
طبعا اخوي هددها بس وماعلم ابوها صج لانه خاف على زوجي لايذبحونه اخوانها ونصحني ماعاد ادق عليها واقنعني اترفع عنها وقالي كلمه ان العيب مو في البنات العيب في زوجي من يومها انا استسلمت

 

[ذلتهم عيوني]

شلون اتصل بالدكتوره ناعمه مادري مومتفائله بحل ياليت تفيديني اختي اذا تقدرين
انا والله متابعه ردودكم وصرت تايهه واحترت اكثر
خاصة ان زوجي اتصل فيني الحين على اساس بيمرنا بالليل وياخذنا للبيت مادري شتصرف

 

[الاحساس]

قااااهرنــــــي زوجج أووووف هدوني عليه بكفخه اخاف مسحور ؟؟ أخاف ساحرته ساره ؟؟

والا اخاف انتي محسوده مو معقوله هاللي يصير ؟؟ أحس مو طبيعي ,,

لازم تدعين ربج ليل نهار وورى كل صلاة و تقرين المعوذات ؟ وتقين أذكار الصباح والمساء وادعية تسخير الزوج

 

[البلوره]

شلون مافي حل تتفائلين فيه

اروع حل قراءة القران والاذكار يوميا

انا خلاص وداااااااااااااااااااااااااااااااااااااعيه

اشوفك على خير

انتي شكلك تحبينه موووووووووووووووت

مو راضيه تضغطين على روحك وتحطين لنفسك قيمه

اسمحيلي خيتو ماحب البنت الضعيفه

والمؤمن القوي خير عند الله من المؤمن الضعيف ..

مو معقوله الي انتي مسويته بعمرك ماخذك لعبه بس يشبع رغباته

والغراميات والرومنسيات مع غيرك ؟ عندي اهون لو يتزوج يكون حلال على الاقل ..

يالله خيتو كل واحد عقله براسه يعرف خلاصه ..

في امان الله ..

احس عطينا الموضوع اكبر من حقه..

زوجك وانتي ادرى فيه ان كانه ظالم الله حسيبه

وان كانه جاهل الله يهديه للصواب..

 

[ذلتهم عيوني]

البلوره تبينهم يسكرون الموضوع امر ولا شنو ماني فاهمه
تؤمنين بدعوة المظلوم ان مابينها وبين الله حجاب
انا ماتكلمت كثير عن الوضع عشان تتضحلج الصوره
مثل ماتبين سكريه مولازم احد يسمعني مع اني في امس الحاجه لهم بس انتي ماتبينهم يكلموني
فكذا مره تهاجميني وانا ماقلتلج شي او غلطت عليج بشي
ستغربه من هالناس اللي تصادفني معقوله تسكثر علي الدنيا اني اطلع اللي بقلبي من سنييييين

 

[ياعزوتي]

اسمحي لي اقولج انتي سااذجه الى هالدرجه مومعقوووله تسكتين عنه جذي وربي اقوم الدنيا واقعدها عليه
انتي ماتخاافين من الامرااض ينقلها لج اكيد غرامياته بيطلع وبينام معاهاا

انتي لازم توقفينه عند حده ووقفي وقفه صاادقه مع نفسج وعيالي وقفي لاتجيبين مو من زين افعااله مدري على شنو متحملته
اظااهر عند اهلج مشااكل ولاتبين تردين لهم عشان جذي كاتمه بقلبج وساكته بس اذا تبين حل راسليني بالخاص يمكن سااعدج اذا انتي صاجه رفع ضغطي زوجج حسبي الله عليه بس والله شكلج تحبينه

الله يعينج ويصبرج وينعمي من ساره ولاعاد يشوفها ولا شي ولما بجى بالحمام شووفي شنو مسوي وأنبه ضميره صدقيني انتي كثفي الدعااء

الله يثبتج ويمسح على قلبج

 

[ذلتهم عيوني]

اهلي عندهم مطلقتين من غير اللي مو متزوجات محد يبيني ارجع عرفتو منو الضعيف الحين
اقسم بالله اني مااحبه مستحيل احب واحد ماعطاني مجال احبه بس في كل مشكله امي تكسر فيني وتقول ماراح نكلمه
وماكو رجعه لنا من تشوفني مع عيالي بالبيت تتحلطم وتشن هجومها علي كلامها حيييييييييييييييل قاسي
هذا غير انها تحرض الكل مايسمعوني ويزفوني
حتى اختي الصغيره تتجرأ علي وتطردني من دارها نظام اذا زعلت زوجي هم بعد بيزعلون معاه كأنهم اهله مو اهلي انا
اففففففففففف تعبت

 

[عبرة أمل]

حبيبتي حاولي تعشين حياتج أنا الحين لي خبرة زواج 23 سنة ي بداية حياتي كنت تعيسة يمكن 7 سنوات الأولى ولكن الحين ولله الحمد أعيش بضل من الله بسعادة 000 لأنج لابد أن تتغاضين عن أشياء علشان تعيشين لأن الرجال أغلبهم لهم علاقات لاتكونين رومانسية عاد أنت وشطارتك تقدريين تصديينه عن جمييع الحريم

 

[ذلتهم عيوني]

نفس الكلام اللي تقوله لي امي تقول تحملي جم سنه وتحلف وضامنه انه بيصير خاتم باصبعي
ماصدق الا اذا الله قال كن فيكون

 

[BiiShOoO]

وااااي حبيبتي انتي مادري تلقينها من وين ولا من وين


من زوجج ؟ و لا من اهلج؟


حاولي انج تستغفرين ربج على طوول و اقري صورة البقرة.؟

 

[نورالقمر24]

الله اعيييييييييييييييييييييييييييييييييييييينج صج غهر

 

[tota kim]

واااااااااااااي عورتي قلبي والله

الله يكوون بعوونج ويهدي ريلج يااااااااااااااااااااااااااااااااااارب

 

[^^المهره^^]

لا جول ولا قوة الا بالله

صج شي يحر
الله يصبرج ويعينج

حبيبتي مالج غير الدعاء

وعسى الله يفرج همج

 

[{الجارحه}]

اختي انا تقريبا نفسج اول ماتزوجت كانت بينا مشاكل بس مو خاينه
طبعا ميصير شهرالا واحنا متهاوشين لين صارلنا 3سنوات
الحمد لله لنا سنوات7الحين متفاهمين
بس انا على اي شي ماسكت
انتي حاولي ماتسكتين طلعي اللي بقلبج له حاولي تكسبينه بلكلام الطيب
ان شاءالله يهديه ويسخره لج
لاتطلقين حاولي تغيرينه وتغيرين من نفسج وتنسين الماضي
حاولي تبتسمين له وشوفي شنو اللي يعجبه سويله
بس الطلاق لاتطلقين عشانج وعشان عيالج
راح يتغير ومرده لج
عسى يوفقج وهديه لج