صارلي 7 شهور متزوجة وما حملت بليز ساعدوني

[عناقيد الجنه]

توه ما صارلج وايد ترى
استانسي سافري طلعي لاحقه على لوية اليهال خل يصيرلج سنه .. سنه ونص

أنا كنت مثلج أنطر أحمل وكل شهر أقعد أحسب أيام التبويض ونفسيتي كانت تعبانه ولا حملت

عقب سنه فحصت وطلع عندي شوية مشاكل بعيد الشر عنج وتعالجت الحمدلله

وحملت بعد سنتين من زواجي اللهم لك الحمد على كل حال

الحين دايما أقول بين وبين نفسي

أنا ليش سويت بعمري جذيه وتعبت نفسيتي وكنت كله أفكر و أحاتي و أبجي

خليها على الله صدقيني

رزقج بتاخذينه وكل واحد فينه بياخذ رزقه عاجلا أم آجلا

الله يرزقج ويمسح على قلبج إن شاء الله

 

[زبــــــــدة]

حبيبتي عادي شي طبيعي لا تحاتين انا كنت نفسج واحاتي وحالتي حالة

بس ماقمت افكر وعقب ماصارلي سنه حملت الحمدالله

لا وكنت ناوية اراجع بعد وحالتي حالة لووول ...بس الحمدالله حملت بدون شي


يعني نطري اذا طاف سنة وماحملتي روحي راجعي وتطمني

والله يرزقج حبيبتي

 

[حبيبي مالكني]

حبيبتي انتي توج عروس
ان شاء الله بتحملين جريب

 

[حشمه]

شيلي فكره الحمال من بالج وريحي نفسيتج اول شي

ومن كلامج احس دورتج زينه استانسي وغيري جو

انتي توج عروس نطري تعدين السنه بعدين فكره

بالفحوصات وغيره من امور كثري صدقه وقراه القران

وان شاء الله ربي بيرزقج بالضنى بالقريب العاجل

 

[مشاعر مندفعة]

ليش مأزمة روحج ومتضايقة ؟ أنا من ثالث شهر ما حملت رحت راجعت احسن من القعدة والمحاتاة ، عن نفسي رحت حق دكتورة فوزية القطان وعقب المراجعه بشهرين حملت وكان فيني تكيس ، تحمدت ربي اني مانطرت زيادة لأني حدي متشفقة عالحمال ، روحي راجعي يمكن في شي بسيط نفسي مأخر الحمل عندج

 

[Perfume]

من صجج !!
حبيبتي لو رحتي تفحصين بيضحكون عليج
الفحص يسوونه بعد سنة
ولا تحاتين لانه النفسية تأثر

 

[كويت شوب]

من صجج !!
حبيبتي لو رحتي تفحصين بيضحكون عليج
الفحص يسوونه بعد سنة
ولا تحاتين لانه النفسية تأثر

انا ادري اني توني عروسة واصلا شلت الفكرة من راسي بس كلام الاهل يضايقني
ومشكورة عالرد حبيبتي

 

[كويت شوب]

شيلي فكره الحمال من بالج وريحي نفسيتج اول شي

ومن كلامج احس دورتج زينه استانسي وغيري جو

انتي توج عروس نطري تعدين السنه بعدين فكره

بالفحوصات وغيره من امور كثري صدقه وقراه القران

وان شاء الله ربي بيرزقج بالضنى بالقريب العاجل

ساعات تكون دورتي ماتخربطة من اول ما تزوجت
وانا شايلة الفكرة من راسي بس كلام اهلي يضايقني والحنة على راسي
قمت اخاف صج يكون فيني شي
وحتى لما اشوف اليهال اتمنى يكون عندي ياهل لي اشوفهم بنظرة شفقة
والحين الدورة متاخرة علي 6 ايام
واخاف اسوي التحليل الحين اخاف يطلع سلبي

 

[شطانه طفله]

حبيبتي اختاري وثت التبويض عقب الدوره ب 5 ايام يتم الجماع قبلها لا يصير شي بعد الدوره 5 ايام بلشي والله يسهل امورج انشالله ويرزقج بالذريه الصالحه ولاتفكرين بهالامور بعدج عروس استانسي حبيبتي

 

[Mrs.H]

شوفي انا حاسة فيج.. احساس الضغط من اهلج لاعب بنفسيتج وادري انج راضية بقسمة الله بس حنتهم مو مريحتج،. روحي فحصي عند ناهدة العلي.. اول شي روحي 2 يوم من الدورة واهيا تعطيج ورقة فيها تحاليل تسوينهم بثاني يوم دورة تالي لما تطلع تتيجة التحليل تروحيلها باليوم ال14 تسويلج سونار داخلي وتشوف وضعج

اذا قالتلج مافيج شي خير ونعمة تكونين عالاقل سكتي اهلج،، اذا عندج مشكلة الله لايقوله تتعالجين وتفتكين

والله يرزقج يااارب

 

[غآب نورك ~]

استغلي هالفتره واستانسي مع زوجج اهم شي انتي وزوجج

دام هو مافكر لا تفتحين الموضوع لين ماتكملين سنه

والباقي طناش يختي والله قولي لهم اهم شي انا واهو مرتاحين


اللي يسمع كلام الناس يتعب

 

[Sohai]

قوة بنات
الصراحة هاذي اول مشاركة لي
انا صارلي 7 شهور متزوجة وللحين ما حملت
الدورة باول 3 اشهر كانت تتاخر
بعدين قامت تيي بموعدها لمدة شهرين
وبعدين شهر تاخرت
والحين المفروض تييني تاريخ 7-5
وللحين ما يت
زوجي عنده عادي بس انا متشفقة عالياهل كل رفيجاتي صارو امهاا
وامي تقعد تقوللي ليش للحين ما حملتي
انا يئست واعتمادي كله على الله
ماعندي الا الله ثم انتو ساعدوني شلون احمل؟

الحمل بيد الله اول شئ روحي حي الدكتوره
سوي فحص بعدين نضمي الدوره ولا
وكثري من الاسنغفار وقولي لا إله الا انت
سبحانك أني كنت من الظالمين والله يسهل
امرك

 

[كويت شوب]

شوفي انا حاسة فيج.. احساس الضغط من اهلج لاعب بنفسيتج وادري انج راضية بقسمة الله بس حنتهم مو مريحتج،. روحي فحصي عند ناهدة العلي.. اول شي روحي 2 يوم من الدورة واهيا تعطيج ورقة فيها تحاليل تسوينهم بثاني يوم دورة تالي لما تطلع تتيجة التحليل تروحيلها باليوم ال14 تسويلج سونار داخلي وتشوف وضعج

اذا قالتلج مافيج شي خير ونعمة تكونين عالاقل سكتي اهلج،، اذا عندج مشكلة الله لايقوله تتعالجين وتفتكين

والله يرزقج يااارب

مشكورة حبيبتي ما قصرتي

 

[احساس عروس]

ان شاء الله تطلعين حامل هالشهر وترتاحين وتبشرينا ،

واذا ماصار حمل هالشهر عااااااادي انتي توج عروس كلنا اول مانتزوج يجلطونا بأسألتهم ونصايحهم روحو راجعوا ووووو

اقولج شي؟
انا من ثاني شهر بدأت الأسئلة تعبوني كنت بروووح رروكض أراااجع صدقت إن فيني شي لاسمح الله ، بس الله رزقني وحملت بدون ماأراجع الحمدلله،،

انتي اهم شي تريحين نفسيتج لاتفكرين وايد بهالموضوع وإنسي لاتفكرين بأيام تبويضج ومتى لازم يصير جماع وإلى آخره من هالأفكار
صدقيني ربي بيرزقج لأن الحمل أهم شروطه ((((((النفسية)))))

وإن كملتي سنة ماحملتي عاد روحي راجعي يمكن في شي بسيط هرمونات أو أي شي مو شرط شي چايد ويخوف
ترا الموضوع أسهل من اللي تفكرين فيه وكل شي له علاج فلا تفكرين وايد وتضيعين سنتج الأولى مع ريلج بهالأفكار والوساوس عيشي حياتج واستانسي

 

[درة التاج]

من صجج !!
حبيبتي لو رحتي تفحصين بيضحكون عليج
الفحص يسوونه بعد سنة
ولا تحاتين لانه النفسية تأثر

:eh_s(15):
كلام سليم
لا تنسين الاستغفار وتصدقي بأي مبلغ

 

[كويت شوب]

ان شاء الله تطلعين حامل هالشهر وترتاحين وتبشرينا ،

واذا ماصار حمل هالشهر عااااااادي انتي توج عروس كلنا اول مانتزوج يجلطونا بأسألتهم ونصايحهم روحو راجعوا ووووو

اقولج شي؟
انا من ثاني شهر بدأت الأسئلة تعبوني كنت بروووح رروكض أراااجع صدقت إن فيني شي لاسمح الله ، بس الله رزقني وحملت بدون ماأراجع الحمدلله،،

انتي اهم شي تريحين نفسيتج لاتفكرين وايد بهالموضوع وإنسي لاتفكرين بأيام تبويضج ومتى لازم يصير جماع وإلى آخره من هالأفكار
صدقيني ربي بيرزقج لأن الحمل أهم شروطه ((((((النفسية)))))

وإن كملتي سنة ماحملتي عاد روحي راجعي يمكن في شي بسيط هرمونات أو أي شي مو شرط شي چايد ويخوف
ترا الموضوع أسهل من اللي تفكرين فيه وكل شي له علاج فلا تفكرين وايد وتضيعين سنتج الأولى مع ريلج بهالأفكار والوساوس عيشي حياتج واستانسي

حبييييييبتي صج صج رفعتي معنوياتي ما قصرتي

 

[حشمه]

ساعات تكون دورتي ماتخربطة من اول ما تزوجت
وانا شايلة الفكرة من راسي بس كلام اهلي يضايقني والحنة على راسي
قمت اخاف صج يكون فيني شي
وحتى لما اشوف اليهال اتمنى يكون عندي ياهل لي اشوفهم بنظرة شفقة
والحين الدورة متاخرة علي 6 ايام
واخاف اسوي التحليل الحين اخاف يطلع سلبي

حللي عشان تطمنين وان شاء الله تطلعين حامل

مشكله الاهل بشكل عام يحنون طوفي ولاتحطين

لهم بال كلهم جذي الام تبي الحفيد وبس هههه

انتي اهم شي نفسيتج الحين ولو حابه تروحين

تفحصين روحي منتي خسرانه بس اهم شي

التفكير شيلي من بالج عيشي حياتج لو فكرتي بشي

يتاخر خلج عادي وتصدقي وبتشوفين شغلات تسرج ان شاء الله

انتي مافيج شي باذن الله ولو حاسه دورتج متلخبطه

قولي للدكتوره ابي انظمها وتسوي لج فحوصات تطمنج

 

[بنفسجيه_Q8]

الله يرزقج ويرزق كل محروم انا تأخرت 8 شهور بسبب رحمي مايل

 

[ms_5ajoola]

حبيبتي انا كنت نفسج اسل طريقة تكون المعاشرة الزوجية يوم وترك موو كل يوم وتبدين من اليوم ال 11 من الدورة الشهرية والله يرزقج بالذرية الصالة يارب و في شي ةتاااايد مهم بلشي تشربين چااي مرمية كل يوم مرتين وااااايد زين وينشط البويضات وينظف المهبل .

 

[al_kadee]

روحي حللي مادري ليش حاسه انج حامل،،وبعدين لاتحاتين حبيبتي كل الاطباء اجمعوا على ان التاخير في اول سنه زواح

طبيعي جدا الناس يبون البنت من تتزوج جك بوم حامل لا حبيباي الرحم لازم يتهيٲ للحمل والهرمونات تتخلبط بعدين تتعدل وهذا انتي قلتي تخربطت الدوره اول شهور الزواج


انا ماحملت الا بعد مرور سنه بس شلت من بالي وتوكلت على الله وكثرت استغفار باليوم ٲلف مره واكثرت دعاء والحمدلله ربنا كريم يعطي ويعطي ويعطي


بس كل وحده ومتى الله كاتب لها تحمل يعني معقوله الناس يبون الوحده تحمل من اول شهر واذا ماحملت يعني فيها شي


في وحده تحمل من ليلتها وفي وحده من ثالث شهر واللي من رابع شهور واللي ست شهور واللي عشر شهور واللي بعد سنه واللي سنه ونص وفي بنات سنتين وثلاث سنين والحمدلله ربي رزقهم وتوقيت الرزق حكمه من ربي



توكلي على الله و سووي فحوصات اذا زينه انطري سنه بعدين عالجي اذا في شغله بسيطه هرمون حليب ولا تكيس عالجي وان شا الله بتحملين والموضوع سهالات بس لاتخلين اسئلة الناس تٲثر عليج قولي لهم بسم الله توني خلوني استانس وسافري واطلعي وغيري جو و روحي العمره صدقيني النفسيه الحلوه تضبط معاها الهرمونات