صاكة فينى الدنيا وابي افضفض ممكن

[أم الفناتك]

لاحول ولا قوة الا بالله الله يعينج بس اذا صارلكم ١٦ سنه متزوجين وماتغير اتوقعين السنين اليايه بيتغير ؟؟؟؟؟؟ الا اذا الله هداه ماراح يكون التغيير منج وانا اشوف ان فرقاه عيد هذا زاني ومحصن يعني عقوبته رجم والله سبحانه وتعالى قال الزاني لاينكح الا زانية اومشركه والزانية لا ينكحها الا زانٍ او مشرك وحرم ذلك على المؤمنين

 

[roobee]

انتي بصراااحه غريبه
يعني شنو تنطرين بعد؟؟؟
يتزوجج عليج عشااان تكمل القصة
وتروحين فيهااا
والا شنو
وييع لاعت جبدي سيلانيه يالظالم
عندك حلالك وعيالك تروح للحرام
هاذا انساان ظالم ومايعرف ربه
مدري على شنو انتي متمسكه
وبعد اخو عيالج سيلاني... وبالحرام
ماادري انتي قلبج شنو
واهوا عارف نقطت ضعفج
ولاتخافين عيالج كباااار ويفهمون
اتطلقي وخليه يولي
لايجيب لج امراض
وعيال زنى من كل جنسيه

 

[$$king moon$$]

حبيبتي اسمحيلي زوجج مافيه ذره من الرجوله
ولااااا هالخدامه المسكينه ماسلمت منه وفوق هذا
حامل بولد زناااا يعنى ولد حراااام
مايستاهل تقعدين عنده ولاثانيه
وقولي حق عيالج سوالف ابوهم خل يعرفونه على حقيقته
ومولازم يعيشون عند ابوهم عشان يتربون تربيه سنعه
بالعكس لازم يبتعدون عنه عشان الولد لايصير قدوته
ابوه
لاحول ولاقوة الا بالله العلي العظيم
حبيبتي عيشي حياتج مع عيالج واهلي ورفيجاتج
وخليه بخرابيطه كل هالاسنين وبيتسنع جان تسمع
من زمان

 

[أم ميميتو]

واااااي عورتي قلبي حطيت نفسي مكانج بس لقيت اني لو كنت مكانج مارح اعرف اتصرف لان ولدي هم متعلق بأبوه واااااااايد و دايما افكر لو صار شي بيني وبين زوجي لا سمح الله شلون بتصرف ولدي شنو بيكون مصيره بس يمكن تعلق عيالج بأبوه تكون خيره لج عشان تعيدين النظر بالموضوع و ترجعين عشانهم بس لو فكرتي ترجعين لااااااا ترجعين بسهوله عشان يعرف ان هالمره غير كل مره ولا تقولين شي حق عيالج عشان ابوهم ما يطيح من عينهم قوليلهم مشكله وخلاص والله يعينج و قوليلنا شنو يصير معاج ياعمري

 

[اسراب الطيور]

نصيحه من قلب
لاتقولين لعيالك بسوالف ابوهم
اخاف يتدمرون نفسيا وينحرفون لان القدوه انعدمت
اذا مضطره توضحين لهم قولي غلط ولا تبينين الغلط كلش
اهم شي عيالك لايضيعون ويتحطمون

 

[لوراااا]

مااقدر اقول خليه ولا ردي قرار كبير مثل هاذا انتي اللي تقررينه
بس اللي عندي اقدر ادعيلج يارب ييسر امورج ويهدي زوجج ويهديج للقرار الصح اللي يريح بالج يارب

 

[حواء ناعمه]

[size="5" ]لحظه مو قادره استوعب

قريت كلامج كلمه كلمه

وانتي كنتي صريحه قلتي لما تصيدينه يكلم تقلبين عليه البيت !!

ولو يبي شي ((حقه الشرعي ))تزفينه <<<هذي بروحها فيها لعن


حبوبه انتي طينتي السالفه ((لاتقولين اجرح !!انا اصارحج ))

الدليل انج حنيتي له

اصلا لو حاولتي تحلين مشكلتج معاه بالحب والحنان وتحاولين تحتوين الموضوع يمكن تعدل مو تقلبين عليه البيت ليما تتدهور اخلاقه


ادري ان اهوا غلطان إلا مصيبه لكن انتي كنتي عامل كبير لانحدار اخلاقه


عيل شلون ماعرفتي انه زنا بالسيلانيه (((استغفر الله العظيم ))9

والله ماادري شقولج

بعدين ملاحظه انج مررتي سالفة حمال الخدامه ماقلتي شصار عليها

انتي بس تسئلينا الحين ترجعين ولا لاء يعني متردده


حلوا سالفة الخدامه المصيبه


وبعدين اذا بغيتي ترجعين استخيري

ترا مشكلتج ماتنحل لابطلاقج ولا بتنحل برجعتج


استخيري اختي استخيري [/size]

 

[حواء ناعمه]

نصيحه من قلب
لاتقولين لعيالك بسوالف ابوهم
اخاف يتدمرون نفسيا وينحرفون لان القدوه انعدمت
اذا مضطره توضحين لهم قولي غلط ولا تبينين الغلط كلش
اهم شي عيالك لايضيعون ويتحطمون

فعلا انتي موملزومه تبررين تصرف يخصج بروحج

واحتمال فعلا حاطينه قدوه

واهم بنفس ديرة ابوهم يعني طبيعي بيشوفونه مومحرومين منه

اصلا منو ابو يربي هالايام؟؟

 

[القصيدة]

السلام عليكم و رحمة الله و بركاته

حياتي و الله ~ الله يكون بعونك

و لا تقولين عن نفسك غبية - حاشاك - أنتي حبيتيه و ربيتي عياله و حفظتيه و سامحتيه كثيـــــر

هو اللي ما يستاهل و الخيانة بدمه للأسف - لا خاف من ربه و لا راعى عشرتك و مشاعرك

و لا تحاولين تبررين له أخطاءه .. أجل لما تزعلين من خيانته يروح يخون مرة ثانية ..!

و بعدين مو مبرر أنتي زوجته يقدر ياخذ منك اللي يبي حتى لو ما رضيتي و هو عارف انو مو محتاج يغصبك لأن كلمة حلوة منه ترضيك و توديك له بطوعك

مو يروح للخادمة و يغتصبها أو يغويها و تحمل منه بعد ..!

استمري بإجراءات الطلاق و ابتعدي عنه فترة يمكن ربي ينزع محبته من قلبك أو يرزقك باللي أحسن منه

و يمكن الأيام تداوي جرحك و إذا فيه خير ترجعون لبعض

و عيالك يكبرون و يفهمون و يقدرون انو الخيانة مرة و ما أحد يقدر يتحملها و أنتي تحملتي كثيـــر

و إذا خايفة تجرحينهم بخيانات أبوهم قولي لهم أخطأ بحقي كثير و جرحني و أهان كرامتي و ما أقدر أكمل بدون ما تعطينهم تفاصيل

الله يعوضك و يبرد على قلبك :eh_s(17):​

 

[روح بدويه]

مشكوره على اهتمامكم بمشكلتى والله يشهد على ارتحت من قريت الردود بس اعتقد الكل مؤيد انه اتركه وانساه وانا معاكم والله لان انا ابي ارتاح لو بيدى تحملت بس وصلت لمرحله خلااااااااص مو قادره اتحمل اى مشكله حتى لو بسيطه واذا على عيالى صدقونى ماراح احرمهم منه لان بيتم ابوهم وادرى بعانى من هالشي بس كل شي قسمه ونصيب وانا مؤمنه بقضاء الله سبحانه وقدره عشان جذى خلااااص قررت اتطلق منه واكمل الاجراءات وكافي عندى عيالى حولى وراحة بالى تسوى الدنيا ومافيها للمره الثانيه اشكركم خواتى وماقصرتوا كافي انه اهتميتوا بالموضوع

 

[اشلون يعني &]

قرارك صح وانتي صح وانتي مو غبيه
انتي صابره
لا ترجعين له يجيب لج امراض
ديري بالج