صالة التسجيل في الجامعة... تسيّب وعدم انضباط... ومحسوبية تتجسد في أبشع الصور

[ريح الخزامى]

بنات كتبوا تعليقات بصفحة الجريدة علشان يوصل صوتنا
لان الاتحاد وجوده مثل عدمه فالحين بالواسطه و المظاهرات

كتبوا تعليقات عن معاناتكم مع الجامعه نبي صوتنا يوووووصل

ومشكورة على الخبر

 

[مافيش نك]

ووووين نكتبه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ريح الخزامى]

مافيش نك

دخلي الرابط و ضغطي اضافة تعليق

 

[][^LoOoNdon^][]

بنات كتبوا تعليقات بصفحة الجريدة علشان يوصل صوتنا
لان الاتحاد وجوده مثل عدمه فالحين بالواسطه و المظاهرات

كتبوا تعليقات عن معاناتكم مع الجامعه نبي صوتنا يوووووصل

ومشكورة على الخبر

انا بس عندي سؤال وااااحد .. هالقوائم اللي تخمط الطلبه والطالبات بالانتخابات وييينهم ؟؟
وين هالانجازات اللي ذبحونا فيها ...؟؟ على شنو اهما يفوزن ؟؟؟؟ ليش مايتكلمون ع مدير الجامعة ولا اي احد ولا هم بس شطار بالهوشات والتخمط والازعاج ... ؟؟؟
مو معقوله جامعتنا لأ ااااا التربيه الاساسيه ماسوت جذي .. هناك بس يوم واحد ولا لهم موعد محدد مو نفسنا سهارى طووول الليل وياليت لو نحصل بس ماااادة ..... اااااه واحليلاه اللي يشرشحهم ويضبط ثاني مرة
حسبي اللـــــــــــه عليهم من تسجيل ...... >>> حدي مقهوووورة :0bee2e8d89:

 

[مافيش نك]

ريح الخزآآآمي إن شاااء الله..


مس لنندن..


اي والله صآجه..


وجودهم زي عدمه..

 

[Queen_Angel]

يسلموو بنات على المروور..

 

[EviL^^GirL]

انا كنت مناك
والله الوضع مو طبيعييي
انا رحت وانا مستانسه عبالي تسجيل الخريجين شي مرتب مو مثل الباي فورس
طلع العن
وين ماطقها عويه
وييييييين الي امطبقين قانون منع الاختلاط وحالتهم حاله وداقرينا بالشعب بسبته
البنات كل شعبه مسكره والشباب مقاعد فاضيه فوق الـ20

تخيلو بنات وشباب من باب واحد بيدخلون كلهم مره وحده
عددنا كان تقريبن فوق ال200 !!

الشباب الي يطق بكوعه والي يدوس على ريول البنات

والبنات اخخ يالبنات سالفه ثانيه
الي حامل والي يايه مع ابوها ولا اخوها
والي صايمه وما تبي تحوش ريال :/

انا على ما دخلت ظليت واقفه تحت اباط واحد يمكن خمس دقايق << وييييييع
انا مو عارفه وين اودي راسي واهوا مو عارف ينزل ايده :s
بالله هذي حاله ؟

والموظف اذا فتح الباب وبيسكره والطلبه مو قاعدين يوخرون عااااااااديييييي يدزج بيده
مادري وين قاعدين يلمس فيج وانتي بنت ومالج ذنب اذا الي وراج يدزون :/

ولما انفتحت لي ابواب الجنه << استغفرالله
ودخلت ولا يقول بنات التربيه ارقامهم خلصت وماكو :|
الي دخلو قبلنا كانو شوي مايوصلون خمسين و حنيناا ووحده معانا صرخت فيه
يالله يالله تبرع علينا بجم رقم

واحنا داخل ولا واحد
ياي مع مرته
مرته اهي الي تبي تسجل اهوا مو بالجامعه
دخل الصاله ومرته للحين بره
اي شي شهالغبي ؟ والله هذا الي يسمونه المضحك المبكي
الاخ تعب من الحر واهي بالطقاق سجلت احترقت بره تصرف عمرها !
الريال مل لوول

وفي بنات حمل
كل ما قالوله البنات الي برا في وحده حامل وتعبانه من الشمس
يقول تعبانه ردي بيتكم !
بالله هذا كلام
الموظف وايد قليل ادب
لو اعرف اسمه كنت اشتكيت عليه
يعاملنا باحتقار ومايحترم نفسه

رقمي كان 37 اتوقعون متى دخلوني ؟
2 الا عشر ! ودوامهم يخلص 2
هذا وانا يايه من 7
مو حراااام ؟
والموظفه كانت امنفسه علي وماتدري وين الله قاطها
وياليت سجلت الي ابي
رديت البيت واعابل بالسستم بروحي
ذلوونا ذل
حشى يايين نطر مو نسجل الي صار ماتوقع يصير حتى عند بيت الزكاة :/

والله مو محللتهم علي سووه فيني دخلو امه محمد جدامي
بس لاني مالي خلق اتناجر مشوهم جدامي

 

[العين الكحيله]

وي شنو هذا احنا وين قاعدين قطيعه شهالمذله


ياحياتي مآجورة ان شاءالله ماتستاهلين

حسبي الله عليهم حشا جهاد

وااااااااي يحروووون والله

 

[Queen_Angel]

الله يعينج حبيبتي... حسبي الله فيهم... لازم تشتكون على هالوضع على الاقل علقوا في الجريدة عشان ينسمع صوتكم...

 

[EviL^^GirL]

لما رديت قريت ردي و ردودكم علي
خنقتني العبره :eh_s(16):

 

[غرنوووقه]

لا حول ولا قوة إلا بالله

 

[ريح الخزامى]

امبيييه الله يعييينج

طهور ان شاء الله

 

[Queen_Angel]

حبيبتي لا تهتمين الله ما يضيع تعب احد ان شاء الله..,,,,,

 

[عرموشة]

لاحول ولا قوه الا بالله

 

[Betty]

لاحول و لا قوه الا بالله العلي العظيم الله يسهل و يصلح الحال يارب
ترقبو فيلم قصه كفاح الملحمه البطوليه لطلاب و طالبات جامعه الكويت قريبا في الاسواق