صاير معاكم هالشي؟؟؟؟

[منوشة قلبي]

مرحبا عزيزاتي


انا وبعض من افراد اسرتي نحس بشوي عوار بالبطن مع (كرمكم الله) اسهال وعلبالنا انه من الاكل

او برد لكن طلع اكثر من واحد من اللي نعرفهم معاهم نفس الاعراض واحنا صار لنا اكثر من اسبوعين

نحس بهالشي واخذنا حبوب معقمه من الصيدليه وراجعنا الطبيب يخف شوي ويرجع مره ثانيه

احد منكم يحس بهالاعراض؟ بصراحه انا قمت احاتي لما عرفت اشكثر الي حاسين بهالشي!!!!!

 

[&رعبوووبه&]

لا ما حصلي او لاي معارفي

موفقه وما تشوفين شر

 

[الغاليه نونو]

سلامتج يمه آنتي وآفرآد آسرتج"

آقووو يمه آخذي لومي سحآري آسود وحطيه بآلفرن لين يصيير لونه آسود حيييييل تآلي طحنيه مع شوي زعتر وملح وخلطيهم


وآخذي آنتي وآفرآد آسرتج كل وآحد قفشه سفيه سفففف يعني مثل آللهوووم وشربي عليه قلاص مآي وسلامآت مآعليكم إلا آلعآفيه


لايكون خدآمتكم يديده وإلا عندكم آحد مريض مآخذين منه آلعدوه لاسمح آلله روحوآ آلطبيب وآلشآفي آلله

 

[أعرف قدر نفسي]

لا بأس طهور ان شاء الله

 

[malak_alroo7]

اي الاسبوع اللي طاف بغيت اموووت من عوار البطن و كل 5 دقايق اروح الحمام الله يعزكم (( اسهال))

و لما رحت الطبيب على طول عطانى مغذى و كان ضغطى حده نازل

و قال هذا فايروس و بعد جم يوم ريلي المسكين صار فيه نفسي

 

[منوشة قلبي]

تسلمون حبايبي من كل شر ويعطيكم العافيه

حبيبتي الغاليه نونو يعطيج العافيه ياقلبي على الوصفه وانشاالله بسويها

وهمن حبيبتي ملاك سويها وانشاالله فيها الشفا

 

[تختوخه22]

والله يالغاليه مادري..انا حامل والوضع مخربط

ماتشوفون شر

 

[سرقت النوم]

آنا و زوجي تعرضنا لمثل هالأعراض بس الغازات زايده و إسهال الله يكرم القارئ

 

[حمام شاقني فنه]

يمكن تغير جو >>>>بس غريبه ماتغير الجو:eh_s(10):


روحي المستشفى مو المسستوصف وان شالله ماكو الا الخير:tek:

 

[قمر الليل]

سلامات ما تشوفون شر

 

[اركيديا]

انا بعد حايشتني نفس الاعراض صارلي اسبوعين

 

[حلاها بلاها]

ما تشوفون شر ان شاءالله

يمكن حايشتكم عدوه بكتيريه.. داوموا عالروب قليل الدسم .. وايد زين للاسهال يوقفه

 

[*دنــيـQ8 ــا الوله*]

من شهر تقريبا ... حاشنا هالعوار والاسهال ... والكل يقول انه فايروس ... والله يعينكم ويشافيكم يارب

 

[كلنا خوات]

ماتشوفون شر

يمكن هذا فايرس

 

[جـ&ـوجـ&ـو]

بعض الاحيان تصير من الجو..

 

[wisdom]

حبيبتي يصاحب هذا المغص و الألم ترجيع؟
احنا في بداية شهر سبعه البيت كله حاشه مثل هالفايرس عاد امي بخرت البيت جاوي
و كلنا تسدحنا بالطواريء و علينا الدربات و تالي بعون الله تصحصحنا

 

[فطفط نجد]

كل الكويت انا بالرياض ماوصلت للحين بس يقولون الكويت كلها فيروس منتشر

 

[شووكولاته]

شسالفه قريت موضوعج وبطني قام يعورني

 

[شاي اخضر]

اي والله تصدقييين كلنا جذي الله يستر بس

 

[غزلان]

اييي حتى اخوي مسكييين