صبختي راسج عند مره ؟؟ تعالي بسالج صار معاج مثلي ؟؟

[ام الحلويين]

السلام عليكم ورحمة الله

وفطور العافيه على قلووبكم


يابنات بسال للي يعرفون سوالف الصبخه والحريم

انا كنت اعاني من صداع قاتلوكتبت عنه بقسم الصحه

ومالقيت حل سريع غير اني اروح لمره وصبخت عند ها والحمد لله احس نفسي صرت احسن

وين كنا وين صرنا .... واليوم اخر يوم لي فلاحظت يابنات ان ظهري من فوق وكتوفي نثر

عليهم حبوب حمر صغاااار وماطلع هالشي الا تقريبا بثاني صبخه

فمادري يابنات احد صار معاه مثلي ؟؟؟

 

[ام الحلويين]

ترى توهقت مادري وين احط الموضوع جان احطه اهني

 

[goldengirl_q8]

عسى الله يشافيج انشاء الله والصبخه زينه اذا في راسج فري طبعا بعد ماتقيس كم اصبع واختي جربتها وتمدحها حييييييييييييييييييل والنثر يمكن حساسيه من الدواء اللي داخل الصبخه لاتحاتين شئ طبيعي لاصارثالث مره بترتاحين حيل

 

[ام الحلويين]

هلا حبيبتي امين ياقلبي تسلمين

اي والله قاست راسي وصرخت بوجهي شلووون ساكته على روحج جذي ؟؟؟

والحمد لله اليوم اخر صبخه واحس اني احسن يالله لك الحمد

بس هالحبوب الصغار خرعوني ماتذكرين اختج صار معاها نفسي والا لا ؟؟

والله يمكن هقوتج صح تحسس من العلاج الله اعلم

ومشكوره حبوبه

 

[*دنــيـQ8 ــا الوله*]

شرحيلي حبوبه شلون هالصبخه بالتفصيل ... انا بعد متأذيه من هالصداع

 

[ام الحلويين]

انا اقولج ياقلبي

رحت لمره بالدوحه كبيره بالعمر اسمها ام مبارك

اول مادشيت عندها قلت لها راسي يعورني وجذي

وجابت خيط وقاست راسي اول شي من تحت الراس من ورى

لين فوق على الجبهه وبعدين قاست من تحت حنجي لين فوق هامتي << ماعرف اشرح خخخخ

جان مايصك الخيط وتصرخ بوجهي ( انتي موووليه غاااديه وشلووون صابره ) < هذا كلامها

اخترعت انا قلت شنوووووو ؟؟

جان تجيب جدر صغير وفيه مادري شنو مخلووط جنه عجينه لونها اسود وريحتها مش ولابد

ودافيه وتحطها على هامتي من فوق وتجيب شيله وتشد راسي حيييييل

وانا استااااااااااااااااااااانس حسيت براحه وتشده بشيله ثانيه وتربطه

قالت اليوم وباجر لاتفكينه بعده اغسليه وتعالي ورحت لها نفس الشي سووته

بس الله يهداها ماتعطي وجه يمكن لاني جايتها بوقت مسلسل بن عدوان تتابع وتصبخ على راسي خخخخخخ

وقالت باقي مره بعد ورحت بعد يومين وكانت اخر مره وقاست راسي قالت الحمد لله حتى انا

يختي حسيت الخيط مقرب يصك مو مثل اول مره وصبخت راسي وقالت خلاص

واذا تبين تجددين بعدين كيفج بس صرتي احسن

وقلت لها واذووني فيهم صوووت ؟؟

قالت بخريهم بجااوني ويرروح الصووووت


وبسس وسلامتج لازم اجيب التفاصيل خخخ


حياج حبوبه

 

[music_teacher88]

@@شسالفه شنو صبخه
والله انا داشه عبالي انتي كاتبه صبغه بس غلطانه :> لول

 

[للهيبه عنوان]

الله يشفيج يام الحلوين والله قلبي معاج الله يتمم عليج العافيه واحاتيج ومتابعتج بس الحمدالله طمنتيني عليج وان شاءالله انه درب السلامه التامه ولاتحاتين الحبوب انا اتوقع انها حساسيه من المواد اللي بالصبخه لان يمكن بشرتج حساسه وشفافه ولاتنسين تعقمين هالحبوب بالغسولات المعقمه او حتى صابونه لايفبوي وتخلينها شوي عليج علشان يتعقم عدل مدل ورشيه بعد ماتنشفينه من الماي ببودره اطفال طبيه علشان ينشفون ويتقشرون وبالنسبه للبخور ترا حتى العود الازرق البخور الاصلي عالي الجوده زين يعني تبخرين اذونج فيه الثنتين وتلفين بعدها ملفع على اذونج ساعه والا ساعتين والا حتى تنامين فيه ودايما احرصي على اذونج من البرد لانه سبب رئيسي لالم الراس من خبرتي في نفسي هذا والله اعلم
ودمتي لمحبتك في الله

 

[عجزت القى اسم]

الحمد لله على سلامتج

 

[ام الحلويين]

music_teacher8
لووول لاقلبي صبخه صبخه واقري شمعناها فووق

حيااج






شظايا يابعد عمري انتي ماتقصرين والله يالطيبه ربي يسلمج ويعافيج

والظاهر مثل ماقلتي حساسيه وفعلا جلدي حساس وبسوي اللي قلتي لي

لاعدمتج يالغلا حياج :eh_s(17):





عجزت القى اسم

يسلمج ربي ويخليج

نورتي :eh_s(17):

 

[الغاليه نونو]

ماتشووفين شر يااااقلبي وسلامات لاباس طهووور انشااءالله


ياليتج تحطين رقم ام مبارك وتعطينا نبذه عن الصبخه اشلون يعني وشنو انواع الصداع اللي يعالجونه بالصبخه)

انابعد علي بالي صبغه وكاتبتها غلط فديت قلبج ههههههههه

مااسمعت بالصبخه يعالجونها اللي اعرفه ان الصبخه يعني ارض يابسه بالبر ومافيها زرع واي ارض ماااايحوشها الماي يقولون عنها اصبخه هههههه

 

[ام الحلويين]

الشر مايجيج يالغاليه نونو

وهذا رقم ام مبارك 4874242

واهي تعالج الفري اللي يصير بالراس والفري اهو هوا محتبس بالراس ويسبب الم بالراس


أسبابه

1- التعرض للهواء البارد سواء من التكيف أو الجو البارد .

2- التعرض لضربة شمس حادة .

3- كثرة الهموم والضيق والأحزان والتفكير المستمر فيها .



أعراضه :

1- صداع مستمر .

2- نسيان شديد .

3- شرود ذهني .

4- ضيق وعصبية زائدة .

5- إنزعاج بشكل كبير من الأصوت حتى ولو لم تكون عالية .

6- عدم قدرة على فتح العينان في حال السجود في الصلاة .

7- ألم فوق منطقة الحاجبين .



درجاته :

تختلف من شخص لأخر و لمعرفة المصاب به من غير المصاب تقاس عادة بعقال وبر ( مصنوع من وبر الأبل ) المنطقة ما بين فقرة الرقبة الثالثة وحتى مقدمة الأنف ثم تقاس منطقة محيط الرأس فإن تماثل القياس تماما فذلك يعني أنه لا إصابة بالفري والعكس وله درجات والدرجة تقاس بالأصبع بمعنى فري أصبع أصبعين ثلاثة أصابع أربعة أصابع خمسة أصابع .



علاجه :

الأولى :

وضع صبخة و في لغة أخرى لبخة على الرأس لفترة معينة وهذه الصبخة تباع لدي العطارين .

الثانية : شد الرأس بإحكام بعقال وبر لمدة عشر دقائق تكرر إن إحتيج لذلك مرة أخرى ويمكن شدة بشماغ بعد لفة لكن يفضل عقال الوبر لقوته وإحكامه .


وهالصبخه او اللبخه تسويها هالمره وعلى حسب حاجة المريض لها

ان شاء الله اكون وضحت لج معنى صبخه وليش يسوونها

والله يكفيج ويكفي الجميع شر الامراض وحياج الله ياقلبي


------------------------------------------------------------






بنات اليوم رجع لي نفس الضغط براسي ونفس الصداع الظاهر فيني شي جايد اكبر من سالفة فري وغيره والله يستر متضاايقه حيييييل يارب ترحمنا برحمتك

 

[شيهانه]

الله يشافيك يارب .. اقري سورة الزلزلة 7 مرات وانتي ماسكه راسك وبعدين 7 مرات الفاتحة وان شاء الله ربي يشافيك

 

[ام الحلويين]

الله يجزاج خير اختي شيهانه ... لي يومين ارقي نفسي والحمد لله

بس سبحان الله احس الالم نزل من راسي لصدري !!!! شي غريب !!!

برقي نفسي واتوكل على الله ...

 

[غزلان الكويت]

الله يشفيج روحي سوي افحوصات واشعه اذا اتأكتي كل شي سليم انشاالله ماكو الا العافيه وبعدين اصبخي اكثر من مره وانت صابخه تابعي عند شيخ يقرا

 

[كسرة عود]

ماتشوفين شر أختي صبخت ......... بس يقولون كثرتها مو زينه تسبب جلطه من كثر الرص >>>> يعني يبيله وحده خبييييرة

 

[حصوص الكويتية]

مشكورة

 

[^^DADDIES GIRL^^]

مشكوره حبيبتي

 

[**Jumana**]

شكرا حبيبتي

أم مبارك تهمز عن الملع و الحرارة بعد؟

 

[*جبرني الوقت*]

والله يمكن فيني بروح اقيس راسي لان يعورني وخاصة لي لفيت راسي





بالتوفيق