صبغ الشعر في الشهر الثامن!!

[MissChoco]

السلااام عليكم







بنات بسالكم عن صبغ الشعر اضر الجنين ا لا؟؟؟عفيه بنات مابي احد يقول شي واهوا مو سائل دكتور او مو مجرب
والي مجربه اتقولنا وجم مره صبغت وباي شهر؟؟؟
والي سائلين دكتور يقولنا شقالهم




ناطرتكم ،،، لانه انا صبغت وخلصت بس بعرف يضر او لا

 

[ام احلى خلودى]

الله يهداج جان سالتى قل لاتصبغين لان انا بغيت اصبغ ودكتورتى منعتى من الصبغ ... بس ان شالله مافيج الا كل خير يارب

 

[دآنة آلرشآيده]

مادري بس اعرف بنات وآيد يصبغون
شعورهم واهما حوامل بس للامانه انا ماصبغت

وبعدين ليش تصبغين مابغى شئ وتولدين
بالسلامه خل الصبغ على طلاعتج احلا

 

[باربي لكويت]

شمعيلج على الصبغ وانتي بالثامن حلاتها لاخلصتي الاربعين تطلعين بلوك يديد احلى بس انشالله ما فيج الا الخير يارب عسى ربي يتمم عليج انشالله :yaaaaaarb:

وانا اللي اعرفه ان الصبغ والاكسجين والتشقير ممنوع طوول فتره الحمل جذي قالت لي دكتورتي انا حتى حواجبي ماأشقرهم اخاف على الياهل ..

 

[نـور الكويت]

عسى الله يتمم عليج ويسهل عليج ياقلبي :yaaaaaarb:

 

[أم حمودي**MALL**]

ماعندي فكره

 

[MissChoco]

مشكورين بنات

بس انا شايفه خالتي تصبغ وعادي ماصار شي



باربي الكويت ،،، منو دكتورتج؟؟

 

[MissChoco]

ام احلى خلودي منو دكتورتج؟

 

[دمثة]

حبيبتي الخوف من اربع شهور الاولي بسسس


ومافي الا العافيه

 

[مسك وطيب]

رد : صبغ الشعر في الشهر الثامن!!

انا صبغت شعري لون بني باول يوم بالشهر الثالث صبغه خاليه من الامونيا وقبلها كنت مكلمه دكتورتي قالت مامنه مضره ولافي دراسة تحذر من الصبغ وعلاقتها بالجنين وجبت بنتي اسم الله عليها مافيها الا العافيه ,,,,

صحيح الكل كان مخوفني ويحذرني وكنت خايفه من كلامهم وقعدت احاتي بس توكلت على الله وغامرت لان كان عندي عرس حماتي وشعري نازله صبغته واول عرس وانا عندهم قلت لج قصه حياتي بس لاني بطمنج وهالكلام قبل ثلاث سنوات,,,, وللامانه ما افكر اصبغ ثاني مره وانا حامل لان ألحين بالصيدليات موجود رش صبغ مؤقت نفس اللي بالصالونات يوحد اللون,,,

ودام انتي بالثامن ماعليج شر عسى الله يحفظ البيبي ويقر عيونج بشوفته سليم معافى يارب

 

[مسك وطيب]

رد : صبغ الشعر في الشهر الثامن!!

على فكرة دكتورتي استشاريه سلوى الرفاعي :eh_s(7):

 

[MissChoco]

دمثه ياحيااتي مشكوووره


مسك وطيب طمنتيني الله يطمن قلبح ويخليلج بنووتج ياارب
وانا كنت ابي كلام دكتور احد فاهم مو كلام حريم وكله تخوف

 

[البدويه الاصيله]

مادري بس الله يستر عليج وعلى البيبي:yaaaaaarb:

 

[mafio98]

انا صبغة شعري وانا بالثامن بس الحمد الله مافي شي وعالعموم في دكاتره تقول عادي وفي تقول لا بس مافي شي اكيد

 

[nadoy]

انا بغيت اصبغ اصلا حتى الصالون مايرضوون يصبغوون لج ..

اخذت صبغه من الصيدليه وصبغته لون واحد بالبيت من دون امونيا عادي ..

الصبغه اصلا تأثر عالجنين وعليج ساعات لانه في ناس ماتتأثر

 

[غرور وايل]

ان ششاء الله مآآكو الا العاافيه .ْ}..

والله يتمم عليج يارب ..

 

[MissChoco]

مشكورين بنااات :eh_s(7):


انا كنت حيل خايفه لانه قريت اشياء تخرع!!

 

[Mednight Rain]

رد : صبغ الشعر في الشهر الثامن!!

انا صبغت شعري بالاول مرتين بس ماكنت اعرف بحمالي
الله يستر:eh_s(10):

 

[MissChoco]

ان شاءلله ماكو شي

والله يتمم عليج مد نايت

 

[أم عبود 2011]

رد : صبغ الشعر في الشهر الثامن!!

يا حلو دمثة وردودها اللي داااااااااااااااااااااايم تبرد القلب

فعلا د. خالدة المجيبل قالت لي بعد الرابع صبغي شعرج ما منه مضرة

وليش الوحدة تهمل شكلها بالحمال وتأجل كل شي لبعد الولادة ؟ بالعكس ياااااااااااااااا حلو الحامل إذا تكشخت ولبست وعدلت شكلها وربي تصير شحلاتها أدري بتقولون لي وينها ووين التكشخ وإهي كل تعبانة
ميخالف ما قلنا تتكشخ وقت التعب
بس بشكل عام حلو المره تهتم بشكله وربي لو تكشخت جدام ريلها بحمالها والله بيستخف عليها

أدري بعد شوي بصير علي هجووووووووووووووووووووووم على ردي كالعادة هههههههههههههههه