صج الحلم بنوع الجنين يصدق مع الحامل الي تحقق دش تقولنا:)

[ملاك777]

شلونكم بنات
بغيت اسألكم صج الحامل اذا حلمت وفسرته عن نوع الجنين يتحقق الحلم ولا مرات يصير خربووووطه لاني احلامي كلها تفسيرها وللد وخايفه ارووح اسوي سونار
دعواتكم ​

 

[M-Bader]

ماعندي فكرة بس اب لعيونج

 

[Princess^Mom]

مرات الأحلام تصدق ومرات لأ انشالله الله يرزقج باللي تتمنينه

 

[ريمو]

أنا صدقت احلامي فسرتها عند شيخ وكل احلامي تدل اني حامل بولد وجبت ولد ، بس كانت احلام غريبة وواضح انها رؤيا تختلف عن كل احلامي الباقية

 

[3eemeeya]

اقراي قبل لاتنامين سوره القمر ٧ مرات وسوره الشمس ٧ مرات وانوي بشنو تبين تحلمين يعني اقصد نيتج انج تبين تعرفين نوع الجنين وسمي باسم الله ونامي عن تجربه وان ماحلمتي خووو اجر وثواب

 

[الصعيريه]

لما كنت حامل ببنتي حلمت اني شريت جنطه وبوك...

ولما فسرته قالي : انتي حامل ببنت وعقبها راح تحملين بولد..

وفعلا جبت بنوته والحين فيني ولد

ومره حلمت انه زوجي مهديني دهن عود معتق تفسريه "ولد"

 

[SaD FaCe]

ماعندي فكره والله

 

[كويتية_والنعم]

انا كنت احس
ويقولون لي انتي اول مره حامل ااو شلون تعرفين ماحملتي بنت قبل

اقولهم مادري بس قلبي حاس انها بنت
وبعد سوولي سونار لي 7 واهم شاكين وانا اقول لا بنت وطلع صج
الحمد الله

 

[~ الــــزيــــن ~]

انا بحملي الاول حلمت قبل لا ادري اني حامل اني ماخذة من اختي اللي كانت توها مسقط ككاو بنجوم وان اذا اكلته با خذ توكس منها ولما فسروا ان الككاو ولد وفعلا جبت ولد والتوكس يقولون ان ان شاء الله حملتج الجاية توأم وكا انطر اجي الثالث عشان اشوف توأم او لا [ أدعيلي بتوأم بنات ]

وحلمت ببنت اخوي بحملها الاول والثاني ان ببطنها بنت وفعلا جابت بنت بالاول والثاني وحلمت ان رفيجتي فيها بنت وجابت بنت ..
انطري بنام اليوم واحلم فيج واقولج :krkrkr:
>>> صايرة سونار انا :dddds:

الله يرزقج باللي تبينه يا الغالية تقبلي مروري

 

[البخت ضايع]

احلامي كل تفسيرها ولد وفسرتها الاخت ام الوليد انه ولد ... وسويت سونار قالت 90% بنوته ... عااد منو اصدق !!!!

 

[ملاك777]

انا بحملي الاول حلمت قبل لا ادري اني حامل اني ماخذة من اختي اللي كانت توها مسقط ككاو بنجوم وان اذا اكلته با خذ توكس منها ولما فسروا ان الككاو ولد وفعلا جبت ولد والتوكس يقولون ان ان شاء الله حملتج الجاية توأم وكا انطر اجي الثالث عشان اشوف توأم او لا [ أدعيلي بتوأم بنات ]

وحلمت ببنت اخوي بحملها الاول والثاني ان ببطنها بنت وفعلا جابت بنت بالاول والثاني وحلمت ان رفيجتي فيها بنت وجابت بنت ..
انطري بنام اليوم واحلم فيج واقولج :krkrkr:
>>> صايرة سونار انا :dddds:

الله يرزقج باللي تبينه يا الغالية تقبلي مروري

مشكوره الزين وماقصرتي ماكو احد ما حلم فيني نص اهلي حلمانين فيني يلا حلمي فيني وقوليلي ههههههههههههههههههههه
ومشكرين يا بنات على مروركم

 

[بنت عطا]

بنت والا ولد كلهم رزق ياقلبي

وترا السونار يغلط يعني لاتعتمدين عليه مره يقول بنت ومره ولد

وفي اشياء واضحه تفسر اذا كان ولد ومرات يكون ماله شغل ابد الحلم

 

[مو عايشة بالدنيا]

انا حلمت اني ينت ينت وينت بنت صج
والله اعلم

 

[فنتوقة]

دايما احلم احلام تفسيرها ولد

بس لي الحين ما بين الجنس فاتوقع احتمال جبير بنت

واحلام الحامل مرات تكون متاثره او تفكر فمو شرط تصدق

 

[اوتار الحياه]

انا حلمت فوق 4 مرات بجنس بيبى واحد

وسبحان الله لما سويت سونار طلع العكس

 

[ملاك777]

مشكورين وماقصرتو فديتكم

 

[ملاك777]

للرفع

 

[Um 3aBooD]

أنا حلمت اني يايبه بنت وأخوي وحماي وبنت عمتي حلمانين اني يايبه بنت!! وكل ما اسوي سونار يقولونلي 99.9 ولد والله أعلم

 

[مكنتوشه]

والله انا يوم كنت حامل .. امي حلمت فيني وتقول انها بطلت محاره ولقت فيها دانه كبيره

وتفسيره انه ايب بنت .. وفعلا يبت بنت


والحين انا حامل ..عفيه ادعولي يكون ولد ان شاء الله

 

[كلي إتيكيت]

انا والله احترت ماعرفت شو فيني بالضبط في اول شهر من حملي حلمت اني كنت لابسه نعالين فوق بعض وتكرر المشهد مرتين في الحلم ولما

قمت من النوم اللي اذكره بقوه النعالين اللي البسهم فوق بعض ولما دورت تفسير طلع النعال يعني ولد ومره زوجي حلم اني ربيت ويبت ولد

ويقولون لو حلمتي انج يبتي ولد يكون العكس يعني من حلم زوجي بييب بنت لاحظوا الحلم الاول تفسيره بييب ولد والحلم الثاني بييب بنت

خخخخخ وعقب فتره اختي حلمت اني يبت بنت يعني بييب ولد واحترت اصدق منو خخخخخخ وقبل لا احمل ربيعتي حلمت اني انا ووحده من

معارفها لابسين فساتين عرايس اللي من معارفها حملت قبلي ويابت بنيه وعقب انا حملت وقالتلي ان بنت لان اللي وياي في الحلم يابت بنت واني في الحلم كنت لابسه فستان

والمشكله ان توني دخلت الثالث يعني مايبين في السونار

الحين منو الشاطره اللي بتعرف شو فيني بنت ولا ولد ههههههههههه