صج الي سمعته عن مدينة صباح الأحمد !!!!

[للحين ناطره]

صج والله للحين ناطره
بس تعالي الخيران أبعد من صباح أو نفس المسافه ؟
وهل إهيه قريبة من أم الهيمان لأن أكثر شي مخرعني التلوث ؟

وعلى فكره أنا طلبي 95 يعني مو للحين ناطره إلا للحين متخلله لوووووول

حبيبتي
عندي لج ابشاره
طلبات الى 30/6/1995
ايروحون ايراجعون للتخصيص بجابر الاحمد
اما عن بعد الخيران وصباح الاحمد مادري منو فيهم ابعد

 

[كويتيه عالي سماها]

إحم إحم
الله يبشرج بالجنه
بس بأقولج شي ولا تنقدين علي
انا اصلا طلع لي بجابر بس رفضناها
لان بعيد عن أهلي و أهل زوجي وقريبه من الجهراء وما نعرف فيها أحد
والله مآدري وين بيصير مصيري ع هالتردد

 

[للحين ناطره]

امممممممم رفضتي جابر
يعني عينكم على صباح الاحمد
توكلوا على الله واخذوا فيها
ليش قاعدين للحين شتنطرون؟؟

 

[كويتيه عالي سماها]

لا والله عيني مو على صباح
عيني على غرب هديه أو أبو حليفه يعني المناطق اللي عليها خلاف وما ينعرف مصيرها

بس شكلي رآح استسلم في يوم

 

[اخت فايز]

رد : صج الي سمعته عن مدينة صباح الأحمد !!!!

انا ابي بيت وسييييع حتى لو بالصين والا باليابان المهم وسييييييع


الضيق يجيب الضيق والغمته



الله يعينا ع ضيق القبور ويوسع مداخلنا

 

[كويتيه عالي سماها]

ام فايز لوووووووووووول ضحكتيني الله يرزقج بيت وسيع ويوسع مدخلج بعد طول عمر إن شاء الله

اتصدقون امس تناقشت مع اهلي بخصوص ان ممكن اختار ما بين صباح وما بين جابر
فقالوا لي صباح قريبه من ام الهيمان وفيها نفايات كيماويه ومدينة جابر منطقة صبخآت
زين والحل يعني الكويت على كبرها ما فيها أرض تصلح إلا هالمنطقتين ؟

 

[!الجادل الصعب!]

رد : صج الي سمعته عن مدينة صباح الأحمد !!!!

طلبنآ 2007 بس دآشه آشوف شالسآلفه .. آلله يفتحها عليكم وعلى آخواني وخوآتي ويطلع لهم بيوت بدآل هالحوسه يآ رب ..!:n2006107:

 

[كويتيه عالي سماها]

آخر الأخبار بنات

تفضلوا

توقعت مصادر اسكانية ان تغطي مدينة صباح الأحمد السكنية الطلبات الاسكانية حتى عام 2005 م
ستندة بذلك إلى عدم رغبة الكثير من المواطنين في الحصول على مساكن في المناطق البعيدة
حتى لو طال انتظارهم من اجل المناطق القريبة.
ونصحت المصادر في تصريح خاص لـ «الوطن» اصحاب الطلبات بسرعة المبادرة للاستفادة من فرصة التخصيص
على المخططات في مدينة صباح الأحمد ذات الـ 600م2 والارتدادات الواسعة فهي فرصة ربما لن تتكرر مستقبلا
وعندئذ لا ينفع الندم.
وقالت المصادر ان مدينة صباح لم تبعد عن المناطق الجنوبية كثيرا مثل منطقة الاحمدي والفحيحيل وام الهيمان
فضلا عن سهولة الوصول اليها عبر الطرق الفسيحة بالاضافة الى توافر جميع الخدمات الاساسية فيها.
الى ذلك دعت المؤسسة العامة للرعاية السكنية المواطنين
اصحاب الطلبات الاسكانية حتى 1995/12/31 في مدينة جابر الاحمد
وفي مدينة صباح الأحمد حتى 2002/6/30 وما قبل هذا التاريخ اعتبارا من مساء اليوم الاحد،
وذلك لتخصيص لهم قسائم في كل من المدينتين وذلك خلال الفترة المسائية من الساعة الخامسة حتى الثامنة
في مقر المؤسسة بمنطقة جنوب السرة مصطحبين معهم شهادة راتب حديثة
(اذا كان المقدم بطلب يعمل بالقطاع الخاص أو متقاعداً فعليه احضار شهادة من مؤسسة التأمينات الاجتماعية
تفيد اشتراكه بها واحضار شهادات دراسية للابناء بالدرجات للعام الدراسي الحالي،
وكتاب حديث من بنك التسليف والادخار وشهادة سجل عقاري حديثة من وزارة العدل
مبينا فيها الرقم المدني وصور البطاقات المدنية لأفراد الاسرة وفي حالة وفاة أب صاحب العلاقة
عليه احضار شهادة سجل عقاري حديثة للمرحوم بالاضافة الى شهادة حصر الوراثة.

وهذا رابط الخبر

http://alwatan.kuwait.tt/ArticleDetails.aspx?Id=56532