صج حبوب هير فيت لتكثيف الشعر تزيد الشعر بالوجه والجسم ؟؟؟

[q8ia7]

السلام عليكم

بنات اللي مستخدمه فيتامينات hair vit للشعر تقول تجربتها بليييييز

وصج كثفو شعرج ؟

وصج يعد انهم يزيدون الشعر بالجسم والايد والريول والويه "لأ مو شي نرقع بشي يطلع لنا شي ثاني هوا انا نائصه"

ويعطيكم العافيه

 

[كويتيه من باريس]

مو مجربتهم للاسف

بس شوفي المواد اللي فيها محتوياتها شنو ودشي النت سوي سيرتش عليهم

موفقه خير

 

[omsalooom@hotma]

لا. اهي بس تسمك الشعره تخليها سميكه وتوقف التساقط بس انا جربتها

 

[أم لطووف]

لا شكو أنا الي فرق علي بس انه شهيتي انفتحت زياده بس بالعكس قام يطلعلي بيبي هير بالفراغات الي بشعره بس يمكن اهوه يفرق من وحده لي الثانيه

 

[ملاك ^ الحب]

انا وخواتي استخدمناه وايد حلو يطول الشعر ويكثفه بس الشي الي مو حلو فيه ان يفتح الشهيه بس ما يزيد شعر الجسم

 

[q8ia7]

مشكورين وايد حبايبي

انا سويت سيرج وقريت تجارب النت وشفت فيه ناس صارلهم جذي

بس والله شكلي بتومل على باخذهم مع الاوميجا ٣

ماقصرتو كلكم

 

[ASOMA]

حياتي اكيد في فرق بين وحده وثانيه انا والله استخدمتهم بس اسبوع واحد وبعدها ما قدرت اتحملهم

تركتها لأنها تصدع الراس الصيدلاني نفسه قالي ان نسبه الحديد فيها عاليه واحلى شي فيها انها تفتح الشهيه

بس شوفي اذا ما فادوج عليج بحبوب زيت السمك والله اطول الشعر بسرعه انا مجربتهم​

 

[q8ia7]

^^^^

حبيبتي مشكوره وماقصرتي ..

فيه مره قريت من التجارب ان اخذيهم بس لازم تشربين كل يوم عصير برتقال يمص الحديد الزايد اللي فيها .. بجرب واشوف

واذا مافادتني .. بشوف اوميجا 3 زيت السمك .. مجربتهم من قبل بس خلصت العلبه وماشريت غيرها


ماقصرتي حوووبي

 

[&موناليزا&]

عزيزتي رفع لعيووووووونج

 

[shy rose]

بنات تزيد في وزن الجسم ولا لا ؟
بنات انا استخدمت هير دال وحبوب زيت السمك بس مازال شعري يتساقط ..

 

[iKaRia]

انا اخذت علبه 30 حبه قلت اجرب شهر واشوف النتيجه والله اللي لاحظته ان تساقط الشعر بس مانبت غيره ولا زاد شعر الجسم والحين اخذتلي علبه ثانيه بس ماظن يرفع الحديد لان فيني انيميا حديد وكنت اخذهم بنفس الوقت الي بلشت فيه كورس حبوب الحديد ومارتفع الا بنسبه لاتذكر مع الحبتين واختي جربت لما قلتلها بس اللي لاحظناه احنا الثنتين ان اظافرنا صارت اقوى مو شعرنا

 

[atoooty]

انتي مستعمله حبوب زيت السمك شرايج فيهم ؟

 

[غيدآء]

ما يزيد لا الوزن ولا يطلع شعر بالجسم

وعن تجربه

بس يمكن اهم عندهم الهرمونات مش ولا بد فا يفرق من وحده لي ثانيه

 

[بنت الفوزان]

والله مادري بس البنات الي جربوها وايد فادتهم بس لابد في سلبيات

 

[Tom ♥ Jerry]

.،



لأ !!!


انا آستخدمهآ من زمان .، شعري صار مآ يطيح .، و صار كثيف
قاعد يطلعون لي شعر صغار صغرا بفروة راسي !
بس مآلآحظت صراحه انه شعر ويهي و جسمي زآد عآدي مثل قبل

 

[^^ROSE^^]

انا الحين بثالث علبه
ماحسيت ان زاد شعر جسمي عادي
ويهي مادري لان اسوي ليزر فماكو شعر اساسا

بس بنات صج كثف شعركم و طوله؟ انا جنه عادي ماكو تأثير ودي احول على فيفيسكال بس قلت اخلص ثالث علبه واشوف

 

[((قاهرتهم))]

انا استخدمتها ويهي ماكان فيه شعر كلللللش خفيف حيل اللي يالله يبين وخلصت علبتين وصج كثرر الشعر بويهي ومتنت عليهاا بالشهر 2كيلو​

 

[ناتشوو]

رفع

 

[فجرر]

حبوب بانتوجار روعه

 

[Angel_store]

up up up