صج هذي المقولة ان المراءة اذا مات زوجة انة تبكي وتحزن علية اكثر من امة وابوة

[مزيونة الخبر]

صباح الخير خواتي اخباركم

كل عام وانتو بخير في سالفة دايم اسمعة من امي وابوي واكثر شي جدتي

صدق انا مش متزوجة ماجربت هالاحساس كنت بسال المتزوجات جربو احساس الزوج تتوقع انة هل مقولة صحيحة ان المراءة تبكي على رجالة وتحزن علية اذا مات اكثر من امة وابوة ولاا لاااا يعني لهدرجة الزوج غالي ويصير هوة اهم شي بحياتة قولوي بنات ردو ابي حماس :ggdw:

 

[دلوعة صلوح]

والله مادرى بس يارب يومى قبل يومة يارب العالمين.

 

[قسوة الزمن]

اه طبعا الزوج غالي اغلى من الاهل هو الابو والحبيب والصديق هو الحضن الي يعطي الامان

 

[! بــدويه وآآيــد !]

،


ماجربت افقده اسم الله عليه بس مابي اقول يومي قبل يومه لا كلنا يومنا مع بعض احسن عشان مايتزوج اصلا اهو اذا قالي عسى يومي قبل يومج اقوله امين هههههه وانا اذا قلتله عسى يومي قبل يومك قال الله يسمع منج ههههههههههههههههههههه وصرت ماقولها كله اقوله عسى يومك قبل انت تروح لي فدوه خخخخ
ذاك اليوم انا وياه بطاري هالسالفه هههه قلتله لو اموت تبجي علي قال يومين بس وثالث يوم عزا استوعب الصدمه ورابع يوم متزوج ههههههههههههههه
قلتله عاد انا بس 4 شهور و10 ايام اليوم الـ11 وانا على ذمة رجال حتى تجهيزي اجهزه بوقت العده من النت اختصر الوقت هههههههههه قال يمه ياعوبج ماتتعطلين ردج موجود

بس يمه من يومين تحلمت انه ميت قعدت من النوم ميته بجي وكل شوي ابجي اسم الله عليه

 

[جنوبية وأفتخر]

أكييييييييييييد راح تحزن علية طول عمرها حتا لو تزوجت ريال ثاني ......
هذا أبو العيال ما ينتسى بسهولة حبيبتي والقصص تشهد .......

 

[عيوني مودي]

اكيد تبكي اكثر من امة وابوة وطوايفة صحيح نشكي منهم وننكد عليهم بس لاجا الجدوالى قال اي اول من يحس بة زوجتة
واذا غاب عنها محد يحس بغيبتة الى زوجتة

 

[طموحه بزياده]

هههههههههه


مادري حسب اذا تحبه وبينهم عيال راح تبجي عليه

 

[النوري نور عيني]

حسب الزوج ..مع انه الوحده ما ودها تكون مكفرة العشير ..بس في رياجيل العيشه معاهم جنة ..وفي رياجيل الوحده مضطره تعيش معاه علشان عيالها بس ..والمظهر الاجتماعي ...فيه حريم ان مات زوجها ..تكره الدنيا من بعده ..وفي حريم ..اترحم عليه ..ومن داخلها تقول ..فكه منه ..

 

[فدوووو]

على حسب الرجال

 

[دندونه@@@]









احلى شي فكه منهضحكتيني

ان شاء الله ما اعيش هالموقف وصحة المقوله تحتاج راي زوجات مرو بالتجربه

 

[آتعــبني غـلآآك]

اكييييييييييد لا والف لا
الام والابو مافي اعز منهم ولا اقارنهم بميه رجال

 

[لطيفــة]

فالج ماقبلناه
الله يطول بعمره علي طاعته

 

[aloooya]

ماكو مثل الام و الابو

 

[sha!o0oma]

لا طبعا الام والأبواب أغلى شي في الدنيا والريال مهما كانت مهمته ماتوصل لمهمة ومحله الام والابو

 

[سكوتي بذوقي]

اه طبعا الزوج غالي اغلى من الاهل هو الابو والحبيب والصديق هو الحضن الي يعطي الامان

استغفر الله

الزوج أغلى من الأهل

اهلك هم عزوتك الرجال بطبعه غدار

إذا تزوجتي واحد لعاب ولا قطك بالشارع وين تروحين الملجأ ولا حق أهلك

دايم ردودك مافيها عقلانيه

 

[سكوتي بذوقي]

الأم والأبو يحزنون على ولدهم

مو بس الزوجه

الله يخلي لي زوجي ويطول بعمره يارب

 

[كلوي كارداشيان]

مستحيييل
امي اهم شـي بحياتي الله يخليهـا لـي
مستحيل ابكي عليه اكثر منهـا
بعدها ابوي
بعدها اخواني
وبعدين هو

 

[الذوق والرقه]

اسم الله عليه والله يخليه لي ولعياله غير غلاه واني احبه
وبفكر في عياله صاروا ايتام يعني في شي اساسي
ناقصهم اسمه ابوو وسند وهذا اللي بيخليني احزن اكثر
يعني مسوؤليه بشيلها برووحي والتربيه موشي سهل*

 

[Kensington]

محد يقدر يحكم الااذا انحط بهالموقف
وتعتمد علي قوة العلاقه بين الزوجة وزوجها وبينه هو واهله:eh_s(7):

 

[Sugarlips]

الريال الزين ما تكفيه دموع العمر كله

والريال الشين فكة منه ومن شقاه​