- إنضم
- 31 يناير 2010
- المشاركات
- 12
- مستوى التفاعل
- 0
- النقاط
- 0
سمعت عن المدرسة المذكورة وقلت أجرب أسجل ولدي فيها بس يا جماعة هذي الدنيا عجايب ، ناس تمدح وناس تذم ... صار معاي موضوع غريب بس مادري للحين ماني قادرة آخذ قرار ...
رحت أسجل ولدي في روضة المدرسة الباكستانية الدولية الحديثة New Pakistan International School اللي وار بن العميد في حولي ، وكان عندي موعد مقابلة مع ناظرة الروضات " شهلة شوكت " لقبول ابني في المدرسة في يوم 4 مارس . في استقبال المدرسة دشت ولية أمر مع زوجها وبنتها وكانت متضايقة وقعدت يمي . بصراحة شكلها كان يكسر الخاطر وبنتها مولابسة يونيفورم وشايلة جنطة المدرسة ، عاد قاعدة أسولف مع اللي وياي وأقولها شوفي عادي عندهم يلبسون يونيفورم أو ما يلبسون مو متقيدين . سمعتني الأم وردت علي : لا تحكمين على الناس بالظاهر ، إنتي ما تدرين شي السالفة عشان تقولين جذي في مشكلة حاصلة معاي وما بغيت أدز بنتي المدرسة ، سألتها عن المشكلة ، قالت خاصة ومشت دشت غرفة الناظرة العودة ودريت ان اسمها ( أنيتا بخاري ) ، بعد شوي نادوا اسمي عند مكتب ناظرة الروضة شهلة وكانت جم ولية أمر واقفة قبلي . ووقفت في الممر أنطر عشان تخلص اللي قبلي ، ولآ طلع مكتب أنيتا بخاري - الناظرة العودة - يمها و يتبطل الباب وأشوف ولية الأمر اللي من ساع تقول حق الناظرة: أنا مو طالبة عندج ولا مدرسة عندج عشان تصرخين علي أنا ولية أمر متضررة من إدارتج للمدرسة وبنتي تعرضت حق إيذاء في دورة مياه المدرسة !!!!!! طبعا ترجمت لكم الحجي كان بالانجليزي وقالت لها : وهذا الموضوع مسئوليتج ، الناظرة اركضت وسكرت الباب .. وأنا بأذوني هالسالفة ،كشيت واتبريدت مكاني ، شي السالفة ،ايش قاعد يصير ؟؟؟!!!!! :gr4uu:
استندت على طوفة الممر استوعب الموضوع ، هذي المدرسة ستاندردها في التعليم الخاص زين ، من صجهم يصير عندهم جذي ، دقيت على ريلي قلت له اللي صار ، قال يمكن مو صج ، قلته أنا سمعت بأذوني بالصدفة ، لكني متأكدة إني سمعت جذي . هونت قلت ماني مدخلة ولدي هني ، لازم أشوف مدرسة ثانية ، الصراحة الموضوع له ألف تفسير وتفسير . إذا ولية الأمر صاجة في كلامها ، ومنو يتبلى على عياله بمثل هالسوالف ، كافانا الله الشر أجمعين ، إذا السالفة صج يعني إدارة المدرسة مو منتبهة حق مسئولياتها وعيال الناس أمانة ، وإذا واحد من كل المدرسة صار فيه جذي واشتكي من يضمن إن هالشي ما يتكرر . كان ودي استمر أنطر في الممر عشان أسمع شنو صار ، قلبي متواكل ودي الأم تطلع وأسألها ، يا دوري ونادتني الناظرة وتعذرت إني نسيت ورقة وطلعت ما رديت .
تلوموني ولا تعذروني ، حطو نفسكم مكاني وقولو شنو راح تسوون لو كنتو في مكاني . راح تصدقون عيونكم ، ولا تتجاهلون وتكملون تسجيل عيالكم . لو السالفة طق أو تعور أو أي شي ثاني جان بلعت السالفة ، بس مثل اللي سمعتها ما أظن .
حطيت نفسي مكان ولية الأمر ، وفكرت لو أنا مكانها جان ايش سويت ، أقل شي باشتكي في التعليم الخاص ، ولا عند مالك المدرسة . التعليم الخاص نعرف شلون نوصله ، بس لا حظت إن ما في دليل ولا عنوان حق مالك المدرسة ، لا في المدرسة ، ولا في موقع المدرسة الالكتروني ، الا إسم الشركة بدون رقم تليفون او توضيح حق اسم المالك ، بصراحة لو عندي رقم تليفون المالك جان عطيته حق هالأم عشان توصل مأساتها . على فكرة قعدت أنطر ولية الأمر وايد أكثر من ساعة برة باب المدرسة بس ما طلعت ، جان أمشي .:eh_s(16):
قولو لي اللي سويته صح ولا مو صح .:bbbiu: اليهال أمانه وما يصيرنتهاون فيها . فلذات أكبادنا وضيا عيونا أهما ، ما أتخيل يصير شي حق ولدي وإن صار لا سمح الله تعور في المدرسة بس أحاول كثر ما أقدر أحافظ عليه من الشر . والله المستعان
شاركونا في آرائكم :eh_s(10):
اللي عنده معلومات زينة أو موزينة عن المدرسة يفيدنا :eh_s(15):
رحت أسجل ولدي في روضة المدرسة الباكستانية الدولية الحديثة New Pakistan International School اللي وار بن العميد في حولي ، وكان عندي موعد مقابلة مع ناظرة الروضات " شهلة شوكت " لقبول ابني في المدرسة في يوم 4 مارس . في استقبال المدرسة دشت ولية أمر مع زوجها وبنتها وكانت متضايقة وقعدت يمي . بصراحة شكلها كان يكسر الخاطر وبنتها مولابسة يونيفورم وشايلة جنطة المدرسة ، عاد قاعدة أسولف مع اللي وياي وأقولها شوفي عادي عندهم يلبسون يونيفورم أو ما يلبسون مو متقيدين . سمعتني الأم وردت علي : لا تحكمين على الناس بالظاهر ، إنتي ما تدرين شي السالفة عشان تقولين جذي في مشكلة حاصلة معاي وما بغيت أدز بنتي المدرسة ، سألتها عن المشكلة ، قالت خاصة ومشت دشت غرفة الناظرة العودة ودريت ان اسمها ( أنيتا بخاري ) ، بعد شوي نادوا اسمي عند مكتب ناظرة الروضة شهلة وكانت جم ولية أمر واقفة قبلي . ووقفت في الممر أنطر عشان تخلص اللي قبلي ، ولآ طلع مكتب أنيتا بخاري - الناظرة العودة - يمها و يتبطل الباب وأشوف ولية الأمر اللي من ساع تقول حق الناظرة: أنا مو طالبة عندج ولا مدرسة عندج عشان تصرخين علي أنا ولية أمر متضررة من إدارتج للمدرسة وبنتي تعرضت حق إيذاء في دورة مياه المدرسة !!!!!! طبعا ترجمت لكم الحجي كان بالانجليزي وقالت لها : وهذا الموضوع مسئوليتج ، الناظرة اركضت وسكرت الباب .. وأنا بأذوني هالسالفة ،كشيت واتبريدت مكاني ، شي السالفة ،ايش قاعد يصير ؟؟؟!!!!! :gr4uu:
استندت على طوفة الممر استوعب الموضوع ، هذي المدرسة ستاندردها في التعليم الخاص زين ، من صجهم يصير عندهم جذي ، دقيت على ريلي قلت له اللي صار ، قال يمكن مو صج ، قلته أنا سمعت بأذوني بالصدفة ، لكني متأكدة إني سمعت جذي . هونت قلت ماني مدخلة ولدي هني ، لازم أشوف مدرسة ثانية ، الصراحة الموضوع له ألف تفسير وتفسير . إذا ولية الأمر صاجة في كلامها ، ومنو يتبلى على عياله بمثل هالسوالف ، كافانا الله الشر أجمعين ، إذا السالفة صج يعني إدارة المدرسة مو منتبهة حق مسئولياتها وعيال الناس أمانة ، وإذا واحد من كل المدرسة صار فيه جذي واشتكي من يضمن إن هالشي ما يتكرر . كان ودي استمر أنطر في الممر عشان أسمع شنو صار ، قلبي متواكل ودي الأم تطلع وأسألها ، يا دوري ونادتني الناظرة وتعذرت إني نسيت ورقة وطلعت ما رديت .
تلوموني ولا تعذروني ، حطو نفسكم مكاني وقولو شنو راح تسوون لو كنتو في مكاني . راح تصدقون عيونكم ، ولا تتجاهلون وتكملون تسجيل عيالكم . لو السالفة طق أو تعور أو أي شي ثاني جان بلعت السالفة ، بس مثل اللي سمعتها ما أظن .
حطيت نفسي مكان ولية الأمر ، وفكرت لو أنا مكانها جان ايش سويت ، أقل شي باشتكي في التعليم الخاص ، ولا عند مالك المدرسة . التعليم الخاص نعرف شلون نوصله ، بس لا حظت إن ما في دليل ولا عنوان حق مالك المدرسة ، لا في المدرسة ، ولا في موقع المدرسة الالكتروني ، الا إسم الشركة بدون رقم تليفون او توضيح حق اسم المالك ، بصراحة لو عندي رقم تليفون المالك جان عطيته حق هالأم عشان توصل مأساتها . على فكرة قعدت أنطر ولية الأمر وايد أكثر من ساعة برة باب المدرسة بس ما طلعت ، جان أمشي .:eh_s(16):
قولو لي اللي سويته صح ولا مو صح .:bbbiu: اليهال أمانه وما يصيرنتهاون فيها . فلذات أكبادنا وضيا عيونا أهما ، ما أتخيل يصير شي حق ولدي وإن صار لا سمح الله تعور في المدرسة بس أحاول كثر ما أقدر أحافظ عليه من الشر . والله المستعان
شاركونا في آرائكم :eh_s(10):
اللي عنده معلومات زينة أو موزينة عن المدرسة يفيدنا :eh_s(15):
