صدر بيبيتي في حليب دهنته وعصرته عادي ؟!!

[Zayoona"90]

سلام بنات شلونكم شخباركم
بنات انا بيبيتي عمرها ١٠ ايام وقبل ٣ ايام شفت صدرها منتفخ و مورم فيه حليب ميته بجي منه ماتقدر تنام منه
فدهنتها اليوم بزيت زيتون وعصرته لها وطلع منه حليب بس المشكله ليلحين منتفخ و منقلب لونه وااي حبيبتي قلبي يعورني عليها هذي بجري..
بنات شسوي عفيه فيدوني ابي اللي صادفها مثل هالموقف شنو سوت ابي تجارب بليز مو حجي فاضي بس سمعت وسمعت لا ابي شي اكيد هل هالشي ياثر عليها وشسويلها كاسره قلبي ...

 

[أغلى حبيبه]

الله يشفيها يا قلبي

اول مره اسمع بالسالفه

ان شاءالله البنات يفيدونج ومايقصرون

 

[KOKO_284I]

يدتي جذي كانت اتسوي فينا واحنا صغار

بس ما اقدر افيدج اكثر من جذي

 

[MOOON&M]

وديها الطبيب خليه يشوفها


لان شي غريب


والله يخليها لج ان شالله ويشفيها ياااارب

 

[q8 knosha]

هذي امي يوم بالاربعين قالتلي تبي تعصر صدر ولدي لول

طبعا طنرت وحد يجيسه وعفستهم <-- مينونه

عاد امي حنجت لازم اعصره يرتاح

انتو كلكم سويتلكم جذي

احنا 4بنات وصبي معصرتنا كلنا

اعتقد عادي ان سويتيها او لا ماتفرق

 

[q8 knosha]

لابنات ترا موشي غريب

حريم اول اسمع وايد يعصرون صدر الياهل

 

[طيبة83]

لا مب زين

هذاك اليوم قريت موضوع في قسم الحمل والوالدة عنوانه اخطاء شائعه مع الرضيع شي جذي

كاتبين لاتعصرون صدر الياهل

 

[باقة ورد]

لا الدكتورر قال لي لا تجيسون صدر البنت غلط مو زين ومع الوقت يروح انا بنتي كانت جذي و راح بروحه

 

[متواضعة]

الله يهديج ليش متعبثه في الياهل وديها الطبيب

 

[om_3azoz]

انا بنتي اول ماودلت نفس الشي وانا ابدلها شفت صدرها وارم كنت ادهنها وطلع حليب منها حبيبتي بس مارعصتها ولاشي

بروحه يخف لاتلعبين بالبيبي

 

[نور الدنيا 88]

انا قريت بموضوع
لا تعصرون صدر البيبي
اعرف وحده عصرت صدر ولدها و ظل مورم و ودته الطبيب
وديها

 

[ms.mercedes]

انا ما صادفني صراحه بس سامعه انه عادي يصير بالياهل و هذي تكون زيادة هرمونات بالبيبي ولا تعصرينه مو زين وصح الاوليين يعصرون بس الحين الاطباء امنعوااا هشي وحذرون منه ...

حياتي اذا انتي خايفه وتبين تطمنين اكثر وديها حق دكتور اطفال احسلج ...

 

[فاقده ابوهاااا]

اشلون تسوين هالشي وانتي مو متأكده اذا صح ولا لأ
حبيبتي هذي هرمونات الانوثه في بنتج وتصير حزه الحمل وتاخذها من الام وتروح بروحها واكبر خطأ انج تعصرينها واذا تغير لونها معناته في التهاب وديها الطبيب واذا حرارتها ارتفعت وديها ودامج غلطتي وعصرتيها وديها الطبيب يتصرفون بحالتها
ولدي صار فيه جذي لدرجه اخترعت وراحت مع الايام وفي مواليد الهرمونات تنزل مثل الدوره للبنت وتختفي مع الايام

 

[c a t w o m a n]

لا تجيسينه نهائيا أنا بنتي كان بصدرها حليب الدكتور حذرني أجيسه .... حجي أمهاتنا مو صحيح يروح بروح

 

[/ سوما /]

إن شاء الله خير
امي كانت تعصرنا وبعد تعصر صدر عيال خواتي
والحمدالله مافيهم غير العافيه بس تعالي سمعي الصياح وقتها

 

[ملامح بريئة]

مارة هالحالة بس ناسية مع منو والله بس جدا الموضوع عادي لا تخافين ما يحتاج طبيب