صدقوا صدقوا فيه امهات كيذا واكثر !

[سماء الاحساء]

لازم الام تمسك العصا من النص ترخي وتشد مب لها لدرجه والضرب مب حل حتى بالمدارس ممنوع هالشي تجينا قساوة على أبنائنا من خوفنا عليهم بس مؤ لدرجه يفقدون ثقتهم بنفسهم وآثار الضرب بالجسم تبان كلكم راع وكلكم مسؤول عن رعيته الثقافة في التربيه هالايام مهمه ياليت تغير من طريقتها الاه يهديها ويحفظ لها بناتها

 

[Jno-w2]

انا مااستغرب ان في امهات جذي لان جفت نماذج في حياتي من امهات لا حول لهم ولا قوة

سالفة ان اختها كانت تكلم واحد و حبستها اسبوعين احنا مارجعنا ليش هالبنت لجأت لهلواحد ,, البنت طبعها تحب الحنان و الحب و الكلمة الطيبة وهالشي مالقته من عند امها مثل ماتفضلت الاخت وقالت ,, فشي طبيعي انه بدوره بمحيطها اللي برا خصوصي انها في جامعة وفيها كل الانواع من البشر ,, لو كانت الام و الابو حنونين و تربيتهم سليمة و يعالجون الغلط بالصح ماراحت ولجأت لاحد ثاني

اما انها تضرب بنتها لانها شالت بموس و استشورت شعرها هذا مو من حقها ,, حتى لو ام مالها حق بالضرب لها حق بالتاديب لان بتسبب عنف و عقد نفسية للبنت لما تكبر ,, وعمره الضرب ماجاب نتيجة المثل يقول حط بنتك في صندوق تسمع خبرها باجر في السوق

ياما و ياما امهات حبسو و ضغطو على بناتهم واهما من ورا اهاليهم يالله بالستر ,, واعرف معرفة شخصية وحدة ابوها متشدد جدا
ضرب واهانة و مثل حالة هالبنت بس من ناحية الاب ,, بالاخير البنت كبرت من كثر الضغط كرهت كلشي لا صلاة تصلي و حياة عدلة تزوجت عشان تفتك من ظلم الابو وبدات سلسلة الخيانات عندها لانها مانشأت في بيئة صالحة

اكا الحمدالله اهلنا ربونا تربية صالحة معتدلية لا صكو علينا ولا خلونا على كيفنا ,, واللهم لك الحمد ,, كلشي يطلع على التربية منذ الصغر اهي اللي تكون شخصية الانسان مو بالضرب والاهانة والحرمان من ابسط الحقوق

ماقول علاج رفيجتج الا الدعاء لها و قيام الليل والله يهدي امها ويهديها يارب

انا معاج بكل كلمة قلتيها بعض الامهات ما يستاهاون يكونون امهااااات وهالشي شفته بعيني ويالفة انها كلمة ولد
والله البنت ماسوت كدا الا انها فاقده شي اسمه حب وحنان ولو احنا بانريكا امهم يسجنونها وعيالها يتبنونهم عايلة ثاتية
حمدالله والشكر امهم باين انها مريضة وتحط حرتعا في بناتها

 

[DndOshaH]

صـرآحه أمهــآآ معـقـده وانتو ياللي تتفلسفون ؟
وحريصه على بناتها والخ ؟ وهي تلسبهم بالسلك على اتفهه الاسباب ؟؟ وين قاعدين هذي مجرمه لو مكانها انتحر هههه
الله يعينها والبنت المفروض تكون قويه وتكلم ابوها موحاله هذي بعد :/

 

[روز بآريس]

ي قلبي
صج عورني قلبي علييها
بس قوليلها صبري يعني شنو بتسوي غير انها تصبر
الله بيآخذ حقها والله اذا موب بالدنيآ بالاخرهة

 

[هب العطر]

امهات اخر زمن !

 

[هب العطر]

و بعدين الحلوات اللي يقولون لها اصبري

لا و الله !

تصبر لي متى ؟ لما تسوي فيها عاهه مستديمه او اعاقه دائمه ؟


لا يا بابا

فيه بر و احسان اي نعم ، لكم الظلم ما ينسكت عنه

لو هي جاريه عندها و شاريتها بفلوس هم المفروض ما تعاملها جذي

الابناء و البنات نعمه من الله ، جذي تتعامل هي مع النعمه !؟
رب العالمين امر الابناء بالبر ( لكن ايضا امر الاباء بالبر و الاحسان )


فيه امرأه دخلت النار بسبب قطوه

فما بالك بإنسان يصلي و يصوم ؟

رب العالمين حرم الظلم على نفسه و امرنا ما نسكت ع الظلم


شنو الامومه اذا كانت بلا رحمه و لا عداله ؟؟

على شنو ام و هذي سواياها ؟؟

 

[هب العطر]

الام اللي ينسكت عنها هي الام اذا كانت مخرفه او مريضه او كبيره بالسن

اما اللي تتمادى بالظلم فهذي ما ينسكت عنها

خل تبلغ خالاتها او عماتها او عمامها لا تسكت

خل توريهم الاصابات و الكدمات اللي بجسمها

خل تتواصل مع حقوق الانسان بالسعوديه عندكم

يطلعون حقها ويحطونها بمكان نظيف

عشان تعيش صح

 

[هب العطر]

اي و الله اصبري و اسكتي !

اللي ايده بالماي مو مثل اللي ايده بالنار

لحد يسوي نفسه مثالي زياده عن اللزوم ، هذي مأساه انسانيه

لو هالسالفه بدوله غربيه جان انتشرت بالجرايد و التلفزيون لان الانسان عندهم غالي

اما مجتمعاتنا للاسف لا

عبالهم الام و الابو يحق لهم اي شي تجاه عيالهم حتى لو كان حرام !

و اي واحد يشتكي ينقال له اصبر و اسكت !

بنت تتزوج غصب اصبري

بنت تنطق ليل نهار اسكتي

ولد ينحرم من ابسط حقوقه اصبر

منو قال ان ديننا يشجع على الظلم ؟؟

منو ؟؟

منو قال ان ديننا يبيح القسوه و الظلم و العدوان من الاباء على الابناء ؟

اللي يقول جذي او يلمح له خل يتقي الله ، وراه حساب و عقاب

 

[هب العطر]

لا يا ماما

لا تسكت

خل تبلغ اي شخص راشد من العايله

خل توريه الكدمات بجسمها

عشان هالظالمه تخاف و ترتدع !

خل يهددونها اهل الابو انهم بياخذون البنتين منها و ما عاد تشوفهم

و خل يهددونها اهل الابو انهم يرفعون عليها قضيه سوء معامله خل تنجلد جدام امه لا اله الا الله

خليها ع الاقل تخاف و تنردع مو شرط يسوونها من صج خل يهددونها بس

و ان اي شي يصيب البنتين تراها هي المسؤوله

وخل يكثفون زيارات للبيت يشوفون البنات

خليهم بالصوره دام الابو على قولتج ما يسوي شي

و اذا اهل الابو نفس الطقه

خل يشوفون شيخ دين

تسأل ابلاتها الاسلاميه بالمدرسه و تتواصل مع المشايخه

خل يدرعمون عندهم بالبيت و يشخلون هالابو اللي ما يراعي الامانه على عياله

و يزفون هالظالمه و يهددونها عدل

 

[امـ خــزامـى]

لاحول ولا قوة الا بالله العلي العظيم
الله يشفيها هذي مريضه نفسيا
خليها تعذرها وتساامحها

وعندي كذا حل ان شاءالله تفيد معها
1 تكتب رساله لامها تقول فيها كل معاناتها وكيف صارت شخصيتها مهزووووزه
واهم شي تكتب بالبدايه والنهايه انها امها الحبيبه
وياليت رسالتها تحتوي على اياات واحاديث
وتحطها عند سريرها اذا تعرف تقرا
واذا ماتعرف تعطيها اختها الصغيره او ابوها يقرالها

2 امك بحكم انها صديقتها تعزمها على مجلس ذكر سواء امك تسويه فيه بيتكم
او تروح لدور القرااان وماشاءالله بكل مكان منتشره عسى ربي يزيد ويبارك
طبعا تكوون متفقه امك الله يحفظها مع الداعيه وتكلمها عن قصة صديقتك
وتلقي محااضره تناااسب هالقصه وعسى ربي يفتح على قلبها ويهديها

3 تقولين لوحده من المدرسات عن قصتها وتتفقين معها انها تكلم امها وتقول اشووف بنتك انطوائيه وتتأتأ بالكلام
واثااار ضرب
لو سمحتي عالجي مشكلة بنتك وشوفي مين يضربها لايكون ابوها ولا اخوها
وترى اذا ماتحسنت بنكلم حقوق الانسان

4 كلمي شيخ معروووف وقوليله عن قصة صديقتك وعطيه رقم امها وابوها
عشان يكلمهم الشيخ وينصحهم
واذا قالوله من قالك ومن عطاك ارقامنا يقولهم وحده بالمدرسه
وطبعا على طول بيشكون بالمدرسه


هذا اللي قدرت عليه وعسى يفيد بها ويسخرها لعيالها ويشفيها
ايه نسيت اقولك انصحيها بالاذكار والورد اليومي
خليها تقرا على امها ايات الرقية الشرعيه
انصحيها تهتم بصلاتها وتترك سمااع الاغاني


وربي يأجرها

 

[e.ngland]

((متحكمة فيه حاطتها بمدرسة كلها عبيد وطقاقات ))

^شكلج انتي يبيلج علاج مو البنت
:/ تخلف انتي من اي عصر ههههههههههههههههههههههههه شخباري عبيد تحرروا ترا شكلج مو عارفه معنى الكلمة عدل

الله يهديج بس حبيبتي ويصلح بالج