صدمة .... !! ليش هالاسلوب

[PuPa^^SWeeT]

السلام عليكم


شلونكم بنات كويتيات حبيبات




في شغلة قعدت افكر فيها ويا خواتي


النقزااات



ماهذه الاخلاقيات ؟؟؟


فكروو فيها

انت في محيط عملك او في مناسبة اجتماعية

او في زيارة عائلية


او حتى في اي مكان تتخيلينه


وتجدين شخصا له نظرة غريبة

ويتحين الفرصة


ويلقي بكلمته ( النقزة )

اسلووب غرييب


عندما يلقيها النقزة

يلقيها بطريقة تعرفين انها تقصدك لكن ان قلت لها من تقصدين تقول لك لا احد فقط فكرة طرحت في بالي


طبعا هناك رؤوس لا تفكر الا بالشر


وسبحان الله طبعهم لا يتركونه

ويبدؤون بالنقزات


في محاولة للوصول لاستفزازك


لكن لو انت من النوع الذي يضحك على هذه السخافات ؟؟؟


هل تظنون انها ستترك النقزات لو انك لم تردي عليها ؟؟؟



سؤال اخر



:


اتجدين في حياتك من تكونين طيبة معه و تحبينه من قلبك

ولا يمكنك ان تضريه


لكنه في المقابل

يجد فيك انت مفرغا لما يعتمله قلبه من حقد و اذى

تجدينه يوصل لك امورا انت لا دخل لك فيها ؟؟



لانه لا يقدر على الذي جعله بهذا الحقد


فيفرغ غضبه فيك



؟؟؟


المايك لكم





P.S.


IT's NoT Me

aLL RiGHT ​

 

[أحترت أعبر]

طبعا ...اكيد بحياة كل أنسان رجل او امراه شخص او موقف له علاقه بالتنغز وتوجيه الكلام الغير مباشر .... وطبعا لو كان الكلام او النغزه ثناء بتسعد اي شخص يسمعه ,لكن لو التنغز بغرض مضايقه او ايذاء لاحساس اي شخص ...هني اكيد ما راح تكون الجلسه او اللقاء مريح ...
عن نفسي لما انحط بهالمواقف واكون عارفه اني المقصوده . اقابل محاولات اللي ينغزني بالكلام باسلوب استفزازي ...اضحك واسمعه ضحكتي واني فعلا مو هامني اي محاولات منه او منها لتكعير مزاجي او تعكير اللقاء اللي انا فيه ...
للاسف النفوس المريضه دايم تظهر سلوك تحاول من خلاله اثارة الشخص اللي امامها حتى لو كان هالشخص ما اذاها او حتى علاقته فيها لا تتعدى السلام والمجاملات ...
برائ الشخصيات هاذي غيرانه او حاقده وبكلا الحالتين الضحك وعدم الرد او حتى الاشاره للتنغز هو افضل اسلوب لتجاهلهم وكفاية اذاهم ....​

 

[ليمونه بارده]

مدري وش يحسسسسون فييه
بس صدقووني الي يسوي هالحركاااات اعرفوا
انو فيه عاب حتى لوخارجيا ماافيه شي صدقوني صدقووووني
فيه عييييب عشان كذا نفسيا يحااول يتمسخر على الي حوله يعني هو طالع منها
خخ اعرررف نااس واايد من هاالاشكاال حقرووهم وبس
والي بيتها من قزاز لايرمي الناس بحجر

 

[بنت ًَالأدآريهً]

انا كل اللي اقدر اقوله
حسبي اللـــــــــــــــــــه ونعم الوكيل

 

[KOKO_284I]

صراحه هذا مرض متفشي عندنا بالمجتمع وصراحه زاد عن حده

 

[عروق نجد ksa]

ابـــــــــــــ لعيونك

 

[Eva-SS]

والله النغزه مرات يكون اسلوب لتوصيل معلومة .. وانا اشوفه احيانا اسلوب ناجح

يعني بنت تقعد تهايط على راسي انها كوول وماتلبس الا ماركات وتتطنز على لبس الناس وانا عارفه اهي شنو كانت قبل واهلها شنو مستواهم والله ماخليها بقلبي قطيتها نغزه وطلعت ذكية وفهمتها عشان ماتهابط ثاني مره اكره ماعندي الهياط
ووحده تقول لو شنو ماركب درجة سياحية وييييع هذا اللي ناقص واهي قبل عرسها ماعمرها طلعت برا الكويت .. هالنوع اكرهه وماعرف اسكت واتبوسم لها لا ماينفع وعشان ماحرجها لازم اقطها نغزه هههههههههههههههههه

بس انا قلت مو دايم ومو مع الكل يعني بنت ماضرتني ومحترمه بحطها على راسي لو انه فيها عيوب مو حلوة اقط نغزات جدامها اذكرها بعيوبها

بالنسبة للسؤال الثاني انا اؤمن انه لكل انسان مفتاح يعني وحده تكسبينها بابستامتج ووحده بالكلام الطيب ووحده توقفينها بلسانج .. الطيب ما ينفع مع الكل وخاصة بمجتمع الحريم بعضهم يبيلهم وحده لسانها شطوله ماتسكت عن حقها

 

[الـــدفـــشـــة]

انا على حسب الشخص ارد على نغزاته او اطنشهااااآآآ


والحمدالله انا مومن النوع الي يقط نغزات والله مااحب اجرح احد بالكلام والنغزات راح يأنبني ضميري طول الوقت

وياريت هالعاده الخبيثه تختفي من مجتمعنا والله ياانها تجرح وتقعد سنيييييييييييييييييييييين بالقلب

 

[منو انت]

مثل ماقالت الاخت في نوعيه اللي تهايط وتحسسج ان اهي ملكه واهي حشاكم ماتسوا بيزه ليش ادخل معاها بنقاش اعطيها نغزه حلوه تخليها تبلع لسانها


وغيره وغيره في ناس جد ماينفع فيه االا هالاسلوب يجبرونج عليه


لكن الطيب يجبرج بالغصب تحطينه على راسج

 

[Beyoncee]

انا ملى بالنغزات كلش ولا احبها ولا اعرف انغز على احد
مع انى مرات ودي بس ما اعرف
اقولها بالويه وأفك روحي والا أسكت وابلعها وطاف

 

[نوره 99]

صح هي اسلوب حقير شوي
لكن يظل تحت مظلة الاحترام >> من وجهة نظر المجتمع
عموما انا ماحب اتعامل فيه الا اذا كنت برد فيه على احد
ولا اخليها بخاطري
لأني انسانه ماعرف اطنش
وبدل ماحطها بخاطري ويتورم قولوني اطلعها وارتاح

 

[Melazlaza]

كنت ما افهم النغزات وكله اقول مايقصدون
لغاية فترة بسيطة بديت افهم ان لا انا المقصودة
الحل
ابتسامة قاتلة
ان رديتي صرتي نفسها
وان تبلعمتي بلغت مرادها
لكن
قمة الشجاعة ان تبتسم حين ينتظر(المنغز)بكاؤك
لوووول عاد ألفته حسب الموقف وانتي قولبيه براسج

 

[PuPa^^SWeeT]

اوكي اللي اتقول اللي تهايط واتفلسف انها كشخة و مادري شنو

هذي اوكي اهيا جنت على روحها


بس اللي قاعدة عادي اتحجى واتسولف على النية و مالها من الشر طريج


اتييها نغزة ؟؟؟؟ هذا اللي اقوول عنها


وحدة ماضرتج بشي


سواء اتقول انا كشخة ولا ماتقووول اهيي لو ماتضرج مالج حق تنغزينها ( هذا راايي )


اما اذا اتفلسف واتعيب على ستايلج واتقولج انا اكشخ ايي هذي عطيها نغزة هالكبر بعد


بس انا كلامي عالتفلسف و التكشخ


انا كلامي عن ناس بمحيط


تنقززز باسلوووب شوي يعني فكرت انها ارقى من جذي


و المصيبة قلتلهم قبل هالمرة و شكيت عليهم عند الادارة ان التنقززز و مادري شنو يسوون

وقالو ماراح يردون حق التصرفات البايخة



بس الحيين امصيبة ردوو ينقزوون


انا اقوولكم اللي اتقط النقزات هذا وقاحة اكثر منه احترام


شنو اني احترم فلانة اقط لها نقزة جدام العالم ؟؟؟


مادري صراحة اتقولون نوع من الاحترام



وانا ما قامو يهموني


بس انه فكووني منكم مابقى الا هالاشكال تنقزز ؟؟؟؟؟

 

[am faisal]

المشكلة اللى على راسة بطحة على قولة اخوانا المصريين هو اللى يقط نغزات وحدة زوجها يتاجر بالخمر وتمصخر على وحدة وتقولها يا مرة السماك عجبى

 

[♥MaSteRiyA♥]

لوووووووووول ضحكتيني :krkrkr:
الواحد لازم يكبَر عقله.. حتن لو يدري ان
الكلام لج يا جارة..


يسلموووووووو عالطرح =***​

 

[PuPa^^SWeeT]

المشكلة اللى على راسة بطحة على قولة اخوانا المصريين هو اللى يقط نغزات وحدة زوجها يتاجر بالخمر وتمصخر على وحدة وتقولها يا مرة السماك عجبى

قصدج تشمت بغيرها و اهيا وضعها اردى


ممكن ايي في ناس وااايد من هالشاكلة





يسلمووووووووووو عالمرووور

 

[PuPa^^SWeeT]

لوووووووووول ضحكتيني :krkrkr:

الواحد لازم يكبَر عقله.. حتن لو يدري ان
الكلام لج يا جارة..​

يسلموووووووو عالطرح =***​

ترا الموضوع جاد و ما افتكر انه يضحك


بس اذا ضحكت الحمدلله زرعنا ابتسامة بقلب مسلم لنا اجر فيها



وشلون الواحد يكبر عقله حبيبتي

ياليت لو فيه توضيح


انه مانرد مثلا ؟؟؟

اوكي مانرد

بس اتهقين هالاشكال تسكت ؟؟؟ و تستحي على روحها و تحشم روحها ..


:bbbiu:


الحمدلله انا مايهموني بشي ولا احب ارد عليهم


والكلمة توصل و تنفهم

بس ما انزل رووحي لمستواهم الهابط




هذا قصدج مو ؟؟؟

 

[غير كل الناس]

اي

عند بعض ناس تخصص كل الكلام نغزات

الله يقطع هالطبع البايخ

 

[^^ريهام^^]

شوفي حبيبتي

انا عندي قاعدة

اذا الانسان ما كلمني بشكل مباشر بطريقة سلبية فهو ما يقصدني.....

حتى لو كنت ادري ان يقصدني ... بس ما ابين نفسي اني فاهمة

عادة من طبعي اني استغبى ..... حيل

خصوصا لما احاور بشر من هالنوع ....

اسوي روحي ما فهمت او امشي معاها واقولها اي صج معاج حق وطبعا وانا ابتسم ولا كأني فهمت شي

جذي تتبلعم عدل

بس اردها لها بنفس القعدة ....يعني تنغزني .... انغزها

طبعا ما تقدر تسوي شي ....

 

[جوري 2007]

اهيا اسلوب زين شين بس اهم شي تكون باطار الاحترام وعدم التجريح

تنفع النقزات احيانا مع الزوج