صدمة .... !! ليش هالاسلوب

[Bnt-USA]

النغزات نوعين !!

نوع وقح و نوع ذرب


يعني مثلا اعرف وحده زوجها يقط هدومه يم السله ما يقطهم بالسلة !!

تستحي ب اول ايام عرسها انها تقول له جذي غلط

تقط نغزه ! مثلا هدومك اللي طايحين شكلك حاطهم بالغلط !!


هني الوحده تكون مستحيه بس تنصح عن طريق النغزه


بس نغزات وقحه مثلا وحده شعرها خشن !!
واقعد يمها واقول لها في بنات واي شعرهم جعد ويع ومن هالحجي ! اكيد بتفهم ان نغزه عليها




عسى الله يفكنا من هالطبع الشين

 

[قمر بيت أبوها]

اذا وحده قامت تقط عليك انتي استلميها وقطي عليها
لا التطنيش ينفع ولا انك تقولين لها وش قصدك ينفع
انا صرت سيد المعلمين بالنغزات بس القصد منها عندي تقويم لبعض السلوكيات الخاطئه استخدمها مع الكل تقريبا
وحده تنغزني بشي مالي ذنب فيه انا انغزها بشي سيئ من سواي يدينها خلها تتوب تطالع غيرها لااطنش ولا هم يحزنون لاجتني فرصه مااطوفها وجنت علي نفسها براقش

 

[ورده حمرآ]

اسلوب رخيـص " النغزه الوقحه خخخخخ "
الحل الابتسـامه يعني ماهمنـي ..
ولما تتغيبين يموتون اكثـر ,,

لاكن احيانا تحتاجينهـا انتي مثلا لتنبيه احد على شي اوو ... " النغزه الذربـه "

وبالنسبه للي تهايـط قولي لها فوييهـا "

 

[حبي بيرين]

اكيد الضحك راح يغيظها بس الاكيد انها بجهز نغزات اقوى يعني كردة فعل وماراح تهدأ الا اذا شافتكِ خلاص يعني بموضع اللي دمعته بتنزل ع بالها اني كسرتكِ قهرتكِ بس السؤال ليه كل هذا ع العموم مافيه مثل الرد

 

[سمويا]

اب ♡

 

[هناء - Hana]

اكره اسلؤب النغزات ولا اخزها وبعدين تقؤل لاتخافين مؤ عليج ماني عارفة ليش هالكره وهالحقققد انا اسسسكت عن كل شيء الا النغزات ماسكت ارد لها ماني عارفة صارتلي مرة وزفيتها زف ولاااا بعدين تقؤل انتي تزعلين بسسرعة مشكورة حبيبتي.؛*

 

[روز بآريس]

الي فوقي ههههههههههههههه

نفس ردج

 

[jode abott]

اب اب اب
ما احب هالاشكال الي ينقزون بوقاحة
الله يسامحهم بس

 

[رنين الروح]

انا مقولتي طنش تعش تنتعش والحقران يقطع المصران بطوف نغزاتها وخلها تحتر وتنقهر اني مارديت عليها لان اذا رديت بتقول انها استفادت وارفعت ضغطي اما لما اطنشها واستغبى اهني بتنقهر بتقول مافهمت وحجيها عليها << واثق الخطوه يمشي ملكاً >>
​