صدمني بحبه

[pure.soul]

دام يحبج وميت فيج قولي له هذا شرطي انج تقعدين بالكويت و راح يواااااافق .. ترا وايد سعوديين يشتغلون بالكويت شالمشكلة ؟
و طبعا الاستخارة اهم شي و الله يوفقج وياه

 

[بدورة القمورة]

ليش ترفضينه اهو ولد خالتج ويحبج ؟؟؟؟

وافقي والله يسهل عليج

 

[MAHA..]

حبيبتي يمكن الله خلاج تشوفين بعينج شكثر اهو يحبج علشان تتعلقين فيه وتتزوجينه و سئلي عن سلبياته مثل ما قالوا البنات قبل لا توافقين واستخيري والله يكتبلج إلي فيه الخير

 

[الورده الناعمه]

دام انه ولد خالتج وعارفه اخلاقه والبيئه الي متربي فيها مافي خوف انشالله
يسوى انج تتغربين عشانه لان لو طلبتي عيونه عطاج
الله يوفقج يوفقج وياه وتتسهل اموركم

 

[يارضاها وقف وناظر شوي]

استخيري ..


والله يكتب لج الخير .. ~




.،

 

[يآحبي آفهم]

انتي ع الاقل واحد شلون اللي يبونها 3 وكل واحد يقول الزود عندي !!

انا من رايي اخذيه وصدقيني ان مااخذتيه بعدين بتندمين قد شعر راسج وانتي ماراح تفارقين ديرتج اذا بغيتي كل اسبوع يجيبج ., وبعدين مدام انه يحبج لهدرجه حاولي تشرطين عليه انج تسكنين بالكويت واذا ماقدر انتي روحيله من غير تردد يقولج لاتندم على من حبيته وخلاك اندم على من حبك وخليته

 

[حبيبي وبس]

الله يوفقج ووافقي ولاتتردينه
والله كسر خاطري حرام تكسرين فيه
وماشاء الله ولا اله الا الله

 

[دلوعة أبوهآ]

لو يحبك هالحب كله وتركتيه عشان الجنسيه .!
ماتوقع انك بتلقي كويتي ويحبك مثله ..,

خذي اللي يحبك وبتعيشي بسعاده ..

 

[miss-winter]

مادري بس احس صعبه حيل وشي مجازف في وبحياتج ولازم تستخيرين وتفكرين وفيها تضحيه

 

[النهج الاسمى]

رد : صدمني بحبه

استخيري>>>>حرام تحرمين نفسج هالحب

والسعوديه والكويت واحد>>>>>وفيه بنات وايد كويتيات وتزوجوا خليجيين

قلبيها براسج وراح تعرفين اللي يناسبج>>>>وتقدرين تتوظفين بالسعوديه

الله يكتبلج اللي فيه خير يارب

 

[يوآش يوآش]

رد : صدمني بحبه

قولوا ماشالله يعني انتي تبينه

خلاص وافقي بعد ليش متردده

 

[~.ąvȍƈaȚ.~]

الله يوفقج انشالله

و ماكو فرق ترى سعودي و الا كويتي

استخيري و الله يكتبلج اللي فيه الخير

و صدقيني اخذي اللي تحبينه احسلج .... من كلامج حسستيني ان صج صج يحبج و بيحطج بعيونه و يسكر عليج حرام كافي 5 مرات خطبج و رفضتيه يعني مادري

فكري عدل

و اللحين ياي رمضان ادعي ان الله يوفقج و يكتبلج اللي فيه الخير

 

[*الشيـــهـانـة*]

استخيري حبيبتي قبل كل شي والله يوفقج

 

[mjo0od]

رد : صدمني بحبه

ماشاءالله لاإله إلاالله ولاحول ولاقوة إلا بالله
حبيتي قبل كل شئ لازم تصلين صلاة إستخاره وتستخيرين الله سبحانه وتعالى وحده علام الغيوب,.
ومن كلامك شكله محترم ويحبك خوذي اللي يحبك ولاتخسرينه هو محترم جالك من الباب الصراحه مدري شقولك بس أنتي إذا صليتي إستخاره وحاسه أنه ماينرد وافقي والله يوفقكم ويكتبلكم اللي فيه الخير ,.

 

[دمعة يراع]

استخيري كثيــــــــــــــــــررررررر .... أنا كنت مثلج أبي أوافق على شخص سعودي ويبيني ...

لكن بعد الاستخارة <<< كل يوم كنت أستخير قبل الفجر بالثلث الأخير من الليل .. ليما ربي دلني على الصح ورفضته

لكن أنتي وضعج غير هذا ولد خالتج ... يعني منكم وفيكم .. ماراح تحسين بالغربه أبد ... خالتج حسبة امج

ودام ان الولد شاريج لا تبيعينه ... وأهم شي استخيري مثل ماقلت لج .. وادعي .. واذا خطبج وافقي

وألف مبرووووووووك يالغاليه مقدما

 

[miss.lina]

رد : صدمني بحبه

نصيحة اكبر غلط تتزوجين واحد لانك رحمتيه فكري من عقل وشوفي مصلحتك الحب من طرف واحد مو حلو ابدا لانك انتي اللي بتتعذبين وبتضحين علشانه فلذلك استخيري احسن .
والحب وحده ما يكفي عندي واحدة من قريباتي كان فيه شاب يحبها بجنون وابوها ما كان راضي خطبها اكثر من ثلاثين مرة على مدار السنوات وكان جوابه الرفض ولما الاب مل من كثرة تردده طلب منه مهر اربعة ملايين ليعجزه بعد 3 سنوات تزوجها والحين مرت 11 سنة وتزوج عليها لمجرد انها ما توالفت معه
لعل الله يرزقك بأحسن من نصيبها .

 

[ام كوشه منكووشه]

رد : صدمني بحبه

حبوبه ماشالله الريال اللى ذكرتيه مايتطوووف صعب تحصلين واحد مثله بهالوقت ودام يحبج ويبيج صندقيني ممكن ينازل عن وايد اشياء عشانج حتي لو عرضتي انكم تنتقلون للكويت. قلبى انتي قعدي معاه بالخطبه وناقشيه بكل اللى يخطر ببالج ومتخوفه منه وشوفي رده يمكن يطمنج
وصلي استخاره وعسى ربي يجدم اللى فيه الخير والصالح لج انشالله

 

[^ليلاس^]

رد : صدمني بحبه

حبيبتي مو من بعدها السعوديه كاهم جيرانا يمنا كل ماشتقتي لاهلج تقدرين تيين

وبعدين انتي عندج اهل هناك يدتج وخوالج انا اعرف وحده سعودية متزوجه كويتي ماعندها اهل هني كل اهلها بالسعودية وكل ما صارت فرصه او عطله راحت لاهلها ومرتاحه بحياتها مع زوجها الله يهنيها

والله يوفقج

 

[ماما نونا]

صح تفكيرج منطقي
السعودي فرق عن الكويتي صح ان تتم معاملة الخليجي كمواطن لكن معاشاتهم حيييييييييييييل ضعيفه هذا اللي عنده شهاده ها
اما التعليم والصحه وهالسوالف حالهم من حالنا لكن السكن والمردوود المالي مو مثل الكويتي , اتوقع هذا العيب الوحيد

 

[ونات الفرح]

والله ماادري شقول عليج
يعني اهم شي انه ولد خالتج
ومنتى غريبه عنهم
يابنت الحلال وين تلقين واحد بهالمواصفات في هالزمن الاغبر
ودامه يحبج
ثقي بالله وتوكلي على الله
وترى الغربه مو غربة الوطن
الغربه غربة الروح اذا هامت من غير دليل
ياما ناس خذوا من غير ديرتهم وعاشوا ملكات
وبالعكس
يمكن هالشي يكون لصالحج ويخاف انه يزعلج الله لايقولها لانج بعيده عن اهلج وهالشي ماراح يضعفج عنده بالعكس
مدري والله شقول لج
بس انتي استخيري
وشوفي اللي ربي كاتبه لج
بس بقولج مقوله

اندم على من حبك وخليته
ولا تندم على من حبيته وخلاك
والخيره في مايختاره الله