صدور دياي

[ام خدود ورديه]

السلام عليكم بنات عفيه اذا بسوي صدور الدياي شلون اليه يذوب بالحلج انا حاولت افوحه وحاولت اقليه بزبده احسه يابس ويتعلج بالاكل عفيه شلون تطبخونه وتخلونه طري انا بسوي بتر جكن

 

[رنيم الروح]

نفس المشكله عندي ياليت البنات يفيدونا

 

[بـ سـ كـ وتـ ة]

عندي الحل السحري

عقب ما يفج منه الثلج نقعيه بماي فيه قفشة كبيرة بيكاربونات الصودا مو أقل من 10 دقايق

آنا ما كنت مستعيلة عليه حطيته من الليل وطبخته ثاني يوم صار عجيب مثل دياي المطاعم الصينية اشلون ترف

اللي يشوفه يقول فخذ مو صدر

وبالعافية ان شالله

 

[فركيته]

تبليه مدة طويله يعني ليله كامله وحطي معاه روب وخل

 

[لسعة شقاوة78]

ملح اجي موتو صيني بالجمعية يخليه يذوب

 

[جارة القمر]

مشكووووره بسكوته

 

[ام خدود ورديه]

مشكورين حبايبي ترى انا عليميه شلون يعني اتبله بروب ما اعرف اخليه يوم كامل بروب عفيه بالتفاصيل ماعليكم امر وبيركبونات الصوديووم اشلون احط معاه ماي؟

 

[بـ سـ كـ وتـ ة]

جارونة حياج الله حبيبتي

أم خدود وردية ... حبيبتي حطي صدور الدياي بس عقب ما تذوب في ماعون أو جدر وحطي فوقهم ماي يغطيهم

وضيفي حق الماي قفشة كبيرة بيكاربونات الصودا وخليه يطول في الماي كثر ما تقدرين بس مو أقل من 10 دقايق

وبعدين عادي طلعيهم قصصيهم وطبخيهم ... أصلا حتى وانتي تقصين راح تلاحظين الدياي صار ترف وسهل تقصينه

وعليكم بألف عافية ان شالله

 

[بـ سـ كـ وتـ ة]

وبالنسبة حق التتبيل بالروب حطي البهارات اللي تحبينها بالروب

آنا أحط قفشة صغيرة بهارات السفينة (القوطي الأخضر) + نص قفشة صغيرة كزبرة بودرة + نص قفشة صغيرة بابريكا + نص قفشة صغيرة ثوم بودرة

+نص قفشة صغيرة زنجبيل بودرة + نص قفشة صغيرة لومي أسود بودرة (تقدرين تستغنين عنه)

ومرات أبشر معاه فص ثوم وأعصر عليه ليمونة

تخلطينهم مع الروب وتقصصين قطع الدياي وتحطينها في الروب وتخلطينها عدل

تقدرين تحطينها من الليل لي ثاني يوم حزة الغدا في الثلاجة

أو من الصبح لي حزة العشا

كلما طول في التتبيلة صار أطرى وخذا طعم أكثر

 

[راح حبيبي]

السلام عليكم


ادري دشيت عرض بموضوعج بس حبيت اسأل نحطه بالثلاجة تحت عادي ولا لما يفج ونتبله نرده بالفريزر

انا بعد متوهقه بالطبخ

 

[بـ سـ كـ وتـ ة]

حبيبتي تخلينه في الثلاجة وتطبخينه نفس اليوم أو ثاني يوم

هههه الموضوع أتوقع يتسكر اليوم