صرخة الم وابي فزعتكم خواتي تكفووووووووووون

[!الجادل الصعب!]

ياقلبي هذا مافيه شي ينبغى ..!

يعني انا مقدره الي انتي فيه ماتبين احد يتشمت وتبين الستر .. صح ..

بس فكري عدل هذا مو مال ستر .. بكره يسوي بلاوي وسوري عـ الكلمه وانتي ماعندج سند يزفه ويعدله ..

استخيري قبل كل شي ..

والله يكتب لج الي فيه الخير ..

 

[Princess^Mom]

ديري بالج من صجج تبينه وتفكرين حتى اذا اتمين معاه ولا لأ خليه يولي وصدقيني ومن غير زعلى ان خذيتيه وتطلقتي بعدين بطلعون فيج 100 عذر وان انتي لو فيج خير جان ما تطلقتي مرتين .... نصيحه دامج لليحين ما رحتي عنده خليه يولي والله يكتبب لج اللي فيه الخير

 

[اميرة-الاحجار]

الموضوع مايبيله استخاره الاستخاره بالشغله اللي تكونين محتاره فيها ..
بذمتج الوحده ليش تتزوج ؟؟ مو عشان تحسن بالاستقرار والامان وتكون اسره وتحس بوجود ريال وياها تعتمد عليه ويساندها بحياتها
انتي اذا اتزوجتي هالريال شنو اللي بتحصلينه منه ..؟؟
بس الفراش ؟؟ غير هاذا انسي تطولين شي ثاني ..
بعد يمكن تطولين هالشي بالسنه حسنه لان عنده ........... مشبعته
انتي بتكونين ولا شي يمكن يسويج خدامه يمكن حتى مايهتم تكونين له خدامه ..
واحد سكير خمير راعي بنات وشقق ودعاره .. واشكره عيني عينج
وتسئلين اقعد معاه ؟؟
شحقه تقعدين معاه ..؟؟ مجبوره ..؟؟
والله لو يصير اسمي مطلقه 4 مرات ولا اقعد ويا واحد وصخ وقذر جذي
مسحور مشكلته ماهي مشكلتج خل يعالجون ولدهم بعدين يزوجونه
وتكفين اشلون بيتعالج اذا اهو ليلحين مستمر معاها وينومها بفراشج الله يلوع جبده ..
تطلقي منه هذا واحد حتى زباله شويه تنقال بحقه يكرم السامع

 

[الجود دهن العود]

حبيبتي دامج على البر انحاشي ولاتورطين نفسج مع واحد كله عيوب والله كريم وضحلج الامور عشان ماتتورطين وشنو يعني مطلقه ,, الارزاق بيد ربي وبس لو بيدين الناس كان محد اعرس ولا توفق ؟؟

توكلي على الله واطلبي الطلاق حتى ولدج بعد لايتعقد لأن هذا من اوله مشاااكل لاحول ولا قوة الا بالله

 

[رسيل طفلة الورد]

رد : صرخة الم وابي فزعتكم خواتي تكفووووووووووون

الله يعينك يارب ويعوضك انا من رايي انك بعد تأجلين الزواج وتحطين شروط عليه زي ماقالت الاخت تغييرن التلفون والشقه وغير كذه اذا حسيتي انك ودك تتزوجيه لازم تأجلي الزواج وقولي له اذا تبيني لازم نأجل لزواج وتترك الشرب وتتتغير واذا لا ماوافقك من رايي اتركيه لانه شارب الخمر ماوراه خيروبعد ذا زواج طول عمرك بتضلين معاه مو يوم ولا يومين.....

 

[شنوووفه]

رد : صرخة الم وابي فزعتكم خواتي تكفووووووووووون

الله يعييينج وعسى ان تكرهو شيئا وهو خيرا لكم كرامتي طبعا اولى والله يرزقج بلي احسن منه
موفقه

 

[Killer^Girl]

لو انا منج ماخذه واتطلق من الحين احسن لي
هذا خربان من كل صوب الحمدلله والشكر

 

[كرز حالي.]

رد : صرخة الم وابي فزعتكم خواتي تكفووووووووووون

حبيبتي هذا سكير وراعي خرابيط
وين الستر اللي تتكلمين عنه؟؟
الستر انه يقولج فصخي بمطعم؟؟؟
لا والله اقعد ببيت اهلي مستوره ولا هالستر الاقشر اللي منه

 

[Stylista_Q8]

امبيه من صجج للحين متمسكة فيه !!!!!!

ترآ بوطبيع مآ إيووز عن طبعه ! تلقينه الحين يهد المشروب والبنآت

تآلي لآ طآح الفآس بالرآس يرجعلهم :/

فـ مدآمكم للحين على بر هديييه والله يعوضج خير إن شآلله

 

[حزينه 22]

رد : صرخة الم وابي فزعتكم خواتي تكفووووووووووون

مشكورين خواتي والله يوفقكم كلكم فعلا والله كلامك ريحني وانا ان شاء الله قررت ابي
الطلاق والحمدلله على كل حال ومشكورين والله يبعد عنكم كل شر يارب والله انه كلامكم خلاني صج اتأثر والله بجيت مو زعل بجيت فرحه لاني حسيت انكم كلكم وقفتوا معاي الله يوفقكم ان شاء الله

 

[كارينا]

لاااااااااااااااااااااااااااااا تاخذينه 0 إلا إذا كنت غبية 0 اسمحيني على هذي الكلمة

 

[مارغريتا]

الله يهديج من صجج وتشاورين بعد

الناس من تسمع طاري هالسوالف تبعد وانتي تشوفينها بعينج وتسمعينها بأذونج وهم متردده !!!

اخذي قرارج وانتي مغمضه حبيبتي والله بيعوضج ان شالله

 

[د.شريفة]

رد : صرخة الم وابي فزعتكم خواتي تكفووووووووووون

ديري بالج تاخذينه دييري بالج
هذا ما ينعاش معاه ديري بالج
نصيحه من غريبه
كل هاللي فيه وهم محتاره لا والله
نفسي وبيتي وولدي وامي اعيش معاهم معززه مكرمه احسن لي من الف ريال

 

[أم فيصل 1990]

أنا أقول انحاشي و جنه العيد ولا ما فكرتي بأشيا مثل :

1- يجيبلج امراض جنسية ولا ايدز فاهمة شنو يعني ايدز

2- الشرطة تدخل علية البيت و تجرج و تجره ولا يتاجر ولا حتى يبيع حشيش بعد الخمار كل شي يسوي

3- باجر الناس بتقاطعج و محد بيحترمج هذا اذا ما حجوا بشرفج

4- باجر شقتج بتصير ماخور على بو انه مسحور و انتي على عينج بعد قبل الزواج و كانت تنام على فراشج شلون بعد الزواج

5- ما فكرتي بولدج اللي ممكن يتأثر بطبع ريلج ولا ابوه ياخذه منج ولا يخليه يشوفج لو عرف بشرب ريلج و خرابيطه ( تبين الصج ما راح ينلام )

أنا أقول انحاااااااااااااااااااااااااااشي هذا لا مسحور ولا شي هذا ريال تلفان خربان و اذا ثبتي اهله يبونج مطلقة عبالهم المطلقة ترضى بهالأشكال الوصخة و تسكت ما يدرون لها كرامه و عزة

انحاشي عشان خاطر ولدج لا باجر يحاسبج والله يوفقج يا رب

 

[هيبة ملك]

الله عليهم عشان مطلقة أقبل بولدهم الخايس

لا يبه ولاتنزلين نفسج لهم بطرة لاصار شئ قالوا أنت تدرين عنه

ألحين طلبي الطلاق سيدة أحسن دامج عالبر

لاتردين بعدين ومعج كوكش

وربي بيعوضج أحسن منه

كاهو أغلبنا مطلقات قبل وربي عوضنا خير

ياقلبي

الله يعينج ويعوضج بخير منه

 

[A7la KatkoOota]

رد : صرخة الم وابي فزعتكم خواتي تكفووووووووووون

كنت بكتب حجي اشطوله اشعرضه بس لماشفتج اتخذتي القرار الصح بقولج موفقه والله يرزقج باللي احسن منه يارب هذا ماتحسفين عليه حبيبتي

 

[أو عبوش]

كوني مطلقه لمره وحده بشرف ولا تكونين مطلقه للمره الثانيه بجرح لكرامتج..........

عالاقل انتي الحين تمارسين حياتج بحريه بدون حرقه اعصاب واهانات......

لاتقولين زوج؟؟ ورجال....... المره بالكويت ماتحتاج رجال بصراحه......
كل شي تقدر تسويه بروحها
الحمدالله الكويت مو مخليه على المرأه قاصر

انا اقول خل يولي شنو ترتجين من خمّـــار

باجر عيالج شنو بيصيرون؟؟؟ والله معقدين

اذا هذا اولها بالملجه بس .... ينعرف تاليها...... اصلا ماصبر على نفسه ماتحمل لين يصير العرس ويبين على حقيقته هذا دليل على انه مايقدر صج يستغني عن المشروب....


انا اقول افتكي منه وانحاشي
عالاقل تطلقتي قبل يدخل عليج................ خل يولي

 

[Cinderella]

albnat mashallah 3aleeihm kfaw o wafaw o ana 3agbny klam rubee wa al3obaa ana m3a raikom

o 7abebti inshallah allah yrzgch elly a7san mna m3a ena fi rayee ench trbeen wldch o thtmeen fi omch t79leen agr 3nd allah lana low tzwgty rylch mst7eel ra7 y7b wldch o 7aram hatha alwld shtnba adry 6l3t 3n almow9`oo3 bs hatha shy mhm lazm at76ela a3tbar