صعوبات اطفال الفصل وذويهم التي تواجهونها ؟؟

[غ ـروك وغيروك]

قووووه ابلات شلوونكم شخبااركم

ابي مسااعدتكم بلييييز

الدكتور طالب منا وااجب عن الصعوبات اللي ممكن تواجهها معلمة رياض الأطفال من اطفال الفصل و اولياء امورهم

يعني شنو اغلب الصعوبات اللي واجهتوها مع الأطفال وشلون حليتوها

او يعني في صعوبة او مشكلة صارت مع احد من أولياء الامور تخص ولده او بنته ... يعني اي شي جذي

بليييز اذا فهمتوو قصدي ساعودني وان شاء الله بميزان حسناتكم

ماعندي الا انتو اسألكم لاني ماعرف معلمات روضة الا هني

 

[غزيل الفله]

قووووه ابلات شلوونكم شخبااركم

ابي مسااعدتكم بلييييز

الدكتور طالب منا وااجب عن الصعوبات اللي ممكن تواجهها معلمة رياض الأطفال من اطفال الفصل و اولياء امورهم

يعني شنو اغلب الصعوبات اللي واجهتوها مع الأطفال وشلون حليتوها

او يعني في صعوبة او مشكلة صارت مع احد من أولياء الامور تخص ولده او بنته ... يعني اي شي جذي

بليييز اذا فهمتوو قصدي ساعودني وان شاء الله بميزان حسناتكم

ماعندي الا انتو اسألكم لاني ماعرف معلمات روضة الا هني

حياتى والله الغالبيه زينين بس يجونج اولياء امور ياربى دخيلك بيئه ماتدرين هالاخلاق من وين جايبينها يتعامل معاج جنج خدامه لابنه والله احيانا استحسف شهادتى الجامعيه بهالنوعيه من البشر احيانا لماتطق جبدى ارد واسكت اللى يقل ادبه واحيانا اخليه بالصف واطلع لانى امل من المرادد

 

[*أبلة*]

مره طال عمرج ولي أمر حاول يتحرش فيني بطريقة غير مباشرة ولما صديته بادب .. أهو اندقر طبعا .. فشنو سوّا ؟!! من باجر ومن الصبح دخل على الناظرة وراح الأخ يشتكي علي وحط أشياء مو فيني .. وياتني الناظرة تستفسر لانها تعرفني عدل وتعرف أخلاقي .. عاد انا ما كنت ناوية أفضحه بس بما انه طقني وبجى وسبقنى واشتكى .. عاد انا خريت الأولي والتالي ..
وطبعا الناظرة وقفته عند حده ..
والمواقف وايد
في عندي وحده من زميلاتي قالت لي ان في ولي امر طلب منها انها ما تكلم ولده ولا تامر عليه ولا تطلب منه اي شي وتخليه على راحته
وفي ولد كل يوم ينام بالصف ولما المعلمة قالت حق الام ردت الام عليها : شنسوي ما يرضى الا يسهر !​

 

[عهود الحب]

مشكلتي اولياء الامور الي عيونهم زايغة
حتى الحامل ماخلوها بحالها
كان عندي ولي امر يقولي كل هدة عسى موتعبانة
الظاهر يبيني اشكي له بعد عوار ظهري


ومن المشاكل الاطفال الدلووووووووووووووعييييييييييين حدهم
عندنا بنت ما نكلمها
السبب انها ابظاي قاعد
اي كلمة طلعت من الصف وخلتني اكل هوا


ولي امر يتبلى
ام مو مضبوطة

طفل دلوع وماصخ مليق


النتيجة
معلمة راسها مصدع ومافيها حيل تجابل صفها

 

[عهود الحب]

وعلى فكرة
في اولياء امور
الله سبحانه كملهم بالعقل والثقل
والاخلاق


الله يبارك لهم بعيالهم
ويهنيهم بانفسهم عسى ربي يتمم عليهم


وفي اولياء امور
مادري فاهمين الدنيا غلط
ولما تشوفينه نفسية
تقولين منو هذا لايكون ولد شيوخ بس
يطلع من محدثي النعمة ومصدق روحه انه ولد شيوخ
فلاتكلموني لا انا ولا ولدي
واي شي ركض للمنطقة يشتكي
ولا مجابل الناظرة كل يوم يتشكى


وفي امهات ماعندهم شغل
غير شاي الضحى بالروضة
كل يوم تفتر عالصفوف تدور السوالف والمشاكل



ايييييييييييييييييييييييييييييييييييييه ياحزم الظامي

 

[راقية باخلاقي]

شقول شحجى لاميمتى

اولياء الامور بدع افات اللهم يا كافي

ما نخلص من مشاكل وكيد العاملات بالروضه وفوقهم حطى اولياء الامور


وحدة ابله ما تحبك تطرش جارتها تشتكى عليك تبلى عادى عادى

شغله ثانيه

ولى امر يسلم عليج ويسال عن اهلج وجماعتج يدور السوالف وبيتمقل من شكلج تحقرينه يروح يشتكى عليج


طفله معاقبتها لمصيبه سوتها ما تدخليها الاركان ثانى يوم امها شكايه

تشترين هديه لطفل مميز ويستاهل المتانيح يشتكون عليج

واااااااااااااااااااااااااااااااااااااااااااااااااى الاهالى


يا حزم الضامى خلينى ساكته تكفين

 

[عهود الحب]

كل يوم يشتكون علي عشان الهدايا للمميزين
يبون الكل ياخذ
اكد عالحكومة انا
مادري الظاهر
والمشكلة مامنهم فود
عيالهم مهبل ويبون الهدايا والحلاو والجوائز لهم
مايبوني انتحر احسن
والله كارهة الدوام بسبة الشكاوي على اشياء تافهة تافهة
عيب والله صج لي قالوا اخر زمن
اهالي مو صاحين
خلووووووووووووني ساكته لا اصيح
بس

 

[غ ـروك وغيروك]

مشكوورين حبايبي والله ما تقصرون ويعطيكم العافية

بس أمبيه من صجكم فيه اولياء امور يتحرشون أمبيه موصج :nocommint:

ويييع نفتك من هالهيلق بالمجمعات والشوارع ايوونا لين شغلنا والله بلشة الله يعيينكم عليهم

وسالفة هاذي اللي نايمة بالصف يعني اذا البنت تسهر لا اتييبها وتبلشها فيكم دام ما تنومها مبجر خل تخليها بالبيت نايمة لا اتيي

والله الأهالي هالأيام صارو اردى من اليهال ومخربين عيالهم ويقولون عيالنا اذونا وما ندري شنسوي

وااي الله يعيينكم صج

والله خوفتوني انا توني ثاني سنه يعني اهون عن الرياض واغير ولا شلون واايد اشوف ابلات يشتكون الله يسهل بس

انزين بعد ابي مشااكل اكثر

يعني عن اليهال اكثر وشلون قدرتو تحلونهم ؟؟

ومشكورين واايد واااايد

 

[غ ـروك وغيروك]

بليز يا ابلات بعد ساعدوني ابي صعوبات ومشاكل اكثر

واذا قدرتو تحلون هالصعوبات والمشكلات قولو لي شلون

بليييز

للرفع

 

[راقية باخلاقي]

http://www.emanway.com/play_flash.php?cid=2&id=109

 

[رضاب]

بنات تخيلوا عندي ولية آمر ما تحبني

تدخل الصف بالانصراف تنادي بنتها بدون ماتسلم

استغفر الله والحمدلله على العقل

 

[عبق الورد]

عندي ولي امر صراحه قليل ادب مجنني انا ورفيجتي وانا مو من النوع اللي احب اكلم الاداره وحتى المدرسات ماقلت لهم السالفه
لان في بعض راح يسيء الظن فينا راح يقولون لنا انتم اللي معطينه وجه !
يقولنا صباح الخير .. قلت له نعم شتبي .. دخل داخل الصف جنه يدور شيء
جان يقولي ياحياتي ليش معصبه قلت نعم !!!!!!!!!!
وادخل المخزن واسكر الباب وربي انا جذبت نفسي قلت يمكن ماقال جذي والا رفيجتي اللي منخشه بالمخزن تقول عمى بعينه يقولج يا حياتي قلت سمعتيه وربي شوي وابجي شهالوقاحه !!!!!!!
بس باجتماع الناظره.. المدرسات قالوا مانبي اولياء الامور يدخلون داخل الصف ومن بعدها الحمدلله ماشفناه وربي مسبب لنا رعب

 

[رضاب]

عبق الورد

الله يعينج وزين ماسوت الناظرة

 

[عهود الحب]

هههههههههههههههههههههه
عبق الورد الله يعينج
احنا نعاني صج صج من سالفة انه الاولياء الامور يستلمون عيالهم من الفصل
انا لو بكيفي عندي طريقة تخلي الابلات كلهم محد يدش عليهم
مرة بالمطعم صدمني ولي امر داش علينا
ولك حتى بالمطعم ؟؟؟ والمشكلة انه خوش رجال محترم
بس الادارة نايمة بالعسل وولده قاله صفي بالمطعم ودش علينا شدراه عاد انه عيب يدش هالاماكن :/



انا كل هدة اكون اشتغل بصفي اقص الزق ومرات ابسط شغلي عالارض
واشتغل
لاحظت اولياء الامور يستغربون ليش االابلة قاعدة عالقاع وباسطة شغلها
احس يقولون هيلقية مو ابلة
عقبها تبت خلاص لازم احدد لي وقت يكون مثل الجرس نلبس العباية والنقاب وننطر الاهالي يشرفونا

 

[عهود الحب]

بالنسبة لولية الامر الي ماتسلم عليج رضاب
كان معاي زميلة خوش بنية اشتكت عليها ولية الامر لانه شكلها مغرورة
ولانها ماتعطي وجه
البنت ماعندها اسلوب وعلاقات عامة وتقط السلام
يالله ترد عرفتي نظام ثقيلة
فولية الامر معصبة عليها
شكو ماتسلم علي حضرتها
شايفة روحها الابلة
عادي تصير باحسن العوايل

 

[غ ـروك وغيروك]

يعطييكم العافية يا ابلات وما قصرتواا

والله أولياء الأمور مبدعين أكثر من اليهال

ولا هذاا اللي يقول يا حياتي ليش معصبة !!!! خير ابوي خير وين قاعد أمبيه الله فكم منه الحمد لله ولا جان كل يوم شفتو ناط عندكم

رضاب عاادي عاادي الظاهر انها منفسه ومالها خلق احد من جذي ما تسلم مو شرط ما تحبج وبعدين انتي شتبين بحبها لج اهم شي انها ما تأذيج والسلام لله

عهود الحب : منوورة الموضوع حبيبتي يعيطج العافية الظاهر بقلبج وايد على أولياء الأمور فضفضي فضفضي وطلعي كل خرابيطهم هههههه
وبعدين عاادي قعدي بالأرض شنو يعني عيشي جوو الروضة أحس ونااسه يعني مع اليهال وجذي

ومشكورين ويعطيكم العافية يا ابلات واللي عنده بعد بلاوي عن أولياء الأمور oster_av1: شاركونا وخلونا نضحك شوي :eh_s(8):

 

[عهود الحب]

هههههههههه غروك
انا 15 سنة تأبيدة وكل سنة يمر علي من 20 الى 30 طفل
فيمر علي اشكال والوان
اكيد قلبي مترووووووووووسة الله المستعان
وعسى ربي يهديهم ويكافينا شرهم