صغيره وكبرني الهم عشرين سنه

[فرااااولة]

الله يرزقكم حبيبتي
انزين دوري بالنت يمكن تلاقين علاج
روحوا عند كذا دكتور
حتى لو تسافرون برا او اطرشون حالتكم لاي مستشفى قوي برا الديرة
جربي العسل اللي يقولون عنه البنات، وايد عندنا محلات مشهورة بالعسل روحي سئلي اذا فيه حل حق ريلج
اسعي حبيبتي اسعي
ومع هذا كله تقربي من الله وكثري صدقات واقري القران وكرري الاية: فقلت استغفروا ربكم انه كان غفارا، يرسل السماء عليكم مدرارا ويمددكم بأموال وبنين و ويجعل لكم جنات ويجعل لكم أنهارا

وشوفي شيصير معاج
ويا رب تبشرينا بحملج حبيبتي

 

[*حور العين*]

صبري ياقلبي الصبر زين وربج يفرجها عليكم وصدقيني كلما صبرتي الله بعوضج ان شاء الله بدال الواحد عشر قوولي يااارب ويرزق كل محرومه

ادعي ربج واستغفري واقري القران والله يفرجها عليج ياااارب

 

[دمي كويتي 2]

مشكورات خواتي والله يعطيكم العافيه بسوي كل اللي قلتولي عليه والله يرزقنا وياااكم وان ماحصل في الدنيا فالدار الاخرة خير وابقى

 

[jaaanooo]

حبوبتي .. اول شئ الله يعينك .. كل مؤمن مبتلا ... الحمد لله على كل حاال

بعدين مافي شئ بعدين على امر الله .. والطب كل ماله يتقدم ... بعدين لا تاخذوون بكلام طبيب واحد ولا حتى اثنين روحوا وفرفروا ما تدروون سبحان شنو ربج يقدر ...

الله يخليكم حق بعض ويرزقكم الذرية الصالحة يارب العالمين

 

[jaaanooo]

شوفي حبوبتي هذا قريته بالنت وحبيتج تقرينه بعد

تشوه الحيوان المنوي يعني أن شكل الحيوان المنوي غير مناسب للقيام بتلقيح البويضة ، وبالتالي فإن زيادة تشوهات الحيوانات المنوية تقلل من فرصة حدوث الحمل ، ولكنه اذا حدث حمل مع وجود التشوه فإن ذلك لايسبب اية تشوهات للأجنة ويكون حمل طبيعيا..
بالنسبة لوجود الحيونات المنوية غير الطبيعية، فهذه أغلب أسبابها قابلة للعلاج، مثل التهابات ميكروبية يمكن عمل مزرعة وإعطاء المضادات الحيوية المناسبة لفترة كافية وإعادة التحليل بعد ثلاثة شهور على الأقل لبيان نتيجة العلاج
و عن تشوه الحيوانات المنوية فقد أجمعت منظمة الصحة العالمية ومنظمات الخصوبة والعقم أن نسبة التشوهات في الحيوانات المنوية لدى الرجال الطبيعيين قد تصل إلي 70% ولا يؤثر ذلك في مقدار خصوبة السائل المنوي


ماكو شئ بعيد عن امر الله ....

 

[Dana.Qtr]

لاتقنطين من رحمة الله , كن فيكون ماتدرين وين الخير فالتاخيير , ودامج تحبينه ويحبج ومقدرج تمسكي فيه قد ماتقدرين والحمدلله مافيه شي صعب على العلم حاولوا تعالجون برا ولو الله مارزقكم فهي خيره ماتدرين يمكن اييج ولد عاق لا سمح الله ويهلكج بدال مايسعدج بدنياج ,, والله يرزقج الذريه الصالحه ويرزق كل من بغى .. دعواج لي يالغاليه بالتوفيق ..

 

[Q8_QT]

الله يرزقج حبيبتي عليج بالصبر والإستغفار
خلج يم ريلج اوقفي يمه وشدي من ازره ولاتخلون الصدقات بنية الحمل وقيام الليل وربج كريم بيجبر بخاطرج ويرزقج الذرية

 

[شنوووفه]

الله يرزقج انشالله ماكو شي بعيد عن رب العالمين روحو جم دكتووور

 

[دمي كويتي 2]

الله يوفقكم دنيا واخره وصادقه اللي قالت ان الحب اهم شي ان شمصبرني غير انه يحبني ويقدرني عشان كذا احاول اني مابينله اني متضايقه من هالشي بالعكس ابين انه مايهمني يكون عندي يهال اولا والله وحده العالم وشلون ولهانه على شوفتهم ووشلون اتضايق لما اشوف كل اللي تزوجو معي وبعدي صارو امهات مو حسد والله مابي شي احسن منهم بس ابي ولد ولا بنت ينادوني ماما ويفرحون زوجي اللي بدت ملامح الحزن على ويهه ويصبرني على مرة اخوه اللي قاعده تنغزني بالطالعه والنازله وكان ماولد بالدنيا الا هي بس انا احاول اكون قويه ومابين لاحد حتى زوجي وحجزتله تذاكر حق ماليزيا كود نغير جو ونطلع من الكابه الي عايشينها بعد هالسالفه بس انا عندي سؤال سمعت ان التشووهات عين وانا زوجي وسيم وانا شوي حلوه وكثير اسمع من البنات يقولون اننا لايقين حق بعض حتى ان صديقة بنت عمي يوم زواجنا قالت هاذيلا وشلون بيطلعون عيالهم فمادري يمكن الرقيه الشرعيه تساعدني ولا مالها شغل عالعموم كويتيات والله هالسر بحياتي مايدريبه الاانتو لامي ولاامه ولاخواتي ولا احد انا واله اعتبركم زي خواتي ومشكورين واسفه طولت عليكم

 

[jaaanooo]

ما اعتقد انها عين حبوبتي .. بس عموما الرقية الشرعية ما تضر بالعكس تريه النفس سبحانه وتحصنها .. سويها

 

[الزيـــــ^^ـــــن]

تعوذي من الشيطان

الطب تطور

ومافي شي بعيد عن رب العالمين

 

[غلا عيوني]

الله يرزقج ان شالله

 

[بولندية]

بالعكس لاتطلقين تمسكي بريلج و بإيمانج يقدرة ربج وان شاءالله ربي بيرزقج اهم شي الصلاة و الدعاء و الصدقات و الاستغفااار
حتى ريلج خليه يسوي جذي

اعرف وحدة عندها 2 و عقبها تمت 12 سنة تتمنى الضنى الثالث الدكتووور بألمانيا كانت رايحة علاج قالها اذا بست كوعي ذيج الساعة بتحملين شووووووووفي التشبه لأي حد انها من ساااااابع المستحيلات تحمل و خلت كلامه يولي و توكلت على رب العالمين وكاهي ماشاءالله عندها بنوتة يعني الضنى الثالث =)

 

[wujud]

حبيبتي كل شي على الله مو بعيد
ذكري ربج وستغفري انتي وزوجج وايد خلو ذكر الله دايمن على السانكم
وقري سوره البقر انتي وزوجج لمده اربيعين يوم واربعين جمعه
بنيه الحمل بذريه صالحه وان شاء الله تبشرينا بحملج ياقلبي

 

[بغمزة اطيح خمسة]

الاستغفاار ثم الاستغفار شكثر ناس قالو لهم مالكم امل اتييبون عيال ويابو

لا تياسون استغفرو وسوو اللي عليكم اسعوا واسعوا عسل وخلطات سويله وخل يسوي حجامه وراجعو دكتور


لا تياسين واددددعي واذا قدرتو روحو العمره وادعي وعسى الله يشافيه واتصيرين قطوه كل سنه بيبي p:

وانا معاها روحي دكتور ثاني يمكن يلقون لو خمس حيوانات منوية يجمدونها ويسوولج انابيب عادي واذا انتي تقولين صغيرة شوفيني انا اول مره سويت انابيب كان عمري 18 شرايج ووالحين عمري 22 وسويتها 3 مرات وابي اعيدها الشهر الجاي ان شاء الله وبعدين اقري انتي وياه سورة البقرة ما تدرين يمكن نفس او سحر واصلا سورة البقرة كلها بركة واستغفروا لانه يجلب الرزق والله يوفقج


واولا واخيرا استخيري تقعدين عنده او تطلقين

 

[دمي كويتي 2]

مشكورين حبايبي والله يحقق لكل وحده اللي ببالها وبالنسبه للطلاق انا ماقدر اتطلق لاني بتحسف طول عمري اذا تطلقت ماراح القى احد يحبني كثره ولاابي اصير انا والزمن عليه اللي فيه يكفيه مع اني متاكده لو اهوا بمكاني كان على طول تزوج من كثر مايحب اليهال مادري احس انه ممكن يسويها لو العيب فيني رياييل بعد مايرحمون بس احنا الله عطانا قلب وفي مايطاوعني اخليه وهو كل خوفه اللحين احد يدري ان العيب فيه مادري ليه مايبي احد يدري

 

[hend6363]

اويلييي صدمني الرد الاول شلوون تخلي زوجها ا ربي ما اقدر
تطلق عشان اطفل حرام عليكي مسكين زوجك اختي ربي موجوود حاولو و جاااولو و ادعوووو
و لا تستسلمو و اذا ولا جدوي في شي اسمه تربوون طفل بيبييي

في اكل صحي في اطفال انابيب في تلقييح وايد ششي
خليكي معاااه ولا تبيين له انك زعلانة و ترا 22 انتي وااااااايد صغيرة والله العظييم

 

[دمثة]

حبيبتي

اتجهي لرب العالمين واستخيريه وحدة واهو بسيرج الى طريق الصح

 

[دمي كويتي 2]

مشكورين خواتي عالردود

 

[@محروسه@]

لله يرزقج يارب العالمين