[ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

[m!ss nunu]

كبرت الخط للي يلبسون نظارات

 

[ريمـآ]

keep it up and write more parts:eh_s(20):

يعطيج العافيه سسترتي :eh_s(20):

 

[m!ss nunu]

keep it up and write more parts:eh_s(20):

يعطيج العافيه سسترتي :eh_s(20):

الله يعافيج ريّوووم :friends:

 

[m!ss nunu]

البارت التاسع




خالد: السلام عليكم

ربى: وعليكم السلام

خالد: ربى؟؟؟؟


ربى: اي نعم



خالد: عرفتيني؟



ربى: (سوت روحها ماعرفته) لا .. من معاي؟



خالد: معاج خالد .. الي دعمتكم من فترة



ربى: اي اي ياهلا اخوي



خالد: هلا فيج .. مشغولة ؟



ربى: لا والله .. آمر؟



خالد: ( منحرج) بغيت اتكلم معاج بموضوع شخصي شوي



ربى: (الله يستر) اي تفضل .. اسمعك



خالد: ربى .. انا ابي منج تساعديني .. انا من شفت اختج بيوم الحادث وانا مادري شصار لي .. مو قادر أركز بأي شي .. ولما كلمتها ذاك اليوم بالكراج ورفضتني حاولت انساها واشيلها من بالي لكن ماقدرت .. ربى الله يعلم بنيتي انا مابي ألعب على اختج .. انا ابيها حق زواج .. انا كل الي ابيه اني اكلمها فترة حتى لو كانت قصيرة بس ع الاقل أعرفها وتعرفني .. حتى لو ماتبي نتكلم انا مستعد اتقدم لها بس اهي قالتها بالفم المليان انها ماتفكر بالزواج الحين





ربى: والله مادري شقولك ياخالد .. انا بعد مامشينا ذاك اليوم من الكراج كلمتها بس اهي رافضة وشايلة فكرة الزواج من راسها حاليا



خالد: عشان جذي ابيج تساعديني .. ردي كلميها تكفين يمكن تغير رايها .. انا ترددت وايد قبل لا ادق عليج .. بس ماتتصورين شكثر تعبت نفسيتي الفترة الي طافت وانا احاول اشيلها من بالي .. ومادقيت عليج الا لما حسيت اني فشلت في هالشي





ربى: (كسر خاطرها خالد وحسته صاج) خلاص خالد .. اوعدك ان شاء الله اكلمها وارد لك خبر



خالد: (ارتاح شوي) مشكورة ربى .. مشكوووورة واااااااايد



ربى: ولو .. ماسويت شي للحين .. والعفوو..



خالد: ناطر منج اتصال .. مع السلامة



ربى: على خير ان شاء الله .. مع السلامة



وسكروو





ربى متوهقة شلون تكلم اختها بالموضوع وهي عارفة انها رافضة هالشي .. وخصوصا انها ما ابدت اي اعجاب ناحية خالد يعني ما ألتفت له من الأساس.. بس الشي الوحيد الي تقدر تسويه انها تحاول معاها





.. ربى اتطق باب الدار على رؤى


رؤى: دخلي ربى



.. دخلت ربى وسكرت الباب وراها



ربى: ها شقاعدة تسوين؟



رؤى: ولاشي .. قاعدة



ربى: زين رؤوي ابي اكلمج بموضوع



رؤى: خير ان شاء الله؟



ربى: رؤى خالد دق علي



رؤى: خالد؟؟؟ منو خالد؟



ربى: وي رؤوي .. خالد الي دعمنا من جم اسبوع



رؤى: اي اي .. (وفجأة استوعبت) وهذا شكو داق عليج؟



ربى: ربى الريال شاريج .. يقول مو قادر اشيلها من بالي



رؤى: ماااااااااااابي .. مو غصب يارؤى .. وانا قلت له اني مابي شكو يرد يدق



ربى: رؤى انتي ماسمعتيه وهو يتكلم حده كسر خاطري .. قال حتى لو ماتبين تكلمينه فترة هو مستعد يتقدم لج



رؤى: مابي .. وانتهى الموضوع



ربى: رؤى فكري عدل



رؤى: وفكرت وقلت لج مابي



ربى: براحتج .. ع العموم ما راح ارد له خبر الحين .. يمكن تغيرين رايج



رؤى: يصير خير





طلعت ربى من عند اختها وخلتها بدايرة من التفكير والحيرة .. اهي فعلا رافضة الموضوع لكن إلحاح خالد على الموضوع شدها .. حلو الاحساس والشعور بأن في شخص يبيك وشاريك .. بس هم اهي ماتبي تتزوج الحين .. تضارب الأفكار بمخها بدى يوترها





رؤى: ياربي مادري شسوي .. اووووف




اليوم الثاني .. وبالتحديد في المدرسة ، وبوقت البريك



.. ريما تكلم رفيجتها الي بالصف



ريما: عايشة يصير استخدم موبايلج شوي؟



عايشة: اي حبيبتي يصير .. بس منو بتكلمين؟



.. ريما سكتت



عايشة: (ابتسمت لها) بتكلمين حبيبج؟



ريما: ( وهي متفشلة) اي



عايشة: هاج حبيبتي



ومدت لها الموبايل .. وريما خذته



ريما: مابطول دقايق بس



عايشة: اخذي راحتج حبيبتي




.. راحت ريما وقعدت بزاوية وكان محد بالصف غير رفيجاتها وعايشة وتوها بتدق



لمياء: ريمااااااااااااااااااااا .. شقاعدة تسويييييييين ؟؟؟؟؟؟؟؟؟؟؟



ريما: (ارتبكت) لموي قصري حسج .. والي يرحم والديج خليني .. بدق عليه بعرف الي صار



.. لمياء راحت يم ريما وكلمتها بصوت واطي وبعصبية



لمياء: انتي ينيتي؟؟؟؟؟؟؟؟ يعني اذا الله رحمج واخوج ماسوى فيج شي تبين هالمرة تتبهذلين؟



ريما: الله يخليج لموي خليني ادق .. ماراح ارتاح اذا ماعرفت شصار



لمياء: واذا عرفتي شبتستفيدين



ريما: ع الاقل ارتاح



لمياء: زين بسرعة دقي قبل لحد يدخل الصف



.. ريما دقت على فيصل وبعد جم رنة رد عليها



فيصل: ( بنبرة استغراب لأن الرقم غريب) ألووو



ريما: ألووو فيصل



فيصل: (بصوت متوهق) هلا هلا ريما .. شلونج؟



ريما: فيصل شصار مع اخوي؟



فيصل: لا تخافين ماصار شي



ريما: شلون ماصار شي .. فيصل قول لي شالي صار بالظبط



فيصل: ريما قلت لج ماصار شي لا تحاتين كل شي تمام .. اهم شي ما طقاج؟



ريما: مو مهم



فيصل: شلون مو مهم .. انا ليلتها ماقدرت انام كنت احاتيج



.. لمياء تاشر لريما بمعنى بسرعة سكري



ريما: فيصل انا مضطرة اسكر .. باي



.. وسكرت ريما بدون ماتنطر رده



.. ريما واهي تعطي عايشة التلفون



ريما: مشكورة عوّوش



عايشة: ولو حبيبتي حاضرين




ريما راحت قعدت عند ربعها ..



البنات : هاا شصار



ريما: يقول ماقدر ينام ليلتها كان يحاتيني



لمياء: عمـــــى بعينه الجذاب



رؤى: وانتي ليش داقة عليه من الاساس



ريما: آآهـ ياقلبي .. من قرادتي



رؤى: انتي جريئة ترى .. ماتخافين يروح يقول لأخوج انج دقيتي عليه .. تستبعدين هالشي؟



ريما: لا ماظنتي يقول له



رؤى: اووووف منج .. كثرة الظن الحسن هو الي وصلج لهالمواصيل



ريما: الله كريم




..بعد مارجعو البنات من المدرسة



وبدار ريما بالتحديد ..



ريما منسدحة على فراشها تفكر بكل الي صار لها .. ونزلت دمعة قهر على خدها .. شكثر ندمانة على سنين عمرها الي ضاعت مع عمر ، وشكثر ندمانة انها رضت تجازف بقلبها مرة ثانية وكلمت فيصل .. وشكثر قلبها معورها ان الزمن مو ممكن يرجع لورى عشان تمحي من حياتها كل الشوائب الي لوثت قلبها ومشاعرها ..



.. وفجأة دخل نايف على ريما الدار والشرار يتطاير من عينه



.. ريما فزت من مكانها وعدلت قعدتها .. واهي ترجف



نايف: علمييييييييني شسوي فيج؟



ريما: ليش؟ انا شسويت؟



نايف: لييييييييييش داقة على فييييييييصل



ريما (انصدمت .. الله لا يسامحك يافيصل) .. ريما ساكتة وعلى طول بجت



نايف: (يصارخ) ردي علــــــــــي



ريما للحين ساكتة ..



نايف: ريما هذا آخر انذار لج .. ترى راح تشوفين شي بحياتج ماشفتيه فااااااااااهمة .. وطلــــــــــــــعة من هالبيت ماااااااااكو لووووو تموتين فاااااااااااهمة؟؟؟؟؟؟؟





.. ريما ماترد



نايف: ردي علي .. فاااااااااااااهمة؟؟؟؟؟؟؟



ريما: (بصوت يرجف) فاهمة





.. طلع نايف من دار ريما ورقع الباب بقوة



ريما: كلــــــه منييييييييي .. انا الي يبت المصايب لروحي .. انا الي خربت حياتي .. اناااا استاااااااااااهل كل الي يصيدني





ريما انهارت بالبجي .. ماتصورت ان بتوصل الدنائة في فيصل لهالدرجة .. كرررررررهته من كل قلبها وكرهت الساعة الي عرفته فيها





في مكان ثاني ..


رؤى فكرت عدل وشافت ان من الممكن انها تعطي خالد فرصة .. ماتدري ليش مرة وحدة ارتاحت للموضوع وتقبلته .. بس دعت ربها ان خالد يكون شخص زين ويعوضها عن الي شافته مع فهد الي ماكان يستاهل انها تضيع سنين من عمرها في حبه





.. رؤى تطق باب الدار على ربى



ربى: دشي رؤوي





.. دخلت رؤى وسكرت الباب من وراها .. كانت مو عارفة شلون تقول لأختها عن قرارها ، خاصة انها كانت رافضة الفكرة نهائيا .. بس ربى وفرت عليها هالمهمة



ربى: موافقة صح؟





.. رؤى هزت راسها بالموافقة



ربى ابتسمت) الله يكتب لكم الي فيه الخير ان شاء الله .. خلاص انا اقول له انج موافقة واخليه اهو الي يدق عليج



رؤى: اوووكي



ربى: رؤى ماتبينه يتقدم لج وبعدين تتعرفين عليه؟



رؤى: لالا ابي اول اكلمه اول .. والزواج لاحقين عليه



ربى: على خير .. الحين اقول له







.. خذت ربى تلفونها ودقت على خالد .. وخالد شاله من ثاني رنة كأن كان ينطر هالمكالمة



خالد: (بلهفة) ألووووو



ربى: مساء الخير خالد



خالد: هلا هلا ربى .. مساء النور



ربى: شلونك؟



خالد: الحمد لله بخير .. انتي شلونج؟



ربى: الحمد لله تمام .. بس بصير احسن لو عطيتني البشارة



خالد: ( بغى يوقف قلبه) واااااااااافقت؟؟؟؟؟؟؟؟



ربى: هههههههههههه اي وافقت



خالد: ( مو مصدق من الوناسة) حلفي ربى



ربى: والله وافقت



خالد: لج الي تبينه .. اطلبي وتمني



ربى: هههههههه مابي شي مشكور .. بس حط اختي بعيونك



خالد: اوعدج اني احطها بعيوني واسكر عليها



ربى: الله يوفقكم ان شاء الله.. بدز لك رقمها بمسج اووكي؟



خالد: اووكي .. مشكوووورة ربى .. صج ماقصرتي



ربى: العفووو .. ولو



سكرت ربى من عند خالد .. ودزت له رقم رؤى بمسج



كل هذا كان جدام رؤى الي كانت مستحية وساكتة





ربى: خلاص نطري منه اتصال بأي وقت هذا اذا مادق الحين



رؤى: هههههههههه اووكي







خمس دقايق ورن موبايل رؤى



رؤى: هههههههههههههه رقم غريب اكيد اهو



ربى: يلا روحي دارج كلميه وفكوووووووني وخلوني انام



رؤى: انزين مع هالويه





.. راحت رؤى دارها بسرعة وردت على خالد



رؤى: ألووو



خالد: مساء الخير رؤى



رؤى: هلا خالد مساء النور



خالد: شلونج؟ عساج طيبة



رؤى: الحمد لله بخير



خالد: يعله دووم ان شاء الله



.. رؤى استحت واسكتت



خالد: رؤى .. انتي كلمتيني وانتي مقتنعة؟



رؤى: اكيد خالد .. انا ماسوي شي بدون اقتناع..



خالد: الحمد لله عيل



رؤى: بس احب اقولك قبل اي شي ان لي شروط عشان اكلمك



خالد: ( الله يستر ) تفضلي







تتوقعون شنو كانت شروط رؤى؟





ناطرة ردودكم ياحلوات :*​

 

[سارووونه22]

مشكوووووووووووووووورة على بارت اتوقع انها بتقول له انساه اطلع معاك لوشنو يصير يالله ناطرينج

 

[m!ss nunu]

مشكوووووووووووووووورة على بارت اتوقع انها بتقول له انساه اطلع معاك لوشنو يصير يالله ناطرينج

العفو حبوبة :33_1185028183:
امممممم احتمال الي قلتيه صحيح

 

[m!ss nunu]

وي شفيه البارت نزل بروحه مرة ثانية :s المنتدى شكله حده مخرف


بنات انا وايد اعاني عشان تنفتح معاي صفحة المنتدى سوري اذا تأخرت عليكم في تنزيل البارتات وان شاء الله المنتدى تنحل ازمته ونرتاح من الـ error

 

[ام جوري89]

يعطيج آلعآفيه حبي :**

آممم آلبآرت حلوو و آتوقع شروطهآ مآ تتزوج آلحين + مآ تطلع معآه

 

[m!ss nunu]

يعطيج آلعآفيه حبي :**

آممم آلبآرت حلوو و آتوقع شروطهآ مآ تتزوج آلحين + مآ تطلع معآه

الله يعافيج ام جوري :33_1185028183:
وربما << ركزي على ربماااا .. ربما تكون توقعاتج صحيحة

 

[ام بشبش]

البارت حلوووو

اتوقع ماتبي تطلع معاه وتنطر من اتكمل دراستها يخطبها اذا صار نصيب ان شاءالله

ويسلموووو على البارت

 

[m!ss nunu]

البارت حلوووو

اتوقع ماتبي تطلع معاه وتنطر من اتكمل دراستها يخطبها اذا صار نصيب ان شاءالله

ويسلموووو على البارت

الله يسلمج حبيبتي :33_1185028183:

وتوقعاتج منطقية

 

[so_what]

يسلمووو على البارت ناطرينج

 

[rayona]

ambeh faisaaaL sh599 natheeeeL Maskena hal rema kela e6e7 3La nas mu shai bs enshallah ma et3edha mra thanya oo etkaleem .. oo 5aLed 7ram 9ij '9Lmta neeyeta mu shiiiinaaaaaa oo thnx b3ad galbi 3la el paartttaat .. Na6rinich ..

 

[بيـــشو17]

مشكوره حبيبتي البارت عجججيب:balo::wqedqw:

 

[m!ss nunu]

يسلمووو على البارت ناطرينج

الله يسلمج حبيبتي

 

[m!ss nunu]

ambeh faisaaaL sh599 natheeeeL Maskena hal rema kela e6e7 3La nas mu shai bs enshallah ma et3edha mra thanya oo etkaleem .. oo 5aLed 7ram 9ij '9Lmta neeyeta mu shiiiinaaaaaa oo thnx b3ad galbi 3la el paartttaat .. Na6rinich ..

اي ياحليله خالد نيته كلش مو شينة

والعفو حبيبتي

 

[m!ss nunu]

مشكوره حبيبتي البارت عجججيب:balo::wqedqw:

:eh_s(7): العفوووو حبوبة

 

[m!ss nunu]

سوري بنات لأني تأخرت في تنزيل البارت بس المنتدى الايام الي طافت كان مايفتح واذا فتح وييت احط رد يطلع لي ايرور


البارت جاهز بس بعدله.. شوي ويكون موجود ان شاء الله

 

[so_what]

ناطرينج حبيبتي

 

[m!ss nunu]

البارت العاشر



رؤى: بس احب اقولك قبل اي شي ان لي شروط عشان اكلمك



خالد: ( الله يستر ) تفضلي



رؤى: طلعة معاك انســــــــى



خالد: تم



رؤى: أكلمك متى انا أقدر .. يعني مابيك تدق علي



خالد: تم



رؤى: زواج حاليا مابي .. لا تفتح معاي هالموضوع نهائياً



خالد: تم



رؤى: بس هذي شروطي .. ماعندك أي أعتراض؟



خالد: لا ،، الي تآمرين عليه وتطلبينه يصير ان شاء الله





!رؤى استغربت .. مارفض ولا شرط ولاحتى تناقش معاها في شروطها .. لهالدرجة شاريها؟



رؤى: انت ماعندك شروط؟ ولا شي تبي تقوله؟



خالد: لا يارؤى .. انا يكفيني اني قاعد اكلمج وبرضاج مابي أكثر من جذي





.. رؤى استحت .. جذبها اسلوب خالد وأدبه ورقته





.. وتمو يسولفون لوقت متأخر .. تكلمو في هالساعات عن كل شي يخص حياتهم .. حتى عن تجاربهم السابقة .. حبو يبتدون صفحة بيضة بدون غش وبدون اشياء مخفية





رؤى: امبييه الوقت تأخر .. خالد انا لازم انام وراي مدرسة



خالد: اي والله انا بعد وراي دوام .. سوري رؤى اخرتج لهالوقت



رؤى: لا عادي .. تكفيني هالجم ساعة الي بنامهم .. انا مو من النوع الي ينام وايد



خالد: خلاص عيل .. يلا نامي وتغطي زين



رؤى: وانت بعد



خالد: ان شاء الله ،، تصبحين على ألف خير



رؤى: وانت من اهل الخير



وسكرووو





رؤى ارتاحت وايد لخالد .. وخالد طبعا مايحتاج نوصف شعوره .. كان طاير من الوناسة .. من أول ماشافها وهي ماخذة كل تفكيره .. حبها .. هو مستغرب من روحه .. شلون يحب انسانة بهالسرعة .. بس كل الي يعرفه انه لازم يكتم هالشي فترة لأن مستحيل أي شخص ومستحيل أي بنت تصدق ان في حب بهالسرعة .. ولو اعترف لها الحين بهالشي يمكن تحسه يلعب عليها وراح تنفر منه لكنه بيحاول قد مايقدر يكسبها ويكسب قلبها





.. بعد يومين


.. ريما قاعدة تذاكر لإمتحانات الفاينل الي على الأبواب وقطع تركيزها صوت اخوها يطق باب دارها



ريما: تفضل



نايف: شلونج ريمو؟



ريما: الحمد لله ماشي الحال



نايف: ها قاعدة تذاكرين؟



ريما: اي والله الإمتحانات جريبة





.. نايف مد يده لريما يعطيها موبايلها



نايف: هذا رقم يديد



ريما: مشكور



نايف: ريما ما أوصيج .. انا بعطيج فرصة ثانية .. أثبتي لي انج قد الثقة



ريما: (ابتسمت) ان شاء الله لا تحاتي



نايف: يالله اخليج تكملين مذاكرة



.. وطلع نايف من دار ريما





ريما قاعدة تتأمل تلفونها وابتسمت ابتسامة سخرية على نفسها .. من ورى هالتلفون خسرت وايد اشياء .. خسرت عمرها الي ضيعته في تفاهات وخسرت ثقة اهلها .. والأهم من كل هذا خسرت قلبها الي راح ضحية طيش واختيارات خاطئة

خذت ريما نفس عميق .. وحطت موبايلها على جنب وحاولت تركز بدراستها .. هذا كل الي عندها الحين واهم ماعندها



.. مر اسبوعين على هالأحداث وابتدت امتحانات الفاينل



.. بالمدرسة ، وتحديداً قبل الامتحان





لمياء: بنات كملتو مذاكرة؟



رؤى: انا كملت



لمياء: عسى حافظة عاد؟



رؤى: ههههههههههه طبعا لا .. قريت الكتاب وانا منسدحة ع السرير



عليا: رؤوي يعلّـــــــــــــــج السعادة .. وشلون ان شاء الله بتحلين وانتي مو حافظة



رؤى: يعني انا متى حفظت اصلا .. انتو تدرون مخي مايستوعب الحفظ ، ليش اتعب نفسي وأعور راسي وآخرتها مابتذكر الي حفظته.. وهالمادة أقدر أكتب فيها من فهمي مو لازم نصاً من الكتاب



روان: انا بعد ماقدر احفظ .. ماكو الا علوي ولموي هوايتهم الحفظ



لمياء: بس مصيبة علوي دايم درجاتها اعلى مني



عليا: قـُـــــــــل أعوذ برب الفلق .. اذكري الله اذكري الله بســـــــــــــــــــــــــــــــــــرعة



لمياء: ألف من ذكره .. هههههههههههههههه فديتج علوي اتحرش فيج



عليا: لا تتحشرين فيني جذي اخاف بالغلط تحسديني



لمياء: أكو حسد بالغلط ياحظي؟



عليا: اي اكو .. بس يلا خليني اراجع حدي خايفة



ريما: اي عن البربرة (الهذرة) الزايدة .. مووووووووو وقتكم ترى حدنا خايفين





.. لمياء تنغز رؤى في خصرها وتهمس لها



لمياء: شخبار خالد؟



رؤى: (تبستم الابتسامة الي كلها أسنان) الحمد لله زين واحسن منج



لمياء: ههههههههههه صج خايسة .. انزين شلون شعورج؟



رؤى: اممم عادي .. بس ارتحت له .. وايد حبوب ومحترم



لمياء: وهو ماصارحج بشي؟



رؤى: وي لموي تو الناس



لمياء: الا شكله ميت عليج بس مايبي يقولج لأنه فعلا تو الناس



رؤى: اقول راجعي راجعي .. صج ملقوفة



لمياء: انزييييييييييين







.. بعد الإمتحان



عليا: هاااااااا بنات بشرو؟



لمياء: الحمد لله كان معقووول .. مو وايد صعب



رؤى: امممممم بصراحة كل الي كتبته من مخي مادري صح والا غلط . بس ان شاء الله صح



ريما: انا زفّت شوي .. مو لذاك الزود



روان: وانا بعد مو لذاك الزود .. بس يالله الحمد لله



لمياء: خذتو موبايلاتكم من عند الأبلة ؟ ( بالإمتحانات مسموح للطالبات ايـيـبون موبايلاتهم ويخلونهم عند الأبلة ويستلمونهم بعد الإمتحان) يلا عشان نمشي



البنات: اي خذناهم





.. رؤى افتحت تلفونها وشافت مسج من خالد وابتسمت



لمياء: هاااااااا رؤوي شعندج تتبوسمين ؟



رؤى: خالد ياحليله داز لي مسج يقول طمنيني شسويتي بالامتحان بعد ماتخلصين ( خالد مايدق على رؤى على حسب شرطها أول ماكلمته .. اهي الي تدق عليه متى مافضت وقدرت .. بس كانت راضية انه يدز لها مسجات اذا يبي شي او يبي يقول لها شي) تصدقين لموي أحب اهتمامه .. احسه حنون حيييييييييييل



لمياء: الله يتمم عليكم ان شاء الله.. تستاهلين رؤوي الي يحبج ويقدرج



رؤى: ادري



لمياء: جبي زين




.. بعد مارجعو البنات لبيوتهم بعد الإمتحان


.. رؤى بدارها تكلم خالد





خالد: مارديتي على مسجي رؤوي .. سويتي زين بالإمتحان؟



رؤى: يعني .. ان شاء الله زين



خالد: يالله شدي حيلج هذي آخر سنة.. ابي معدل يرفع الراس



رؤى: ان شاء الله .. انت بعد ادعيلي



خالد: والله اني ادعيلج .. جم رؤى عندي انا





.. رؤى استحت وسكتت



خالد: دقيقة رؤوي انا الحين بدخل البيت واكيد امي بالصالة .. دقيقة لا تسكرين خلج ع الخط



.. دخل خالد البيت .. وكانت امه موجودة



خالد: اوووه اووه الغالية هني



خلود (ام خالد) : هلا حبيبي .. اي هني وين بروح هالحزة





.. خالد يبوس راس امه



خلود: تحب الكعبة يمه .. يلا روح بدل وصل .. شوي وبنحط الغدى



خالد: ان شاء الله .. شمسوين لنا اليوم



خلود : مجبوس دياي



خالد: أيبـــآآآآهـ .. دقايق وانززززززل



خلود : ههههههههههه يوعان؟



خالد: ميت من اليوع



خلود : بسم الله عليك .. يلا دقايق والسفرة تكون جاهزة



خالد: اوكي



.. تو بيصعد خالد غرفته



خلود : يمه خالد قبل لا انسى .. اليوم ابي اروح السوق وعقبها الخياط .. وبالليل عندي استقبال .. تقدر توديني اقضي مشاويري؟ الا مشغول؟



خالد: افا عليج يمه .. شلون ما اقدر ؟؟؟ حتى لو مشغول افضى لج .. ليش انا عندي اغلى منج؟؟؟



خلود: يعل عيني ماتبجيك يابعد قلبي انت .. الله يخليك لنا ان شاء الله



خالد: ويخليج لنا يالغالية



.. وصعد خالد دارهـ





رؤى كانت طول الوقت تسمع حديث خالد وامه .. كل يوم اعجابها بهالشخص يزيد عن اليوم الي قبله .. كل يوم تكتشف فيه اشياء تخليه يدخل قلبها أكثر وأكثر



خالد: سوري رؤوي نطرتج هالخط طول هالمدة



.. رؤى ساكتة وسرحانة



خالد: ألووو؟؟ رؤى؟؟



رؤى: (استوعبت) هلا هلا خالد



خالد: وين رحتي؟



رؤى: معاك معاك



خالد: لا معاي ولاشي .. بشنو سرحتي؟



رؤى: فيك



خالد: بشنو فيني؟



رؤى: انت وايد طيب



خالد: (ضحك) من قالج اني طيب؟



رؤى: كل شي يقول لي انك طيب .. وقلبي بعد يقول لي هالشي



خالد: ( ابتسم) وقلبج شيقولج بعد؟





رؤى: (انحرجت) خالد انا بصكه الحين بروح اتغدى



خالد: (عرف انه احرجها) اووكي حبيبتي .. بالعافية



رؤى: (فز قلبها من كلمة حبيبتي .. وتوهقت) الله يعافيك مع السلامة



وعلى طول سكرت





.. خالد على طول ضحك .. اكتشف هالفترة الي كلم فيها رؤى ان شخصيتها قوية وقيادية لكن مع ذلك حباها .. لكن اليوم أول مرة يلمس فيها شعور الخجل والتوتر



خالد : (يتنهد) فديــــــــتها ياناس




.. في بيت جد روان


.. كانت روان قاعدة بغرفتها الي خصصوها لها خالاتها . كانت سرحانة .. اتفكر في حياتها .. في ابوها .. في مرت ابوها .. في راشد .. شكثر تحس انها صبرت .. كل يوم تدعي الله انه يصبرها مثل ماقدرت انها تصبر طول حياتها وتواجه كل المواقف الصعبة الي تهد الحيل .. ماتبي تضعف .. ولا تبي تهزمها الظروف

وفي وسط كل هالأفكار رن موبايلها .. وكانت رنة ابوها

روان استغربت .. حست بضيقة .. توه يتذكرها؟؟ توه يصحى ان عنده بنت؟

ترددت بين انها ترد وبين انها تطنش

لكنها قررت ترد



روان: ( تتصنع انها عادية) هلا يبه



ابو روان: شلونج روان؟



روان: الحمد لله .. عايشة .. انت شلونك؟



ابو روان: الحمد لله بخير .. يبه روان ماولهتي على البيت؟





.. روان سكتت



ابو روان: يلا حبيبتي عن الدلع ورجعي البيت لمتى بتظلين في بيت يدج



روان: (تبي تسكته بس) ان شاء الله



ابو روان: عفية على بنيتي .. يالله حبيبتي محتاجة شي؟



روان: لا سلامتك .. مشكور



ابو روان : الله يسلمج .. مع السلامة



روان: مع السلامة







روان بعد ماسكرت من عند ابوها كان ودها تصرخ من القهر .. بعد ما ياب لها كل أغراضها لبيت يدها مثل المطرودة .. ياي الحين يطلب منها انها ترجع وبهالسهولة؟ وفوق هذا حتى مراضاة مثل الناس ماراضاها



روان: آآآآآآآآآآآآآآآآآآآخ يالقهــــــــــــــــــر







طلعت روان من دارها وراحت تقول لخالاتها الي صار .. وكانت امها موجودة



امها (مريم): اقولج شي روّون؟



روان: ( بملل) قولي يمه



مريم: انتي غبية انج تركتي البيت لمرت ابوج وطلعتي .. هذااا بيتج ولج حق فيه .. شلون تخلينه لها وتعطينها الي تبيه؟ جذي اهي نجحت بفكرة انها تنحشج .. يعني في الأخير اهي الي ارتاحت وانتي الي ظليتي متكدرة ومتضايقة





خالتها (هاجر) : اي روان .. كلام امج صح .. شوفي حبيبتي هالبيت مفتوح لج بأي وقت .. بس انج تهدين بيتج وتخلينه لها ترى حدج غلطانة





روان: بس انا مابي ارجع .. البيت صار يضايقني .. ماحسه بيتي ولا ارتاح فيه





امها (مريم) غلطانة يمه .. هذاااااااا بيتج ولج نصيب فيه .. اخذي راحتج فيه مثل ما اهي ماخذة راحتها بعد .. لا تشمتين العذال فيج حبيبتي





روان: تهقون؟





الكل: اي





روان: خلاص عيل باجر ان شاء الله ارجع .. توديني يمه؟



مريم: من عيوني حبيبتي



روان: سالمة عيونج .. يالله عن اذنكم بروح ارتاح





.. راحت روان دارها واهي مقتنعة بكلام امها وخالاتها .. وانها لازم ماتتنازل عن حقها مهما صار .. لأنها لو تنازلت مرة راح تضطر تتنازل طول العمر







... مرت الأيام بشكل عادي على كل البنات .. بإستثناء ان روان رجعت بيت ابوها وكانت تحاول قد ماتقدر انها تتحاشى مرت ابوها على الرغم من ان بعض الأحيان يتكلمون مع بعض .. ومرت ابوها تكون زينة معاها في بعض الأيام .. بس تتقلب على بطنها وظهرها .. احيان زينة واحيان تغث .. لكن روان كانت كافّة خيرها من شرها ودايم بحالها






خلصت فترة الإمتحانات .. وبعدها بجم يوم طلعت النتايج

.. بسيارة ربى .. كانو البنات في طريجهم للمدرسة عشان يستلمون شهاداتهم





لمياء: انا حاملة مادة صدقوووووني .. اكيد ساقطة بالرياضيات



رؤى: وانا بعد اكيد ساقطة بالرياضيات



روان: وانااااااااااا 100% ساقطة بالرياضيات



عليا: اعوذ بالله .. انتو ماتعرفون تتفائلون كلش؟



ريما: اي والله .. خلوني انا بعد أتوتر



لمياء: جبو انتو الثنتين لا تتكفخون اليوم



عليا: ( تتحلطم بصوت واطي) كله بتكفخنا وبس



لمياء: شقلتيييييييييي؟



عليا: اقول الله يستر بس



.. وصلو البنات المدرسة

ووقفو يدورون اساميهم بلوحة الأسامي .. لكن اللوحة كانت تحمل اسامي المتفوقات بس .. يعني من 90 وطالع





عليا: يــــــــــــــــــــــــــــــــــــــــــــــــس .. الحمـــــــــــــــــــــــــــــد لله





لمياء: هاااااااا اسمج موجود؟



عليا: اي 92



البنات: ما شاء الله



لمياء: يلا بنات احنا ماكو امل اسمنا بهاللوحة .. خل ناخذ شهاداتنا من عند الأبلة




.. راحو البنات لعند أبلتهم



لمياء: أبلة قبل لا تعطينا الشهادات.. اكو وحدة منا ساقطة بمادة؟



الأبلة: ( تضحك) اووهـ انتو شلة المرح .. لا محد فيكم ساقط .. كلكم ناجحين





البنات: (بصوت عالي) الحمـــــــــــــــــــــــــــــــــــــــــد لله



.. البنات خذو شهاداتهم بس مو الكل كان راضي عن معدله





لمياء: الحمد لله اني وصلت 80 بطلعة الروح



رؤى: وانا ارتفعت بعد .. وصلت لـ 77



ريما: ( وهي متضايقة) انا 88



لمياء: وليش زعلانة؟؟؟



ريما: لأني كنت 92 لموي



لمياء: الله يجازي الي كان السبب



رؤى: وانتي روّون



روان: 69



لمياء: وي روّون على الاقل جان شديتي حيلج ووصلتيها للـ 70



روان: شسوي بعد .. يالله الحمد لله



عليا: مبرووووووووووك خواااااااااتي



لمياء: مستانسة ها .. حلاية هالويه .. عقاباً لج العشى الليلة على حسابج



عليا: (وهي مستانسة) عشى وغدى وريوق وكل شي .. انااااااااااااااااااا مستانسة طلبو وتمنو



لمياء: جبي .. خل نروح السيارة وانا اقولج طلباتي



عليا: ول .. ماصدقت خبر



الكل : هههههههههههههههههههههههههههههههههه





.. رجعو البنات لبيتوهم والكل راح يبشر اهله بالنجاح


بس رؤى كان عندها احد ثاني لازم تبشره



.. رؤى تكلم خالد



رؤى: خلووووووووووووووود بارك لي



خالد: مبروووووووووووووووك .. عسى النسبة حلوة مثلج؟



رؤى: 77



خالد: كسلاااااااااااااااانة



رؤى : خلوود لا تقوووووووول لي جذي .. انا راضية الحمد لله .. اهم شي تخرجت وافتكييييييييت



خالد: ألف ألف مبروووووووك .. ولج الي خاطرج فيه



رؤى: امممممممم اممممممممم اي شي خاطري فيه؟



خالد: اي .. اي شي



رؤى: ههههههههههه بفكر وبعدين بقولك



خالد: هههههههههه اوكي انا ناطر



رؤى: يلا خلود انا بروح ابشر اهلي .. ترى انت اول واحد بشرته حتى امي وابوي للحين ماقلت لهم



خالد: رؤى



رؤى: هلا؟



خالد: أحبج








لهني وخلص البارت



ناطرتكم بنات :*​