صــرت حريصه ع الفلوس لحد قالو عني بخيله!!!!

[برنسس كاتي]

بالعكسس لا بخل ولا شي مدام ضروفكم المادية تستلزم انج توفرين وقاعده تسوين بزنس وتتعبين
وطلعين فلووس من حقج فلوسج تظل لج وهما ما ياخذون منج الا يدرون اانه عندج حاولي تتعذرين منهم بطريقة حلوه
يعني قوليلهم ما عندي او قاعده اجمع حق السيارة وبعدها الي تبونه اعطيكم او اذا كلش كلش عطيهم 4 او 5 وقولي هذا الي عندي
وعشان محد يحرجج لا تقولين للناس عن هل سوالف ولا تخلينهم يعرفون كم معاج !
والله يوفقج

 

[عبير العنزي]

وآآآآآآآآآي مثلي

بس عاد امي اذا سلفتها مااخذهم منهااا انا

بس اخواني وخواتي اوقف لهم وقفه لووول لين يرجعون الدين

والله انا قلت لهم الدين دين والعطيه عطيه يرجعون فلوسي غصب مو طيب لوول

وحياتي انصحج تتصدقين حتى لو بدينار واحد عشان تصير بركه بفلوسج

وامج قد ماتقدرين لاتبخلين عليهااااا


وبالتوفيق

 

[أم توتو]

مالج شغل بكلامهم ترى ماينفعونج لو احتجتيهم يريال واحد ماحد يطل بوجهج مافيها شي لو جمعتي هذا مو بخل هذا يسمونه الادخار والله يسهل عليج

 

[3war glb]

لا حبيبتي انتي كلش مو بخيييله ا فيييج صفة البخل .... بس انتي عندج مستلزمااااات اهم من الي يبووونه ومالج شغل ابأي أحد

 

[kuwait_queen82]

لا حبيبتي مو عيب انج تشيلين نفسج وتعتمدين ع نفسج هذا انتي شفتي شلون اعتمدتي ع نفسج وقام الكل يحتاج لج خلج حريصة ع نفسج ترا محد نافعج وانتي بحاجة السيارة طنشييييييييييييييي خل يقولون الي يقولونة أهم شي انتي مو قاعدة تسوين شي غلط ولا تضايقين حبوبة

:rerrerek:

 

[FeShinGoOo]

حبيبتي عطيهم بس مو كل مره يطلبون لما تحسين ان وضعج راهي عطي ولما تحسين انه يادوب قولي ماعندي وللاتعلمين احد جم معاج وشنو بعتي وشنو ميمعه