صــفــارات الانــذار الــى مــتــى ؟؟؟؟؟

[MyLittleBerry]

ابي رايكم في التشغيل التجريبي لصفارات الانذار

حطيت هالموضوع

لان صج صار فيني فوبيا الاصوات العاليه والسبه صفارات الانذار

يعني مادري شنو نهايتها احنا الدوله الوحيده اللي تشغلها وجان زين صوته حلو

والله يخلي اللي فيه القلب ينجلط

واللي مايخاف يخاف

اذكر بالمدرسه لا ادري ان بيشغلون صفارات الانذار طول اليوم حاطه ايدي على اذني ميته من الخوف اسمعها

واذكر حتى ويانا وحنا والله بحصه العلوم طاحت غشيانه مسكينه الظاهر ماتدري ان بيشغلونه

وموقف ثاني اذكر وانا حامل في بجري ومادري شالسالفه قعدت من النوم على صفارات الانذار والله ياني طلق ااركض على الدري علبالي في شي امي تقول لاتشوفين ويهج صفففففره من الخرعه

والحين بيشغلونه بعد جم يوم الله يعين عيالي بمدارسهم بيخترعون حرام

يعني شغلوه بس صوت واطي

انا حتى بالافلام اذا في لقطه فيها صفارات انذار والله اطق ال mute


شرايكم انتووو؟؟؟

 

[آطخمـُ عنزيـهِ]

رد : صــفــارات الانــذار الــى مــتــى ؟؟؟؟؟

انزين ليش يشغلونها

كل مااسمع صوتها اتذكر الازمه

وفي ناس ماتتحمل الصوت العالي

 

[مشتاقه لك يبا]

رد : صــفــارات الانــذار الــى مــتــى ؟؟؟؟؟

يوووه والله اختي مسكينه معاناة مع صفارة الانذار والله صار عندها مرض نفسي والسبه الصفاااره

الله يعيين

 

[وجدان الكويت]

انا ماحب صوتها يخوف

بس لازم حبيبتي يجربونها بين فترة والثانية

ومايقصرون قاعدين يعلنون بكل مكان علشان مانخاف

 

[هواجيس الفجر]

رد : صــفــارات الانــذار الــى مــتــى ؟؟؟؟؟

اي يمآآآآ صوتهااا يخرررررررع

تطري على الازمة

الله لا يعوودهااا

 

[MyLittleBerry]

رد : صــفــارات الانــذار الــى مــتــى ؟؟؟؟؟

والله صدقيني نص الناس ماتدري

انا ولا مره سمعت وقريت

الا هالمره اختي اللي مطرشتلي بالايميل

وحاطه العنوان

عزيزتي اختي بخصوص الصرع اللي راح يحوشج ...

تدري اني اموت من الخوف من صوته

 

[كويتية فاصله]

والله آآآآآآآنا أموت خوف منها لو أدري بيشغلونها إذا طقوها قلبي يرقع مره شغلوها وأهلي ماقالولي بيشغلونها عبالي إسرافيل نفخ في الصووووور لا وكنت راكضه بطق أخوي يوم سمعتها قلت ياربي والله مو قصدي أطقه طالعوا الترقيع الله يعينا نتجهز حق الخرعه من اليوم

 

[النصيف]

رد : صــفــارات الانــذار الــى مــتــى ؟؟؟؟؟

والله انا ودي اعرف ليش حنا من بد الدول اللي نشغلها !!!؟؟؟
قبل كانوا كل اول شهر يشغلونها واذكر الكاتب فؤاد الهاشم لما تطنز علي تشغيلها وقال هي ميزتها انها تذكرنا بحزت نزول المعاشات>>>طولتها وهي قصيره عموما اللي يخاف يقرأ آيات السكينه ترا بيرتاح وسانكيووووو حبيبتي

 

[ScarletteO'Hara]

انا مجرد صوتها يذكرني ببداية حرب امريكا على العراق و كنت حزتها بالإمارات ادرس و كل ما طلعت الصفارة على قناة الكويت اقعد اتسمر جدام التلفزيون ارجف من الخرعة
ايام سودة الله لا يردها
بس بالنسبة الي ان احنا الدولة الوحيدة الي تشغلها, انا من رايي لازم كل فترة و فترة يشغلونها
لانه احنا مكاننا حساس و حاشنا غزو من قبل و الاطماع لازالت موجودة للكويت
الي حتى اذا طقوا ايران احنا يمكن يحوشنا طشار
فلازم تشتغل من فترة لي فترة عشان تذكر الناسي و تعلم الي ما يعرف لها
الله يعيننا عليها

 

[فـــخـــر]

اكررررررهاا

لانها تذكرني بالازمه

 

[أساور]

تذكرني بالازمه

 

[نـعومه]

رد : صــفــارات الانــذار الــى مــتــى ؟؟؟؟؟

يالله سترك

 

[وهج الخير]

رد : صــفــارات الانــذار الــى مــتــى ؟؟؟؟؟

نبهتوني يزاكم الله خير
وااااااااي الله يعين يارب

 

[شندوخه]

رد : صــفــارات الانــذار الــى مــتــى ؟؟؟؟؟

منو يحب صوتهم محد فينا وذكرياتها موحلوه الله لايعودها
بس هم تشغيلها التجريبي عشان سلامه الكويت واهل الكويت
خاصه ان الاوضاع السياسيه تغلي وايران مو مقصره مع نووي بوشهر

 

[وصيّه جــــابر]

رد : صــفــارات الانــذار الــى مــتــى ؟؟؟؟؟

واي ما اداني اسمعها تجيني رجفة ،و اتذكر صواريخ صداموووووه
و عاد حرب امريكا ع العراف والتجهيز كنا نسمعها كذا مره بالاسبوع

 

[G!RLooNa]

امبيه بنات طلعتو كلكم تخافون ليش انا منعدم عندي الاحساس ماخاف خخخخ ما حفظتو السيناريو كله تجريبي

لا عيل لو تييون عندنا الكليه لازم كل يوم مو بس كل يوم باليوم جم مره يشغلون صفارت الحريجه لووول طبعا انا اول سنه صبت عظامي بعدين عرفت انه وضع طبيعي

 

[Dr.Nouf]

امبيه بنات طلعتو كلكم تخافون ليش انا منعدم عندي الاحساس ماخاف خخخخ ما حفظتو السيناريو كله تجريبي
لا عيل لو تييون عندنا الكليه لازم كل يوم مو بس كل يوم باليوم جم مره يشغلون صفارت الحريجه لووول طبعا انا اول سنه صبت عظامي بعدين عرفت انه وضع طبيعي

ههههههههههههههههه تصدقين نفسي ؟!!! :d

 

[CALM]

رد : صــفــارات الانــذار الــى مــتــى ؟؟؟؟؟

ما تخوف بس صوتها يبط الراس

اشوا ما شغلوها الا بعد عيد ميلادى بيوم :\

 

[♥ąϻᴑŁ♥]

وآآآآآآآآي صج صج مــآآآآآحب صوتهـآآ واخآآف منه

 

[jod.q8]

رد : صــفــارات الانــذار الــى مــتــى ؟؟؟؟؟

ما اخاف منها بس صوتها قوي

عاد بيتنا عند مدرسه و مخفر .. الله يعيني عالصوت